ظبطي ترددك...علي رمضان -اسلاميات
عنوان الموضوع : ظبطي ترددك...علي رمضان -اسلاميات
مقدم من طرف منتديات نساء الجزائر
ظبطي ترددك...علي رمضان
السلام عليكم ورحمة الله وبركاته
ازيكم يا بنات الطريق الصح ؟؟؟
اولآ ::كل سنة و انتم طيبين بمناسبة دخول رمضان :)
ثانيا : ايه رايكم نخلي رمضان 2017 مختلف تماما عن اي رمضان مر علينا ؟؟؟؟
:)
ايه رأيكم نعتبر ان ده اخر رمضان هايمر علينا ؟؟؟؟؟ اخر رمضان بمعني الكلمة هانعيشه .... اخر فرصة لينا يتغفر فيها ذنوبنا
اخر مرة هاتمر عليكي ليلة القدر ... ليلة افضل من الف شهر العبادة فيها بتساوي 86 سنة
قال رسول الله :
{ إذا دخل رمضان فتحت أبواب السماء، وغلقت أبواب جهنم، وسلسلت الشياطين }
لو فعلا ده هايكون اخر رمضان بالنسبالي ... لازم استغله احسن استغلال واجمع كمية كبيرة جــــدا من الحسنات بكل وسيلة ممكنة
عشان كده يلا بينا نظبط ترددنا .... علي رمضان (مش نجوم (fm
جيبي ورقة واكتبي فيها خطتك لرمضان وعلقيها في مكان معين واضح بالنسبالك واكتبي فيها :
نيتي لصيام رمضان:
---------------------------------
قال تعالى:
يَا أَيُّهَا الَّذِينَ آمَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ
[البقرة:183]،
وقال رسول الله صلي الله عليه وسلم:
{ بني الإسلام على خمس شهادة أن لا إله إلا الله وأن محمدا رسول الله، وإقام الصلاة، وإيتاء الزكاة، وصوم رمضان، وحج البيت الحرام } [متفق عليه
من صام رمضان إيماناً واحتساباً غفر له ما تقدم من ذنبه » رواه البخاري ومسلم
*شعاري في رمضان 2017 : (اختاري شعار )
----------------------------------------------------------
-اخر رمضان هايمر عليا ... اخر فرصة هاستغلها في حياتي.
-وعجلت إليك ربي لترضي.
-توبة صادقة من كل الذنوب.
-هاكون مسلمة كما يحب ربي ويرضي.
-سأعبد الله ... كما لو لم اعبده من قبل.
-حان الوقت أن نرضي من وهبنا الحياة.
-حان الوقت أن نتذكر من لا ينسانا.
-حان الوقت أن نناجي من يحب أن يسمعنا.
-حان الوقت أن نعود إلى من يشتاق إلينا.
-حان الوقت أن نرجع إلي من لا يمل من توبتنا.
-هافوز بلقب اكبر فائزة بالحسنات ... في 30 يوم في موسوعة امة محمد.
-او اي شعار تدخلي بيه لرمضان ... يكون قريب من قلبك.
الوسايل اللي هاجمع بيها حسنات في اخر رمضان ليا :
-------------------------------------------- ------------------
*قرأن ..... هاختم القرأن بإذن الله اكتر من مرة
« اقرؤوا القرآن فإنه يأتي يوم القيامة شفيعاً لأصحابه » رواه مسلم
*عمل خيري تطوعي ... هاروح لاقرب جمعية خيرية قريبة مني ... واتطوع معاهم بوقتي ومالي ولو جزء صغير
(معظم الجمعيات دلوقتي شغاله في تكيس شنط رمضان وتوزيعها ... خدي النية وروحي معاهم ثواب عظيم)
*التسبيح ... اشتري سبحة كبيرة وطول الوقت سبحي ربنا (الحمد لله , سبحان الله وبحمده...سبحان الله العظيم , استغفر الله العظيم , لا اله إلا الله ,....)
*الصلاة والسلام علي افضل المرسلين سيدنا محمد
*صلاة السنن في رمضان في كل الصلوات.
*بر الوالدين (هاغسل المواعين مع ماما وهاعمل السحور ^_^ ومش هازعل اهلي ابدا وهاعملهم كويس جداااا )
إنوي إنك تصلي التهجد كده كده سهرانيين مفيش حجة *
*فكري ممكن تعملي ايه كمان ... تزودي بيه حسناتك.
ملحوظات خدي بالك منها :
-----------------------------------
(1)
أكتبي دعوات رمضان كلك يقين في الإجابة
"وإذا سألك عبادي عني فإني قريب أجيب دعوة الداع إذا دعاني "
الصحابة كان قبل مايدخل رمضان يحضروا دعوات معينة ... ويفضلوا طول رمضان يدعوا بيها
اكتبي صفحة كاملة فيها دعوات تدعيها كل يوم (زوج صالح متدين دمة خفيف ومايكنش معقد وانجح في حياتي وكده *_^ )
(2)
*رمضان مش مسلسلات ... يعني مش كويس اننا نضيع وقتنا في المسلسلات وكمان نتفرج عليها في الاعادة !!!! ممكن تتابعي مسلسل (محترم) واستغلي باقي الوقت كل دقيقة وكل ثانية في تجميع الحسنات.
(3)
اختاري صحبة صالحة تتنافسوا مع بعض في رمضان علي الثواب ومين يعمل خير اكتر ولو واحدة بس صحبتك ... وكل شوية تدخلي عندها علي الفيس تكتبي مثلا (سبحان الله وبحمده...سبحان الله العظيم ) فاتخدي حسنتها :)))
وفي ذلك فليتنافس المتنافسون.-
(4)
انتي عارفة ذنوبك وايه الغلط اللي بتعمليه في حياتك ... فا اصدمي نفسك واكتبي في ورقة كل حاجة غلط بتعمليها ونفسك تتغيري فيها
وادعي ربنا واستغفري وخدي النية انك هاتتغيري ..واسألي ربنا انه يديكي الفرصة بعد رمضان انك تعيشي حياة جديدة وتجددي حياتك وتصنعيها من جديد ... وتكوني بجد .... بنت علي الطريق الصح
(5)
من اكبر الافعال اللي ممكن تعمليها وتزود مكانتك عند ربنا:
ان تدعي اصحابك وتشاركيهم الثواب وتكوني سبب انك تدليهم علي الخير وانهم يعبدوا ربنا وياخدوا نية انهم فعلا يستغلوا رمضان ويقربوا من ربنا
>>>>> ردود الأعضـــــــــــــــــــاء على الموضوع <<<<<
==================================
شكرا جزيلا
فعلا كلامك صحيح
__________________________________________________ __________
__________________________________________________ __________
__________________________________________________ __________
__________________________________________________ __________
