الإهمال أتعبني -لصحتك

عنوان الموضوع : الإهمال أتعبني -لصحتك
مقدم من طرف منتديات نساء الجزائر

الإهمال أتعبني



السلام عليكم ورحمة الله وبركاته
مشكلتي يأخواتي قد تكون بسيطة في نظر البعض لكنها مؤلمة بالنسبة لي

دائما في الإجازات أكون عند أهلي سواء طالت الإجازة او قصرت لكن يابنات خلال هذه الإجازات زوجي مايكلمني الإ نادرا وانا دايم الي أتصل وأسأل عنه لاني اقلق عليه إذ طول ماتصل لكن هو ولا همه وهذا الشئ يحز في نفسي كثير خاصة إني أشوف أخوي يكلم زوجته يوميا وأكثر من مره ونفس الشئ أختي لكن هذا إذا أتصل مره في الأسبوع وكأنه متفضل علي والله هذا الشئ يحز في نفسي كثير عاتبته قال إذا كلمتك أتعب وأقعد أفكر فيك بالله هذا عذر!
هذا غير مواقف كثيره كنت مره في نفس المدينة اللي فيها أهلي وأهله في مدينه ثانية قريبه من أهلي كان يطلع من المدينه الي فيها وظيفته ويروح لاهله يزورهم ولا فكر يجي يطمن علي لاني بالفعل كنت جدا مريضه .. وموقف ثاني يابنات كنت مسويه عمليه ف المستشفى هو اللي دخلني وكان في رمضان وصادف إجازة تخيلو يابنات نزل لأهله يكمل رمضان عندهم ويعيد معاهم وأنا ف المستشفى مع أمي لولا إن ربي رحمنا بأبوي الله يرحمه كل ماذكرته انهى الإجرات وخرجني من المستشفى حتى الدكتور كان يقول لأبوي فين زوجها بينهم مشاكل ؟ لاته شافه أول ليلة ولاعاد شافه وانا ماشفته غير بعد العيد ولمعلوماتكم يابنات انا كنت عند أهلي عشان وظيفتي يعني ماكنت عايشه معاه ذيك الفترة في نفس الليله اللي جاء فيها دخلني المستشفى يعني حتى مأمداه يقعد معي ومادخلني غيره لان أبوي كان مسافر ومع كذا راح وخلاني وهذا الموقف مأنساه طول عمري أحسه جرح بقلبي. المهم يابنات انا تعبت من ها الإهمال وتعبت من العتاب هل معي حق لو افكر في الطلاق؟ اعذروني على تداخل الكلام وعدم تنظيمه ..

>>>>> ردود الأعضـــــــــــــــــــاء على الموضوع <<<<<
==================================

انا انصحك انك ماتفكرين في الطلآق واجعلي الطلآق آخر عذر تفكرين فيه اذا كنتي ماتبين تهدمين بيتك
وانك تصآرحينه وتسالينه وتقوولين ان اعذاره عايديه موولدرجة انه مايتصل عليك الله لهدرجه يحبك ومايبك وانك راح تشغلين باله هذا موووعذر لوو يحبك كان تطمن عليك وانتي اساليه وشووفي وش يقووول وبعدين استشيري اهلك..

__________________________________________________ __________

صباح الخير
حبيبتي بما انك قلتي تعبت من العتاب
طيب هل قلتيله اني ماراح اقدر اتحمل اواستمر
يعني هل لمحتي بموضوع الطلاق قبل كذا؟
واذا اي وش كانت ردة فعله؟

__________________________________________________ __________

الله يعينك

__________________________________________________ __________

يابنت الناس خليك معه أحسن لك وفكري بشي الحلو الي سواه لك وتركي عنك الخربيط مايتصل أنتي أتصلي عادي زوجك

__________________________________________________ __________

تطلقي ذا عليه برود قسم يقهر ..
تبين الصراحه شكله مايبيك ....
قسم قهر اجل وش فايدة الزواج بس اسم
عني لو اني مكانك اتطلق وش ابي واحد لاجسم ولا روح الله يغنيك عنه