هذي الدنيا -روايات رائعة

عنوان الموضوع : هذي الدنيا -روايات رائعة
مقدم من طرف منتديات نساء الجزائر

هذي الدنيا


https://uploads.sedty.com/imagehosting/1_1402432992.gif



{هَـــــــــــ ذِي الدِنْـــــــــــ يَــــــــا}

مســـــــــاكمــ // صبــــــــاحكمــ ورد وفــــل
بعد ان انتهيت من كتابة قصتي الاولى ((تنحط عالجرح يبرى)) حبيت اطرح قصة جديده من نوع اخر لاتشابه القصه الاولى حبيت اقدمها بشكل جديد ومختلف وبعد ان حطيت كل مجهودي فيها قدمتها لكم ومتمنيه ان تحوز على اعجابكم مثل القصه الاولى ^_^

هنا بهالقصه بعيد احياء ابطال قصتي الاولى !!
رنا، عبدالله ،ريمـ ، فيصل ، هديل ، امل، خالد .. الــــخ!!
لكن باسماء وشخصيات واحداث مختلفه !!

احب انهي كلامي واقول ::
((مالي غنى عنكم بعد الله فلا تنسوني من ردودكم وآرائكم واهم شي انتقاداتكم اللي تشجعني وتحمسني لاقدم شي حلو وجديد))

<< مااطول عليكم اتركم مع البدايه !!

{هَـــــــــــ ذِي الدِنْـــــــــــ يَــــــــا}

((مقدمة القصهـ))

هبطت الطياره على ارض (المملكة العربيه السعودية) حامله معها
ذكريات (انتهت ، انمحت ، وانعدمت) ذكريات تعبر عن الالآم والاحزان
التي تحملها بقلبها اسيل !!

نزلت الطياره على اراضي السعوديه وتحديدا الرياض
ونزلت معها دموع اسيل !!

ماتدري شلون بتعيش وشلون بتصبر خلاص كل شي انتهى وش بقى حتى تعيش كل شي راح كل شي بحياتها حلو انتهى !!

انتهت كل ذكرى {مــعاهـ} !! وانمحت !!
لكن ابتسامته ضحكته سوالفه حبه جاذبيته طيبة قلبه وحنانه !!
ماتقدر تبعد او تستغني عنهم لكن خلاص راح ومرح يرجع !!
كل شي حلو بحياتها مات وصار او بيصير من هاللحظه ماضي
بيقتلها وبيعذبها كل ثانيه وكل دقيقه وكل ساعه !! شلون تقدر تصبر

كانت تمشي بالمطار وعيونها تنزف حزن آلام واحزان هي سببها تمشي جسد بلا روح !! تحاول تكابد دموعها ولوعاتها لكن ماتقدر (راح الحبيب راح الغالي راح الصديق) طلعت آهـ منها وهالآهـ كفيله بأنها تعبر عن كل شي بقلبها !!

دارت بعيونها بين الناس كأنها تدور على احد ،، وتسمرت عيونها على شخص معين مشت مسرعه لهالشخص اسرعت وركضت ولا همها احد وهالمره نزلت دموعها وتخالطت بشهقاتها ركضت وارتمت بحضنها بحضن جدتها الدافي الحنون اللي ماحست بهالحنان والدفا الا معاه ومعها شهقت بقوه من طاريه مهما بتشوف حنان لكن مثل حنانه وحنان جدتها مابتلاقي حضن
ضمتها جدتها بقوه لصدرها وموفاهمه سبب صياحها المفجع بهالشكل دارت بعيونها تدور ياسر لكن مالقته !!
ابعدت اسيل عن جدتها وقالت من بين شهقاتها:راح يمه راح
رجعت ضمتها جدتها وهي مو فاهمه شي وخذت الشنط وطلعوا من المطار !!

وخــــــــــــــــــــــــــلاص ودعت اسيل امريكا واللي بأمريكا !!
وتسكرت هالصفحه من حياتها وانقتلت الذكريات الحلوه اللي عاشتها !!


وش اللي صار بالضبط ؟؟

تابعوا ورح تعرفوا !!
اجزائنا بتبدا باحداث قديمه من الماضي احداث من شهور ويمكن سنين بتشرح هاللي قريتوه وبتشرح اشياء كثيره ورح يبان قدامكم كل شي وتفهمون سر هالمقطع الغامض !!
يعني ممكن نسمي هالشي (تشويق او اثاره) !!

تـــــــــــــــــــــــــابعوني وبتعرفون كل شي !!



>>>>> ردود الأعضـــــــــــــــــــاء على الموضوع <<<<<
==================================

من شهــور ويمكن سنين (مو حاسبه المده ^ _ * )

تابعوا وبتعرفون < < ياليل من هالكلمه ^_^

الــــــــــــــمـهـمـــــــــــــــ ،،،،،

(الجز الاول )

الفصل الاول !!

::

اسيل (وهي تصارخ):مستحيييل اخذه مستحييل ياخي فك عني خلني بحالي شتبي مني !!

سعود (وهو معصب):قلتلك بتتزوجينه يعني بتتزوجينه فاهمه !!

اسيل:اقول اعلى مافي خليلك اركبه

سعود(بعصبيه):ويعني ؟

اسيل:يعني مني متزوجته !

سعود(بصراخ):ليه كل مااجيب لك عريس ترفضين لايكون عاشقه من ورانا ..

اسيل:اي عاشقه عندك مانع ..

سعود(بصرامه):اسيلووه انا قلت بتاخذينه وبتتزوجينه ولو كنتي تحبين عشر فاهمه ..

اسيل:لامو فاهمه ولا موافقه ولا رح اوافق ..

سعود(بقلة صبر):والاسباب ..

اسيل:السبب اني تو صغيره في احد يتزوج بثالث ثانوي خل اخلص دراستي اول وغير هالسبب انا رافضه فكرة

الزواج من الاصل ولو غيرت فكرتي مستحيل اخذ من طرفك او واحد انت جايبه لي ..

سعود (وهو معصب حده):قلتلك بتاخذينه وبنشووف وهالاسباب ماتهمني وبطنشها ولاكني سمعتها ..

اسيل:وانا قلتلك اعلى مافي خيلك اركبه ولو جا الملاك يملك علي بقوله مني موافقه وبتشوف ان مانزلت راسك

وفشلتك ..

تقدم منها ومسك شعرها القصير ..

اسيل (وهي تتالم):يالحقير اتركني مالك حق علي فاهم واللي سمعته مني مغيرته ..

سعود (وهو راص على اسنانه):وانا كلمتي مايثنيها شي فاهمه ..

وشد على شعرها بقوه وقام يهزها ..

اسيل (بصراخ):اتركني يامجنون لاتحسب بغير رايي (وقامت تنادي جدتها): جده جده جدتيييييي ..

دخلت عليهم الجده وهي مخترعه من صوت اسيل تقدمت من سعود ..

الجده:اترك البنت لابارك الله فيك ابعد عنها..

وقامت تدزه وهو ترك شعر اسيل وقال:ملكتك عليه يوم الخميس الجاي فاهمه ومافي شي بغير هاليوم او الملكه

وطلع واسيل قامت تسبه وتصارخ

اسيل:مجنووووون متخلف عقليا حقير

ضمتها جدتها وصارت اسيل تتنافض من العصبيه

اسيل:اكرهم اكرهم اكره امي اكره ابوي اكره اخواني كلهم اكرهممممم

جدتها ضمتها وقعدت تسمي عليها هدت اسيل وهي بحضن جدتها

__________________________________________________ __________

الجده:شنو يبي منك اخوك هذا

اسيل:حقير يبي يزوجني بالغصب من صديقه شكل صديقه اغراه بمشروع ولاتجاره يربح منها ملايين ويبي يبيعني

هالواطي

الجده:خلاص يابعدي اهدي ماعليك منه محد يقدر يغصبك على شي

اسيل:زين بعرف ليه ليه كذا حياتي ام مدري عنها لاهيه بمشاغلها التافهه واب مااشوفه الا اذا جا يعطيني فلوس

صحيح هو مغرقني بآلافات مؤلفه بس مابي فلوس ابي حنان

الجده:خلاص ياعمري ماعليك من احد انا عندك انا مااصلح اكون امك وابوك

اسيل (طالعت جدتها بحنان):الا اصلا انا من انولدت ومااعرف غيرك انتي انتي امي وانتي ابوي وانتي كل شي

بالنسبه لي يعني بدونك انا مدري شنو بيكون مصيري

الجده:يابعدي انتي زين شرايك تطلعين مع مريم وتغيرين جو

اسيل(بضيق):مالي خلق من بعد هالمقابله مع هاللي يقولون عليه اخ

الجده:لامايصير اطلعي وسعي صدرك هم الحين فرحانين انك معصبه ومحروق دمك ولاعليهم يطلعون ويروحون كل

مكان وانتي تضيقين خلقك

اسيل:مدري مدري بس تتوقعين ملكتي بتكون الخميس يعني بتزوج الخميس تتوقعين ينفذ اللي براسه

الجده:لاماعاش اللي يغصبك وانا بتكلم مع ابوك يحط حد لاخوك اللي كل شوي طاب علينا ويهدد

اسيل(ابتسمت):خلاص اجل بروح ادق على ميمي واشوفها

الجده:أي كذا ابيك خلك قويه وانا امك

اسيل ماردت هزت راسها بيأس أي قوه وهو اللي عنده اب او ام او اخو مثل اللي عندي بيبقى فيه ذرة قوه لمتى

لمتى حالتي كذا يعني متى بستقر متى بعيش وتكون حياتي مثل كل البشر ليه الدنيا كذا ليه استغفر الله مااقول الا

حسبي الله ونعم الوكيل

طلعت غرفتها وخذت جوالها تدق على مريم بعد ثواني سمعت صوت مريم

مريم:هلا هلا هلااااااااااااااا والله اسوله داقه علي ياسلام ياحظي انا

اسيل:شفتي اسوله داقه عليك بنفسها في احلى من كذا

مريم:بدينا حركات الغرور

اسيل:انتي قولي لي اذا انا مااغتريت من اللي يغتر

مريم:امممممم انا

اسيل:لالا انتي مو لايق عليك الغرور

مريم:وليه مايحق لي

اسيل:لامايحق لك

مريم:مالت عليك هذا وانا امدح فيك بس صدق ناكره للجميل

__________________________________________________ __________

اسيل:اقول بلازعل المهم وش عندك اليوم

مريم:ماعنديش حاجه لماذا

اسيل:لان بطلع معاك

مريم:وين

اسيل:شرايك نروح كانتون نتعشى

مريم:اممممم حلوو

اسيل:وانا احلى

مريم:مالت بس اقول الساعه كم بتروحين

اسيل:الحين الساعه اربع العصر على الساعه 7 اوكي

مريم:خلاص سبع مو تتاخرين ان وصلت قبلك ومالقيتك بروح فاهمه

اسيل:روحي عادي

مريم:افف منك ترفعين الضغط

اسيل:عادي موشي جديد هوايتي

مريم:خلاص خلاص اذا تكلمت معك احس اني بدوامه يلا يلا باي

اسيل:باي

$$$$$$$$$$$$$$$$$$$$$$$$$$$$$$$$$$$$$$$$$$

سكرت مريم وهي تبتسم تحبها تحب اسيل شلون ماتحبها وهي تشاركها كل شي تشاركها همومها افراحها واحزانها

بكل شي يتشاركون ومهما سوت اسيل بتبقى الغاليه عند مريم صحت من افكارها على صوت صراخ امها وابوها

تنهدت بضيق موشي جديد كل يوم يتهاوشون صار روتين يومي بالنسبه لها نزلت تشوف بعد وش المشكله اللي

متهاوشين عليها

ام مريم :لا مني مستقبلتها

__________________________________________________ __________

ابو مريم:شلون منتي مستقبلتها هذي امي

ام مريم:امك عالعين وعالراس لكن تعرفها تنتقد كل شي ولازم تخلق من الحبه قبه

ابو مريم:يعني اقولها لاتجين مني مستقبلك

ام مريم:لابس دور لك حجه

ابو مريم:امي بتجي يعني بتجي واذا ماشالتها الارض بتشيلها عيوني فاهمه وانا الرجال هنا وهذا بيتي ويلا ابي

جناحها يكون نظيف لان بكره الصبح بتوصل

ام مريم(بسخريه):قال رجال قال الا امحق رجال

عصب ابو مريم وتقدم لها وهو يضبط اعصابه وياخذ نفس عميق لايتهور

ابو مريم(وهو ضاغط على سنونه):بتجي يعني بتجي لاتخليني اسوي شي تندمين عليه

وطلع وخلاها تنحرق من الغيظ والقهر بمكانها

نزلت مريم وهي حزينه على حال امها وابوها توجهت لامها بعيون حزينه وكانت على وشك انها تصيح

مريم:يمه شفيكم وش فيها لو جت جدتي

ام مريم :يعني ماتعرفين اطباعها تنرفز الصراحه

مريم:كلها اسبوع او اسبوعين وبتروح حاولي تستحملينها بس عشان ابوي

ام مريم:مالت على ابوك ولاذا رجال

مريم(تضايقت):يمه شفيك عليه هو معاه حق هذي امه

ام مريم:اقول انتي معاه ولامعاي

مريم:يمه وشو معاه ومعاك محنا بحرب يمه

ام مريم:والله مع ابوك احس اني بحرب من خذيته وانا بحرب مع امه السوسه ذي

مريم:زين تغاضي عنها ترى هي حرمه كبيره

ام مريم:اوووه مفروض توقفين بصف امك تروحين تدافعين عن ابوك (وطلعت من الصاله)

مريم(تكلم نفسها):لمتى ياربي على هاالحاله لمتى ياربي يعني الدنيا ليه ماكانت احسن من كذا

$$$$$$$$$$$$$$$$$$$$$$$$$$$$$$$$$$$$$$$$$$$$$

نهــــــــــــــــــــــــــاية الفصل الاول

__________________________________________________ __________