ارجوكم رأيكم يهمنى كتير -لصحتك

عنوان الموضوع : ارجوكم رأيكم يهمنى كتير -لصحتك
مقدم من طرف منتديات نساء الجزائر

ارجوكم رأيكم يهمنى كتير



السلام عليكم


عندى مشكلة تعبانى اوى فى كل نواحى حياتى

الحكاية بتبدأ كالتالى

انا طالبة فى كلية الطب وفى سنة تالتة اللى هى السنة اللى فاتت

جية زميل معايا وقالى انه عايز يرتبط بيا وعايز انه يتعرف عليا علشان يشوف شخصيتى وانا كمان اتعرف على شخصيته


قولت لماما وهو عرف والده


الموضوع مشى واتحول اعجابه بيا لحب وانا كمان حبيته اوى

و خلصنا سنة تالتة على خير وبتقديرات ممتازة

ودة اكبر دليل اننا كنا بنشجع بعض ومش عطلنا الناحية الدراسية

والده كان دايما شايف انه لسه بدرى علينا اوى على الارتباط واننا لسه قدمنا فترة طويلة فى الكلية

ولكن بعد ما أقتنع وسأل فعلا عن عيلتى و طلب من ابنه يحدد ميعاد سواء الايام دى

او الافضل بعد سنة خامسة _دة رأى والده _

علشان فترة الخطوبة لما بتطول بتزيد المشاكل فيها




المهم

زميلى اتصل بيا وقالى على الموضوع

وطلب منى اننا نصلى صلاة الاستخارة علشان نستخير ربنا فى الوقت الحالى للخطوبة اذا كان مناسب ولا لاء


و للاسف بعد ماصلي شعر بعدم الراحة اننا نرتبط دلوقتى _بالنسبة للتوقيت يعنى _

افتكرت انه خلاص مش بقى عايز يرتبط بيا وبيتحجج بأى حاجة


فصارحته وقالى انا لو غيرت رأى فيكى وفى ارتباطى بيكى ايه اللى هيمنعنى انى اقولك كدة بكل صراحة


المهم

كنا اتفقنا لو محصلش ارتباط رسمى فى الوقت الحالى

اننا مش نكلم بعض لحد ما يجى الوقت المناسب علشان معروف انه حرام اننا نتكلم واحنا مش بينا شئ رسمى


وفعلا

اتفقنا اننا مش هنكلم بعض تانى زى ما كنا قايلين

ورضيت بكدة على الرغم التعب النفسى الكبير والوحدة اللى بحسها


بس اللى مهون عليا اننا بكدة بنرضى ربنا علشان لو فى نصيب ربنا يكملنا على خير لحد النهاية


و كان قالى حاجة هى دى اللى عملالى المشكلة الحقيقة

قالى لو مش عرفت اجى اخطبك بعد سنة خامسة بالكتير اوى

انتى حرة واتصرفى زى ما انتى عايزة لانى مش ارضى لاختى انها تستنى واحد كل المدة دى _يقصد يعنى لو اتقدملى حد وكان مناسب مش اعلق نفسى بيه ولا انتظره اكتر من كدة_


انا طبعا رفضت وقولتله لا انا هفضل مستنياك حتى لو لامتى ..






مشكلتى دلوقتى انى خايفة جدا حد يتقدملى فى اى وقت _محدش عارف النصيب_

ويكون والدى شايفه مناسب وانا طبعا مش هوافق عليه

اولا : لانى زى ما زكرت بحب واحد تانى جدا

ومش عايزة اتخلى عنه ابدا حتى لو فى فترة انقطاع ما بينا زى اللى قررناها دى


ثانيا : مش عايزة اظلم واحد معايا وارتبط بيه وانا مش عايزاه


ملحوظة مهمة : ماما واخواتى عارفين كل الحكاية دى وانا عرفت ماما انى هستنا


ارجوكم قولولى رأيكوا

شكرا

>>>>> ردود الأعضـــــــــــــــــــاء على الموضوع <<<<<
==================================

اختي الله يوفقك يارب
والله نسعد بك وفكرك وخوفك من الله

صلي كذا مره صلاة استخاره ماهو بس مره
وخليه هو يصلي وتاكدي انه صلا لانه ممكن يقتنع برايك

دمتم بود واحترام

__________________________________________________ __________

عزيزتي
الاستخاره لاتتاكد بالراحه او عدم الراحه و ولا حتي باالروؤياانما نصلي ونتوكل علي الله ونمشي ف الموضع ان تيسر ومشي حتي تتم الخطبه او الزواج كان خير وان حدث العكس فهي اراده الله ورد الاستخاره
وردي هذا عن تجربه شخصيه فغالبا ما يتدخل الشيطان حتي يوقع بين اللزوجين او الخطيبين بالقلق وانقباض القلب احيانا حتي لاتتم
انا عن نفسي لالاتخيلي كميه المشاكل الي حصلي ايام زواجي بين خطيبي واهلي واهله زي ما بيقول كانت حرب ما بتنطفيش نارها وكان مكتوب كتابي وطلبت الطلاق اكتر من مره لان خطيبي دايما كان طبعا ف صف اهله وكان ربنا بيسخرلنا ناس تتدخل بالخير دايما وخطيبي كا ن بصراحه بيتمسك بيه اكتر ويخاف لاضيع منهوالحمد لله تزوجنا من سنتين ومعايا طفل والحمد لله عايشه معاه ف منتهي السعاده
نصيحتي ليكي انا حاسه ان في حاجه تانيه هو مخبيها حاولو تتكلمو مع بعض تاني ووضحيله امر الاستخاره وان تمسك بموقفه فانصحك بعدم انتظاره ولا تكلفي نفسك مالا تطيقين فالغيب لايعلمه الا الله
ربنا يوفقك ويرزقك السعاده ف الدنيا والاخره

__________________________________________________ __________

متشكرة اوى لردودكم عليا

ويا أختى روشا ربنا يوفقك يارب ويخليلك ابنك يارب

انا فعلا حسيت كدة انه فى حاجة تانية

وصارحته وقولتله اكتر من مرة قولى لو فى حاجة عادى مش هزعل منك

وفى كل مرة كان بيزعل منى انى بتهمه انه مخبى حاجة عنى

او ان حبه ليا قل

وفى اخر مرة اتكلمنا فيها كنت مصرة اظهرله فى كلامى برضه انى حاسة انه مخبى شئ تانى

وأكدلى انه فعلا التوقيت بس هو اللى مش مناسب

وانه لو كان فى اى سبب تانى او انه عاوز يسيبنى مش كان هيتكسف يقول كدة

المشكلة الحقيقية عندى دلوقتى انى تعبانة جدا من غيره بس اكيد مادام حاجة بنعملها

ترضى ربنا ربنا هيسهلنا امرنا

الحاجة التانية خوفى من ان اى حد يجى يتقدملى

وكان مناسب مش عارفة ساعتها اقول ايه لوالدى

لانى بجد شرياه جدا وعاوزة ارتبط بيه جدا ومش التأجيل دة

هو اللى هيخلينى ابعد عنه


ادعولى يابنات ربنا يوفقنى

__________________________________________________ __________

انا مشكلتى ملهاش حل علشان انا حسة ان ربنا غير راضى علية انا لاسف مديت يدى على مال الغير ولم اعرف كم الفلوس التى اخذتها لاننى كنت اخذ ولم اعد ما اخذه والان انا نفسى اسد هذه الفلوس ولا املك فانا فقيرة واخاف ان يعرف زوجى واهدم بيتى وانا عندى اطفال فهل يمكن ان يغفر الله لى ويسد دينى ولا يفضح امرى سواءفى الدنيا او فى الاخرة فانا اخاف لقاء الله من هذا الذنب

__________________________________________________ __________

اهم شي راحتك بعد صلاة الاستخاره

انتي صلي وربي راح يقدر لك الي فيه الخير

سواء هذا او غيره