ارجو المساعده والمشكله اختي اله يهديها الطبيب يجيب
عنوان الموضوع : ارجو المساعده والمشكله اختي اله يهديها الطبيب يجيب
مقدم من طرف منتديات نساء الجزائر
ارجو المساعده والمشكله اختي اله يهديها
السلام عليكم ورحمة الله وبركاته
راح اعرض مشكلتي عليكم وابي المساعده وهذي اول مشاركه لي
المشكله هي اختي
اختي الله يهديها عمرها 36 سنه متزوجه ولها بنت جميله
لاكن الله يهديها من زمان لما كانت بنت لها علاقات برجال
رغم اننا من عائله محافظه وحتى البلد اللي احنا فيه مافيه هذي العلاقات
بس يعني اذكر لما كنت صغيره كانت تصير مشاكل من ها النوع والسبب هي
المهم بعد ماتزوجت المشكله انها استمرت على هذا الشي
تكلم شباب وتحب تطالع فيهم يعني بجرائه
وصارت مشاكل كثيره اول ماتزوجت من اهل زوجها بس هي مازالت على هذا الحرام
المهم انا اللي خايفه منه انها تجر زوجي
انا توني متزوجه لي سنتين واذكر اول ماتزوجت كانت تقول زوجك حلو عاجبني ومن ها الكلام بس اخذت الموضوع بجديه وقلت والله لاقول لاخويهالكلام سكتت وخافت
بس انا دايم لااظهر محاسنه امامها احاول اظهر شي موفيه وانه شديد
المهم ترى حتى احلام احلم فيها انها تحاول تستثير اهتمام زوجي والله يابنات من اول ماتزوجت لدرجه ممكن في الاسبوع ثلاث مرات احلم
الهم هي هالحين تحاول تجيني من غير ماتتصل وتديني موعد انها بتجيني
واحس غرضها رؤيت زوجي
مره كنت مو موجوده في بيتي عند اهلي وزوجي كان عنده عمل
جات لحد بيتي ودقت الجرس بعدين جات لاهلي وقالتلي جيت دقيت عليك اتاريك هنا
المهم قبل يومين كان عندي موعد لبنوتي ورجعت وانا تعبانه بقوه وكنت اصلا يومها مريضه يعني مافيني استقبل احد
جيت من المستشفى صلاه العصر صليت ونمت ولما دريت وان زوجي فتح الباب لها يقول اختك عند الباب استغربت واطالع في جوالي وانه مافيه اتصال
قمت من النوم وانها هي استغربت قلتلها ليش ماتصلتي علي قالت ماعندي رصيد
مره حقدت وقتها وعرفت نيتهابس انا مابي اشك في زوجي كنت ارى ملامح الضحك على وجهه ماني عارفه
المهم جلست وظيفتها وتعشينا ولما زاد من العشاء قلت باحط لعمتي منه هي تحتي
وارسلت بنتها توصله لها المهم قالت بنتها ماعرف افتح الباب قلتلها عادي ياقلبي افتحيه انتي كبيره قالت لاقومي قلت والله مافيني لاني اصلا كنت تعبانه معدتي تئلمني
قالت خلاص خلاص انا اقوم اقولها ارجعي زوجي هنا تقول لا افتحلها الباب
وراحت وهي لابسه لبس مره عريان وبنطلون ماسك برمودا
بس الحمد لله زوجي مقفل على نفسه في غرفة الكمبيوتر جالس على النت
وقلتلها لاتخرج الا لماتتصل على جوالي قال تيب
بس خفت برضوا لما راحت فتحت الباب
المهم انا مره خايفه منها انها تجر زوجي هي شيطانه والله
رغم انها لاتملك ذاك الجمال بس مادري ليه يتجهون لها الرجال ويكلمونها
ابيكم تنصحوني كيف اتعامل معها خصوصا اني مابيها تجيني بدون موعد
وكيف اتصرف معها
على العلم انا نصحناها كثير يعني من بعيد انه اللي تكلم حرام وربي راح يكشف سرها قريب ومن هالكلام بس ماينفع معها شي
اتمنى من الجميع الرد على الموضوع وكمان الدعوه لها بان الله يهديها
>>>>> ردود الأعضـــــــــــــــــــاء على الموضوع <<<<<
==================================
ما دام إختك من النوع اللي قلت عليه ماله داعي تذكريلها محاسن زوجك لأن الأذن تعشق قبل العين أحيانا ، كمان لا تنسي إنك تنصحي إختك على وعسى الله يهديها ، ولا تنسي تحافظي على الرقية الشرعية والأذكار لأنها درء لك من كل شر ......
__________________________________________________ __________
حسبي الله من اخت ..
والله يا اختي مشكلتج وااايد صعبه ومحد بيحلها الا اهلج اذا عندج اخوان يكلموها بجديه ..
او امج او ابوج ..
واذا ما نفع ما فيه الا ريلها تخلي حد من الاهل يكلمه ..,,,
وانتي لاتذكرين اي شي من محاسنه ولاتقولين جدي << لان حتى ها طبع حلو للريال الجديه ..
لاتكلميها عنه ابد ..
وادعي الله يهديها ويصلحها ..
وانتي كلميها قوليلها لاتيي بيتج بدون ما تقولج ..,, قوليلها عييب يمكن انتوا مو موجودين او مشغولين ..,,
والله ماعندي شي اقولج اكثر عن جي الله يهديها ياارب ..
__________________________________________________ __________
السلام عليكم ورحمة الله وبركاته
لاحول ولا قوة الابالله الله يهديها ويهدينا يارب
اهم شيئ انتي لاتتكلمي عن زوجك قدامها ابدا ولازم تنصحيها لانو اكيد كذبها على زوجها
ماراح يستمر وفهميها انو الي بتعملو حرام وممكن الله يرده في بنتها واذا لكيتها ماسمعتلج
احكي لامك بس ماتحكي لاخوانك لاتصيرلها مشاكل حرام وزوجها يعرف ويتركها ممكن تدخلي
امك مثلا تنصحها وهدديها لو مابطلت انتي راح تكولين لاخوانها وزجها يمكن تخاف
بصرف النظر عن موضوع زوجك هي اختك واكيد انتي خايفه على بيتها كمان فلازم تنصحيها
ولازم كمان تخوفينها حتى ترجع وحاولي من ناحية زوجك انك تخلي علاقتو بيها من بعيد
وفي حدود العلاقه الاسريه وبس انو هي اختك وكمان لاتخليه هذي المشكلة تسيطر عليكي لانك
حكمت من ناحيه وحدة اذا كان زوجك بيحبك وعاقل عمره ماينجذب لحد ثاني وخصوصا
اذا كانت اختك استهدي بالله ولاتخافي ادعيلها بالهدايه والله يهديها يارب ويهدينا جميعا
__________________________________________________ __________
اختي الله يهديها زوجها اصم وابكم
وهوشاك فيها وياما حصلت مشاكل عل ذا الشي
وانا ماحكي في محاسن زوجي قدامها اوضح انه قاسي وجاف في تعامله بس الظاهر هالكلام مايفيد
هي تتكلم وماتوضح انها تكلم شباب تكلمه على اساس انه بنت بس واضح الجوال مايسكت اربع وعشرين ساعه اتصالات
وياما فتحنا مواضيع معها انه اجلسي في بيتك اهتمي بزوجك جوالك عند الناس قفليه لاتستقبلي اتصالات وهي ولاكنها سامعه وتزعل منا وتقاطعنا بعد
الضحيه بنتها الله يعين ملاك عندها وماهي محافظه عليها
واناخايفه تجيب لنا فضيحه لانه صارت تروح للمدينه فترة ربوع وخميس ولاتجي الا الجمعه بعذر انها مسجله في مركز للحاسب
واحنا عارفين بس مابيدنا نتكلم تزعل وتقاطعنا
وامي وابوي الله يرحمهم جميعا
__________________________________________________ __________
اضن ان الحل الوحيد هو اخوك الي قلتي انه تخاف منه
واخوك اكيد ما راح يقول لزوجها
وراح يوقفها عند حدها
والله مشكلة صعبة خاصة انها من اختك
وانا من رايي ادا اردت الحفاض على زوجك وانكم ياما كلمتوها في موضوع الرجال انك تقوليلها بصراحة لنها تجي لبيتك بموعد
او حددي لها يوما تجي فيه ويكون زوجك بالعمل
قوليلها يا سيدي انا ما احب زوجي يتكلم مع اي ست ولو اختي بينيلها انك غيورة وتموووووووووووووتي على زوجك
والله في بعض الاحيان لا ينفع الا الصد والكلام القاسي خاصة انها ما تخجل وما ينفع معها الكلام
انتي هده اختك وانتي لم تقولي لها لا تاتي او قاطعتيها فانتي تقيمي لها حدود
وانتي لكي كل الحق ان تحافضي على زوجك وبيتك
