رواية حاول انى حبي لك وابدا حياتي من جديد رواية جميلة
عنوان الموضوع : رواية حاول انى حبي لك وابدا حياتي من جديد رواية جميلة
مقدم من طرف منتديات نساء الجزائر
رواية حاول انى حبي لك وابدا حياتي من جديد
https://uploads.sedty.com/imagehosting/1_1402432992.gif
"البارت الاول"
مهناز: يمة ليه مااروح الله يخليك خليني اروح <<وشوي وتبكي
كريمة(الام): قلت لك مافي روحة ويلا انخمدي فاهمة << بحدة وعصبية
مهناز: اووف ي ربي كل شوية تقولين ليا كدا نفسي اعرف ليه مااروح يعني .؟ كل البنات بيروحون وصاحبتي غنيمة بتروح كمانا بس انا اللي دايمن في البيت لا روحة ولا خرجة تدرين انهم ينادوني المعقدة كلو منك
كريمة(الام) : اقول انطمي عاد كل شوية نفس الاسطوانة معقدين ومعقدين وين نروح يعني كل الناس في بيتوهم ويلا انقلعي هذي عيشتنها اذا مو عاجبتك الباب يفوت جمل انقلعي واقلبي وجهك يلا
مهناز:اووف ياربي منك متى افتك بس << وهيا تبكي
"في الغرفة "
سمية : هه انتي شوية شوية علينا كسرتين الباب خير ايش فيك ؟
مهناز:ايش فيا يعني انتي ووجهك ! امي مارضيت اروح الحفلة كالعادة دايما كاسرة خاطري اووف من العيشة دي << وهيا مبوزة
سمية : احسن تدرين انها ماحترضى ههههههههههه << وهيا تطقطق على اللاب توب تكلم فرنداتها عالفيس
مهناز: وجع انتي زي امك مملين ومعقدين لا روحة ولا خرجة انا ايش جابني في دي العيلة اوووف
سمية :يعني الواحد وين يروح كمان انتي ؟ انطقي في البيت احسن لك بس تبغين تخرجين دشرة زايدة
مهناز: مرة دشرة اساسا شايفتني مكسرة عتبت الباب من كتر مااروح واجي << وهيا متخصرة
العتبة = يعني اول الباب << اتمنى فهمتون مااعرف اشرح
سمية : اقول اسكتي بس وانخمدي خلي الواحد يرتاح من زنك
مهناز: بنخمد احسن ليا من وجهك
ونامت بطلتنا بزعل وقهر ونرفزة
>>>>> ردود الأعضـــــــــــــــــــاء على الموضوع <<<<<
==================================
"صباح اليوم التاني "
كريمة (الام): مهناز ، مهناز يلا قومي الساعة جات 5 يلا بسرعة
مهناز :طيب يمة خلاص قمت قمت بس 5 دقايق كمانا << وغطت وجهها باللحاف وكلها نعاس
كريمة: اووف يلا بس قومي الوقت يجري جري يلا
مهناز: خلاص قمت اساسا طار النوم من الزن حقك خلاص روحي جاية
راحت بطلتنا الحمام" وانتو بكرامة "وغسلت وجهها وخرجت وصلت ومشطت شعرها ولبست مريول المدرسة وراحت تصحي اخوها
مهناز: يلا قوم ولد يلا اووف ياربي منك لقومة الصبح تصيرمن الاموات قوم يلا
فارس: اووووووخ وووووش << في سابع نووومة
مهناز: اوف منك محد يصحيك غير امي ماليا دخل فيك عساك مارحت المدرسة
وراحت لامها وهيا طفشانة
مهناز:يمة روحي صحي ولدك بنفسك يالطيف مايقوم لو قنابل ماليا خلق ترا
كريمة:اووف كل يوم على دا الحال احنا متى تصحون من نفسكم انتي وهوة حطوا منبه يقومكم وراحت تصحيهـ
كريمة: فروس حبيبي يلا قووم المدرسسة يلا
فارس: يمة شوية بس الله يخليك 5 دقايق واصحى
كريمة:يلا قوم بس يلا
وقومتو غصب وغسلت وجهو ولبستو ورجع ينام قال:لمن يجي وقت الروحة صحوني << ي حبو للنووم
بعد كم دقيقة كلهم اتجهزوا وراحو المدرسة طبعن ابوهم اللي يوصلهم وراح لشغلوا بعد ماوصلهم
__________________________________________________ __________
(خليني اعرفكم على بطلتنا وعائلتها )
كريمة: الام عمرها 44 شخصيتها قوية مرة وماسكة بيتها وفارضة شخصيتها على الكل حتى الاب ومالوا كلمة في البيت وعصبية مرة وتحب المشاكل مدري المشاكل هيا اللي تجي لها واكره شئ عندها في الدنيا اهل زوجها << الله يستر
صالح: الاب عمروا 50 طيب وحبوب ومزوح مرة وكل شئ عندوا حاضر وعلى راحتكم شخص بسيط مرة مايقرا ولا يكتب ويسمع كلام كريمة مرتوا مرة ويستشيرها في كل شئ موظف حكومي براتب متوسط
سمية: البنت الكبيرة شوية شخصيتها زي امها كريمة وهيا تعتبر صديقة لامها مو بس بنتها تدرس في الكلية سنة 4 قسم لغة عربية وتاريخ وجغيرافيا عمرها 22 وهادية بس لمن تعصب الله يعين .
شعرها طويل لخصرها بيضة عيونها ناعسة بس حلوة نحيفة واطول وحدة في البيت << ماشاء الله
سلمى: اصغر من سمية بسنة يعني عمرها 21 مادرست كلية تزوجت وساكنه في الرياض عندها بنت اسمها( ريناد سنتين) و ولد اسمو ( كريم4سنوات) ابوهم اسموا فيصل يشتغل في شركة
سمرة وقصيرة شوية شعرها لكتفها عيونها واسعة ومرة حلوة وجسمها ملفوف مو زي سمية
حامد: يدرس كلية في جدة عمروا 19 هادي مرة وفي حالوا مايتكلم كتير وغامض
اسمر وشعروا كدش حواجبوا مرسومة رسم وعيونوا واسعة ونعسانة وخشمو سيف وجسمو شوية معضل يعني ببساطة ووسيم وخققة
__________________________________________________ __________
(وووو بطـــــــــــــــلتـــــــــــــــنـــــــــــا)
مهناز(سميتها بنفس نكنيمي) : تدرس في الثانوية اول سنة عمرها 17 سنة .. كلها رجة وهبال وضحك تحب تخلي اللي حولها يضحكون اجتماعية وتحب لمة الناس وتحب شئ اسمو خرجات (بس امها ما تخليها ونادرا ما تخرج ) هيا واخوها سالم اذا جلسو مع بعض اللي يستر ويعين اللي يستلموه تعتبروا تؤامها .
رومنسية مرة وخيالها واسع لابعد حد مع كل مرحها في الم بقلبها محد يفهمة للاسف طيوبة واكتر شئ تحبو الافلام الهندية تموت عليها ويعجبها "شاروك خان" & "كرينا كابور" << كانو انا لا انا اانا ههههه ي لبى شاروك بس << اوت
حنطية البشرة شعرها اسود سواد الليل وقصير وماتحب تطولوا ابدن كل من شاف عيونها تغزل فيها خشمها صغير وشفايفها صغار ومليانين يحسبوها بوتكس بس هيا طبيعي ومحليتها اكتر جسم عارضات الازياء يعني باختصار ايه جمال بسم الله عليها
سالم : اخوها التؤام سنة اولى متوسط نفس صفاتها في الدجة والهبال ومايبقى احد الا يتريق عليه والله يعين اللي يستلمو حبوب مرة ومايقول لا لاحد هو المطيع في البيت وطيب محد يرفض لو طلب عشان هو مايرفض طلب << ليتو عندي وينو دا << اخر حبة مافي
يحب شئ اسمو كورة قدم يعشقها يشجع برشلونة بعنف << مع نفسوا ريال مدريد هع << بقوة براااااا . ويعشق زيدان وفرنسا يعني الكورة حياتو ومرة قدم عشان يسير لاعب بس كريمة وقفت في طريقواا وقالت لا مافي كورة << دايمن تحطمهم
جينا لاخر العنقود سكر معقود فارس: سنة اولى ابتدائي 7 سنوات مدلع اخر دلع من امو وماينرفض لو طلب لو ايش ومشكلجي ويحب المضاربة ومافي احد في الحارة الا اشتكى منو مع هذا وقت الجد ماتعرفوا هع <<بزران الله يعين . ودايمن مضاربة هوة و سالم وطبعا الغلطان سالم << سلطة
-هذولا هم ابطالنا وراح نتعرف على الباقي في الاحداث القادمة-
__________________________________________________ __________
(( في المدرسسة عند بطلتنا )
مهناز( وهيا تشيل العباية ): سلام بنات كيفكون صباح الخير
البنات: وعليكم السلام والرحممة
مهناز: بنات ايش دق الجرس ؟
سارة: ايوة دق من زمان يلا طوابير
مهناز :رهف حليتين واجب الرياضيات ؟؟ ماحليتوو كالعادة
رهف : ايوة بس تراه مو صح من عقلي يعني !
مهناز: ي شيخة جيبي بس يعني حليت شئ انا عشان ابغا حل صح بس عشان لمن تفتش تلاقيني حليت< وجلست تحل الواجب
جات المديرة : يلا قوموا طوابير ي سنة اولى يلا
مهناز وهيا تهمس ل سمر: يووه جا جنكيز خان اووف عالموعد
سمر: اسكتي بس لا تسمعنا ويلا حلي بعدين في الفسحة يلا تراها اكلتنا بعينها اللي زي الصقر
مهناز: هع من جد يلا قومي
((وهم بالطوابير ))
مهناز : اووف كل يوم على دا الحال نفسي اعرف ايش الفايدة من الملل دا اللي كل يووم اووووووف عندي واجب بحلو
سارة : ايش نسوي عاد اووووف متى تخلص بس
خلصت الاذاعة وقالوا النشيد الوطني وطلعت الطوابير
المديرة: هييي انتي هيييي << وهيا معصبة
مهناز : نعم انا
المديرة : ايوة انتي ايش اللي مسوتوا في شعرك دا روحي الحمام يلا نزليه شوية
مهناز : اوووف طيب < تكلم نفسها < شوفي نفسك بس بعدين تكلمي ي العجوز
وراحت ظبطت شعرها وطلعت الصف واستاذنت من الابلة وسلمت وجلست جنب رهف وانتبهت للدرس وكانت اول حصة كيمياء والبنات هدوء لانو الابلة قوية شوية ويهابونها دق الجرس وخرجت الابلة
__________________________________________________ __________
رهف : اووووف ي ربي ايش دا مانقدر ننطق
مهناز: من جد
سارة بدلع : رررهف مافهمت هذا ايش الوزن دا والمعادلة ؟
مهناز : ي لبى بس الدلع ههههههههه << تحب تمزح مع البنات
مهناز وهيا تلف على اسير: ي هوو ردو علينا وين سرحانة الحبيبة في حبيب القلب ! < < وغمزت لها
اسير مرة مستحية : ههههه ونزلت راسها << للعلم هيا مخطووبة عشان كدا
مهناز وهيا تلف لرهف : عقبالنا ي رهووفة << وهيا رافع ة يدها
سارة من وراهم : اميييييييييييين
الكل : ههههههههههههههههههههههههههههه اميييين
خلص اليوم ورجعت البيت بتعب سلمت على امها وابوها وراحت بدلت ملابسها
مهناز: يمة صحيني الساعة 7 ورايا دراسة اوكي لا تخلوني نايمة كل الوقت دا اوكي
كريمة: طيب طيب روحي بس
وراحت بطلتنا في سابع نووووومة
..انتــــظـــروا الباااارت القاااادم ..
