عنوان الموضوع : ممكن تواسوني ولو بكلمه
مقدم من طرف منتديات نساء الجزائر
ممكن تواسوني ولو بكلمه
السلام عليكم ورحمة الله وبركاته
اخواتي انا اقول مشكله ولا اظنها مشكله تنحل لانها خلقة الله سبحانه وتعالى بس ممكن تقولون مواساه لي او اي احد يحس بالاحساس اللي انا اعيشه انا عمري 25 سنه وعندي ولدين من تزوجت وانا ملابس مهما كانت انيقه وحلوة وفخمه دام هي علي ماراح تكون حلوة حاولت البس مثل باقي البنات واتعدل واشوف جمالهم ماشالله عليهم وجمال الاجسام واقول الحمد لله علىلا كل حال
المشكله مو فيني الحمد لله راضيه باللي ربي عاطيني اياه المشكله بزوجي واخته واهله يناظرون من غير لا يتكلمون على ان جسمي ابدا مو حلو واذا ماناظرو صارو يتكلمو بالالغازز او تقدرو تقولو يعني يتقصدوني
مشكلتي هي جسمي مافي اي شئ من الانوثه كتوفي عريضه وصدري صغير مرره ومنطقة الوسط عندي ضيقه ولا في اي بروز ومع ذلك عظم الخواصر بارز مع ان مافي اي عرض بالوسط وجسمي نحيف ما يزيد مهما اكلت بس العرض اللي فيني بارز جسمي ووحتى الافخاذ اللي يبرزون انوثة البنت انا حتى لو زاد وزني ما يسمنون الا شئ بسيط
وكلما لبست شئ ما يطلع حلو علي ولو البس شئ فخم وحلو يبيخ من شكل جسمي
انا قلت الحمد لله اهم شئ صحة الانسان وعافيته بس زوجي يقول كلام يغثني ويحسسني ان مافيني شئ حلو مع ان فيني اشياء حلوة مو كل شئ قبيح ولا حلو
واحس انه يحلم بزوجه مليانه ومعالم الانوثه فيها بارزه وواضحه وكلما شاف لابسه شئ ما يعلق وان علق غثني ماقولل لكم هو غثيث بس يقول كلام وانا احس انه يقصد جسمي وهو مايبي يقول ان جسمي مو حلو بس تصرفاته واضحه جدا ان هذا مقصده
صرت احط اشياء تعرض الوسط عشان يبين شكل البنطلون او اعدل في جسمي احط اشياء بس ابيه يشوفني حلوه او يحسسني بشئ ان فيني جمال بس مااحس انه يعجبه شئ فيني ومن تزوجت ولا مره تغزل بشئ فيني ولا قال ان شئ اغراه فيني مع اني البس اشكال والوان حتى لو الجسم ما يساعد بس بياض الجسم والنعومه وهالاشياء لها دور بعد بس ماحس ان فيني شئ حلو حطم كل شئ فيني واحساسي بأنوثتي
واتوقع انه يشوف خواته يلبسون كل شئ قدامه ما يستحون البنطلونات الضيقه اللي تفصل كل شئ تلفت الانظار اجسامهم ويلبسون قدامه غصب الواحد يطالع مع انه ترى من النوع اللي ما يطالع في بنات ابدا بس اتخيل بعدين بيتزوج علي لان ماكفيت اي شئ يرغب له من معالم الانوثه بس هو يحبني لاني قايمه فيه واحبه موت واحس حبه له لان يشوف الحب اللي احبه والتضحيه وكل شئ عشانه يعني ماحبني الا لما شاف شنو انا اسوي عشانه
وعلى فكره زوجي جميل ووسيم وجسمه رووعه وهذا اللي مخليني اشوفه انه ما يعجبه شئ فيني
واهله وخواته دايما يغثوني بكلامهم اذا بيتكلمو عن شئ ملابس او غيره وهم يشترون واقول مثلا نفسي اشتري نفسه يقولوا ما يناسبك
كتوفك عريضه او مافيك عرض بوسطك - جسمك مافيه بروز من الخلف- صدرك صغير كلامهم يقطع قلبي واحس مخنوقه من كلامهم صرت استحي البس اي شئ وفي المناسبات اتعب وانا اشوف شئ يعرضني من تحت ويصغر كتوفي
افيدوني ولو بكلمه
>>>>> ردود الأعضـــــــــــــــــــاء على الموضوع <<<<<
==================================
ياقلبي الله يكون بعونك
خليك واثقة من نفسك ولا تهتمي بكلام احد اذا جسمك بدين خففي سوي رياضة مشي لو خلقة ربي لا تتضايقي لأن هذه خلقة ربا العالمين وهم ليسوا اعلم واحكم من الله تعالى اتركيهم لخالقهم ولا تهتمي باقلبي بكلامهم اهم زوجك خليكي قريبة منه بكل لحظة وصدقيني اذا كان يحبك ما راح يهتم باي كلام ولا ينتقد خلقتك وادعوا الله لكي بالسعادة وراحة البال
لاتنسيني من دعوة بظهر الغيب ان ييسر الله امري ودراستي ويجمعني بمن احب عن قريب
__________________________________________________ __________
شوفي حبيبتي اولا خلي ثقتك بنفسك كبيره انك اجمل انسانه
ثانيا حاولي تستشيرين خبيره ملابس عشان تخفي عيوب جسمك وتضهر محاسن جسمك الي ان متاكده انك جميله جميله
ثالثا الاستغفار الاستغفار الاستغفار
__________________________________________________ __________
اللهم اجعلني قرة عين له واجعله قرة عين له
وحااااولي انك تثقي في نفسك وفي نفسك عشاان اللي حولك يشووفووه ويحسو فيه
اعملي ريااااضه كثير عشان الريااضه تشد الجسم
الاجانب المختصين يقولوا لاتوجد امرأء غير جميله ولكن توجد امرأه لاتعرف ان تستخرج جمالها
__________________________________________________ __________
اللهم اجعلني قرة عين له واجعله قرة عين له
وحااااولي انك تثقي في نفسك وفي نفسك عشاان اللي حولك يشووفووه ويحسو فيه
اعملي ريااااضه كثير عشان الريااضه تشد الجسم
الاجانب المختصين يقولوا لاتوجد امرأء غير جميله ولكن توجد امرأه لاتعرف ان تستخرج جمالها
وعليك بالاستغفار
__________________________________________________ __________
الله يفرجها عليك وترى الدنيا فانيه مافيه أحد مبسوط دوم
أكثري من الأستغفار ترتحين نفسيا
أهم شي الأخلاق مو الشكل
