رواية .. عشقتك من بين كل الناس وغلاك بالقلب ماله قياس -روايات رائعة

عنوان الموضوع : رواية .. عشقتك من بين كل الناس وغلاك بالقلب ماله قياس -روايات رائعة
مقدم من طرف منتديات نساء الجزائر

رواية .. عشقتك من بين كل الناس وغلاك بالقلب ماله قياس


https://uploads.sedty.com/imagehosting/1_1402432992.gif



السلام عليكم ورحمة الله وبركآته ..



أسعد الله صبآحكم / ومســـآكم بالطااعات



شخباركم حبايبي إن شاء الله بخير ؟!!



الروآية بقلمي



" مسك الريحان "



وأتمنى إني القى تفاعل منكم ..



وتنال على رضاكم وإعجابكم روآيتي



بعد رضى الله سبحانه ..


وأكون وفقت فيها ..





راح أبدا بالروايه على طول إن شاء الله


الشخصيات تعرفوها مع البارتت بإذن الله ..



وماراح يكون في وصف لإن من وجهة نظري ماله داعي ..


" البارت الأول "





دخلت على اخوها لقته يلعب بلاستيشن ..



.... : يالله وهذا كل ماأشوفه يلعب إن


ماأزعجته ماأكون بنت ابوي ..



..... : السلام عليكم نيوف وش قاعد


تسوي دايم وانت مع هالبلاستيشن



متى بتتفرغ لدراستك مادري وينها امي فيه عنك ..



نايف : اقول اكرمينا بسكوتك وخليني اركز


بلعبتي احسن لك ..



عائشه : لا ياشيخ الناس اول يردون


السلام ترى السلام لله مو لنا ..



نايف : إنتي وجهك داخله علي عرض بكمية


كلام رديت عالأخير ..



عائشة : ياخي قوم خلنا ننزل تحت نفسي



بإي إسكريم وش رايك نطلب وإنت تدفع ..

>>>>> ردود الأعضـــــــــــــــــــاء على الموضوع <<<<<
==================================

وخرجت له لسانها ..



نايف : عويش يانذله بتنقلعين عن وجهي ولا


ارمي هالشريط بوجهك ..



عائشة : نيوف حبيبي انت .. والله


طفشانه تعال نجلس مع بعض الله يخليك ..



نايف : روحي لحبيب قلبك احمد وسولفي


معه المهم ماني فاضي لك ..



عائشة : إنت وهالوجه لو كان صاحي


حبيب قلبي على قولتك كان ماشفتني عندك ..



نايف : إنتي ماراح تسكتين ..



وقف لعبته وقام سحبها وطلعها برا وسكر الباب ..



عائشة من ورا الباب : والله لاأوريك يالنذل ..



أم محمد : خير خير شفيك يالمطفوقه دايم انتي واخوك على هالحال


ماتسكتين تراك انتي الكبيره والعاقله ..



نايف : ايوا يمه علميها علميها هالمجنونه ..



عائشة : اروح عند التلفزيون احسن لي من هالموال اللي كل يوم


يتكرر ..



" بيت عائشة "


فيه ..


فاطمه :: ام محمد ..


ناصر :: ابو محمد ..



&&&&




البنت الكبيره :: موضي ..


متزوجه من ولد عمها ..


صالح :: ابو مشعل ..

__________________________________________________ __________

عندهم :: مشعل ، أصغر من خاله محمد بسنه ..


مشاري ، ندى ، نهله " تؤام عائشة "


نوره " دلوعه البيت " ..


&&&&




البنت الثانية :: أمل ..


متزوجه من قريب لهم من بعيد ..


علي :: أبو خلود ..


عندهم .. خلود .. اصغر من مشعل بسنة ..


حاتم .. بعمر خاله احمد تقريباً ..


خالد :: بعمر مشاري ..


ولاء :: تؤام نهله وعائشة الثالثه ..


واصغرهم :: حمودي " محمد " نفس عمر نوره 3 سنوات ..



&&&&




نكمل عائلة ناصر " ابو محمد "


الولد الرابع :: محمد 26 لسى ماتزوج ..



الولد الثالث :: احمد .. عمره 24 خلص دراستة


هو وندى وخلود امآ حاتم وقف دراسته سنتين


وبعدها راح يكمل ببلاد الغرب ..



الولد الرابع :: بدر عمره 21 نفس مشاري وخالد عيال اخواته ..



البنت السادسه :: عائشة عمرها 17 سنه .. وبعمرها نهله


وولاء


الولد السابع والأخير :: نايف 12 سنه عدو عائشة اللدود ..


&&&&






نرجع لروايتنا ..


راحت عائشة لغرفتها .. قالت بجلس عالنت وغيرت رأيها ..


قالت مافي الا نهوله اتصل عليها ..


راحت بسرعه للتليفون واتصلت عليها ..

__________________________________________________ __________

ردت ندى ..


ندى : الو ..



عائشة : هلا وغلا ندوش السلام عليكم ..



ندى : وعليكم السلام حيى الله الخاله ..



عائشة : فضحتوني ياعيال موضي الكل يدري اني خالتكم ..


تراني صغيره لا تقولون خاله احس اني عجوز ..



ندى : هههههههههه لا يالعجوز .. اكيد تبين العجوز الثانيه ..



عائشة : اكـــــــــيــــــــد ..



ندى : طب استني ادعيها لك هي ومشاري مضاربه هنا ..



عائشه : ياحليلها هالبت توني تهاوشت انا ونيوف الدب


هاتيها هاتيها ..



ندى : طب لحظه ..


نزلت السماعه وتنادي عليها ..



نهـــله نهــــله يالطرمه ماتسمعين ..


نهله : خير وش تبين انتي الثانيه بعد ..



ندى : تؤامك عيوش عالتلفيون ..



نهله : يالبى قلبها هالخاله محد يفهمني كثرها ..


وراحت تركض عالتليفون ..



نهله : هلاااااااااا وغلاااااااااااا يابعدهم ..



عائشة : هلا هلا بغلاهم ونور العين ..



نهله : ترى استحي خفي علي هههههه


وش تبين داقه فديتك ؟



عائشة : ياعيني ع الي يستحون .. ماكو


يختي طفشانه وحالتي لله ..



نهله : اليوم عندي جمعة بنات جيراننا بعرفك عليهم وحده


منهم بعمر ندوش والثانيه بعمرنا بس تدرس بمدرسه غير حقنا توني بدق عليك الا سبقتيني ..



عائشة : توك تتكلمين كان تكلمتي من بدري عشان اجيب لك شي معي ..



نهله : مانستغني عن خدماتك يالخاله ..



عائشة : خلاص قلبي اسوي لك حلاي المفضل ..



نهله : وناااااسه تسلمين خالتو ..



عائشة : يسلمك ربك وياليت ماتقولين خاله مره ثانيه ..



نهله : ابشري .. يالله مع السلامه بروح ارتب نفسي ..



عائشة : مع السلامه ..


سكرت منها وقامت


ونزلت للمطبخ بوناااااااااسه حدها طفشانه من البيت ..

__________________________________________________ __________

ببيت أمل ..


أم خلود : ولاء ولاء إنتي ماتسمعين سنه على ماتردين ..



ولاء : سمي يمه بغيتي شي ..



أم خلود : نهله عالتليفون تبيك مدري شتبي ..



ولاء : يالبها هالبت اكيد عندها شي ..


هاتي عطتها التليفون وقامت تشوف حمودي ..



ولاء : السلام عليكم ..



نهله : وعليكم السلام هلا وغلا ولوش ..



ولاء : هلا بك .. اخبارك علومك ..



نهله : تمام التمام عندي لك خبر زين اكيد طفشانه مثل خالتنا


ومنتظره هالخبر ..



ولاء : أي والله ليش الخاله اتصلت عليك .. ووش الخبر


ترى حرق الأعصاب ماأحبه ..



نهله : أي توها متصله وتوني مسكره منها .. لا مابحرق اعصابك


لإني اصلا مشغوله ووراي مليون شغله .. اليوم عندي جمعت بنات


جيراننا بعرفكم عليهم .. تعالي انتي وخلود


وطبعا شي معكم لو مامعكم شي اطردكم من عالباب ..



ولاء : ههههههههههه طرار ويتشرط .. خلاص ابشري


بروح اقول لخلود تسوي شي وبنجيبه معنا ..


وصرخت بإعلى صوتها : ونااااااااااااااااسه ..



نهله : وجع توجع العدو خرمتي إذني ..



ولاء : اسفه آسفه يابنت الخاله .. يلا مع السلامه سلمي عالكل


فديتك ...



نهله : ابشري وانتي بعد انتظركم لا تتأخرون .. مع السلامه ..


وسكرت منها وقامت لشغلها وترتيباتها ..

__________________________________________________ __________

نرجع لبيت عائشة ..



عائشة : جالسه بالمطبخ تحوس هي وحلاها ..



جالسه تتمتم : راح اجيب بنات جيرانا اللي توهم



جديدين لا وبنتهم معنا بالصف بتكون مفجأه جد لنهوله ..




خلني اروح اتصل عليها امم من وين اجيب الرقم ..



بعدين تذكرت انها كتبت لها الرقم اليوم بالباص لما عرفت انها جآرتهم ..



دخلت الحلا للثلاجه وراحت ركض فوق ..



لقت بطريقها بدر ..




بدر : وش فيك يالمطفوقه تراكضين ..




عائشة بزعل : لا تقولون مطفوقه ماني مطفوقه ..




بدر : طيب شفيك ؟




عائشة : ابد يالحبيب عند بنت اختك اليوم جمعة بنات ووناسه ..



طالعه اتصل على بنات جيرانا اللي سكنو جنبنا قبل يومين ..




بدر : الله الله .. ومن وين جبتي رقمهم على طول تو الناس



ساكنين ..




عائشة : اسكت اليوم جت بنتهم جديده بصفنا .. وبعدين



لما ركبت الباص ركبت معي ولما وقف الباص عند بيتنا نزلت معي ..



إستغربت سألتها بيتكم وين قالت هذا وتعرفت عليها وخذيت رقمها



وبجيبها معي اليوم بفاجأ نهله ..




بدر : الله أكبر قلتي القصه كلها اختصري عاد ..




عائشة : وهذني إختصرت ..




بدر : ههههههههه هذا وإختصار , المهم من بيوديك ؟