ليلة القدر فضائلها للإستاذ عمرو خالد من الشريعة

عنوان الموضوع : ليلة القدر فضائلها للإستاذ عمرو خالد من الشريعة
مقدم من طرف منتديات نساء الجزائر

ليلة القدر فضائلها للإستاذ عمرو خالد





ليلة القدر فضائلها للإستاذ عمرو خالد
------------------------------------

https://center.jeddahbikers.com/uplo...3131881001.gif

السلام عليكم ورحمة الله وبركاته


لقد نقلت لكم هذا الموضوع جزى الله من قاله وكتبه ونقله كل خير


بسم الله الرحمن الرحيم
الأحبه فى الله
السلام عليكم ورحمه الله وبركاته


الحمد لله رب العالمين و الصلاة و السلام على المبعوث رحمة للعالمين
و على آله و صحبه و التابعين و من تبعهم بإحسان إلى يوم الدين
نحن قوم أعزّ نا الله بالأسلام ومهما أبتغينا العزّه بغيره ...أذلنا الله
أما بعد

اخوانى فى الاسلام واخواتى فى الله كل عام وانتم بخير,نحن الان مقبلين على اهم 10 ايام فى حياتنا وهم العشرة الاواخر من رمضان (العتق من النار)فقدر استطاعتى حاولت تلخيص محاضرة الاستاذ عمرو خالد عن ليلة القدر ولكنى لم استطع الاختصار كثيرا نظرا لاهميتها القصوى واخشى ان اترك كلمة تكون سبب فى عتق احدنا من النار.باللة عليكم

انا اعلم ان الرسالة طويلة شوية بس ارجوكم لعل الدقائق التى ستضيع فى قراءة هذة الرسالة تكون سببا فى عتق رقبتك من النار .ارجوكم اصطبروا على قراءتها واعانكم الله

وهذى هى نص المحاضرة على لسان الاستاذ عمرو خالد:

كيفية استقبال ليلة القدر والاستعداد النفسى لهذة الليلة المباركة:

هل هناك امكانية بان يغفر الله ذنوب كل ما فات فى هذة العشرة الاواخر

اولا:تعريف بليلة القدر:كيف كانت

يقول رسول الله (صلى الله عليه وسلم)بينما انا فى غار حراء و اتعبد فية اذ جاءنى الملك يسد الافق,كلما نظرت فى ناحية من السماء وجدتة يملاؤها ويقول لى اقرا فقلت ما انا بقارىء,فاخذنى و ضمنى حتى ظننت انة الموت ثم اطلقنى و قال لى اقرا فقلت ما انا بقارىء فاخذنى الثانية فضمنى حتى ظننت انة الموت ثم اطلقنى فقال اقرا فقلت ما انا بقارىء فاخذنى الثالثة فضمنى حتى بلغ منى الجهد فقلت ماذا اقرا ,فقال اقرا بسم ربك الذى خلق.........ثم اختفى الملك.

اخذ العلماء يفكرون لماذا كانت البداية كذلك و لم تكن برفق و لين

وذلك حتى يصل المعنى الى رسول الله(صلى الله عليه وسلم)وهى ان الرسول داخل على موضوع شديد وحمل رسالة لهداية البشرية ليوم القيامة.فلا تجوز البداية غير انها لابد وان تكون بمنتهى القوة وبالتالى لابد من معرفة هذة المقدمة حتى تعلم انك مقبل على شىء غاية فى الاهمية فية صلاح امرك الى يوم القيامة ,فية جنتك.يا جماعة انتم داخلين على موضوع شديد لذلك ابدا ليلة القدر كما بداها جبريل مع الرسول .الامر جاد انة لقول فصل و ما هو بالهزل ,الموضوع مش هزار احنا داخلين على اهم 10 ايام فى حياتنا ,احنا مش عارفين هنعيش لرمضان القادم ام لاو

علشان كدة حكيت حكاية ليلة القدر علشان لما تفكر انك تنام او تلعب او تضيع وقت تفتكر جبريل وهو يضم الرسول حتى بلغ منة الجهد لو لم يبلغ منك الجهد مداة فى العشرة الاواخر قول لنفسك:لا انا ما اخدتش ليلة القدر كما يحب الله و يرضى.

فهذا اعظم يوم فى حياتك ,يوم تعتق من جهنم,يوم ما تكتب من اهل الجنة.اعظم يوم فى حياتك يوم ما تدرك ليلة القدر.

ما ثوابها:

على فكرة احنا ليس لدينا دليل مؤكد انها ليلة(27)لذلك افرض لم يكن مؤكد,لية تخسر اليلة ما تجتهد ليوم العيد

فوائد ليلة القدر:

1)خير من الف شهر

الف شهر=84 سنة.وهذا ليس رقم عشوائى فمتوسط عمر المسلم من 60- الى 70 عام

كما قال الرسول وكانة بيقولك ان اليلة دى احسن من عمرك كلة وزيادة كمان .اذا ادركت هذة اليلة وكانك عبدت الله 84 سنة متصلة ويعنى الصدقة فيها وكانك بتتصدق لمدة 84 سنة متصلة و هكذا.ويقول الاستاذ عمرو:انا متخيل واحد منا قبل ليلة القدر كفة حساناتة نازلة عن كفة سيئاتة شوية لكنة ادرك ليلة القدر فكان جبل وضع فى كفة الحسانات فجاة وفى ليلة واحدة فاذا بكفة حساناتك ترجح و ترجح و كان امثال البحار وضعت فى كفة الحسانات و فجاة تجد ان كفة الحسنات من الرجحان لدرجة انة لا يمكن ان كفة السيئات مهما عملت تلحقها.لكن مش قصدى انك بعد كدة تعمل المعاصى براحتك لا

2)الدعاء فى هذة اليلة مستجاب

لسببين:

a)تتنزل الملائكة والروح فيها باذن ربهم من كل امر

فالملائكة تملا الارض .متخيل الرحمة عاملة ازاى .متخيل تامين الملائكة على دعاؤك عامل ازاى.

b)عندما سالت السيدة عائشة رضى الله عنها رسول الله (صلى الله عليه وسلم)وقالت له يا رسول الله ان ادركت هذة اليلة ماذا اقول

فقال الرسول عليك بهذا الدعاء:

اللهم انك عفو كريم تحب العفو فاعفو عنى

لذلك ابدا و جهز دعواتك .رتب دعواتك من الان بس بالله عليك اجعل اول دعوة فيهم فى العشرة ايام(اللهم بلغنى ليلة القدر)

واجعل الثانية (اللهم اعتق رقبتى من النار)ولا تنسى الدعاء لاخواننا فى فلسطين و ادعو لمسجدك الاقصى ان ربنا يفك اسرة .حدد دعواتك لانك داخل على ليلة وقت لاستجابة الدعوات غير عادى

3)القيام فى هذة اليلة يغفر ما تقدم من الذنوب

يقول (صلى الله عليه وسلم)من قام تلك اليلة يمسح ذنوبك من ساعة البلوغ لحد اليوم ولذلك يقول (صلى الله عليه وسلم) ان من عباد الله من يخرج الى صلاة العيد وليس علية خطيئة.

ايمانا و احتسابا معناها انى عايز ارضى ربنا و عايز أخد ثواب .لذلك عايزين فى العشرة الاواخر ان نركز فى الصلاة.ولذلك قلل اكلك و الفطار يبقى محدود جدا و مركز جدا ومبتعد عن المعاصى(لانك لا تتخيل لما تعرف يوم القيامة ندامتك لو لم تدرك تلك الليلة لانك لعبت فى اليلة اللى اتغفر فيها لكل الناس دى )

4)العتق من النيران

مفتوح لكل الناس والعتق هنا زيادة عن ما يعتق فى كل ليلة.فتخيل ان هناك سلسلة فى رقبتك تجرك الى جهنم من كتر الذنوب والمعاصى(سلسلة مكتوب عليها اسير جهنم)سلسلة بطول عمرك ممتدة لحد ما توصل الى حفرة اسمها جهنم وانت ماشى فى سكة الذنوب فعندما تاتى ليلة القدر ويجدك الله قائم وبين يدية بتقولة اختارنى يا رب لاعتق من النار فتفك رقبتك و تغتق من النار.وعلى فكرة الكريم سبحانه و تعالى لو اعتقك من النار استحالة ياسرك تانى فالعربى الاصيل اذا فك اسر احد عبيدة استحالة يرجع فى كلامة تانى فمابالك باكرم الاكرمين سبحانة و تعالى لو اعتقك خلاص فبعد العتق ربنا هيجعل طاعتك غالبة معصيتك و خيرك غالب شرك.يا ترى يا اخوانا هتعتق السنة دى ولا ذى كل سنةالليلة دى هى منشأ الرحمة فى الكرة الارضية .

استعدوا و اجهزوا.

قالت السيدة عائشة ان الرسول(صلى الله عليه وسلم)اذا دخل العشرة الاواخر

1احيا الليل:من ذكر و استغفار ....

2)ايقظ اهلة

هل انت ناوى جاهز.الامر يستحق

ما هى الخطة:

1)صلاة التراويح

بمنتهى الجدية مركز مش هيفوتنى ركعة ولا هيفوتنى يوم

2)القرأن

حاول تختم القرأن للمرة الثانية فى العشرة الاواخر كل يوم 3 اجزاء او على قدر استطاعتك (للطلبة و الموظفين)مش صعب التوفيق بين الدراسة او الشغل و احياء الليل

هما العشرة الاواخر كدة شد حيلك.الصحابة كانوا بيحاربوا و هما صايمين وكان الرسول يحيي الليل فى ظل الحروب فى 3 غزوات حصلوا فى وقت رمضان.فاستعينوا بالله و قلل نومك و اكلك والتركيز يعلى شوية و مافيش وقت بيضيع ابدا

اغلى دقائق فى حياتك

ويا سيدى نام فى العيد ذى ما انت عايز

3)التهجد

وهى الصلاة قبل الفجر بساعة.فى البيت او المسجد,وحاول تختم القرأن فى صلاة التهجد او ابدا اختمة فى العشرة الاواخرمنها قراءة طول النهار و تكملها فى صلاة التهجد.

انا بكدة بحاول احط لك خطة و طموحات جوة اليوم لانك لو مش لك طموحات فى الايام دى علشان تحققها هتنام و هتقع .طول ما عندك هدف عايز تحققه هنستغرق من الليل اوقات طويلة .ممكن تنام فى النص بين التهجد والتراويح ومش لازم تقوم الليلة كلها(قدر المستطاع)

يعنى مثلا من (7-9)وبعد كدة نام لحد الساعة 2 و تقيم الليل من (2-5)وبكدة احييت ليلة القدر و كل ما تزود يزيد معاك الله تبارك و تعالى.

4)الصدقات لازم تطلع مبلغ او ملابس

5)صلة الرحم و بر الوالدين

اخيرا هختم بنقطتين هامتان

1)نصيحة بالعفو عن الناس


اعفو كى يعفو الله عليك

2)التوبة

اياك و المعصية .يا اخوانا اللى مصر على معصية مش ممكن يبقى ربنا يعتق رقبتك وانت بتقوله بس هعصيك.اللى مصر على معصية يتوب يا اخوانا

لو شاب مصر على علاقة بفتاة بالله عليك توب قبل العشرة الاواخر ما يدخلوا

لو بنت مصرة على ترك الحجاب,هيعتقك عيب لما يعتقك ويلاقيك مصرة تقولى له لا مش هطيعك

لو شاب مصر على مشاهدة مواقع اباحية بالله عليك ,الله هيعتقك سينظر اليك و يلاقيك بتعصاة هيتركك لان ملايين غيرك يستاهلوا عتقة.فعرض نفسك للرحمة الله بترك المعاصى و الكبائر

اخيرا حاولوا ان تنشروا هذة الرسالة .بلغوها الى اهلك و اصحابك علشان تاخد بايد اللى حولك.

اسال الله سبحانه و تعالى ان ينفعنا بهذا الكلام

هذة كانت محاضرة عمرو خالد ارجو ان تنفعكم

ولا تنسوا الدعاء للامة الاسلامية واخوانا فى فلسطين

اسالكم من صالح دعاؤكم فلا تنسونى بالدعاء فى هذة الليلة
_________________



اللهم إنك عفو تحب العفو فاعف عني .

__________________

م//ن

>>>>> ردود الأعضـــــــــــــــــــاء على الموضوع <<<<<
==================================

جزاك الله خير

__________________________________________________ __________

يسلمووووووو على الطرح

__________________________________________________ __________

جزاك الله خيرا

طرح مفيد

__________________________________________________ __________

https://center.jeddahbikers.com/uplo...3132919991.gif

__________________________________________________ __________