زواجي بعد يومين وماسويت شيء ساعدوني تعبت تم الاجابة
عنوان الموضوع : زواجي بعد يومين وماسويت شيء ساعدوني تعبت تم الاجابة
مقدم من طرف منتديات نساء الجزائر
زواجي بعد يومين وماسويت شيء ساعدوني تعبت
بسم الله الرحمن الرحيم
السلام عليكم ورحمة الله وبركاته
اخواتي انا نفسيتي تعبت واحس نفسي مضغوطة وتعبانه
محطمه الى ابعد الحدود
كل احلامي تبخرت
خطيبي عنده مرض مزمن وقلت مو مشكله
وعدوني يسوون ليه زواج في قاعه
وفي النهايه ولا شيء تحطمت
اشتريت فستان الزواج واخر شيء يقولون بدون زواج عزيمه في بيتنا وخلاص
لمن عرفت تحطمت وماصرت اهتم بنفسي لدرجه زاد وزني كثير
بعد بكره زواجي ومافيه أي تجهيز يدل اني عروسه
فستاني حلفت ماالبسه لانه مايناسب ينلبس في شقه
رحت اشتريت فستان هادي مره بس لونه ابيض ولسى الي اليوم اروح استلمه
تعبت اللي حولي كلهم يتكلمون اللي يقول البسي فستان العرس واللي يقول صح اللي سويتيه
يوم اشتريتي فستان هادي
اصلا صار ضيق الفستان بس يقولون البسيه
يجبروني وانا ماابغى
يقولون سوي كوشه وزفه قلت لا ماابغى لان البيت مافيه مساحه لهذا كله
مقسمين المعازيم على ثلاث غرف صغيره
بالله كيف يصير زفه ماتجي حتكون بايخه
ساعدوني الله يفرج همكم تعبانه مره
انا قلت رأيي اني البس الفستان اللي اشتريته الناعم والبس تاج واسوي تسريحه ومكياج
واكون عادي استقبل الضيوف واجلس معهم لان مافيه مجال زفه اصلا ماابغى
ساعدوني بمشورتكم تعبانه ومحد حاس فيني حتى خطيبي مابيني وبينه تواصل الا ناااادر وبشكل سطحي جدا
>>>>> ردود الأعضـــــــــــــــــــاء على الموضوع <<<<<
==================================
يا اختي ليش كل هاذ القهر و الله بتعذبي نفسك
اسمعي الفستان مو مهم و القاعة مو مهمة.... المهم الجااي
اعملي حفلة بسيطة و افرحي بنفسك لو كان البيت ضيق يكون قلبك واسع ..تحملي شوي
من رأيي البسي الفستان اللي يلبق لك اكثر و اعملي تسريحة و مكياج حلو و ابتسمي و ان شاء الله تكوني احل عروسة
لا تنسي انو هذا يوم خاااص جدا فـ لا تخربيه بسبب مشاكل بسيطة
الله يشفي خطيبك اختي
و الف الف الف مبروك
آآآه نسيت إمته تجيني الدعوة ؟؟؟؟ هههههههه
يلا اضحكي و خليها على رب العالمين
.
__________________________________________________ __________
انا الحمدلله راضيه وقلت اوكيه مو مهم بس ماخلوني بحالى كرهوني بنفسي وثيابي
اختار شيء يقولون لا مو حلو احس ثقتي بنفسي بالارض اتمنى هاليوم يعدي بغمضة عين
صرت مو عارفه ادبر حالي يارب يامعين
شكرا على كلامك الحلو خيتي
__________________________________________________ __________
حبيبتي انتي ليه كل هذا التحطيم ي عروسه
ي قلب أختها هذي ليلتك وفرحتك انتي اللي جهزي لها وسوي اللي تبي ماعليه حطي لك كلمه ورأي
ولو البيت صغير اكيد الفرحه بقلوب اهلك وباللي يحضروا اكبر
حبيبتي انا عارفه ان ودك تكوني مثل كل عروس قاعه وزفه وفستان -بس المؤمن كل امره خير ويمكن الزواج بالبيت خيره لك
يعني انا اعرف وحده سوت ملكه وقاعه وزفه وفستان بس بعدها بكم يوم تعبت والحين هي بين الحياه والموت وجاها مرض ويمكن خطيبها يفسخ الخطوبه الله يشفيها ويتم عليها صحتها دعواتكم لها
ي حبيبتي اهم الشيء التوفيق من رب العالمين وفرحه اهلك واللي حولك
وشنو ماتبي زفه ليييييه تفوتي اجواء الفرح عليك وع اللي يحبوك وكانوا ينتظرون هاليوم
افرحي ي الغاليه والبسي الفستان الاحلى وسوي تسريحه ومكياج واستانسي انتي عروس
وربي بعدين بتندمي ع كل لحظه ضيعيتها ذا يومك لاتخليه يضيع كذا
وكيف تبي اللي حولك يحسو انك عروس وانتي ماتبي لازفه ولافستان ولاكوشه الله يهديك
وبالنسبه ان البيت صغير تعالي بغرفه واجلسي فيها وحطي لك بوكيه ورد بسيط ع طاوله قدامك ولاتجلسي كذا مع الناس وتستقبليهم انتي عرووووس يعني اتدلعي واتغلي شوي ههههه خليها يتشووقون لوقت زفتك وخروجك من الغرفه
واذ البيت ضيق روحي لبيت اي قريب لك ولاتجي الا ع وقت الزفه لو فيه مكان لك بالصاله اجلسي فيها ويجون الناس ويباركون لك واذ مافي مكان لك بالغرف مري ع كل باب غرفه
لاتكسري خاطر امك وخواتك افرحي لان فرحهتم من فرحتك
اكاديا احمدي ربك اني مو اختك ولا كان سويت كل اللي كتبته لك بالطيب او القوه هههههه
وبعد هالكلام اللي كتبته ان شاءالله تغيري رايك وتكوني احلى عروس
والله يرزقك حب زوجك ويوفقك ويتمم لك ع خير غلالالالالاتي
أختك /حكايا ورد ..
***
__________________________________________________ __________
من رأيي البسي الفستان اللي يلبق لك اكثر و اعملي تسريحة و مكياج حلو و ابتسمي و ان شاء الله تكوني احل عروسة
لا تنسي انو هذا يوم خاااص جدا فـ لا تخربيه بسبب مشاكل بسيطة
الله يشفي خطيبك اختي
و الف الف الف مبروك
__________________________________________________ __________
الله يكون بعونك
وبعدين بعد ماتعبتي وتعذبتي مافيه زواج بقاعه
