رواية اهنتني وذليتني واخرتها تقولي احبك -روايات رائعة
عنوان الموضوع : رواية اهنتني وذليتني واخرتها تقولي احبك -روايات رائعة
مقدم من طرف منتديات نساء الجزائر
رواية اهنتني وذليتني واخرتها تقولي احبك
https://uploads.sedty.com/imagehosting/1_1402432992.gif
رواية اهنتني وذليتني واخرتها تقولي احبك
بسم الله الرحمن الرحيم
صباحكم ومسائكم رضا من الـرحمـٰـن
لقد سطرت هذهِ الاقلام على اوراق من الخشب فتمنيت ممن يشاركني هذا الاحساس*
فاتمنى منكم ان تشجعووني ومنكم استمد قوتي وارجو ممن ينقلها ان ينسب اسمي اليه ولا احلل او ابيح من ينقلها وينسب اسمه اليه.. نبدء رحلتنانقرتين لعرض الصورة في صفحة مستقلة
رواية اهنتني وذليتني واخرتها تقولي احبگ/للكاتبه(فراوله بطعم الشوكلاته)،،،!
التعريف بالشخصيات:-
{{بيت ابو راشد}}
ابو راشد-حمد:طييييب وحنووون اكثر مما تتصورون همه الوحيد عياله لكن عصبييييييييي حييييل مع الي يغلطون*
ام راشد-الجوهره:انسانه حنونه على كل عيالها تحب الخير للكل لكن بحكم ان زوجها عصبي فما لها شخصيه قويه
راشد:-انسان فلللله يموت بشي اسمه{{ريم}} الي هي زوجته عمره31سنه لكن شكله يوحي اصغر لانه مزيووووون بكل معنى الكلمه
خالد:-21دكتور اسنان وجدي بالشغل لكن اذا اجتمع مع عيال عمه يتغير°180درجه
جمييل جميييل جميييل عيوونه وساع ولونها عسليه رموشه كثيفه وشعره مموج لونه بني غامج وجسمه رياضي من الاخيييره يخقق<<خااقه لووول
شوق:-19سنه هذي البنت مزيوووووووونه ودلوووعه عيونها كبار ولونها اسود وشعرها لين اخر ظهرها ولونه اسود قاني قزوومه نفس مايدلعونها اخوانها فمها صغيرون ولونه كرزي وانفها طويل وفيها غمازتين يعني البنت عذااااااااب
شجن:-16سنه دافووووره دراسه تشبه خالد شوي ونعووومه بالحيييل
غازي:-12سنه ملقووووووف درجه اولى مستحيل يتأمن عنده سر ويسمونه شويطين
{{بيت ابو فيصل}}
ابو فيصل جابر:-عصصصصبي بالحييييل الكل يهابه لكن في حنيه غير طبيعيه ولا ننسا انه هو وابو راشد وابو فهد يملكوون اكبر الشركات بالكويت
ام فيصل سعاد:-انسانه همها الموضه والمظاهر وكلام الناس حقووده وااايد وتكره شي اسممه {{بيت}}24ساعه هايته*
فيصل:-29سنه متزوج بنت خالته {{ريناد}}ملامحه غربيه لان يشبه جدته ام ابوه اصولها بريطانيه وهو الوحيد الي يسمونه{{مهند الكويتي}}
نواف:-25سنه غامض ومغرور ومزيوون بكل معنى الكلمه *اسمر عيونه كالعاده وسيعه ولونها عسلي لكن فيها شوية حده مما يدل على العصبيه الزايده انفه سلة سيف وشفايفه مرسومه وشعره لتحت اذنه ويكره شي اسمه{{بنات}}
فايز:-22سنه طايش ومو قد تصرفاته همه الوحيد البنات ويطيح اي بنت بسبب كلامه المعسوول وهو يشبه{{ريثك روشان}}
غاده:-19سنه توأم شوق ورفيجتها الروح بالروح طبعاً هي نسسخه من نواف لكن هي بيضه واقصر منه رومنسسيه وحالمممه قلبها ابيض وعندها طموح
رغد12سنه هي يد الشر مع غازي وكله يدبرون خطط شريره تشبه غاده
{{ابو فهد}}
>>>>> ردود الأعضـــــــــــــــــــاء على الموضوع <<<<<
==================================
ابو فهد:-طيب وحنون على عياله لكن في شوية قسوه
ام فهد:-ناديه حنونه وطيبه وفلله تحب تساعد الشباب هع هع
فهد:- 25رفيج نواف الروح بالروح وهو الوحيد الي يفهمه اخوه غير ان ولد عمه وهو وحيد خواته ودلوع امه
فجر:23سنه انسانه على نياتها تحب الخير للكل فيها تشوه*تحت عينها *اثر حادث نعرفه بعدين وانطوائيه وتحس نفسها وحيده شخصيتها قويه لكن خفت هالشي بحزنها
شهد:-19سنه انسسانه حقوووده بالحييل تكره شوق لانها مزيووونه العايله تتمنى تموتها وتموت ب نواف لكن نواف عاطيها طااااااف ملامحها هي تخربها هي حلوه لكن بسبب المكياج الاووفر كل شي يضيع الحمدالله والشكر
هذي هي الشخصيات ان شاء الله ماتخربطون او تضيعوننقرتين لعرض الصورة في صفحة مستقلة
||••||البـــآرت الاول||••||
..يمممممممممه تعالي شووفي هالمينوون شسوا فيني اففف بعد عني يا دووووب
..والله ياشوق لا اذبحج عييل انا شويطين اورريج
شوق وهي تضحك:هههههه غزوووي حبيبي الله يخليك ببععد وربي عوررتني اااااي ييمممه
ام راشد جت:غويييزي يا مال العافيه قم عن اختك لا تمووتها عنبو ابليسك استح اكبر منك
غازي بفشله:يممه شوفيها هالحقوده تقول عني شويطين
شوق تنحاش ورا امها:وانا صاجه وطلعت غرفتها ولحقها وامهم تحرك راسها بيآس:مافي امل تعقلون الله يهديكم بس
نروح لمكان ثاني،،،،،
قاعده تقرا روايه وتبجي دخل وخاف عليها:غاده شفييج تبجين شصاير فيج!
غاده تمسح دموعها:ماكوو شي بس قاعده اقرا روايه {{وبغصه}}ومات البطل
فايز وقف دقيقتين بعدين فطس ضحك:هههههههههههههه اااه يمه ههههههه كح كح ههههههه ممـ ـات البطـ..ـطل هههههههههههه
غاده بعصبيه:وووجع ضحكت من سرك بلا قوول اميين ياي تضحك علي ويا هالووويه يلا برررره
فايز يمسح دمووعه من الضحك:ههههه كح كح احمم انزين يا اختي العزيزه انا ييت عشان اقولج ان اليوم بنطلع مع عيال عمي المجمع بس شكلج مو كفووو انتي سوق ابو نص ويخب عليج بعد ههههاي
غاده نقزت من السرير:مجمممممع وناااااسسه يابعد حيي فديتتتك اسسفه وباسته على خده
فايز بنص عين:ابوووووج يالمصلحه
غاده تطلعه برره الغرفه:ههههه اقووول يلا يلا مقفاك وراي تجهيز وبدق على شواقتي
فايز:والله محد مضيع علومج الا شوواقتج
غاده:جبب موو شغلك الا شوشه محد يتكلم عنها يلا بره وطلعته وسكرت الباب وهي تضحك
_______________________________
{{بيت ابو فهد}}
دخل عليها الغرفه وكالعاده لقاها قاعده وتطالع بالمجهول:وبعدين مع هالحاله يافجر وبعدين
فجر:........
فهد يمسك يدها ويقعد جنبها:فجر ياقلبي خلاص انسي يا حبيبتي مو عيب ان في علامه بويهج الطب تطور ونقدر نسويلج عمليه تجميل وتختفي
فجر تبتسم بألم:وظنك هذا كله بينسيني عذابي!
__________________________________________________ __________
فهد:محد يتساهل دموعج يالغاليه محدد يلا قومي نطلع
فجر تهز راسها بالنفي:لا فهد عفيه مو قادره والله
فهد بعناد:غصب عنج يلا عشر دقايق وانتي نازله شوفي الشيفه اختج ما امداي اكلمها الا هي عند الباب
فجر غصب ضحكت:هههههههه حرام عليك
فهد يبتسم:يالبا الضحكه وراعيتها يلا انزلي حبيبتي
_______________________________
بعد ساعتين الكل كان بمجمع(الافنيوز)
وصلوا وسلموا على بعض:شوووواقتي
شوق لفت على غاده:غدوووووشتي اشتقتلج يالخايسه
غاده تنفخ نفسها:احم احم ادري ادري
شوق تضربها على كتفها بخفه:جب بلا غرور
سمعوا صوت جامد:ماتعرفون تتكلمون بشويش كل الي بالمجمع يطالعون
شوق رفعت حاجبها:اولاً احنا ماتكلمنا بصوت عالي ثانياً واحنا شعلينا من الناس يا محترم
نواف عصب منها:احترممي نفسج لا اادبج
شوق تضحك بستهزاء:هههههه ماعاش من يهددني يانواف
نواف بتهديد:جهزي نفسج وتحملي الي بييج يا بنت العم
شوق خافت بس مابينت:تعتبر هذي رجوله انك تصارخ علي!
نواف:غصب عنج*
شوق بلا مبالاه:انا مادري شنو الرجوله لكن متاكده اميه بالميه انك ماتملكها ومشت تاركه وراها بركان يهدد بالانفجار
شهد راحت عند البنات:هاااااااي بناات
الكل باصوات متفرقه ومنقرقه:هلا،، اهلين،،تفضلي
قعدت قدام شوق ورفعت حاجبها:اووووو اقول المجمع اليوم مظلم عشان انتي في
شوق بضحكه:هههههه اي اكيد مظلمم حياتي لان الكهربا احترقت لما دخلت وانعمت من نوري الطاغي
شهد باستهزاء:لاااا ومن قال انج نور انتي بس عطيتيهم توفير للكهربا
__________________________________________________ __________
شوق تاشر على شهد بصبعها:انتي قلتتي عطيتهم النور الكافي
شهد انقهرت:هه اصلاً انتي ابشع وحده عرفتها ومالج شبيه بسخافتج
شوق بغرور:اي اكيد لان انا مستحيل اتكرر مره ثانيه عشان جذي مالي شبيه
الكل:هههههههههههه
شهد قامت وهي مقهوووره وراحت تتمشى مع بنت خالهم الي يت معاهم:حقييره تافهه وربي لا اوريها
ناديه:شفيج تتحلطمين انهبلتي انتي
شهد بقهر:انثبري انتي محد طلب رايج
ناديه:اقول بلا غلط وطالعي هالمزيووون يبووووي عذاب
شهد نست السالفه:ياويييلي حالي صاروووخ ولا رفيجه تعالي تعالي نرقمهم
نخليهم يهيتون<<يعلكم الساحق الماحق والمرض المتلاحق>_<
شوق بمرح:فجوووره
فجر تلف عليها وببرود:نعم
شوق حز بخاطرها:الله ينعم عليج لا ماكو شي عن اذنج وقامت وهي مقرره انها تغيير فجر
فجر تضايقت انها زعلت شوق بس مابينت ولفت ويها عنهم
الكل رد البيت لكن كل واحد كان يفكر بشي خلينا نشوف:-
شوق:ياربي انا شسويت اليوم هذا نواف العصبي يممه خوفني تهديده لكن خلي يولي مع نفسه اخاف بيذبحني بس ههه ونامت،،
نواف:اااه يالقهر عيل انا ماعندي رجوله لاا ومنو يقولها بنت بس انا اوريييج يا شوق وربي لا تندمين ولا اعلمج شلون تتطاولين علي يا غبيه،،بس يا انهااا حلووووه ولا *عيونهااا اه ياعيوونهاا *يووو شفكر انا انا بعذبها وبس،،،
فايز:اوو هذي غاده والله انها حلووووه سرقت قلبي وانا الي اسرق القلوووب ااه يالقهر ااه فديييتها بسس،،،
غاده:وعع شنو هذا فايز مبقق عيونه جذي الحممدالله والشكر،،،
فجر:ااه ياربي ساعدني لي متى بعاني انا كرهت الدنيا وضاقت بعيني يارب افرجها علي يااارب ساعدني وارحممني،،
خالد:لاحوووول وانا لي متى بظل على هالحال ترا لااعت جبدي من الصد والتجاااهل افففف،،،
فهد:نايممممممم
رغد وغازي وشجن:نايمييييين
__________________________________________________ __________
صباح يوم جديد يشرق بالامل على البعض والحزن على البعض الاخر
قعدت من النوم وتحس ضيقه بصدرها وكتمه راحت خذت شور وصلت الفجر وحست براحه لبست سكيني اسود وتيشيرت احمر ساده رفعت شعرها ذيل حصان ونزلت قذله(غره-قصه) صينيه وحطت روج احمر وكحل خفيف وكثرت مسكره وهذا زاد عيونها جمال ولبست كعب احمر وفي لون اسود ونزلت تحت:صباحوووو ياحلوييييين وباست راس ابوها
راشد:واحنا مالنا بوسه ولا شنو
غازي بلقافه:لاااا وريمم مو24ساعه تبوس فيها
ريم اختفت من الاحراج وراشد فطس ضحك:هههههههه لا وانا اخووك محروم ادري مانت بفاهم كلامي لكن مصيرك تعرف
غازي بخبث:يصير خييير
راشد:هههههههههاي
ريم تقرص راشد وبهمسس:رااشد حرام علييك وربي زعلت منك
راشد يغمز:ولووووو تبين ارضيج
ريم فهمت كلامه وانحرجت:خلاااص عااد افف
شوق بخبث:هييييه انتو عيب عليكم انا طفله بريئه تسوون هالحركات قدامي يلا اذلفوا جناحكم
راشد:هههههههههههههههه انكتمي*
ريم:شوووق عن الهبل
ابو راشد بطفش:بس خلاص دوختونا لا حول ولا قوة الا بالله ياربي
شوق:سوررري بابا وباسته على خده
ام راشد بغيره:بنت اعقلي مو كل شوي طايحه بوس بالريال عنبو ابليسج استحي
غازي يصفر:اووووو عاشت ام راشد تغار على الحبيب
شوق تكمل:لاااا وخدودها حمره بعد ههههههه
ام راشد حذفت عليهم علبه الكلينكس:وييعه استحووا
راشد وغازي و شوق و وريم و شجن:هههههههههههههههه
شجن بهدوء:هههه الحمدالله،،عن*اذنكم
راشد:يالباااا الهاديين ياناس
شجن تضحك:هههههه باي
الكل:مع السلامه،،حافظج الله
وكل واحد راح لشغله!!
_______________________________
دخل عند ابوه المكتب الي كان طالبه فيه:هلا يبه ناديتني
ابو فيصل:هلا يابوك اي طلبتك،
نواف:امر يالغالي
ابو فيصل:مايامر عليك ظالم يابوك انا مابقالي بالعمر كثير
قاطعه نواف باستغراب:بعد عمرن طويل ان شاء الله بس شنو يعني؟
__________________________________________________ __________
ابو فيصل:ياولدي لا تقاطعني واسمع
هز راسه بالايجاب
ابو فيصل:يانواف انا ابي اشوف ضناك ابي اشوف احفادي فيصل وربي مارزقه عوضني ياوليدي عوضني
نواف ضيق عيونه:بس يايبه انا مابي اتزوج الحين
ابو فيصل بحده:ليش وشنو ناقصك الي بعمرك عيالهم بالمدرسه وانت تقول ماتبي!!
نواف بملل:سوي الي يريحك يبه
ابو فيصل:انا اخترت البنت وخلاص
نواف بفضول:ومنو هي؟
ابو فيصل:شوق بنت عمك حمد
نواف بصدمه:.....................
نهـِـــآيـــة البـــآرت،،
توقعاتكم!
نواف وشوق وشنو ردة فعلهم؟
فجر وماضيها شنو سبب حزنها؟
فايز؟
غاده؟
شهد اذا عرفت بخطوبة نواف وشوق؟
وناااديه المختفيه؟
اتمنى يكون عجبكم واعتذر اذا كان قصير لان هذي بدايه فقط مافيها احداث لكن انتضروني بالبارت القادم لان هو بداية
لرحلتنا،،،
