الدكتورة وصفتلي كلوميدات مع أنو إباضتي جيدة , هل آخذها؟ -تأخر الحمل
عنوان الموضوع : الدكتورة وصفتلي كلوميدات مع أنو إباضتي جيدة , هل آخذها؟ -تأخر الحمل
مقدم من طرف منتديات نساء الجزائر
الدكتورة وصفتلي كلوميدات مع أنو إباضتي جيدة , هل آخذها؟
السلام عليكم ورحمة الله وبركاته
أنا صرلي سنة متزوجة , وبقينا أنا وزوجي أول 7 أو 8 شهور مأجلين فكرة الحمل , وبعدين قررنا بإذن الله أني أحمل
طبعاً ما استعملت حبوب إلا وسيلة المنع الطبيعي
المهم بعد ما تركنا حالنا فترة 5 شهور وما صار حمل , رحت عند الدكتورة , كانت إباضتي والحمدلله جيدة حتى قالتلي أنو الوضع عندي كتير جيد من ناحية الإباضة
وبحمد الله دورتي منتظمة وما عندي آلام دورة شهرية نهائياً , وما عندي التهابات , طلبت من زوجي يعمل تحليل , ونتيجة التحليل طلعت ممتازة حتى قالتلي أنو العدد الفعال زايد عندو
يعني وضعي ووضعه بإذن الله ما عليهون مشكلة
بعد ما راجعتها آخر مرة شافتلي الإباضة , كانت المرة السابقة أفضل , بس هالمرة ما كانت سيئة
كان عندي 3 بويضات في اليوم الـ 12 من الدورة الشهرية وأكبر البويضات قطرها 24
وأنا إباضتي باليوم الـ 14
يعني ما بتوقع حجم البويضة صغير
هاد الشهر وصفتلي تحاميل نسائية "جينومتري" قالتلي بتحطيها مساءً , مع إنها فحصتني نسائياً وما كان في عندي التهابات بس قالتلي هي وقائية وإذا في مكروبات مجهرية بتقتلها
بس عم بقرا بنشرة هي التحاميل لقيت مكتوب أنو لا تستخدم في فترة الحمل , بقا هل يا ترى ممكن تأثر إذا كان عندي رغبة بالحمل؟ ويا ترى شو تأثيرها عالحيوانات المنوية؟
المهم إذا هاد الشهر ما صار حمل خبرتني آخد الشهر اللي بعدو كلوميدات من اليوم الثاني للدورة حتى اليوم العاشر مدة 3 أشهر مع مثبت حملي آخر 10 أيام من الدورة , وبعدين إذا ما صار حمل راجعها مشان تعملي صورة ظليلية للرحم والبوقين وتشوف إذا في التصاقات
بصراحة أنا ما بحب الهرمونات , والكلوميدات هيي هرمونات , وسمعت أنها مع الاستخدام الطويل تتعب المبايض وتسبق فترة اليأس وانقطاع الطمث
شو بتنصحوني؟ وكمان بخاف على أثرها جيب توأم وأنا بصراحة في الوقت الراهن ولد واحد الله يرزقني بولد ويعينني عليه
ملاحظة : سمعت عن حبوب هيي "زيت زهرة الربيع المسائية" Evening Primose Oil
هي الحبوب سمعت أنها عبارة عن منشطات للمبايض يعني بتعطي الهرمونات الأنثوية ولكن من مصدر طبيعي وهو المبايض بعد تنشيطها , وهيي كمان بتساعد على السمنة وخصوصاً في منطقة "الثديين والورك والفخذين" وأنا بصراحة نحيفة وأعاني من صغر هذه المناطق بعض الشيء
بس عم بقرا عنها عالنت قرأت في أحد المنتديات أنها لا تصلح للحامل والمرضع , ولمن ترغب في الحمل أيضاً
أفيدوني بخبرتكن , وخصوصاً خبرة الطبيبات واختصاصيات التغذية
>>>>> ردود الأعضـــــــــــــــــــاء على الموضوع <<<<<
==================================
للــــــرـفع
__________________________________________________ __________
والله ماعندي فكره بس دام التبويض عندك كويس ليش الكلوميد ؟؟واكيد الدكتوره ادرا حبيبتي الله يرزقك بالذريه الصالحه ياحي ياقيوم
__________________________________________________ __________
مشكورين على الردود
آمين
__________________________________________________ __________
أفيدوني لو سمحتوا
__________________________________________________ __________
حبيبتي بعد قرائتي قصتك
لاأجد فيها أي مشكلة لك ولا لزوجك
الحمد لله أجريتوا الفحص وكان كل شئ سليم,,,
المسألة مسألة وقت إن شاء الله
ولا أنصحك بأخذ المنشطات دام أن التبويض عندك ممتاز
يمكن تحتاجي إبرة تفجيرية
والدكتورة تحدد لك يوم الجماع ,,,
وإن شاء الله ربي يرزقك بالولد الصالح المعافاى عاجل غير آجل يارب
https://uploads.sedty.com/imagehosti...1324228468.gif
