عذرا يا زوجي العزيز لم أستطع نسيان خيانتك لي مجابة

عنوان الموضوع : عذرا يا زوجي العزيز لم أستطع نسيان خيانتك لي مجابة
مقدم من طرف منتديات نساء الجزائر

عذرا يا زوجي العزيز لم أستطع نسيان خيانتك لي



السلام عليكم انا عندي مشكلة وان شاء الله الاقي الحل عندكم، أنا عمري 29 سنة متزوجة من 6 سنين وعندي ولد، زوجي احبني من أول نظرة، بس أنا حبيتو بعد عقد القران والخطوبة، المهم في شهر يوليو مرة دخلت عل مسنجر زوجي وصندوق رسايلو وجدت انو بيراسل وحدة وعامل معها علاقة انصدمت لأن زوجي ذلك الملتزم الطاهر بيعمل هالشي، ما عرفت كيف اتصرف استمريت أدخل المسنجر حتى صادفت مرة أنو بيتكلم معها، كان كلام عادي بيناتهم، كلمتو سرا بالمسنجرمشان أعرف شو ناوي مع أنو مو عارفني قال أنو بدو يتزوج مرة ثانية مع أنو بيحب مرتو الأولانية، ذهلت لما قالي هالكلام، صارحتو بعلاقتو بالبنت وقال وان علاقة عادية أي صداقة وما فيها شي وبدأ يصرخ ويقول شو شفتيني نايم معاها ولا بكلمها في التلفون، لا تزيدي تفتحي الموضوع معاي ترى راح تصير حياتنا جحيم وندخل في دوامة وووو مع أني والله كلمتو بكل لطافة وأدب، بكيت من قهري وزعلت وهو ولا كأنه صار شي واستمروا بعلاقتهم وانا كاتمة بقلبي، صار نفس الشي في ثاني يوم من رمضان وعملت نفس الشي ودخلت المسنجر لأنو الشك قتلني، ولقيتهم بيتكلمو وخربت عليهم الكلام لاني ما عرفت شو أعمل واتصلت بزوجي وانا أبكي بحرقة على اللي عملو وقال لي اتركيني وبعد عني وخليني عيش حياتي مثل ما بدي وسمعني كلام جارح وانا قلتلو حسب الله ونعم الوكيل، لما اجا عالبيت بدأ يتكلم معي كأنو حس انو زودها معي شوي، ومن هداك اليوم بطلت اتكلم معاه وطنشته بس هو يكلمني ويضحك معي بس انا ولا كأني معه، فكرت كتير ولقيت احسن شي اكلم البنت، وبالفعل كلمتها من ورا زوجي، وسألتها كم سؤال عليه وقلت لي انو مافي شي واحنا اصدقاء وبس وقلتلها وصورك اللي بعثتيها قالت لي عادي بين الاصدقاء ونادتني يا بنتي لأنها عمرها 45 سنة وزوجي عمرو 31 سنة، صدقتها من كلمة يا بنتي لأن عندها بنت في سني، وبدينا نحكي مع بعض واستسمحت منها لأني يمكن جرحتها، وصرنا صديقات بعلم زوجي وبحضوره، اتكلمت معاها كتير وقالت لي انها راح تتزوج بعد العيد وهنيتها، وصرت استرجع الثقة بزوجي شوي شوي، باواخر رمضان انقطعت فجأة صرت ابعث لها رسائل بس هي ما ترد قلت يمكن تكون مشغولة بزواجها ماراح اعطلها (هذا من طيبة قلبي، والإحساس بالناس)، على العموم بعد العيد بـ 10 ايام أخذت تلفون زوجي مشان أكلم معلمة إبني في أمر، لقيت رسالة منها بتقولو فيها " كيفك حبيبي اشتقنلك كتير بحبك وبموت فيك " حسيت وكأنو أحد طعني بظهري وكنت صايمة هداك اليوم، كنت ارتعش وهو كان نايم، كنت بصفة ورجعت بصفة تانية سكتة ومذهولة، ما حبيت بين الأمر لزوجي حتى يكتشف لحالو، بس ضل عادي وكأنو ما في شي بس شك أنو في شي مو طبيعي من معاملتي الجافة له بس ما قلتلو احيانا بيشوفني أبكي بس انكر وقول انه ما في شي، سألني اذا كنت قريت الرسالة قلتلو ايه قرأتها، قالي ما في شي اللي في بالك هي تتكلم هيك عادي وفي شغل بيناتنا لا يروح راسك لبعيد ووو ، قلت يمكن معه حق (من طيبتي وخيبتي).
يومين وكنت رايحة عند أهلي، جاتني فكرة انو اعمل برنامج تجسس حتى يكون عندي دليل إدانة فقط، والله ما حسيت بشي كأنو وحي ونزل وقالي على هالبرنامج وعملتو كان سري طبعا، لما اجيت على بيتي اتذكرت فجأة انو كنت عاملة برنامج، وشفته وشفت بلاوي كلمات حب ورومانسية ووعود صرت ابكي بهستيريا وسجلت المكالمات في ملف خاص حتى يشوفها، واتصلت عليه وقلتلو " شو جزاء الكاذب في الدنيا قبل دار الآخرة " قالي شو فيه كمان قلتلو خلص عرفت كلشي وهو بينكر وسكرت التلفون
اجا عالبيت وكلو غضب طبعا على البرنامج ، لأنه كان فاكر نفسه هو اللي بيعرف كل شي وانصدم اني بعرف انا كمان برامج في الكمبيوتر وصار يهدد ويوعد، وحلف على القرآن انو قطع علاقتو بيها في نفس اليوم اللي رحت فيه على بيت أهلى، قلتلو بعد شو بعد ما ضحكتو واتمسخرتو علي حسبي الله فيكم جميعا، وعيوني ما نشفت من الدموع وكارهة زوجي، بس يومين بعد هالشي صار يتقرب كتير ويعاملني مليح اكتر من الاول ويلبي كل طلباتي ما حبيت أصده بس ما حبيت تكبر المشاكل بيناتنا بس انا لساتني زعلانة كتير ومقهورة حتى لما يريدني في الفراش البي طلبو بس اتذكر كل شي لما اكون معاه بغمض عيني واقول الله بياخد لك حقك منه ومنها وانا طبعا ما قصرت معهم ارسلت رسايل للبنت وليه كمان وبهدلتهم اخر بهدلة واللي قاهرني انو ما اعتذر مني وبيقرب مني كتير حتى ينسيني، بس انا مارح انسى ولو بعد 100 سنة، اللي قاهرني لحد الآن انو ولا مرة اعتذر مني وحاسس انه ما عمل شي حتى يعتذر بس شريط الذكريات كل يوم يمر علي خصوصا لما كون بالبيت لوحدي، وحلفلي 100 مرة انه خلص انتهى الأمر، بس انا والله كل يوم وكل ساعة بتذكر كل شي صار، حاولت انسى الهي نفسي بمواضيع مختلفة خصوصا في النت، غيرت من نفسي تسريحتي، لون شعري (لأني انا من النوع اللي يحاسب نفسه كتير) قلت يمكن في يوم من الايام قصرت معه بدون قصد، بس هذا مو سبب يخليه يخونني حت هو كان مقصر معي في اشياء كتيرة بس ما خليت نفسي اروح لشي مو منيح، وعلى فكرة مو أول بنت يتكلم معاها بالنت يعني لقيت في سجل المحادثات بلاوي بس ما قلتلو، فقدت الثقة في نفسي وفيه بعد ما كنت اثق فيه ثقة عمياء.
اخواتي انا حكيت لكم المشكلة لأنه ما قدرت أنسى، يعني لو حكالي كل شي واعتذر مني كان ممكن اتغاضى، بس ولا شي عملو من هالشي، واللي قاهرني وألمني كتير انه مضحكو علي واستغفلوني بس انا ما راح اسامحهم، هو يعاملني بكل لطف وحنان وانا كمان بس نسيان ما بقدر، ارجو منكم تردوا علي وتنصحوني والله يرزقكم الفردوس ان شاء الله وآسفة على الإطالة بس حبيت تكون القصة واضحة ومفهومة

>>>>> ردود الأعضـــــــــــــــــــاء على الموضوع <<<<<
==================================

الله يكون في عونك انا مريت بها التجربة والي الان وبعد مرور حوالي3سنين لم انسي الاسي الي عانيته فانا عندي اربع اولاد ومتزوجة من 12 عاما وعمري الحين 31 سنة بس انا مالي حد احكي له وانا اعيش معه في جده والي الان لن ترجع الصقه بيننا وغير كلمه السرلعدم دخولي موقعه وبقي يمسح سجل مكالماته لكي لااعرف عنه شي حتي حسابه بالبنك دلوقي بقي يخبي عني كل حاجه بس انا كمان بقيت من القهر اللي انا بيه ان امسك التليفون علشان لو شفت شي بيبان علي وفعلا بحس كان سكين اتغرز في قلبي معلش طولت عليكي بس اصبري واحتسبي لان الكلام مش بيجيب نتيجة وحتي لوناقشتي دائما بتكوني انتي مخطئة وهو الصح فاصبري واحتسبي وفوضي امرك لله وربنا يهدي زوجي وزوجك

__________________________________________________ __________

مرحبا اختي . انا قرأت مشكلتك للنهاية والواضح من كلامك انو زوجك بحبك وبنفس الوقت زوجك من النوع المزاجي واللي ما بيحب يعترف بأخطائو للاسف كتير من النسوان بيعانن من هالمشكلة مو انتي بس وبالنسبة للست اللي بيحكي معها لا تخافي صدقيني بس بيكون مزاج وهو نفسو بيكون بيحتقرها وانا نصيحتي الك انك تحاولي تتزكري الجوانب الايجابية عند زوجك مشان تئدري تستمري بحياتك معوووو واعطية فرصة وكوني انتي احسن منو والنسيااااااان نعمة كبيرة ربنا اعطانا ياها. وانشالله الله بيهدي زوجك يارب ويسعدكم ويبعد عنكم المشاكل .وتحيتي الك

__________________________________________________ __________

الله يفك ضيقك ويهدى زوجك ويسخر لك

__________________________________________________ __________

المشاركة الأصلية كتبت بواسطة nadeen ragab https://said.xplainer.net/sedty/buttons/viewpost.gif الله يكون في عونك انا مريت بها التجربة والي الان وبعد مرور حوالي3سنين لم انسي الاسي الي عانيته فانا عندي اربع اولاد ومتزوجة من 12 عاما وعمري الحين 31 سنة بس انا مالي حد احكي له وانا اعيش معه في جده والي الان لن ترجع الصقه بيننا وغير كلمه السرلعدم دخولي موقعه وبقي يمسح سجل مكالماته لكي لااعرف عنه شي حتي حسابه بالبنك دلوقي بقي يخبي عني كل حاجه بس انا كمان بقيت من القهر اللي انا بيه ان امسك التليفون علشان لو شفت شي بيبان علي وفعلا بحس كان سكين اتغرز في قلبي معلش طولت عليكي بس اصبري واحتسبي لان الكلام مش بيجيب نتيجة وحتي لوناقشتي دائما بتكوني انتي مخطئة وهو الصح فاصبري واحتسبي وفوضي امرك لله وربنا يهدي زوجي وزوجك

شكرا ليكي حبيبتي وعلى تفاعلك معي والله زعلت كتير لما قريت ردك يعني ليش بيعملو هيك بيكذبو ويخونو واحنا علينا الصبر والله هذا ظلم بس في الله ان الله يمهل ولا يهمل، الله يصل زوجك ويهديه يا رب

__________________________________________________ __________

شكرا عزيزتي على طرحك لهذا الموضوع بصراحه انا كمان صار هالشي معي من 3 سنوات ونص وجوزي على اساس تاب بس من يوها وانا مو قادره ابعد صورة الخيانه من بالي
الله يوفقك ويصلح بينك وبين زوجك يا رب .........