تجربتي مع قيام الليل

عنوان الموضوع : تجربتي مع قيام الليل
مقدم من طرف منتديات نساء الجزائر

تجربتي مع قيام الليل



السلام عليكم ورحمة الله وبركاته

إزيكم يا سيدات عاملين إيه؟

انا مش بعرف اكتب مواضيع بس ححاول أوصل لكم اللي حاسة بيه

وأقرأوا للنهاية عشان في مفأجاة في اخر كام سطر

الموضوع بدأ

يوم الثلاثاء مش ال فات لا ال قبله لما اتصل اهل العريس وقالوا إحنا هنيجي إن شاء الله يوم السبت

يوم الجمعة استحميت هههههههه وظبطت الظبابيط


وعملت الشقة

يلا بقا ماحدش واخد منها حاجة

المهم المفروض الناس دول كانوا ميعادهم بعد العصر

قمت من النوم تعبانة قوووووي مش عارفة ليه

ماما تقولي مالك اقولها تعبانة بس مش عارفة من إيه؟

العصر أذن صليت العصر ودعيت ربنا ييسر أموري لاني لخمة وبتكسف قوي

فضلنا قاعدين منتظرين

لحد قبل المغرب بنص ساعة

الناس ما جوش ولا اتصلوا

!!!!!!!!

ادايقت قوي لاني مش بحب ال مش بيحترم مواعيده

اتصلوا بينا

أمي ردت

قالوا لها إحنا أسفين حصل كذا كذا مش هنقدر نيجي ( معليش عاوزة اقول إيه السبب)

أمي قفلت السكة قالت لي قالوا مش هييجوا عشان .......

أول كلمة قلتها

الحمد لله

بس في داخلي كنت مدايقة قوي بس راضية بقضاء الله

فضلت قاعدة وقلت خير بس قلتها يا ماما الناس دول مش هييجوا تاني

قالت لي ليه؟

قلت لها أكيد اتشائموا مني بسبب ال حصل

قالت لي لا والله إزاي يعني ده راجل ملتحي وملتزم عمره ما يتشائم

قلت لها هتشوفي يا ماما

جات أمي الله يسامحها عاوزة تتصل بالناس قلت لها لا يعني لا

هيقولوا دي بتتصل عشان نخلوهم ييجوا تاني

قالت لي والله أبداً بس نطمن عليهم

قلت لها إنتي حرة

وفعلا الست كلمت ماما وحش قوي قوي قووووووي

ماما طبعاً إدايقت قوي وقالت لي فعلا مش هيجوا تاني الست كلمتني وحش قوي

قلت لها مش قلت لك ما تتصليش وبتاع

المهم صليت العشاء ونمت

قومت قبل الفجر بساعة وربع

وتبتدي حكايتي من هنا

قعدت ع الكمبيوتر

وكان أهلي كلهم نايمين

قعدت أعيط قووووووووووي

لان شيء يجرح أي بنت طبعا ونتوا عارفين انها تترفض من برا برا كده
وما تقولوش اني مكبرة الموضوع ونا اصلا بطبعي حساسة قوي ومش يحس بشيء زي ده الا واحدة تمر بنفس الموقف ربنا ما يكتبها علي حد

وخصوصا اني بيتقدم لي عرسان كتير قوووووووووي وكل المواضيع مش بتم

فنا كنت زهقت قووووووووي والله العظيم

دخلت فتكات حبيبتي

وكتبت موضوع فيه الكلام ال فوق وال حصل وكنت هطلب منكم انكم تقفوا جنبي لاني كنت مخنوقة قوووي وبعيط

وعارفة انكوا مش هتتخلوا عني

بس قلت في نفسي

يا بت ونتي يعني بتشتكي للبنات وربك موجود؟!

ده احن عليكي من أبوكي وأمك

قمت اتوضيت ولبست لبس الصلاة

ووقفت بين إيدين ربنا

وقلت

الله أكبر

وبدات أقرأ هكتب لكم كل أيه وتحتها أحساسي ونا بقرأها

(الْحَمْدُ لِلَّهِ رَبِّ الْعَالَمِينَ )

والله يارب انا مش معترضة علي امرك أبداً أبداً نا بس زعلانة قوي ومجروحة كمان

(الرَّحْمَنِ الرَّحِيمِ)

حسيت ان ربنا بيقولي انا ارحم الراحمين واحن عليكي من نفسك

(مَالِكِ يَوْمِ الدِّينِ)
(إِيَّاكَ نَعْبُدُ وَإِيَّاكَ نَسْتَعِينُ)

إنت يارب من أستعين به في جبر كسر خاطري وفي أموري كلها

(اهدِنَا الصِّرَاطَ الْمُسْتَقِيمَ)

يارب إهدني

إلي أخر السورة


ثم والله والله لا شعورياً

لاقيت نفسي بقرأ بسورة



الضحي


وبدأت أقرأ

(وَالضُّحَى . وَاللَّيْلِ إِذَا سَجَى)
(مَا وَدَّعَكَ رَبُّكَ وَمَا قَلَى)

حسيت إن ربنا بيقول لي يا فلانة انا لا تركتك ولا كرهتك انا معك ( لاني كنت بقول يارب انت شايفني وحشة قوي كده كل واحد ملتزم تبعدني عنه )

(وَلَلآخِرَةُ خَيْرٌ لَّكَ مِنَ الأُولَى)

هعطيك يا فلانة في الأخرة
الجنة أحلي بكتير
بتبكي علي دنيا فانية
ومش بتبكي علي الأخرة

(وَلَسَوْفَ يُعْطِيكَ رَبُّكَ فَتَرْضَى)

يااااااااه
الأية دي كررتيها كتير وبكيت قوووووي
حسيت ربنا بيقولي
انا هعطيك ومش بس هعطيك
لا انا هرضيكِ وترضي عن هذا العطاء

(أَلَمْ يَجِدْكَ يَتِيمًا فَآوَى)

انا أوجدت لك أب وأم يرعوكي ويلبوا كل أحتياجاتك

(وَوَجَدَكَ ضَالًّا فَهَدَى)

انا هديتك يا فلانة هديتك إليا
انتي ال كنتي لحد الثانوية العامة بشعرك وببنطلونات وبديهات
منيت عليكي بالهداية والزي الشرعي والقرب مني منيت عليكي بالإلتزام

(وَوَجَدَكَ عَائِلا فَأَغْنَى . فَأَمَّا الْيَتِيمَ فَلا تَقْهَرْ . وَأَمَّا السَّائِلَ فَلا تَنْهَرْ)
(وَأَمَّا بِنِعْمَةِ رَبِّكَ فَحَدِّثْ)

وانا يا فلانة نعمي عليكي لا تعد ولا تحصي
وزعلانة عشان شيء واحد حرمتك منه؟

-----------------

يااااااااااااه
مهما أكتب شعوري مش هعرف أوصله ليكم

وبعدين ركعت

سبحان ربي العظيم

وقلت دعاء الركوع أول مرة أحس بيه كده

سبوح قدوس رب الملائكة والروح
اللهم لك ركعت
وبك امنت
ولك أسلمت
خشع لك سمعي وبصري ودمي ولحمي وعظمي


رفعت من الركوع

سمع الله لمن حمده

ربنا ولك الحمد
ملء السموات وملء الأرض وملء ما بينهما وملء ما شئت من شيئ بعيد
اللهم لا مانع لما اعطيت ولا معطي لما منعنت
وقعدت اكررها اكتر من مرة
انت المعطي وانت المانع يا الله

وبعدين سجدت

يااااااه

علي الراحة ال حسيت بيها

فضلت اقول دعاء واحد بس

اللهم أجبر كسر خاطري وقر عيني

كررت الدعاء في السجدة دي ونا ببكي قووووووووووي

وقلبي مكسور قوووووووووي


والله والله والله

رفعت من السجدة ونا قلبي مطمئن ومعدش ببكي
ولا زعلانة
وبقول في نفسي
هو إيه ال مزعلني؟
والله ولا كان في حاجة حصلت
وحسيت ان ربنا استجاب دعائي في لحظتها

وكملت الصلاة وسلمت

وقعدت ادعي نفسي الدعاء

اللهم أجبر كسر خاطري وقر عيني

وإمبارح الأحد في عريس تاني إتصل وهيحددوا ميعاد وييجوا ان شاء الله

وكأن ربنا بيعوضني عن العريس الأولاني

(وَلَسَوْفَ يُعْطِيكَ رَبُّكَ فَتَرْضَى)

فعلا ربنا رحيم


انا اتعلمت كتير قوي

اتعلمت عمري ما اشتكي همي لبشر مش هيفديني

وازاي اشكي لبشر وربي موجود

ربي حبيبي

ربي ارحم علي من نفسي

ياااااااااااااا

انا بحبك قووووي يارب

اوعي اوعي اوعي

تبعدي عن ربنا ولا تشتكي همك لغير الله

قيام الليل نعمة من نعم ربنا علينا بجد

نفسك في حاجة اطلبي من ربنا مش تطلبي من العباد

ربك حبيبك أحن عليكي من نفسك

انا طولت عليكواااااا قووووووووي

بس انا بجد نفسي الكل يقرأ قصتي وخصوصا اصحاب قسم المحتارة

اوعي أبداً تتخلي عن سلاحك

نعم سلاحك

فالدعاء هو سلاح المؤمن

وجزاكم الله خيراً

والسلام عليكم ورحمة الله وبركاته

بحبكم في الله




لا تنسواااااااا التقيييييييييييييم بالله عليكن

>>>>> ردود الأعضـــــــــــــــــــاء على الموضوع <<<<<
==================================

يارب انت تعلم صدق نيتي

يارب حقيقي

سوي رضاك لا أريد

فهذه الدنيا فانية بل وملعونة

يارب مشتاقة للقائك قوووووووووووووووووي

اقبضني وانت راضي عني

أحبك ربي

{وَلَسَوْفَ يُعْطِيكَ رَبُّكَ فَتَرْضَى}

(إِنَّهُ مَن يَتَّقِ وَيِصْبِرْ فَإِنَّ اللّهَ لاَ يُضِيعُ أَجْرَ الْمُحْسِنِين)

__________________________________________________ __________

اللهم صل وسلم وبارك على سيدنا ونبينا محمدا وعلى اله وصحبه اجمعين

سبحان الله والحمدلله ولا اله الا الله والله اكبر ولاحول ولاقوة الا بالله ..


اولا ..هنيئا لك ياختي الكلمات التي سطرتيها والتي جعلتني ابكي رغما عني ..

فعلا الشكوى لغير الله مذلة ..رب العالمين لا يمل ولا يكل من عباده اذا هم ملوا ..ربي قال فاذكروني اذكركم

لكن احنا اللي مقصرين ولم نقدره سبحانه ..سبحانك ربي ماقدرناك حق قدرك


ربي يوفقك ويسعد قلبك ويتمم امرك على خير ..

رب العالمين عند القلوب المنكسرة ..في حديث عن رسول الله عليه الصلاة والسلام فيما معناه لانه لايحضرني

الان يقول الله جل جلاله عند القلوب المنكسرة فهو الجباااااااار جبار السموات والارض الذي يجبر القلوب

المنكسرة ..فهنيئا لكِ ان استجاب دعواتك ..وعقبالي يارب ..

خاطري مكسور وقلبي محروق ونفسي تأن وانتظاري طال ولكن علمي بأن الله ارحم بي من نفسي واحن

بي من امي!! يجعلني اتصبر به ..


كلمتك هذه ..
إنت يارب من أستعين به في جبر كسر خاطري وفي أموري كلها


من اجمل الكلمات ..فعلا هو المعين ولا غيره يعين هو حسبنا ونعم الوكيل ..


ادعي لي ياختي ربي يجبر كسري ويرد لي غائبي الذي خذلني! وماذلك على الله ببعيد

هو خذلني ولكن رغما عنه! ..لذلك مو قادرة اكرهه! بل ادعو ربي يرده لي ردا جميلا ان ذلك على الله

يسيرا ..فرجك يالله ..


اعذريني اطلت بكلامي لكن كلامك جميل ونابع من القلب فخرجت مني كلماتي من القلب ..

وانا بعد احببتك في الله ..

__________________________________________________ __________

قصتك جدا رائعه


الله يثبتك على طاعته


ولك احلى تقييم

__________________________________________________ __________

بسم الله الرحمن الرحيم


لاإله إلا الله ..وسبحان الله .. والله أكبر



قرأت هذا الموضوع فأعجبني فأحببت نقله لكم للفائده:




تقول صاحبة القصه

صديقتي تولد قيصري وكان مقرر لها ولادتها الحالية الثالثة قيصري
ولم يبق الا تحديد موعد العملية فذهبت لتحديد الموعد واثناء جلوسها هناك اتاها طلق مفاجيء

وكان الاطباء مشغولون بغرف العمليات فتأخروا عليها ثم بدأت تصرخ وتقول اشعر ان شيء
يخرج من بين رجولي ، فاتى الطبيب فنظر فإذا برأس الطفل ومباشرة ولدوها ..
هذا حصل البارحة ..

وكانت بالامس تحدثني عن استحالة الولادة الطبيعية لمن تلد قيصري ..
فكنت ادعو في الثلث الاخير من الليل - ملتزمة اداب الدعاء - لصديقتي قبل ولدتها بيومين
ان تلد طبيعي ويسهل الله لها ولادتها ويحفظها وجنينها


واثناء دعائي لها كنت استشعر وقوف الملك بجانبي وهو جالس يؤمن على دعائي !!
فسرت في جسمي قشعريرة وقتها وشعرت ان الدعاء مستجاب ..
وبعد يومين تلد صديقتي طبيعي وبسرعة مفاجئة !! حتى الاطباء
انفجعوا وقال الطبيب لصديقتي : انت ربي يحبك ..
ودكتورة قالت لها :
انتِ بس قولي الحمد لله انا اعتبر اللي حصل لك معجزه ان تولدي طبيعي بدون مضاعفات ..



.. فلا تستهينوا حبيباتي بالدعاء في ظهر الغيب ..




قال الله تعالى :
وَالَّذِينَ جَاؤُوا مِن بَعْدِهِمْ يَقُولُونَ رَبَّنَا اغْفِرْ لَنَا وَلإِخْوَانِنَا الَّذِينَ سَبَقُونَا
بِالإِيمَانِ وَلاتَجْعَلْ فِي قُلُوبِنَا غِلاًّ لِّلَّذِينَ آمَنُوا


وقال إخباراً عن إبراهيم عليه السلام:
رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ )

وقال تعالى عن نوح عليه السلام:
رَبِّ اغْفِرْ لِي وَلِوَالِدَيَّ وَلِمَن دَخَلَ بَيْتِيَ مُؤْمِنًا وَلِلْمُؤْمِنِينَ وَالْمُؤْمِنَاتِ .

وقال تعالى لنبيه محمد صلى الله عليه وسلم:
وَاسْتَغْفِرْلِذَنبِكَ وَلِلْمُؤْمِنِينَ وَالْمُؤْمِنَاتِ .


وعن أبي الدرداء رضي الله عنه أنه سمع رسول الله صلى الله عليه وسلم يقول:
"ما من عبد مسلم يدعو لأخيه
بظهر الغيبإلا قال الملك : ولك بمثل"
أخرجه مسلم.



دعاء المرء المسلم مستجاب لأخيه بظهر الغيب ، عند رأسه ملك موكل به
كلما دعا لأخيه بخير قال الملك : آمين و لك بمثل ذلك
الراوي: أبو الدرداء المحدث: الألباني - المصدر: صحيح الجامع -
الصفحة أو الرقم: 3380 خلاصة الدرجة: صحيح


الشرح

الدعاء بظهر الغيب هو أن يدعو المسلم لأخيه المسلم في غيبته، وهذه
سنة حسنة درج عليها الأنبياء والصالحون، فهم يحبون لإخوانهم المؤمنين

الخير، ويدعون لهم حال غيبتهم عندما يدعون لأنفسهم، ولما في ذلك من
المحبة للمؤمنين وإرادة الخير لهم والإخلاص لله في ذلك فإن الملائكةتؤمن على الدعاء ،
وتدعوللداعي بمثل ما دعا لأخيه


الفوائد

فضل الدعاء للمسلمين بظهر الغيب وأنه من عمل الأنبياء والصالحين.
- أنه أقرب للاستجابة لتحقيق الإخلاص فيه لله والمحبة للمؤمنين، ولتأمين
الملك عليه.

منقول
امانه عليكوا انكوا تدعولي اني ربنا يجمعني بحبيبي في الحلال قريب و يرزقني بالذريه الصالحه و ربنا يكفي كل بنات المسلمين بالحلال عن الحرام اللهم امين يا رب العالمين ..ادعولي و
لكم بالمثل.... https://said.xplainer.net/images/smi...8-dbttwedi.gifhttps://said.xplainer.net/images/smi...8-dbttwedi.gif

__________________________________________________ __________

جزاك الله خير