كل ماتريدين معرفته عن انواع الطرح و لفاتها أحدث موضة

عنوان الموضوع : كل ماتريدين معرفته عن انواع الطرح و لفاتها أحدث موضة
مقدم من طرف منتديات نساء الجزائر

كل ماتريدين معرفته عن انواع الطرح و لفاتها



ما هي أحدث خامات الطرح؟
كل فصل من فصول السنة له خامة، يعني في فصل الصيف ممكن نلبس الطرح الأقطان الخفيفة والشيفون.. وفي فصل الشتاء نلبس الطرح القطن الثقيلة شوية وهذه موضة جدا السنة دي، أما الأورجانزا والتول والشيفون فممكن نلبسهم في أي وقت وبيناسبوا أكثر السهرات والسواريه.

ما هي أحدث أشكال ونقشات الطرح؟
الألوان المتداخلة مازالت موضة والطرح الكاروه والطرح المنقطة والطرح اللي فيها كور موجودة بكثرة والطرح المقلمة..
ومعظم الخامات فيها لمعة وممكن نلاقي اللمعة الفضي والذهبي مع بعض، يعني مثلا تلاقي القماش كاروه أحمر وأسود وفيه لمعة فضي أو ذهبي ولون رصاصي وفيه لمعة فضي، والأشكال المنتشرة الآن الطرح الضخمة زي (الشال).

والطرح اللماعة ممكن نلبسها في النهار؟
معظم البنات كانوا متخوفين إنهم يلبسوا الطرح اللي بتلمع في النهار لكن دلوقتي أصبحت موضة جدا.

هل ربطة الطرحة الإسبانش تراجعت شوية؟
أيوه الربطة الإسبانش تراجعت وأصبحت منتشرة حاليا الربطة المنفوشة وخصوصا الطرح الصوف المنقوشة ونازلة على الظهر كله وجود أكثر من طرحة مع بعض.


ما هي أحدث أشكال وأنواع البندانة؟
أولا أنا عايزة أنصح كل البنات بإنهم يلبسوا (البندانة القطن) في الأساس على شعرهم مباشرة لأنها مفيدة وصحية جدا وتمنع تساقط الشعر وتحافظ عليه وكمان بتساعد على وضع الدبابيس كويس ولا تساعد على تزحلق الطرحة...

وعلى فكرة البندانة دلوقتي بقت بديل عن الطرحة، يعني تقدر البنت تضع أكثر من لون للبندانة على إنهم طرح ملونة وتضع في النهاية طرحة واحدة في الواجهة، وفيه أنواع كثيرة من البندانة زي البندانة "الليكرا "- "شيفون"- "التول". وعرضها 10سم وطولها 30 سم وكمان البندانة المستطيلة والبندانة الكاملة على الرأس وممكن البنت تلبسها بطريقة مائلة والعكس


هل ممكن البنت تستخدم الطرحة لإخفاء عيوب الوجه والمناطق الضخمة في وجها؟
آه طبعا.. أكيد..

طيب كيف؟
شوفي لو مثلا البنت وجهها طويل يبقى تحاول تعمل الطرحة لتحت في اتجاه الخلف أو على جنب، وبعدين تقصر الجبهة وتضيف أي حاجة على الجانب علشان الوجه يبان إنه عريض.
وخلّي بالك إن الوجه الطويل لا يتناسب معاه الربطة العالية لأنها هتطوّل الوجه أكثر.

طيب لو بنت وجهها مدوّر؟
يبقى بلاش تلف الطرح على جنب إطلاقا لأنها تزيد من مساحة (الخدود) وتعمل الطرحة للخلف، لتحت أو لفوق، وممكن تعمل الطرحة شينوه لفوق، وممكن تعمل الربطة ديل حصان لفوق عشان الوش يكون رفيع.

والوجه المربع أو المستطيل؟
الوجه المربع والمستطيل بيكون عنده أربع بذور، اثنتين في الجبهة واثنتين في الفكين وعلشان كده لازم تنزل بالطرحة لتحت شوية ونعمل (كروس) طرحة عكس الثانية والطرحة بتساعد إن الوش يكون رفيع وتحاول تداري الجبهة وتحاول تنزل بالطرحة على الجبهة وتقفل الجبهة.

والوجه البيضاوي؟
معظم الربطات تمشي معاه وممكن تعمل ربطة على جنب أو تقفل من قدام أو تعمل كروس.

طيب صاحبة الأنف الكبير تعمل إيه؟؟
صاحبة الأنف الكبير بيكون عندها مشكلة في الحجاب لأن أنفها ظاهر واضح في الوجه وفي هذه الحالة ماينفعش معاها إننا نعمل إسبانش للخلف أو طرحة هابطة وماسكة على وجهها فتحاول إنها تلبس طرحة منفوشة شوية أو تضع إكسسوار أو تعمل أكتر من طبقة أو تدخل أكثر من بندانة عشان تخطف العين ولا تجعل التركيز على أنفها.

لو الشفايف كبيرة نعمل إيه؟
نفس الحكاية تحاول تلفت النظر بأي شيء يبعد التركيز عن وجهها وتعمل ماكياج كثير على عينها والطرحة تكون منفوشة وتغير في الربطات والألوان.

ما هي أفضل الربطات لبنت الجامعة؟
ربطة الطرحة لازم تكون بسيطة وخفيفة فممكن تستخدم طرحة أو طرحتين على الأكثر.. يا ريت تحاول تبعد عن الألوان الكثيرة وتكون رقيقة على قد ما تقدر وتبعد تماما عن التول والأورجانزا. وتاخد بالها كويس جدا من لبسها فلو مثلا لابسة حاجة سادة يبقى ممكن الطرحة يكون فيها ألوان، لكن لو لابسة حاجة ملونة أو فيها نقوش يبقى لازم الطرحة تبقى سادة.

وممكن البنت تنوع في شكل ربطة الطرحة بتاعتها وهي رايحة الجامعة فممكن إنها تعمل ربطة إسبانش، بس تاخد بالها إنها تلفها زي الكحكة وتجيبها على قدام، ولو مش عايزة إسبانش يبقى تربطها عادي بطرحة أو طرحتين أو طرحة وبندانة.

كيف ممكن أربط ربطة روشة؟
1 - نجيب إيشارب واحد نربطه من الخلف طرف طويل وطرف قصير.
2 - الإيشارب الثاني نمسكه بطريقة مائلة ونربطه من الخلف.
3 - كده أصبح عندي أربعة أطراف في الخلف، 2 قصيرين و2 طوال.
4 - بعد كده أجيب واحد من الطرفين الطوال وأطلع بيه عدل وأربطه تاني للخلف.
5 - كده المنظر أو الشكل عدل بميل واللي بعده عدل.
6 - هيكون باقي عندي طرف طويل وطرفين قصيرين.. في هذه الحالة ممكن أجيب الطرف الطويل ألفه على الكحكة وأجيب الثلاثة أطراف على قدام.
7 - لو الأطراف طويلة أعملهم ضفيرة لقدام أو على الخلف.
8 - وممكن فكرة ثانية أجيب الطرف الطويل ألفه على الطرفين القصيرين وأمسكهم في النصف بإكسسوار على كحكة من وراء.
9 - إذن المنظر في النهاية هيكون من قدام عدل ومائل ومن الظهر الأطراف عاملة زي (ذيل الحصان) ومربوطة بإكسسوار.


كيف ممكن أربط ربطة تناسب السوارية؟
الأفضل تكون أكثر من طرحة وفي البداية:
1 - أبدأ الأساس بالطرحة الشيفون.
2 - بعدين أضع الطرحة التول عشان بيعطي للبنت شكل فخامة.
3 - وبعدها أضع إكسسوار زي (شريط ستان – سلاسل خرج النجف) أو قطعة من الفستان.
4 - وبعدها أقفل الطرحتين بأكثر من طريقة ممكن الشيفون والتول مع بعض لقدام أو المهم مع بعض كلهم شنيوه عالي لفوق.

كيف ممكن أدمج بين الطرحة التول والطرحة الشيفون؟
1 - أجيب الطرحة الشيفون أربطها على شكل كحكة.
2 - أجيب الطرحة التول وألبسها من الخلف وأعملها كروس على قدام.
3 - أنزل بيهم تاني للخلف وكده هيعطيني شكل البندانة.
4 - بعد كده ألمهم كلهم مع بعض على تحت الشيفون مع التول.

كيف ممكن أدمج ثلاث طرح مع بعض؟
1 - الطرحة الشيفون أول طبقة.
2 - الطرحة الثانية أجيبها من نصف رأسي بالطول.
3 - الطرحة الثالثة التول أطلع بها كروس لفوق.
4 - أجيب الطرحة الشيفون اللي عملتها من نصف رأسي للوراء.
5 - أرجع تاني وأقفل (كروس) وأنزل كأني أدخلت الشيفون وقفلتها من المنتصف.
الشكل هيظهر عندي كالتالي:
6 - اللون الأول قفلت بيه شعري.
7 - بعدين طلعت بالتول كروس.
8 - وبعدين قفلت من النصف بلون ثاني شيفون.
9 - وكده هيكون شكل الألوان متداخلة. وقفلت المنطقة الأمامية.

بعد كده أعمل إيه؟!
10 - هتكون عندي الأطراف للوراء.

أعمل فيها إيه؟
11 - لو وجهي مليان تكون الأطراف للوراء.
لو وجهي رفيع أجيب الأطراف للأمام.
لو جسمي قصير أرفع الأطراف لفوق.
لو جسمي طويل أنزل بالأطراف لتحت.

فيه بنات كتير بتحب تلبس طرحة واحدة. كيف ممكن تربطها بما يناسب الموضة؟
هذه لها أكتر من طريقة:

الطريقة الأولى:
تربطها عادي جدا من الخلف وبعدين تجيب الطرفين على قدام وتربطهم كأنهم زي (الإسكارف أو الكوفية) وتمسكهم بإكسسوار من النصف وممكن تلبس بندانة.


الطريقة التانية:
تربط الطرحة من الخلف وتجيب الأطراف لقدام على شكل حلزوني وتربط أطرافهم بإكسسوار أو شريطة.

طيب والبنات اللي بتحب تلبس أكتر من طرحتين.. كيف تربطها؟
تعمل طرحة واحدة عدلة وتطلع بواحدة كروس والثانية عدلة أو تلبس بندانة والطرحتين كروس، يعني تضعها بطريقة مائلة وتربطها من الخلف.. والطرحة الثانية تكون عكس الكروس الأول وتربطها بطريقة مائلة من الخلف وممكن تعمل كمان من الأطراف كروس عكس الكروسات الأولى.

كيف ممكن أربط الربطة الخليجي؟
1 - تجيب بندانة وتلبسها كويس على رأسها.
2 - تجيب الطرحة وتلفها وتكون من الناحية اليمين قصيرة ومن الناحية الشمال طويلة.
3 - وتربطها بدبوس وتكون (مرحرحة).
4 - بعد كده تجيب الطرف الشمال وتلف الطرحة على الرأس بشكل طرفين.
5 - وبعد كده الناحية القصيرة تتركها على كتفها وتجيبها من الخلف إلى الأمام.

واللفات المغربي والهندي كيف ممكن أربطها؟
اللفات دي بتكون غير ثابتة ولفها بيكون بطريقة عشوائية وتكون مطابقة لشكل العبايات لأن المغاربة بيحبوا يلبسوا عبايات وتكون خامة الطرحة نفس خامة العباية ويضعوا إكسسوار على الطرح وبيعملوا أكثر من لفة وينفشوها

الربطة المنفوشة كيف أعملها؟
1 - أجيب طرحة وأربطها من الخلف إسبانش.
2 - الطرحة الثانية نجيبها لقدام.
3 - الطرحة الثالثة تكون منفوشة ونربط طرف منها على فوق والطرف الثاني على الكتف.
4 - الناحية العريضة نرفعها لقدام كأنه شال.

ما الألوان المتناسقة مع بعضها وتكون موضة؟
الفوشية مع الأحمر، والأورانج والبني، والموف مع الأصفر والتركواز.. وأنا في رأيي إن معظم الألوان تتناسب مع بعضها لكن المهم اختيار الدرجة.. يعني درجة معينة مع الأصفر ودرجة معينة مع التركواز وتداخل الألوان يحتاج تركيز ويعتمد على الإحساس الشخصي.

لو مش عاوزة ألبس الطرحة نفس لون البلوزة أعمل إيه؟
لو البلوزة أورانج مثلا ممكن ألبس طرحة زيتي أو بصلي أو أكثر من لون بس يكونوا مناسبين للون البلوزة


كيف أنسق الإكسسوار مع الطرحة؟
يعني مثلا لو البلوزة صفراء ممكن ألبس طرحة تركواز والإكسسوار يكون تركواز أو تركواز في أصفر. ولو البلوزة زيتي ممكن الطرحة تكون صفراء والإكسسوار أصفر في زيتي، ولو البلوزة بيضاء فكل الألوان تتناسب معها، والإكسسوارات تكون ملونة ومتداخل فيها ألوان كثيرة..



اتمني يكون الموضوع عجبكم

وأشوف ردودكم للتعليق حتى لو ما عجبكم

https://photos.azyya.com/store/up3/090208101402l3wU.gif[/SIZE]

>>>>> ردود الأعضـــــــــــــــــــاء على الموضوع <<<<<
==================================

مشكوووووووره حبيبتي

يعطيك العااااااااااااااافيه

على المعلومه الرائعه بروعتك

__________________________________________________ __________

الله يعطيك الف عافيه البلسم

وتسلمين على الموضوع المميز

بأنتظار جديدك ياالغلا

__________________________________________________ __________

مشكووووووووووووووووووورة
الله يعطيكى العافيه

__________________________________________________ __________

يسلمووووووووووووووووو يالغلا

__________________________________________________ __________

شكرا كتير على المعلومات -بس انا فى الرياض وكنت عايزه اعرف اماكن بتبيع طرح عاديه ملونه مش سودا و اشكال جديده من الطرح يا ريت لو حد يعرف يقوللى ضرورى وتكون اماكن قريه من العليا