يا ليتني إنسان معدوم الإحساس ما أحس بفراقك و لا أبكي بغيابك رواية جميلة
عنوان الموضوع : يا ليتني إنسان معدوم الإحساس ما أحس بفراقك و لا أبكي بغيابك رواية جميلة
مقدم من طرف منتديات نساء الجزائر
يا ليتني إنسان معدوم الإحساس ما أحس بفراقك و لا أبكي بغيابك
https://uploads.sedty.com/imagehosting/1_1402432992.gif
بسم الله الرحمن الرحيم
هذي اول روايه لي اتمنى القى التفاعل معي , راح انزل بارت بالبدايه واذا لقيت تفاعل منكم راح احدد مواعيد لتنزيل البارتات , مااطول عليكم
قراءه ممتعه
روايتي الاولى: ياليتني انسان معدوم الإحساس..
ماأحس بفراقك ولا أبكي غيابك.. روايه رومانسيه جريئه
كانت تنظف البيت قبل مايوصل ابوها , خلصت البيت وبخرته اخذت دش .. طلعت على صراخ ابوها
ملاك وهي تنشف شعرها : هلا يبه
ابوها بعصبيه : كل هذا بالحمام
ملاك: امر بغيت شي
ابوها : جهزي العشاء وجيبه
ملاك : تامر يبه
جابت العشاء وقعدوا يتعشون
ملاك 19 سنه عايشه مع ابوها بعد وفات امها ,,
في بيت ثاني
صرخ بكل عصبيه : يبه انت واعي للي تقول
ابوه :اسكت امك لاتسمع خلني امهد لها الموضوع
حاتم: خلها تسمع وانا هامني بس لاتحلم يصير اللي في بالك
دخلت ام حاتم: وش فيكم تصارخون
ابو حاتم ارتبك : هاه ولا شي الله يهديك قاعدين نتناقش بامور الشركه
حاتم بقمه عصبيته: لا يبه خلها تدري
ابو حاتم بحده: حاتم اسكت
حاتم: يمه ابوي يبيني اتـ............
>>>>> ردود الأعضـــــــــــــــــــاء على الموضوع <<<<<
==================================
حاتم شاب وسيم عمره 26 يشتغل بشركه من شركات ابوه له اخوات الاولى كبيره اسمها هند ومتزوجه عندها ولدين توام
الثانيه شوق عمرها 18 راح نتعرف عليهم بالاحداث اكثر
ملاك كانت مصدومه من كلام ابوها كانت تتمنى ان الارض تنشق وتبلعها قبل ماتسمعه .
ملاك شوي وتبكي: بابا ان توني صغيره مابي اتزوج
ابوها بحده انا مو جاي اشاورك انا جاي ابلغك
ملاك تمسح دموعها : انا مو موافقه تكفى مابي
بحده: قلت تجهزي ممكن يجي با وقت يملك عليك فاهمه
راحت لغرفتها رمت نفسها على السرير وهي تبكي (عمري كله ماراح اسامحك ,كيف يزوجني غصب عني واحد ماعرفه ولا اعرف عنه شي مادري عنه اهو شاب ولا شايب ... الله لايسامحك ) ضمت مخدتها ونامت
شوق هاي
الكل هايات
العنود تاخرتي
شوق وش تبوني اسوي زحمه الطريق
خلود يب يلى خلونى نقوم نتسوق
شوق ابي اشرب عصير
ريم افا وانا انشى حياتي جبت لك موكا بارد
شوق قامت يمممم يلى قوموا
كانت فيه عيون تراقبهم
مشعل : هاه ايش رايكم فيهن
فيصل : تبي الصراحه حلوات
عبد الله عاديات بس اكثر وحده عجبتني اللي متلثمه( قصده ريم)
مشعل طيب يلى نقوم وراهن
__________________________________________________ __________
بعد ساعتين
فيصل بحده خلاص ابي ماء تعبت
عبدالله: الله ياخذهن شوفهن ولاكانه صار لهن ساعتين يمشن
فيصل : والضحكه شاقه وجيههن الظاهرراح نتعب معاهن
مشعل يضحك عليهم لسه ماشفتم شي
عبد الله بصدمه ليش وش فيه بعد
مشعل: مرتين بالاسبوع يطلعن للسوق وبشكل يومي للحديقه يعني فاضيات
فيصل: وعساك كل يوم بتجرجرنا وراهن
عبد الله: انا استسلمت
عند البنات
ريم : واي خلاص ابي اروح البيت وراي دوام
العنود : مابي اروح الجامعه بكره تغيبي شوق
شوق ممم مدري
ريم : اقول مو كافي عليكن غياب
شوق : عندي محاضرات بكره مهمه
ريم:طيب خلونا نرجع الكل اوكيه
شوق دقت على خان يجي عند البوابه
دخلت البيت مشغربه الجو المتكهرب
__________________________________________________ __________
في الرياض
وينك ؟ ترى قلبي تقطع من الشوق
وينك ؟ تعبتْ من السَهَر والكأآبه
ماني مصدق ( كل مطرود ملحوق)
من يوم طال الانتظار وعذابه
اشتاق لك شوق ٍ على الواقع يفوق
شوق الغريب اللي فقد له قرابه
ويحنّ لك قلبي من الشوق ويتوق
يَعصى لو اترده شروط الرقابه
شوقي يغنيلي على كل طاروق
وحزني يسامربي لحون الربابه
اسهر مع اطيافك على منتهى الذوق
واعيش حلم ٍ تكتسيه الغرابه
حريتي ضاعت وقِيدت بسبوق
كل الدروب امست بعيني تشابه
حب .. وفرح واحزان وجروح وحروق
ودمع ٍ يكدّر صفوتي بانسكابه
عليك احس اني بلا راي مسيوق!!
اثر الغلاء يكسر جسور الصلابه
يثور بك حزني وينزاح .. ويروق
ويرجح عذابي لين يوفي نصابه
ليل الشقاء عتّم به رعود وبروق
وعواصف ٍ تحجب بياض السحابه
وريح ٍ يخلي قاسي القلب مفتوق
__________________________________________________ __________
حتى تضيع من السؤال الاجابه
سرقتني .. والحب سارق ومسروق
وآسرتني لو ما براسي طلابه
من جد محتاجك قطع قلبي الشوق
تعال مليت السهر والكأآبه
كتبنها بدفترها الاسود مزين برمادي وسكرته ,, مسحت دمعتها اللي حرقت خدودها ( اخخخ متى ارتاح بحياتي يضيع من حياتي كل غالي.. لمتى ابظل اعاني تعبت ..يارب خذني من هالدنيا وريحني
دخلت عليها جارتها ام سعود بحزن: فاتن حبيبتي
فاتن بصوت مبحوح : هلا خالتي
ام سعود : انتهاء العزاء يابنتي وانتي ماطلعتي من غرفتك
فاتن بحزن: والله مالي قدره اطلع لاحد بعد المرحومه
ام سعود مسحت على شعرها : يابنتي كلنا على هالريق
فاتن :تبكي من بقالي بهالدنيا انا خلاص تعبت ياخالتي والله تعبت
ام سعود :الله يرحمها ويغمد روحها الجنه قومي يابنتي عمك ابو سعود دق على عمك اليوم وقال له وقال انه بيمرك بكره ياخذك تعيشين عنده
فاتن: بس انا مابي اطلع من هنا
ام سعود بحزن يابنتي:البيت مو ملككم لاتنسين انه اجار يعني لازم تروحين هذا عمك مثل ابوك يعني انشاء الله راح تنبسطين عندها وتعيشين حياتك هناك
فاتن: بس انا ماكنت اعرف ان عندي عم الا قبل وفات امي بين يوم وليله يقولو لك عم وعايش صعبه وخالتي والله صعبه
__________________________________________________ __________
نايف ::ههههههههههه المفروض تفرح اننا واقفين معك بمثل هاليوم
حاتم: فكوني منكم والله مالي خلق .....دخل وتركهم دخلو وراه
خالد: هههههه وش بك زعلان
رمى نفسه على الكنبه : ابد فرحان
نايف :طيب يلى قوم خلنا نجهزك عشان نزفك لعروسك
حاتم: مايحتاج لان لافيه حفل ولا غيرهريحوا حالكم
خالد:طيب على الاقل نزفك للفندق
حاتم يرجع شعره على وراء: موحاجز بالفندق ابي اجيبها هنا
نايف خالد بصدمه: كيف
نايف: انت صاحي طيب كان جبت احد ينظف الشقه الشقه وصخه ياحاتم
حاتم بكل ثقه :وليش اسمها زوجه تنظفها
خالد: لهناء ياحاتم مو معناتها انك انجبرت على هالزيجه تذل
نايف: يمكن تكون عكس ابوها
حاتم: الله يخليكم شباب خلوني على راحتي
خالد بياس لانه عارف حاتم ان قال كلمه ماتصير ثنتين :طيب يلى تلاقيهم ينتظرونا
