رواية بكيت في غيابك ياروحي وتعبت في بعادك وزادت جروحي روايات

عنوان الموضوع : رواية بكيت في غيابك ياروحي وتعبت في بعادك وزادت جروحي روايات
مقدم من طرف منتديات نساء الجزائر

رواية بكيت في غيابك ياروحي وتعبت في بعادك وزادت جروحي


https://uploads.sedty.com/imagehosting/1_1402432992.gif



تعريف الشخصيات :

الجد الوليد الجده منيره عندهم من الأولاد
راشد اكبر الأولاد توفى اهو وزوجته بحادث
أولاده :
محمد:عمره29سنه شخصيته قويه خقق ابيض جسمه رياضي عيونه عسليه واسعه وشعره اسود ناعم وخشمه سلة سيف وشفايفه توت
هدى:عمرها 20سنه ناعمه درجه اولى ودلوعه وعنيده تشبه محمد عيونها واسعه عسليه وشعرها اسود حرير وطويل وجسمها خقه وخشمها سلة سيف وشفايفها توت وفيها غمازات تهبل
.................
بيت خالد
خالد : ابو الوليد مررره طيب وحنون على عياله
نوره: ام الوليد طيوبه وتحب عيالها كثير وماترفض لهم طلب بالمرة تصير خالة محمد وهدى
الوليد:عمره 29سنه مغرور وصديق وليد الروح بالروح خشمه سلة سيف عيونه سودا واسعه ابيض طويل عنده غمازات تجنن مغازلجي درجه اولى جسمه رياضي جرئ مره ويشتغل مع وليد وعمانه بشركات جده
علا: بضم العين عمرها 20سنه طويله سمراء عيونها واسعه ونعسانه ابتسامتها تدوخ ولها نظره تطيح الطير من السماء شعرها بوية قصير لونه اسود يجنن
وغامضة محد يقدر يفهم لها وصفاتها كلها متناقضة وعنيدة كثير بتتعرفون عليها اكثر من خلال الاحداث..

بيت ماجد
ماجد : ابو عزوزطيوب وحنون بس بسرعه يعصب وشخصيته مرة قوية وثقيل ..
هيا: ام عزوز حبوبه وطيوبه وتحب عيالها ومرة كلامها حلو
عبد العزيز :طويل وطوله يجنن ولونه برونزي ثقيل وماعنده حركات الشباب ابتسامته تهبل ويضحك بس نادر وجسمه رياضي عنده طموح كثيره عمره 24سنه
العنود:عمرها20 سنة صديقة علا الروح بالروح وطيوبه وعيونها سودا واسعه سمراء جسمها متناسق خشمهاا سلة سيف وشفايفها مليانه

ريان : اصغر عمامهم لسى ماتزوج عمره 29 سنة صديق ركان الروح بالروح اسمر وطويل وعريض عيونه عسليه وخشمه سلة سيف
.............
ركان : خال هدى ومحمد والوليد وعلا عمره29حبوب مملوح ابيض جسمه رياضي عيونه واسعه سودا وخشمه سلة سيف وشفايفه توت

أبطال القصة علا & هدى
وطبعاً بتصير احداث كثيرة
يلا ان شاء الله تستمتعوا بالرواية ..
بس ابي تفاعل ..

برب مع البارت الاول ..

>>>>> ردود الأعضـــــــــــــــــــاء على الموضوع <<<<<
==================================

البارت الاول :
هدى:بابا شنو هذا الكلام الي تقوله أنا مو مصدقه مستحيل أكيد تمزح صح
ابو بدر:هدى هذه الحقيقة انتي مو بنتي أنا أسف والله ترددت كثير أكلمك بهالموضوع
بس هذي وصية أبوك لا تتوقعين الموضوع سهل علي اصعب من ماتتخيلينه .
هدى والدموع تملى عينها والى الان مو مستوعبه :لا مستحيل قول انك تمزح لكن احس تتكلم من جد فهموني وش صاير أنا مين وبنت مين
ابو بدر:سمعيني وهدي أعصابك وخلك معي انتي لمن كان عمرك سنتين توفى امك وابوك بحادث ووصية أبوك انك تعيشين عندي واعتبرك مثل بنتي لكن والله بالفعل مثل بنتي وماعترف لك بالحقيقه الا اذا صار عمرك٢٠
هدى منهاره على الاخر :اه ليه أنا يصير معي كذا ليه يكفي بس يكفي
ابو بدر :ياهدى يابنتي لاتسوين بعمرك كذا هذا المكتوب
هدى جلست تبكي بقوه وانهارت واغمى عليها وخذاها أبوها للمستشفى والكل كان في المستشفى وكانوا خايفين عليها
طلع الدكتور وراحوا لعنده :طمنا دكتور
الدكتور:انهيار عصبي نتيجه لصدمه
ابو بدر:لاحول ولا قوة الا بالله طيب كيف حالتها الحين
الدكتور:الحين صاحيه تقدرون تشوفونها بس رجاء بدون ازعاج ولا كلام يضايقها
ابو بدر:ان شاء الله
ودخل ابو بدر ومعه بدر ومعه شخص ثاني وشافوا
ثاني وشافوا هدى على السرير والتعب مبين عليها
ابو بدر:ماتشوفين شر يابنتي هذا أخوك محمد ياهدى
هدى:اخوي ومستغربه
محمد:أنا أخوك الي انحرمتي من شوفته٢٠سنه
هدى وعيونهامليانه دمووع:ليه تركتني مع ناس ماعرفهم
ابو بدر هالكلمه كانت مثل السهم بقلبه
محمد:هدي الحين ووعد مني راح أبقى معك على طول
هدى:ليه ماجيت تشوفني لهدرجه ماتبوني
محمد :لا شنو هالكلام بس هذي وصية الوالد الله يرحمه ولازم أنفذها
هدى :اهـ يا دنيا
الدكتور دخل وشاف هدى تبكي وقال:الله يسامحكم أنا ماقلت لكم ماتزعلونها
محمد:والله مو قصدنا بس جا الموضوع على البال
الدكتور:طيب لو سمحتوا تفضلوا ارتاحو برا
ابو بدر:ان شاء الله تعال يامحمد خلي اختك ترتاح
وطلعو برا
مر اليوم وهدى بالمستشفى وجا بكره وجا محمد عشان ياخذ هدى معاه
محمد ومعاه واحد ثاني :السلام
هدى:وعليكم السلام ومنو هذا لايكون اخوي بعد
محمد:لا هذا الوليد ولد عمي
هدى:لا وبعد عندي عيال عم وهي ترفع حاجب باستهزاء والله حلوو
الوليد وهو رافع حاجب:اقول اخلصي علينا
هدى بعصبيه:هييه انت تكلم عدل لاعلمك كيف تتكلم معي
الوليد:لايكثر بس يلا قدامي مابقى الا انتي
هدى :ومن قال بروح وياك يامال الوجع
الوليد:هييه انتي محد ميت عليك روحي بس وطلع من الغرفه وهو معصب
هدى:والله العظيم قال ولد عم قال ياسماجته بس
محمد :يالله منك هدى حرام عليك مايصير الي تسوينه
هدى:إيه وحلال عليكم تتركوني ٢٠سنه مع ناس ماعرفهم وطلعت من الغرفه
محمد:لا اله الا الله بس الله يكتب الي فيه الخير وطلعو وأنهى محمد اجراءات المستشفى
هدى:مابي اروح معكم كيفي
محمد:هدى عن حركات الورعان قدامي يلا وبدأ يعصب
هدى:شوف بروح معاكم بس لأني تعبانه
محمد:الله يصبرني يلا
وكان وليد هو الي يسوق السيارة وركبت هدى وطالع عليها وليد بالمرايه وقال مو قلتي مو جايه وضحك ضحكة استهزاء
هدى عصبت:سوق وانت ساكت
وليد:انتي تعرفين تسكتين
هدى:اذا انت كذا اكيد لا
محمد :هدى خلاص عيب
هدى:ايه يصير خير وتمو ساكتين
فجأه هدى صرخت:محمد
وليد نقز:هييه انتي قصري صوتك
هدى طنشته:محمد ماعندي ملابس في بيتكم
محمد:كلمت أبوك وجابلك من ملابسك ليما تفضين ونطلع للمجمع
هدى:طيب الحين أنتو عندكم بنات كبري
محمد:ايه فيه بيجون اليوم أعرفك عليهم
هدى بهدوء:اها
وليد:غريبه صايره هاديه
هدى:انت لاتراقبني وبترتاح اوووووف قاعد لي ع الوحده
محمد :هدى خلاص عيب
هدى:ياربي حلال عليه حرام علي روحوا طيروا
وليد:سكتي احسنلك

__________________________________________________ __________

هدى : لا يمى خفت اقول مناك على اقرب جدار .
الوليد سكت لانه ماله خلق خلقها لف لمحمد وقال له بهدوء : قول لي اجيب اختك عشان وربي اذبحها طيب .
محمد : طيب سوق صدعتوا راسي حسيتكم بزارين .
هدى : لا تغلط هو بزر يمكن بس انا لا .
طنشوها ورجعت راسلها لورى وهي دايخة وفيها النوم
وصلوا البيت ..
محمد : يلا وصلنا وليد رح ننزل .
الوليد : خلاص دجي على راحتك ولف على هدى وشافها نايمة وقال :
شوف اختك نايمة .
محمد لف لهدى : هدى حبيبتي يلا اصحي .
هدى صحت وهي دايخة وقالت : بسرعة ياخي بنام ونزلت وهي مو ثابتة بمشيتها ونزل محمد وساعدها تمشي واليد حرك .
هدى دخلت وهي تشوف القصر من الداخل ..لفت لمحمد :
وين غرفتي ابي انام ..
محمد : طيب يلا امشي ورقوا الدرج لين ماوصلوا لجناح دخلوه كان مرة حلو كله اسود يتكون من غرفة نوم ودورة مياه وغرفة ملابس وغرفة جلوس وكلهم لونهم اسود وفي تداخل باللون الاحمر
دخلت لغرفة النوم وفصخت عبايتها وارتمت على السرير وراحت سابع نومه
وماقامت الا على صوت ....

نهاية البارت الاول
ان شاء الله عجبكم وابغى تفاعل
نزلت رواية قبل كذا بس مالقيت تفاعل وحطمتوني
هالمرة ابي تفاعل غييييييير

__________________________________________________ __________

البارت الثاني :

وماصحت الا لمن دخلت عليها الخدامة
الخدامة : مدام محمد يقول قومي لان الجد في يجي .
هدى : اووه ويين انا ايه صح انا ببيت اخوي طيب كم الساعة ؟
الخدامة : الساعة 6 بالليل ..
هدى : ياربي فاتتني صلاة المغرب وقامت تتوضى وتصلي ونزلت على الصالة وشافت
وليد و محمد وهي جاية بالبجامة يووه انتو هنا وطلعت بسرعة ..
الوليد ابتسم وفيه الضحكة : الله يهديها اختك طابة علينا كذا بدون غطى ولا شي ..
محمد : هههههههه هذي ايام الاستقبال ماابي ازعلها لكن بعدين بطلع لها القوانين ..
الوليد : يا عيني على الاخ الححنون ..
محمد : اقول روح موت بس .
الوليد : هههههههههه اعصابك حبيبي ..
.................................................. .........................................

عند علا ..
علا :ماما وين فستاني الجديد مدري وين حطيته ..
ام الوليد : هذي حالتكك انتي شفتك حاطته بالصالة فدخلته لك بالدولاب ..
علا : اييه صح تسلمين ماميتي ..
ام الوليد : الله يهديك بس وابتسمت وراحت المطبخ ..
راحت علا لعند الدولاب وطلعت فستانها ولبسته وكان فستان اسود قصير وبدون اكمام وفيه حزام فضي بالكريستال مرة ناعم وبسيط
ولبست معه صندل فضي كعب متوسط وشعرها طبعا قصير فحطت عليه تاج فضي نااعم وبسيط وسوته كانه بف من قدام ..
وسوت ميك اب هادئ كثيير ظلال العيون اسود وركبت عدسات رمادية
واحمر شفايف وردي فاتح لايق عليها كثير
وطلعت كانها ملاك ..
.................................................. .................................................. ..................
عند العنود :
اليوم بروح لبنت عمي اول مرة اشوفها ولازم اكشخ
لبست فستان متوسط الطول بنفسجي اكمامه وسط مرة نعوم وصندل فضي ومسوية شعرها كيرلي وميك اب بين جمالها
وطلعت تهبببببل ..

.................................................. .................................................. .....
جا الوقت وهدى نازلة ع الدرج اول مرة تقابل اعمامها وجدها ودخلت الصالة وكان فيها جدتهم وام العنود وام علا وجات سلمت بالبداية على الجدة
قالت الجدة : ماشاء الله تبارك الرحمن يابنت وليدي جمال ومبين عليك اخلاق
ذكرتيني بولدي راشد وجلست تصيح ..
هدى عيونها جا عليها الدمع : الله يخليك جدتي لا تصيحين ومسحت دموعها
وكملت وسلمت ع البقية وراحت جلست جمب علا والعنود ..
علا : هلا وغلا ببنت العم انا اسمي علا عمري 20 ادرس انجليزي بالجامعة مع بنت عمي العنود وان شاء الله بالسنوات الجاية بكمل برا .
العنود : وانا العنود ادرس بنفس السنة وبنفس القسم ويا بنت عمي علا عمري 20
هدى : تشرفنا وانا بعد ادرس سنة اولى انجليزي باي جامعة تدرسون
علا : في جامعة ................
هدى : اما عاد نفس جامعتي ونااسة تصدقين لكن ولا مرة شفتكم هناك ..
علا بهبال : الله وناسة معي بنت عم جديدة بدال العنود زهقت منها خلاص صارت مغبرة ..
العنود : ماالت بس احين انتهى دوري
هدى : هههههههههههههههههه اعصابكم ثتنينكم حبيباتي .
العنود : تعلمي يا بنت العم .
علا : تصدقين كسرتي خاطري ياعنيد ..
العنود كاتمة الضحكة وفقعتها وكلهم ضحكوا على الهبال من البداية ..
ام علا : ماشاء الله عليهم الله يديم عليهم الضحكة
ام العنود : امييين يارب
ام علا : الا ماقلتي لي شلون يسوون كيكة التشيز كيك .
ام العنود : ايه ذكرتيني جبت معي المقادير والطريقة بورقة لحظة اطلعها
وكملوا سوالفهم ..

.................................................. .................................

__________________________________________________ __________

في المجلس :
عبد العزيز : ياخي سوالف هالشياب تصدع الراس شنو ذا ..
محمد : من جد والله ههههههههههههههه.
عزوز : احين وش يضحكك
محمد : هههههههههههههههههههه ما ادري
الوليد : هستر الاخ .
عبد العزيز : حسييت والله اقول شباب شفتوا مباراة ريال مدريد وبرشلونة ..
الوليد : ايه تعادل بس البرشا لعب احسن ..
عبد العزيز : اقول روح موت بس الريال والله كان الافضل شفت الهدف الي سجله رونالدو كان صحيح بس التحكيم فاشل ..
محمد : هههههههههههههههههههههههه
الوليد : لا هالاخ مو صاحي والله ..
عبد العزيز : يبغاله تسطير ..
محمد : لالا خلاص اووه سكت ..
الوليد : الله يثبت علينا العقل والدين شنو شارب اليوم ..
عبد العزيز : شكله شارب عصير له 60 يوم ..
محمد : ههههههههههههههههههههههههههههههههه
عزوز : يووه وش فيه اليوم ..
وكملوا تحشيش ..
.................................................. ..........................................
الجد : يا خالد قول لحفيدي الوليد يروح ينادي حفيداتي ابي اشوفهم ..
خالد : طيب احين اناديه يالوليد تعال ..
الوليد : ربي يحبني انقذني من هالمحشش الي جمبك الله يعينك عزيز ..
عزيز : هذا الي مكتوب لي باخر عمري ولد عمي يهستر ..
الوليد : هههههههههههههههههههههههههه
وراح لابوه ...
ابو الوليد : روح نادي اختك وبنات عمك جدهم يبغاهم ..
الوليد : ان شاء الله ابوي
وراح الوليد لجمب الصالة : علالالالالا علا وصمخ ..
جات علا وطلعت له برا :
علا : خير شتبي صرعت الصالة وش فيكك ..
الوليد : وجعة يا ام لسان جدي يبغاكم ..
علا : طيب وخزته وراحت ..
الوليد : عزيزتي لا يطيحون عيونك وضحك وراح ..
علا : هديو وعنيد يلا تعالوا بنروح نسلم ع الجد ..
علا :ماما رح اروح انا والعنود وهدى نسلم ع جدي ..
ام علا : طيب روحوا ..
علا : طيب برب .
ام علا : نعم ..!؟
هدى : ههههههههههههههه ماعليك خالتي مصطلحات مسن وضحكوا وراحو ..
ام العنود : الله يهديهم هالبنات ..
ام علا : اميين ..
وابتسموا
.................................................. ................................................
وراحوا وهدى خايفة كثير لانها اول مرة تقابلهم وصلوا جمب باب المجلس ..
علا : يلا دخلوا ..
العنود : طيب شنو منتظرين ..
هدى : خاايفة ..
علا : ماعليه من شنو تخافين انا بدخل وتعالوا وراي ..
العنود : عليها جراة هالبنت ..
علا : ما انلام اخت اخوي ..
هدى : هههههههههههههههه حلوة هذي اخت اخوي ..
ودخلت علا وجات وراها العنود وهدى وطبعا كانوا لابسين العبايات وحجاب بس مطلعين جزء من شعرهم ..
ودخلوا وشهقت هدى وتحس شوي وتطيح
وقالت ياربي شنو هالـ .........................

__________________________________________________ __________

البارت الثالث :

ودخلوا وشهقت هدى وتحس شوي وتطيح
وقالت ياربي شنو هالـزحمة ..
طقتها العنود بشويش بيدها وقالت لها سكتي
وراحوا وهو منزلين راسهم اول وحدة سلمت علا وبعدها العنود
وجات هدى وسلمت ع الجد ..
الجد : ماشاء الله انتي هدى احس شفت ولدي من جديد ..
هدى مع دمعة مبتسمة : : تسلم جدي ربي يخليك وراحت مسكت بعلا والعنود وسلموا على اعمامهم وطلعوا من المجلس ..
هدى : اووه احس قلبي بغى يطيح ..
علا : عاد جدي هالمرة ساحب علينا ياعنيد ..
العنود : ايه خلاص انتهى دورنا بعد هدى
هدى : من حققي دلوعة العائلة ..
علا : اقول مناك بس انا دفششة العائلة مين قدي ..
العنود : اقول خلونا ناخذ شي من المطبخ ترى اليوم فيلم توايلايت الجزء الجديد ..
علا : محد عازم نفسسه ..
هدى : هههههههههههههه حسييت يلا بنات عمي وكل شي يفداكم ..
العنود : تيب دليني ع المطبخ وانتو طلعوا فوق وبلحقكم ..
هدى : روحي ع طول وتشوفينه ع اليمين ..
علا : لا تتاخرين ..
العنود : اوكي دقايق والحقكم ..
هدى : يلا نروح غرفتي ترى غرفتي يالعنود فوق في الجناح اليمين واضحة يعني ..
العنود : اووكي وراحت المطبخ ..

.................................................. ..................................
عند الشباب

عبد العزيز : الحين هالبنات بنات عمي ..
الوليد : لا بنات حفيدك خبل انت ..
عبد العزيز : اقول لا يكثر بس احسهم كبروا كثير هدى اول مرة اشوفها لكن الي جمبها مو كانها علا ولا مشبه عليها ..
الوليد : اييه علا شفيك انت ..
عزوز : اماا عاد والله كبرت اذكر زمان يوم كانت تجي اول وحدة وتلعب بلاي ستيشن ويانا كانت مو سهلة تغلب الشباب هههههههههههههههه
الوليد : ههههههههههههههه اييه ومرة خلت واحد دموعه تنزل من الفشيلة لانه مسوي فيها محد قده ومحد يهزمه ..
عزوز : هههههههههههههههه خذت حقنا منه ماشاء الله عليها
الوليد : بس احين كبرت وعقلت بس للحين فيها دجة ..
عزوز : هههههههههههه ربي يحفظهاا ..
محمد : اقووول شباب انا جوعان ..
الوليد : وانت مايهمك غير بطنكك ..
عبد العزيز : حنا مو متحركين بتروح تجيب شي تاكله والا اجلس ..
الوليد : صحيح مثل ماسمعت وتراني مصمغ بصمغ فيران مني قايم ..
محمد : احس اني بموت شباب من الجووع ..
عبد العزيز : هذا انت حي قدامي كانك بقرة ..
محمد : حسبي الله عليكم من اولاد عم وراح للمطبخ ..
وهو داخل ع المطبخ شاف وحدة بالداخل بس ماعرف من هي
وصار يقرب ويقرب لين مابقى الا خطوة وللحين مانتبهت عليه
حسبها انها اخته لان مو معقول وحدة من بنات العم وتتجول بالمطبخ لحالها ..
وقال محمد : احم احم ..
العنود التفتت لورى وشهقت وطيحت الفشار ..
محمد جلس يطالعها وكانت قريبة منه وقال اكيد هذي العنود صارت تهبل ملاك يمشي ع الارض وقال لها : اسف حسبتك هدى اختي ..
العنود وهي خايفة وتطالع بجسم محمد العريض والرياضي
خصوصا انه كان لابس له تيشيرت اسود ضيق ومبين عضلاته وقالت له : ماعليه انا بطلع وتبي تطلع ..
محمد : لحظة وقفي لا تروحين ..
العنود : نعم .؟
محمد : لا قصدي انتي بنت عمي العنود صح .
العنود : ايه وانت محمد صح .؟
محمد : لا ظله ..
العنود باستغراب : نعم .؟
محمد : امزح
العنود : طيب يلا سلام وابتسمت له وراحت للبنات.
علا : وين الفششار..
العنود : هاا نسيته قصدي شفت محمد ورقيت فوق ..
علا : الحمد لله والشكر ..
هدى : خلاص انا بروح اجيبه ..
وراحت للمطبخ ..
.................................................. ....................