امي ماتحب بنتي

عنوان الموضوع : امي ماتحب بنتي
مقدم من طرف منتديات نساء الجزائر

امي ماتحب بنتي



السلام عليكم ورحمة الله وبركاته

انا متزوجه من سنتين تقريبا وعندي بنوته الله يحفظها عمرها سنه بس
ماعندي الا اخ بس اصغر مني
امي ماتحب بنتي ابدا دايما تدعي عليها مثل الله يلعنك حسبي الله ونعم الوكيل فيكي تضربها وتصيح عليها انتو تعرفو الطفل في دا السن يحب يشوف ويكتشف امي وابويا لااااا يبغوها جالسه بس حتى ولا نفس دايما يصيحوا عليها وتبكي تقول امي انتو ايش من تربيه دي لازم تضربوها وتقعد تعصب وتقول بنتك شيطانهربنتك سم ايش هذا اعوذ بالله وتقول والله لاضربها والمشكله بنتي تحزن والله ماهي شقيه والله بس تبغى تلعب وتحب امي احزن عليها اشوفها تجي عندها وتمد يدهاا يعني امسكيني وامي تقولها ايش في يلا انقلعي عند امك انا مو امك وتدفها وبنتي متعلقه فيها مدري ليه بس احيانا تلعبها وشويه تقلب احس اني كرهت امي وماعد اطيقها من وانا والده كنت اترجاها ترضع بنتي لاني تعبانه والده بعمليه تقولي موفاضيه او انا رايحه تخترع عذر ايش اسوي معاها والله انقهر لما اسمع وحده تحط عيالها عند امها وتروح مشوار ولا تسوي تغيير هي وزوجها اما انا مستحيل تمسكها يوم كنت بخرج والبنت لسى صغيره 4شهور والسوق شعبي وزحمه وحر قال ابويا خلاص خليها هنا يقصد امي تمسكها والله ياناس لو تشوفو وجهها انقلب وكانها تقول لابويا طيب انا اوريك ليه تورطني حتى زوجي لاحظ انها عصبت ولما رجعت قالت والله زي ماابوكي ورطني رميتله بالبنت وماخلته ينام وانا طنشته عشان ثاني مره مايعيدها وتاني موقف واحنا معزومين عندها عالغدا ونتكلم عالحج قال زوجي انا بروح الحج طبعا وانا مااقدر بنتي صغيره المهم مع الكلام قال خلاص نخلي البنت عند امك ونروح سوا طالعت بعصبيه وقالت لااااااا شيلوها معاكم مارح تموت الناس شايلين اللي اصغر منها لالالا ماابغاها
وفي فتره اتزاعلنا انا وزوجي كان عمر بنتي شهرين وقتها جيت عند اهلي لقيت ابويا زعلان ليش شلتها ومارميتها لابوها قال والله انا مو مكلف في بنت الناس اجيب حليب وحفايظ ليه مايعطيكي مصروف يلا رجعيها له ورحنا الشقه طبعا مافتح الباب قال خلاص ارميها لاخته ووداني اعطيها اخته وانا ابكي وابويا معصب يقوول بنته ياخذها ايش ابغاها وشويه كان بيضربني تحسو ان اهلي طبيعيين انا مستغربه في ناس كذا هذي حفيدتهم وبنتي مو بس بنت ابوها كل مايسير شي بنتك ملقوفه بنتك هبله بنتك عندها حالات زي ابوها واهله والله صرت استحقرهم ومااجي عندهم الا عشان يعزمونا غدا بس ايش رايكم كيف اتعامل مع الموضوع

>>>>> ردود الأعضـــــــــــــــــــاء على الموضوع <<<<<
==================================

شووفي يااختي انا بعطيش حل يمكن يساعدش او لا الله اعلم اذا امش اعزمتش لا تروحيلها خليها شوي تحس انك زعلانه عليها واذا سئلتش قوليلها السبب انا اختش في الاسلام تهاني

__________________________________________________ __________

اولا 00الله يخلي لك بنتك ان شاءالله ويبارك لك فيها وتشوفينها عروسه يارب
ثانيا0000
انا احس ان الموضوع عادي 00ترى اغلب الامهات لما يكبرون بالعمر شوي وعيالهم صاروا كبار خلاص يكون صار عندهم تشبع من هم الاطفال وشقاوتهم 00يعني ما يصير عندهم تقبل لأي شيئ يصدر من الاطفال 00تحسينهم يصيروا عصبيين لاتفه الاسباب ويكرهون الازعاج ايا كان نوعه 00
ومو كلهم انا قلت اغلب الامهات00
وفي نوع من الامهات يكون عندهم الحنان زايد شوي وممكن انها تتقبل ترجع تربي من اول وجديد في احفادها

ويمكن امك تكون من النوع الاول 00لكن هذا ما يعني انها تكرهها 00ابدا ابدا لايمكن يكون هناك شخص عاقل يكره طفل 00(الا اذا كان شخص مو طبيعي00)فمابلك بهذي امك وبنتك حفيدتها
هي المسأله ومافيها ان امك ممكن تكون حادة الطباع شوي 00وما عندها استعداد للتعب حتى لو كان لبنتها
والدليل انك تقولين كانت تلاعبها شوي وبعدين تقلب عليها 00هذا يفسر ان امك ما تكره بنتك ولكن كما ذكرت امك من النوع الحاد الطباع شوي 00ومو من النوع اللي عاطفتهم تظهر بسهوله

الحل انك تتقبلين هذي الفكره وتعتمدين على نفسك في تربية بنتك 00وحاولي تخففين من زياراتك عندهم لغاية ما تكبر بنتك شوي وتصير تفهم عليك لما تقولين لها اجلسي او اسكتي ومن هالكلام
وهذا احتراما لمشاعر امك اذا كانت الى هذي الدرجه ما تحب ازعاج الاطفال

ولا يجي في بالك ابدا انك تكرهين اهلك بسبب هذا الموضوع 00انتي صرتي ام وعرفتي شنو يعني حب الام
وثقي دائما بأنك زي ما تحبين بنتك امك وابوك كمان يحبونك 00ولكن تبقى هناك فوارق في اختلاف الشخصيات 00هناك من يظهر حنانهم بزياده 00وهناك من يعتدل في اظهار ذلك 00وهناك من ينعدم وجود ذلك على شخصياتهم الظاهره لنا

وربي يسعدك انتي وبنوتك الحلوه

__________________________________________________ __________

اختي نصيحة لا تروحين لهم وخليك فبيتك عشان بنتك الله يخليها لك
بعدين زي ما يقول المثل ما اغلا من الولد الا ولد الولد وشي غريب ان اهلك يعاملو بنتك كده
يمكن اختي زوجك سوى موقف يزعل اهلك وهو اللي خلاهم يسووا كذا
خليك فترة ولا تروحيلهم وهي رح تسالك وانت قوليلها عشان ما اضايقكم من بنتي وهم رح يفهموا
ومهما كان اختي هذول اهلك ومو لازم تكرهيهم الله يحنن قلب اهلك على بنتك ان شاء الله ويحنن
قلب بنتك عليك لما تكبر ان شاء الله وتنفعك

__________________________________________________ __________

شوفي اختي نصيحة والله بنتك خليها معكي واذا مرررررررره مضظره بنتك تخليها عند اهل زوجك انا تقريب المشكله زيك واياكي ثم اياكي تزعلي من زوجك وتروحي بيت اهلك هذا انذر من ربك انا اهللك ماراح يتحملوكي بالمره ويحرموكي من عياللك قليلي زياراتك ليهم وحولي مطولي الجلسه وبنتك خليها مع زوجك الساعتين الي بتجليسها وتحجيجي بيبنتك وهم راح يحسوا بعدن لما مرره مايشوفها

__________________________________________________ __________

انتي خليك باره في امك اكثر واكثرر

يعني لما تروحيـن عندهـاا همزي يدها ودلكيهاا لهاا

وحاولي انك تريحينها مرررره

وانتبهي لبنتك لاتصير شيطانه

واذا خربت البيت لا تروحين بيت الا وانتي امصلحه كل الي خربته بنتك

ولا تخلين بنتك عند امك مهماا ا يكوون

بس انك تكرهين امك ؟..

انتي جالسه تسوين نفس الغلط الي تسويه امك الله يصلحـك

وادعي داايم وحتى في صلاتك

والله يوفقك