ملكتي قربت ومافي احد معايا ساعدوني
عنوان الموضوع : ملكتي قربت ومافي احد معايا ساعدوني
مقدم من طرف منتديات نساء الجزائر
ملكتي قربت ومافي احد معايا ساعدوني
السلام عليكم
انا جديدة عندكم واتمني تساعدوني لاني شفت مشالله انكم ما بتقصو مع احد
ملكتي في نهاية شهر 2وانا يادوب فصلت الفستان بس وما عندي احد استشيرو او حتي يعطيني نصايح كل اخواتي متزواجت وبعيدات وانا مابخرج لحضور الافراح غير نادرا ما بحب الخروج من البيتhttps://said.xplainer.net/images/smi...7-9ndhrgbt.gif
اولا / فستاني لونو فيروزي ومو عارفة ايش اختار شكل باقتي او حتي الوانها اخواتي بس قالولي ان الان اللي طالع الباقات الكرستالية وانا مابحبها بحب الطبيعية ايش الباقات الجديدة ؟؟
ثانيا / شعري مابعرف الان ايش اكسسوار الشعر اللي اختارو سمعت ان الان موضة التاج بس مو عارفة ايش الموضة الان ياليت تفيدوني
ثالثا / زفتي مافي بالي ولا نقطة فكرة للزفة ولاحتي الاغنية مو عارفة اختار شي
رابعا / الكوشة انا نفسي بكوشة بسيطة لكن اهلي اختارو قاعه كبيرة جدا للمكلة وانا محتارة في الكوشة مو عارفة كيف اختارها
خماسا / انا بربي بساس وللاسف اني بتخمش منهم وجلدي بيترك اثر لخمشاتهم باذات في ايدي والان صار شكل ايدي بيحزن من كثر العلامات بدي طريقة او كريم يشيل العلامات دي من ايديني
وبس دا للان اللي مفتكرتو من حوستي اتمني تساعدوني ومشكورين مقدما https://said.xplainer.net/images/smilies/rose.gif
>>>>> ردود الأعضـــــــــــــــــــاء على الموضوع <<<<<
==================================
أولا ألف مبروك حبي والله يسرلك ولاتشيلين هم كثير عشان ماتتعب نفسيتك ثانيا أنا ماأتقيد بالموضه أبدا وآخذ اللي يعجبني فبقول لك اللي على بالي بالنسبه للتاج على حسب تسريحة شعرك إذا بترفعين نص ونص تتركينه طايح على ظهرك ألبسي تاج إذا بتسوين تسريحه كامله حطي إكسسوار وكرستالات أحلى وترا حلاة التاج على فستان الزفه الابيض بالنسبه للمسكه خليها بوكيه ورد قريب من لون فستانك أو الكوشه وأنثريها على المعازيم وأنتي تمشين في الزفه وخلي أمك مثلا تستقبلك على الكوشه بمسكه من الكرستال أو اللي يعجبك عشان تبقى معك وتكون ذكرى أما الزفات ماعندي خلفيه أبدا سامحيني وحاولي تخلينها إسلاميه عشان ماتأخذين ذنب أحد من الحظور وتتوفقين بحياتك الجديده بإذن الله أما أهم شي واللي ضحكني المخشات اللي بدينك من البساس استخدمي كريم سودو مرهم ميبو وإذا تبين رأي روحي لدكتورة جلديه تسوي لك تركيبه تشيلها بأسرع وقت ممكن وتخليها قشطه حتى مفاصل الأصابع وبالتوفيق واسمحي لي عالقصور
__________________________________________________ __________
مشكورة اختي ملاك والله يبارك في ايامك
بالنسبة للبوكية انا كمان بقول الطبيعي افضل بس انا اكثر شيء محتارة في لونها لان الفستان فيروزي فا مش عارفة ايش يمشي معاه من الوان
والزفة ما عندي مشكلة اسلامية او غيرها بس ما عندي اي خلفية عن الزفات ولافكرة عنها
وعلي الخمشات فعلا مشكلة لانها دي اثار خمشات وانا بيضة والخمشات ببترك اثر اسود فصارت ايدي وسواعدي وكتوفي كلها مخططة بالاسود كلو من العيال بستي بيتسلقوني وبيلعبي فني عض وخمش ما اتوقعت انها بتترك اثر لمدة طويلة كذا
استفسار اخر
انا لازم اصبغ شعري لان شعري مليان شيب فا ايش تقترحولي لون للصبغه ؟؟؟؟ انا الان صابغتو بني فاتح ومخصلتو بالذهبي بفكر علي الملكة اخليه لون واحد بني ايش رايك بيتناسب مع لون الفستان ؟؟
__________________________________________________ __________
حبيبتي الشعر أنا ماعمري صبغت شعري أخاف يخرب لكن إذا كانت بشرتك بيضاء جربي الأشقر البندقي أو بني غزال أو أحمر برغندي وسط هذي ألوان أشوفها على أختي مره حلوه أو كستنائي فاتح ألوان الورد خليها في بوكيه ليلكي مدرج بأبيض على خفيف الورد خليه يكون طاغي عليه الأبيض طبعا مع أغصان خضرا بسيطه ادمجي معاه كم ورده وردي أنا بصراحه ما أعرف ألوان الورد كثير أما الزفات بأسأل لك أختي وأرشح لك كم وحده وأنتي وذوقك وبالنسبه للورد والزفه روحي محل تنسيق زفات وكوش وحتى عشان تنسيق الكوشه واختاري على أقل من مهلك لأن عندك وقت ماشاء الله والجروح اللي في جسمك روحي دكتورة جلديه شاطره تصلح لك تركيبه لأن أمي كان فيها حروق من قبل ثنين وعشرين سنه وراحت السنه اللي فاتت عند دكتورة جلديه واستخدمت التركيبه وفي أقل من ثلاث شهور راحت الحمدلله تذكرت شي للشيب في الشعر استخدمي زيت المراميه أطول فتره ممكنه وبالتوفيق
__________________________________________________ __________
تسلمي اختي ملاك معليش بتعبك معايا
وشكرا علي نصيحتك بالنسبة للزيت ان شالله في اقرب فرصة اجيبو واضيفو لخلطة الزيوت للي انا مسويتها لان الشيب هلكني وبيكثر مع الصبغات بزيادة وانا محتارة ايش اسوي فيه وان شالله الزيت يجيب نتيجة معاه
بالنسبة للون الصبغه انا كمان بفكر فيها وان شالله لمن اروح اتفق مع الكوفيرة اشوف عندها الالوان دي واشوف ايش اكثر شي يناسبني
والباقة والكوشة صحيح انا عندي وقت لكن ما عندي المرسول اللي يوديني فا عندي مرة وحدة اخرج واقضي كل مشاويري حتي ما اتعرض للمخاصمة والتهزيء في ان اغراضي ماتخلص
وان شالله ناوية اروح لمحل معروف اعمل الكوشة والزفة والباقة كلها مرة وحدة عندو حتي ما اكثر مشاوير علي اهلي
واكيد لازم اشوف طبيبة جلدية اللي صار فيني من بساسي ان شالله كمان في اقرب فرصة حروح
انا بفكر اني افصل قبعه مع الفستان ايش رايكم ؟؟
صحيح كمان المصورة اذا احد يعرف مصورة كويسة بالطايف ياليت تفيدوني بيها
شكرا مرة تانية
__________________________________________________ __________
بخصوص الزفة ممكن اسوي لك اذا تبين
