غراميات مجنونه روايه عن البويات بقلم اميره الروح 18 -رواية

عنوان الموضوع : غراميات مجنونه روايه عن البويات بقلم اميره الروح 18 -رواية
مقدم من طرف منتديات نساء الجزائر

غراميات مجنونه روايه عن البويات بقلم اميره الروح 18


https://uploads.sedty.com/imagehosting/1_1402432992.gif



مرحبا جبت لكم روايه مره حلوه وعجبتني ...

وحبيت انكم تقرونهاا وتاخذون منها العضه والعبره .. والروايه عن

بويات سعوديات بالجامعه وهي واقعيه ... اخليكم مع الروايه

( غــراميــــات مــجـــنـــونــــة )



الحب اسمـى علاقات حيـاتنا .. الحب هو عنــوان الحيـاه ..



وللحب معاني عضيمه وتعاريف عديده تختلف من عاشق لاخر .. فلكل محب لديه تصور وتعريف



خاص لمعنى الحب .. " ولــكــن " عنــدمــا نتعدى مرحـله الحب ونصـل للعشق والغرام ..



يمــكـن ان نــصـل للجـنــون .. وهـذا ماحدث في روايتي .. بدنا بالاعجاب ثم الحب ثم العشق ثم الغرام المجنون



هذا مادفعني لاقدم لكم زهرتي الثالثه " غـراميـات مجـنـونـه "



والمميز في هذه القصـه انـها واقع حيــاتي الشـخصيـه .. قصه سـعـوديـه رومنسـيه واقعيـه .. جريئـه ..ومميـزه ..



علاقـه حب مـجـنونه وجريئـه بيـن " فتــاتيــن " بين بويـا وبنـت .. هنـاك خطوط حمراء كثيره سوف اتعداها واكتب عنـهـا " ولـكـن " بحدود المعقول ..



قصــه واقعيــه حــدثت في احدى الجـامعات السعوديـه .. " وأنــا " احــدى شخـصـيـات هذه الروايـه ..





][ كـلـمـه شــكــر ][




اشكر كل البنات اللي سمحوا لي اكتب عن قصصهم وتجاربهم ... وسمحوا لي بالتدخل بتفاصيل



دقيقه بحيــاتـــهم .. واشــكر كل من ساندني في كتابه هالروايــه



شـــكرا واتـــمــنى اكــون عند حسن ظــنــكـم ....







مقتطقات من روايــتــي ..





انتي بويـا ؟ .. مافهمتها بس صرفتها وقالت : احتـفظ بالجـواب لنفســي ..



اي صح هالشله يغارون مني ويبون يقهروني بأي طريقه خصوصا لمى اخذوا مني البـويا فـهـد ..



لاوالله انا حطيت عيني عليه وحطيتها براسي وانا اذا حطيت شي براسي لازم اخذه ..



يــالـبى السبـايـكي .. ممكن المـس شعـرك ..



هنا بالكولـج لاحظت انو الكل ميت علي ولو اقول نكته تافهه يضحـكون خليني اعطيهم جوهم واخـذ جــوي ..



انا ودي اكـون الليـدي الخـاصه فيـك وشـرايك؟



انا كسرت خشمها ولانها رفضتني خذت منها اللي ابي ومن ورى خشمـها وبالاخير انا اللي فصلتها من الجـامعه !!



هذي البويا .. قامت تشوف نفسها وتسوي فيها شخصيه علي محيتها من قبل ماتتكلم ودست عليها ..



بليــز .. ابي اضمك ,, بصراحه شفتك وانت تضم صديقاتك وتمنيت اني مكانهم



شنو هذا ؟ هذي بيره بس بكحول ويدلعونها شامبينا ..



لايفوتك قبل شوي خويتك البويا هـنا قاعد يترقص وكل الكيوتات اللي هنا ماتوا عليه انتبهي على حلالك لاياخذونه منك .. حتى الايمو والمرتبطات ماتوا عليه ..



هذي وصـايف مابقى بويـا بهالبارتي مانـامت معها ..



شوفي بصـراحه انا اليوم ماابي المسك زين ..انصدمت وخاب املها وقالت ليش انا موحلوه اليوم ؟



اي بويا يرحم والديك انا بويا شكلا فقط .. وموعاجبني اللي يصير



انا موراعيه حب وعلاقات .. انا لاشبكت مع البنات اشبك اسبوع او اسبوعين بالكثير واخذ حاجتي وبعدين خلاص ..



وش تبي ذي ؟ رقمتني .. وبتعطيها وجـه ؟ ضحكت بسخريه وقالت : ولاتحـلم ..



انا عارفه انك مرتبط بس ماعندي اي مانع اني اكون احتياط بحياتك وتجيني الوقت اللي تكون فيه فاضي وبالسر بعد .. هااه بتوافق ؟!



معقوله اللي قاعد يصير .. كل البويات شاذات جنسيا ويتفاخرون بعد ؟! ,, يعني المسأله مو بس مسأله كشخه وستايل .. المسـأله جـد ..



احنا يالبويات الناس مايهتمون بأسماؤنا الحقيقه .. الناس كل همها القابنا وكشختنا وستايلنا وبس ..



يمه هذي صديقتي ,, اي صديقه انتي جايبه لي رجال بالبيت وتقولين لي صديقتك ..



امي تدري اني بويا وشاذه جنسـيا بعد وعادي عندها .. هي تشوف اني اخربها مع بنات احسن من اني اخربها مع شباب



فكرت تترك الجامعه وترتاح .. لانها ملت من لعب دور البويا .. وملت من حبها لخويتها القديمه ومن ترك خويتها لها ..



وملت من تحكم خويتها الجديده فيها ومن ضعف شخصيتها قدامـهاا ...



وملت من احتقار اهم بويا بالجامعه لها وتصغيرها بكل مره تشوفها فيـها ..



اليــوم فيــه بارتي ببيت نصــور البـويا اكيد هذا حفل خطوبتـهم ..



احيانا ازعل واقول بتوب وبتغير بس احيانا مقدر لمى اشوف البنات يجيني شعور غريب واحس بجاذبيه لهم بس



الاولاد مايجذبوني عشان كذا ماني ندمانه اني شاذه الا مرتاحه ..

الروايه للكاتبه اميره الروح 18


>>>>> ردود الأعضـــــــــــــــــــاء على الموضوع <<<<<
==================================


الفصل الاول ( البدايه)





هناء : بنت عمرها 18 سنه واول سنه جامعه ولقبها هنو .. شعرها كاريه اسود قصير و نحيفه وطويله وبيضا وجمالها طبيعي بالمره ملامحها ناعمه وجميله وابتسامتها ساحره وفيه شبه كبير

من الفنانه السوريه سلافه فواخري بس ملامحها اصغر بحكم سنها ..





نور: عمرها 18 سنه واول سنه جامعه ولقبها نور عيني ,,<< دايما تسميها هناء بهالاسم وهم صديقات من الابتدائي .. سمرا مثل سمار الهنود وشعرها غجري طويل واقصر من هناء بشوي ..







تنتظر لها نص سـاعـه ... جايه الجامعه من بدري وملت من الانتـظار .. واقفه عند الباب الرئيسي تنتظر وتنتظر .. تشوف البنات اشـكـال والـوان مارين من قدامـها ..



وشوي الا وتجي صديقتها عرفتها من مشيتها العربجيـه واول مادخلت فسخت طرحتها وعبايتـها ومشت بعربجتها المعتاده لتجـاه صديقتها ..



نور وهي متفاجئه من شكـلها وقالت ممازحـه : هشوووم .؟!



هناء وهي تسلم عليها : خيررر وراه ؟



نور: هههههه كأنك اخوك هشوم وشفيه شعرك كذا



هنا: ااااه يانور .. تخيلي امس صبغت شعري مسويه نيولوك وطااااح شعري كله بس صبغ اللون وبالاخير صار جزء قصير وجزء طويل وجاء اخوي هشوم وقص لي اياه كله ع اقصر طول .. وبالاخير صار كذا بوي وسوا لي ايـاه سبايكي كذا وش رايك





نور: هههههه مره شي كانك هشوم .. انا من يوم ورايح بناديك هشوم موهنو





هنا: اقول لايكثر ..





نور: هههههه تعالي معي اوريك الكولج ... فريت فيها لمى قلت بس ..





هنا: بس بالاول خلينا نروح للحمام (الله يكرمكم ) بعدل شعري





__ ويمشـون وفيه بنت تقزهم من بعيد وتطالعهم بنص عين ..





البنت: روعه شفتي اللي انا شفته





روعه: مين البويه اللي مرت





البنت: يس .. وش رايك فيهاا





روعه: اول مره اشوفها شكلها مستجده





البنت: والله ماهمتني لو مستجده او لا المهم شكلها اوكي صح





روعه: وش ناويه عليه





البنت بأبتسـامه خبيثه : تعالي معي .. ( ويتمشون )





(( كانوا بالحمام .. وطبعا الحمام مزدحم بنات اللي تعدل شعرها واللي تضبط مكياجـها واللي تسوي شعرها سراميك واللي تعدل شعر صديقتها واللي واللي واللي ..

هالمشاهد تتكرر يوميا بالحمـامـات .. ))





هناء وواقفه وتضبط شعرها بالسبراي : كذا اوكي





نور: اي خلاص حلو كذا .. خلاص غرقته سبراي ياهشوم





هنا: لحوووووول





نور وتحب ترفع ضغطها : ههههههههههه يلا خلينا نطلع زحمه





هنا: يلا ( وتطلع بمشيتها العربجيه ويتمشون بالساحه الداخليه وكل البنات يطالعونهم مابين نظرات اعجاب ونظرات اشمئزاز .. شعرها كان بني فاتح وسبايكي وواقف بالمره والكل يطالع

فيها بأستغراب محد قبل تجرأ وسوى سبايكي مثـلـهـا .. وتنورتها ضيقه وحاطه حزام ابيض ع ذهبي وبلوزتها بيضا ساده نص كم وواسعه )





هنا وهي تمشي: يؤيؤ نور شوفي شلون يطالعون احس فيه شي غلط





نور: لاعادي بس لانو شكلك مميز ومشيتك بعد





هنا وانحرجت: اوووف شكلي لازم يتعودون عليه ومشيتي المشكله مااقدر اغيرها ..





نور وزعلت لانها تكلمت ع مشيتها تعرف هنا كانت تتحس من مشيتها لانها صارت تمشي كذا من بعد الحادث اللي تعرضت له بالثانوي ومشيتها سببت لها احراج كبير بالثانويه بس قالت





نور: هييي يابوالشباب مشيتك مميزه عربجيه فقط لااكثر امش وخلك واثق





هنا بنظره غرور: وهذا اللي بسويه (( وهم ماشين صدمت هنا ببنت والبنت هي اللي معتمده تصدم))





البنت: ووجع انتبه





هنا: حصل خير ماشفتك زين





البنت: انتبه مره ثانيه





هنا: هييي لايكثر قلنا ماانتبهنا





البنت: بس لازم تنتبه مره ثانيه





نور وتتدخل قبل لاتعلى اصواتهم : لوسمحتي خلاص ماانتبهنا وش تبيننا نسوي يعني ماله داعي لكل هالعصبيه





البنت: زين حصل خير





هنا وطالعتها بنص عين : يلا نور لانضيع وقتنا _ ومشوا _





البنت: واوووو ياروعه شكلها شي





روعه: الحين تبين تتعرفين عليها بهالطريقه





البنت: هااه لابس كنت ابي اعرف شنو جوه .. شكله شي ..





روعه: طيب وش رايك نروح نفطر البنات ينتظروننا





البنت: نونو خلينا ناخذ فرتين بعد نفطر طيب





روعه: اوكي





(( وبجـهه هـنا ونــور .. ملوا من الدواره وطبعا عيون البنات عليهم وبالاخص ع هنـاء





نور: يوووه شفتي ذيك البنت تبي تتمشكل





هنا: اي والله المشـكله هي اللي قاطه وجهها وصادمه فيني ولامسويه لي فيها شي .. وتبي تتمشكل





نور: اوووف اول يوم بالكولج ونتمشكـل الله يستر





هنا: شوفي لازم نبين لهم اننا موخايفين منهم .. لازم نفرض شخصيتنا من البدايه





نور: معك حق .. مانبي مأساه الثانويه تتكرر ومانبي نظل loser ماصدقنا على الله نتخرج ونفتك من مضايقات الثانويه





هنا: اي لازم من البدايه نفرض شخصيتنا ونبي نعيش هنا احلا 4 سنين





نور: امييييين .. (وتبي ترفع ضغطها : اقوول هشوم وش رايك نروح نفطر





هنا: لحووووول زهقتيني هشوم وهشوم انا هنوو هااه





نور: ههههههه طيب ياهشوم اقصد هنو .. يلا نروح نفطر ..





(( وبــالكـافتيــرا .. كانت شوي زحــمـه واول مادخلوا يسمعون البنات





بنت: هذا هشوم





الثانيه: اي متأكده هذا هو ..





البنت: بروح اكلمه





هنا ونور يسمعون ولاكأنهم يسمعون ووقفوا عند احد المطاعم طلبوا وينتظرون الطلب ..





وتجي بنت : هلا والله (وتسلم عليهم





البنت: انتو مستجدات





نور: اي





البنت: انا اشواق وسنه ثانيه وانتو





نور: انا نور وسنه اولى انجلش وهذي صديقتي هنا





اشواق: تشرفنا





هنا: احنا اكثر ..





اشواق: هنا ممكن اسألك سؤال شخصي شوي





هنا وهي مستغربه: سألــي ..





اشواق: انتي بـويا ؟





هنا ومافهمتها بس صرفتها وقالت: احتفظ بالجواب لنفسي





اشواق وانحرجت: سوري اذا ازعجتك .. و





هنا: لالا .. عادي





اشواق: اممم وشرايكم بالكليه





هنا: زينه ماعليها





اشواق: عموما اذا احتجتوا اي شي انا حاضره





هنا: ماتقصرين





اشواق: عن اذنكم





نور : اذنك معك (( وتروح وتلفت نور ع هنا





نور: وشتقصد بسؤالها





هنا: وانا وشدراني ؟





نور: اجل وراه تحتفظين بالجواب لنفسك





هنا وتضحك من قلبها : هههههههههههههه بصراحه توهقت وماعرفت اجاوبها ومومعقوله اقولها وش تقصدين فكرت بسرعه وبما انها قالت سؤال شخصي سويت نفسي عليها وقلت لها بحتفظ بالجواب لنفسـي





نور: ههههههه وربي انك خطير هشووم





هنا: لحوووول ازعجتينا هشوم وهشوم



نور: مارح اناديك هنو الا لمى يطول شعرك الحين اشوف هشوم قدامي موهنو





هنا: ههههه اكيد اشبه له موتؤامي (( وياخذون طلبهم ويجلسون ع احدى طاولات الكافتيرا ))





(( وبأحــد الطاولات الاخرى كانت اشواق جالسه مع صديقاتها .. ))





روعه: بس هذا اللي قلتي لها





اشواق: اي هذا اللي صار وشرايكم ..





روعه: طيب ليه ماناديتيه يقعد معنا ( البويات ينادونهم ع انهم اولاد )





اشواق: احرجني خفت يفشلني ومايرضى بس غريبه لمى عرفني على نفسه ماقال لي اسمه هشوم قال هنا .. جنا انتي



متأكده انو لقبه هشام





جنا وهي نفس البنت اللي صدمت فيه ونفسها اللي قزته من بعيد: انا متأكده وسمعت صديقتها لمى قالت له هشوم ..



زينه(وحده من الشله ) : طيب وش رح تسوون معه الحين؟



روعه: بنات الحقوا شله فاطمه الخايسه راحوا يكلمونه





جنا وعصبت (تكره هالشله كره شديد خصوصا بعد مافرقوا بينها وبين فهد خويتها القديمه وراحت فهد لشلتهم ) : اوووف وشتبي ذي شافتنا كلمناه وحطوا عينهم عليه





زينه: فطوم طول عمرها تغار من شلتنا ومنك خصوصا ياجنا .. ولو تموت مارح تصير وهي شلتها احسن منا والا اشهر منا





جنا: اي صح اصلا هالشله يغارون مني ويبون يقهروني بأي طريقه خصوصا بعد ماخذوا مني البويا فهد





اشواق: يعني الحين انتي حاطه عينك ع هشوم





جنا: وش رايكم فيه ؟





روعه: شوفي هشوم حلو وحلو حيييل وستايله خطيرر لكن ملابسه ماتعجبني ابدا





زينه: اي ملابسه كأنها من بورخيص والا انتو وش رايكم





اشواق: اي والله صحيح انه احلا من فهد .. لكن ملابسه مو شي يعني فهد كشخه وستايل لكن شكله مو مره شي .. يعني لو تخاوين هشوم يبي لك تغيرين ستايله





زينه: اي بس شوفي شلون وملابسه من بورخيص لكن البنات ميتن عليه وعلى شعره وعلى شكله .. حتى مشيته ذابو عليها .. يعني لو تخاوينه بعد فهد بتكونين تقدمتي للامام ومارجعتي لورى





جنا: يعني اخاويه ؟





زينه: على طول وبدون تفكير قبل لايروح عليك







روعه: خلونا من هالكلام المأخوذ خيره الحين ترى هشوم بيروح علينا





جنا: لاولله انا حطيت عيني عليه وحطيته براسي ولا اخذه وانا اذا حطيت شي براسي لازم اخذه ..





زينه: طيب ياحلوه روحي لهشوم قبل لا يروح عليك





جنا: اممم روحي انتي احسن انا صار بيني وبينه تاتش روحي انتي ورعه وجيبوه لهنا





زينه: طيب و ترى مالك داعي تتهاوشين معه الصبح





(( وتقوم وتروح لعند هنا ونور وزينه ماشاء الله عليها لبقه بالكلام قالت لهم نبي نتعرف عليكم وكذا وقاموا وراحوا معهم لطاولتهم ))







( وع الطاوله .. )



زينه: اعرفكم ع نور وهناء او هشوم .. وهذي جنا واشواق تفضلوا اجلسوا (ويجـلسـون )





جنا: هشوم صار بيننا تاتش الصبح صح ..





هشوم: اي





جنا: سوري كنت مره معصبه وحالتي حاله ..





هشوم: لايكثر بس ..





الشله : هههههههه





هنا بخاطرها( شللي يضحك ) : ....





اشواق: وشنو تحب نناديك هنو والا هشوم





هنا: اللي يريحكم





روعه: هشوم احسن





زينه: عاد اليوم ماشفتوا شي كل قروبنا غايبين اول يوم مااحد يدوام ... لكن بكره رح تتعرفون ع الباقي ..





نور: انتو اي سنه





زينه: اغلبنا انجلش .. وفيه من الاقسام الثانيه .. وانتوو





هنا: احنا بعد انجلش





جنا: حلو حلو .. اي مساعده والا شي نحن هنا هااه





هنا: احلا شي ..





جنا: وشرايكم بشلتنا





نور: فلللله





جنا: وانت ياهشوم وش رايك؟





هنا: مثل ماقالت نور عيني





روعه\ نور عينك ؟؟





هنا: نور عيني وحياتي بعد





نور وانحرجت: هشووووم





هنا : لايكثر





الكل : ههههههههه





اشواق وتستفسر: انتو تقربون لبعض والا بس صديقات





هنا: احنا ربع من الابتدائي ومثل الخوات واكثر





جنا وتطمنت: حلووو وان شاء الله احنا بعد بنكون مثل صديقاتكم واكثر





هنا: بصراحه انا مره ارتحت لكم واحس ان شلتكم شي وجوكم على جونا





زينه: يوووه للحين ماشفتوا شي





(( ويكملون ضحك وسوالف وبالاخير تبادلوا الارقام وشله فاطمه مقهورين منهم وعدى اليوم الاول ع خيـر ))

__________________________________________________ __________


الفصل الثاني \يعني انا الحين بويا ..

اليوم التالي بالكولج ..
هنا ونور توهم طالعين من محل اللوكرات ( استئجار الخزانات )
نور ويرن جوالها : هذي روعه (وترد : الو هلا روعه .. اي احنا بمحل اللوكرات .. انتو وين .. طيب ننتظرك باي
(وتجي روعه : هلا والله (وتسلم عليهم )
نور كانت لابسه بلوزه زرقاء ساده وضيقه ع جسمها وتنورتها ميدي قصيره وتشوز ازرق ستايل وشعرها باف ورابطته ذيل حصان وفيونكه كبيره ومكياج خفيف قلوس وماسكار زرقاء وبلاشور
هنا كانت لابسه بلوزه من بلايز الاولاد تبع المباريات نفس بلوزه نادي الهلال وشعرها سبايكي ونظاره شمسيه سودا مغطيه نص وجهها وطالع شكلها شيي واول ماشافتها روعه استغربت وخقت على ستايلها
روعه: واوووو ستايكم خطيررر اليوم وانت ياهشوم بدعت
هشوم: هههههه من ذوقك والله .. بس بما اننا كلنا اتفقنا نلبس ازرق بمناسبه فوز الهلال قلت مافي احلا من بلوزه فريق الهلال
روعه: هههه وربي مااحلا منك .. صاير اطلق بويا
هنا وروعه مافهموا عليها ..
روعه: بسألكم سؤال يقرقع بقلبي
نور: اسألي
روعه: الحين نور الليدي الخاصه فيك هشوم ..
نور ومافهمتها بس قالت: انا وهشوم خوات وبس
هنا: واكثر من خوات بعد .. احنا نعرف بعض من زماان احنا خوات وصديقات ..
روعه وتطمنت: حلوو يلا اعرفكم ع الشـله .. (( ويروحون للسـاحـه الداخليــه مكان شلتــهم وكانت الشـله كبيره تقريــبــا عشـريــن بـنــت .. وكلهم كيوتات (مش بويات)
واول ماشافوا هشوم انبهروا من ستايله وخصوصا السبايكي .. ))
بنت من الشله: هشوووم شيي يالبى السبايكي ممكن المس شعرك
هشوم: لالا .. توني مسويته مالي خلق احد يلمس شعري
البنت: بليز بليز
هشوم : لايكثر ..
البنات: هههههههه (( طبعا الشله كلهم لابسين ازرق وصايرين مميزين )
البنت: افااا هشووومي كذا فشلتني (ومسويه زعلانه )
هشوم: لاتزعلين ياروحي بس مااحب حد يلمس شعري
البنت: يؤيؤيؤ انا روحك من قدي رضيت من هالكلمه
البنات: واووووو ( وتصفيق حااار )
جنا: هييي انتي لايكثر هااه
البنت: وي وي جنووون عارفه حدودي
البنات: واوووووو (وتصفيق .. وطبعا كل هالسوالف والضحك تصير بالساحه الداخليه وقدام الامن والوضع طبيعي
وكانت هنا جالسه وبينها بنتين كيوت ويسولفون معها .. اما نور كانت جالسه بزوايه وملااانه ع الاخر ومحد معطيها وجـه ..

بــعــد نــص ســاعه .. راحــوا هـناء ونــور ع المـحــاضــره .. وكانت محاضره ممله والدكتور جالس يشرح والبنات سوالف وجات المراقبه وخذت الحضور وجلست والبنات ساكتين
مافيه الا هنا ونور يسولفون ولاعليهم
المراقبه وتطالع هنا: انتي ياللي هنـااا
هنا ومطنشتها وتكمل سوالف
المراقبه: وبعدين ياللي هنا
هنا وتطالعها: انتي تكلميني
المراقبه: لااكلم اللي جنبك
هنا وتطنشها
المراقبه: تستهبلين
هنا: وش قصتك معي تكلميني والا لا ؟
المراقبه: ايه اكلمك وتكلمي معي بأدب
هنا: انا للحين ماتكلمت معك لابأدب ولاغيره .. وانتي جالسه من الصبح وتزامرين
المراقبه: وتواقحين بعد اسكتي ازعجتي البنات
هنا: والله مااشوف حد منزعج .. بنات منزعجين
البنات: ............
المراقبه: زين زين تابعي المحاضره وانتي ساكته (وتطلع )
هنا: لايكثر
البنات: هههههههههه
بنت من الكلاس: زين سويتي فيها ملغى ( دمها ثقيل )
هنا: من جد وتزامر بعد
الثانيه: كفوا هشوم اجل بما انك معنا بالكلاس مارح نحاتي شي
هنا: افاا عليكم انا كلا عندي ولابنات كلاسي
الثالثه: يالبييييييه والله بنشد الظهر فيك هشوم
هنا: خذوا راحتكم
البنات (واوووو وتصفيق حااار ..؛؛ طبعا موكل بنات الكلاس شلتين بس اللي ميتين على هشوم ويبون يتلصقون فيه ؛؛
هنا : قومي نور خلينا نطلع من هنا
نور: بس المحاضره ماخلصت
هنا: بناخذ تلخيص من اي حد .. قومي زهق المراقبه وراحت وحضور وحضرنا خلاص قومي
نور: يلا (( ويقومون ويروحون للشـله وهم ماشين بالطريق
نور: هااه هشوم اشوف صرتي جريئه وحتى المراقبه ماخليتيها بحالها
هنا: لا والله هي اللي بدت وبعدين هنا بالكولج لاحظت انو الكل ميت علي ولو اقول نكته تافهه يضحكون خليني اعطيهم جوهم واخذ جووي
نور: اي والله معك حق .. البنات خاقين مع ستايلك الجديد
هنا: وانا مستغله هالشي ( ويرن جوالها: الو هلا اشواق تونا طالعين لاملينا من المحاضره وانحشنا منها .. وين الكافتيرا طيب باي
نور: هااه وينهم
هنا: راحوا الكافتيرا امشي نروح لهم زين راحوا عاد انا مييييته من الجـوع
(( وبالكـافتيــرا .. ))
كانوا البنات جالسين يفطرون ويسولفون ويضحكون ع الرايح والجاي .. واما جنا تطالع هنا بنظرات ماقدرت هنا تفسرها وطنشتها وكملت سوالف مع القروب ..
جنا : هشوم تعال شوي ابيك
هشوم: تبيني وين ؟
جنا: تعال شوي برى الكافتيرا (( ويقومون برى الكافتيرا ويتمشون لحـالـهم .. ))
جنا: وشرايك فيني ؟
هنا\ من اي ناحيه
جنا\ مدري الناحيه اللي تعجبك
هنا: مافيـك زود
جنا واستغربت ردها: وش قصدك ؟
هنا: قصدي ماشي حالك
جنا: بس
هنا: هذا اللي انا شايفته ..
جنا وانحرجت بس مابينت لها وقالت: طيب انتي الحين البويا الوحيده بالشله
هنا( وهي موفاهمتها ): وين المشكله
جنا: لا عادي .. بس لازم كل بويا لها ليدي ..
هنا وتذكرت كلام روعه الصباح بس مافهمتها : طيب وبعدين
جنا\ اممم انا ودي اكون الليدي الخاصه فيك وش رايك ؟
هنا وتوهقت هي موفاهمتها عشان ترد عليها : ....
جنا: وش فيك ساكت
هنا(ليش تكلمني على اني ولد .. شسالفه ): اممم افكر وارد لك خبر
جنا: متى ؟
هنا: اذا فكرت وقررت رديت لك خبر
جنا وعصبت ليه قالت كذا .. الكل ميت عليها ويتمنى لها الرضى وهذي شايفه نفسها : طيب
هنا: خلصتي موضوعك
جنا: هااه
هنا: عندك شي ثاني
جنا: لا
هنا: اجل يلا نروح للشـلـه .. (( ويرجعون وجنا مره متفشـله منــها .. جنا بنت جميله جدا .. بيضا طويله نسبيا طول هشوم تقريبا وشعرها بني فاتح لنص ظهرها
وخشمها طويل وشفايفها صغار وعيونها وساع وجسمها مره حلــوو .. وكل شي فيها حلو ..يعني ماحد يقدر يرفض لها طلب وفوق هذا كله غنيه ودلوعه وبنت عز والكل يتمنى يتعرف عليها
ويتمشى معها .. لانها بأختـصار ملـكـه جمـال .. ؛؛ عشان كذا استغربت رد هشوم لها لانها اول وحده تروح لها وقالت لها هالشي استغربت وبنفس الوقت عصبت وحطتها براسها اكثرواكثر .. ))
00 خلصــوا الشـله فطورهم وراحـوا لمكانهم المعتاد بالساحه الداخليه ويسولفون ويتضحكون باعلا صوتـهـم .. وشوفي تجي بويا طويله بيضا ومره جذابه اول ماشافوها البنات شقهوورا
البنات: نصوووووري .. (( ويسلمو عليها ))
نصور: هلا والله وحشتوووني ياكيوتاتي .. اوه اوه فيه كائنات جديده هنااا
جنا: افاا عليكم اعرفك على هشوم ونور
نصور ويسلم عليها: هلا هشوووم .. بويا جديده بالشله
هشوم: هلا بك ..
اشواق: تصدق عاد فقدنا الامل انك ترجع .. خصوصا بعد مااشتكت عليك اروى وصارت سالفه طويله
نصور بسخريه وغرور: اروى ههههههههههه
روعه: الا صدق وش صار عليها ؟ اخر الايام كانت تقول انها بتفصلك
نصور: امعصي الا هي .. انا كسرت خشمها ولانها رفضتني خذت منها اللي ابي من ورى خشمها وبالاخير انا اللي فصلتها من الجامعه !!
البنات تضفيق خاار واوووووو
جنا: تستاهل محد قالها ترفض نصوري وتسوي لي فيهاا
نصور: اي والله .. حطت راسها براسي وكسرت لها راسها .. ولاااا بعد هالسنه رجعت ادرس وانتظام مثل الاول وهي انفصلت من هالكليه نهائيا
البنات ويصفقون : واوووووو نصورررر واوووو (( اللي يشوفهم يقول المنتخب جايب هدف على هالتصفيق ))
نصور: بنات اخبار الكولج والبنات والشلل مافيه جديد
روعه: مثل ماانت شايف ماعندنا جديد الا هشوم
نصور: يالبى جديدكم .. هشوم قوم ابيك (( ويقومون يتمشون هشوم ونصور واشكـالهم مميزه كلهم سابكي وستايل بس نصور ستايلهم احلا بس هشوم احلا منها شكلا .. ونصور كانت
مميزه بالطيحني والكل يمووت عليهاا ))
نصور: هشوم مستجد ؟
هشوم: شوفه عينك ..
نصور: طب يامستجد هشوم بما اني انا وانت بويات الشله لازم اعرفك ع بويات الكولج وع البنات الستايل واللي
برستيجهم من برستيجنا ونمشي معاهم وبعرفك ع اعدائنا واللي مانحبهم ولانمشي معهم
هشوم: اوووه الظاهر احنا مطولين
نصور: افاااا عليك ..وراك شي انت ؟
هشوم: لا مارواي غير الدواجه طول اليوم
نصور: هههههه يالبى الدواجـه .. (( ويتمشون ويشوفون فهد البويا وتصدم فيها نصور متعمده .. ))
نصور: وجع
فهد وتمد يدها تبي تسلم : هلا والله نصور شلونك
نصور بدون نفس: الحمدلله والشـكر (( وتمشي وتخليهاا ))
هشوم: ههههههه حلوووه الفشـله ..
نصور: هذي البويا اسمها فهد كانت بشلتنا اللعام وكانت خويه جنا وع اخر السنه تهاوشنا معه وصرنا اعداء بس هو بالمره خووواف ولو امشي من عنده اوتفل بوجهه بيقول لي شكرا
هشوم: افااا ماعنده شخصيه ووراه يخاف منك
نصور: غصب عنه يخاف مني انا اللي خليته بويا وعملته الكشخه والاناقه والستايل وكان ومازال تحت رجلي
هشوم: وشللي اختلف الحين
نصور: قام يشوف نفسه على وبيسوي شخصيه علي محيته قبل مايتكلم ودست عليه
هشوم: اووف اووف .. بس شكله ندمان ع اللي سواه وجاء يبي يسلم عليك وانت طنشته
نصور: يخسي اسلم عليه ؟
هشوم: ليه؟
نصور: لانه نعال وعمر النعال ماينحط فوق الراس والنعال لو مهما غلى بالاخير ينداس ..
هشوم: يعني راحت عليه
نصور: وراحت ايـامه .. خلينا منه وتعال اعرفك بباقي البويات والكيوتات والايمو المهمين طبعااا
(( وراحوا لاحدى الكيوتات ومعاهم ثنتين ايموو واول ماشافوا نصور قعدوا يبوسون فيه ويسلموون عليه ويحضنونه بطريقه جريئه وبوسط الساحه ومحد يقول شي ))
نصور: يالبى قلبوبكم .. ياجعلني افداكم كلكم .. بنااات اليوم البارتي عندي بالبيت هاااه بمناسبه بدايه السنه
البنات : واوووو عاد بارتيتك ماتنرد ..
نصور: هههههه نشوفكم
الايمو: نصور ماعرفتنا ع البويا الخقق اللي معك
نصور: هذا هشوم ومافيه حد مايعرفه
الايمو الثانيه: ماشاء الله عليه شكله مره مميز وكل الكليه خاقه معه والحين يمشي معك وربي انتو الاثنين قطع تمشون ع الارض
نصور بغرور: مشكوره من ذوقك
الكيوت: طيب هشوم ممكن طلب
هشوم: امررري
الكيوت: بليززز ابي اضمك .. بصراحه قزيتك وانت تضم صديقاتك وتمنيت اني مكانهم
هشوم وانحرجت بس مابينت: عادي خذي راحتك
الكيوت وتضم هشوم بطريقه جرئيه : يالبيييييييييييييييييييييييييييييييييييييييييه
هشوم ويبعد عنها: يالبى انتي .. (( ويروحون عنهم ))
نصور: هالبنات مره ستايل وشلتهم حيل كشخـه وذولا برستيجنا خذ راحتك معهم بالحكي .. شوف هشوم اليوم عندي بارتي بالبيت تعال انت ومين يعز عليك
هشوم: وبيتك وين
نصور: انا رح اكتب لك العنوان بس تجي
هشوم : اكيد بجي انا عشـقي البارتيات ..
(( وقضوا طول اليوم سوالف وتعارف على البنات .. ))

رجــعـت للبـيت تعبااانه حيييل من المشي اللي مشته اليوم بالجامعه .. اليوم حست روحـها تقدمت كثيررر ,, تعرفت ع كثير بنات وشلل اكثر والكل ميت عليها وع ستايلها .. وكان ببالها
بارتي اليوم وشلون تستعد له وتتجهز له .. ( ويقطع عليها حبل افكارها صوت جوالها والمتصل نور عيني ..وترد
هنا: هلا نور عيني
نور: هلا هشوم شلونك
هنا: تمام انتي كيفك
نور: كويسه .. اسمعني هشوم .. انا عرفت شنو يعني بويا ؟
هنا: شنو يعني .. بويا يعني مسترجله وعربجيه .. يعني نفسك انتي الحين عربجيه بس الكل يعتبرك بويا عشان حركاتك ويفكرونك مسترجـله عرفتي وهالبويات
ماينادون نفسهم الا بالقاب او اسماء اولاد عشان كذا يحسبونك هشوم .. وكل بويا لازم لها ليدي يعني بنت تكون عاديه والبنت العاديه يسمونها كيوت .. وفيه بعضهم ستايل الايمو .. بس
المهم انو كل بويا لازم لها ليدي وبعضهم مايهتمون بالليدي بس كل همهم يكون عندهم اكثر من ليدي ..
هنا وفهمت اخيرا : اهااا يعني انا الحين بويا
نور\ يسسس عليك نور ..
هنا: طيب .. انتي من علمك هالسوالف كلها
نور: افااا .. اعجبك انا .. اليوم قعدت مع روعه وسحبت السوالف كلها منها .. اي صح بتجي بارتي اليوم حق نصور
هنا: اكيييد مره متحمسه للبارتي وانتي؟
نور: اي انا بعد بجي عاد انا مره متحمسه اول مره نصير مشهورين والكل يهتم بامرنا وشله وقروب وصديقات كثير وناااسه
هنا: وانا مثلك مره مستانسه اليوم يمكن تعرفت ع نص بنات الجامعه .. احس غير عن اول ايام الثانويه الله لايردها محد كان يعطينا وجـه بس الحين احنا الكل بالكل
نور: اي والله .. الله لايردها من ايام .. هشوم ياحلو اخليك الحين بروح اقول لمامي ع بارتي اليوم طيب
هنا: حلو حلو .. اجل انا بخليك الحين وبروح ادور لي شي البس وافكر بستايل اليوم
نور: يالبييييه
هنا: حتى انتي يالبيه هالكلمه نص بنات الجامعه يقولونها ..
نور: ههههه احنا معاهم معاهم .. عليهم عليهم .. ههههه طيب هنوو اخليك الحين باي ..
.. انتـهى هالبارت ولكن نهايته بدايه جديده في احداث ومسار القصه ..
البارتي شنو رح يصير فيه من تطورات تخدم قصتنا ؟
نصور مين وهل رح يكون له تغير كبير في احداث القصه ..؟ ام انها مجرد شخصيه عابره ؟

وهل رح تكون هناء او هشوم مثل مايسمونها .. هل رح تصير فهد الثاني ..؟! ام انها رح تتمرد على نصور وتفرض شخصيتـها .. بس اللي شفناه انو محد يتجرا يقول لنصور لا ..
وجنا وهشوم (هنا ) شنو مصير علاقتهم ؟ وهل رح تتطور والا لا ؟
وهل لهفه نور وهنا للشـله رح تخليهم ينجرون لاي شي وبسهوله ام انهم يقدرون ع الرفض ؟

__________________________________________________ __________


الجزء الثالث: البارتي


دخلت البيت وهي تفكر بالبارتي ياترى وشلون رح يكون وشنو رح تلبس ومين من بنات الشله بيجون .. كل هالتسـاؤلات ببـالهـا ..



راحت لدولابها وماشافت شي حلـو .. او بالاحرى كل



الموجود قديم ويبين انه رخيص .. الكليه اهون بالنسبه لها تنوره وحده تلبسها يوميا وتغير وتشكل بالبلايز .. اووووف فكرت وفكرت



وقررت تروح لغرفه اخوها هشوم هو يحب يهتم بأناقته وستايله ..



راحت لدولابه وبالاخص لدولاب الملابس الجديده .. وشافت لها بدله عجبتها ماترددت بسرعه وخذتها وفكرت انو عندها حذاء يناسب



اللبس ومولازم تحط ميك اصلا هي ماتحب ولاتعرف وبعدين بويا



والبويات مايحطون شي .. خذت الملابس وجات تطلع من الغرفه الا بوجـهها اخوها



هشوم: وش عندك ؟



هنا وتوهقت: هلا والله بأخوي وتؤامي



هشوم: لا والله حلفي بس .. مع كل هالترحيب اكييييد عندك شي وش عندك ؟



هنا وحست انو مافي مفر : ماعندي شي بس ( وترفع الملابس )



هشوم: يوووه هذولي ملابسي الجدد مالبستهم ولامره ليش ماخذتهم ؟



هنا: بصراحه عندي اليوم بارتي وماني عارفه شنو البس قررت اغير ستايلي والبس ملابسك



هشوم: ملابسي ؟؟ وشلون تروحين حفله بنات بملابس ولد



هنا: نيولوك وش رايك ..



هشوم وبوجهه ميه علامه استفهام :



هنا: حبيبي هشوم وتؤامي انت شوف انا بصراحه ومن الاخير ماعندي ملابس كشخه وتناسب البارتي فقررت اغير ستايلي و



البس معك وش رايك ؟



هشوم وفيه الضحكه من اخته متوهقه وحالتها حاله بس سوى نفسه: اممممممم



هنا: بليز بليز .. رح انفذ لك اي طلب تطلبه مني



هشوم: اوكي بس بشرط



هنا:امر



هشوم: ترتبين غرفتي والحين لاني مالي خلق تجي الوالده وتسوي لك قلق



هنا وتطالع غرفته بنظره احباط(اوووف الله يعيني ) :طيب صار



هشوم: حلال عليك البدله .. ولارح اكرمك بعد ورح اوصلك وارجعك للبارتي بنفسي ..



هنا واستانست: هييييي مشكوره يااحلا اخ وتؤام بالدنيا ( وتطلع .. وجهزت ملابسها للحفله وراحت لغرفه اخوها بسرعه ورتبتها و



حطت راسها ونامت استعدادا للبارتي .. ))




بـــأحــد القــصـــور الفــخــمـــه .. بــمــدينــه الخــبــر .. كانت جالسه بمملكتــها الـسـريـه وتسـمع اغـاني المسـجل بصــوت



عالي ويـدق باب غرفتــها بصوت مزعـج ..



ام جـنا ( وعلى طول تطفي المسـجل ) : قصري صوت هالبلا .. الحين ابوك واخوانك جاين من الشركه تبينهم يسون لك سالفه



على هالازعاج



جـنا: هههههههههههه لا والله يعني حتى لو ماشغلت المسجل اعيالك هالعلل رح يسوون لي سالفه على اي شي ..



ام جنا: استحي على وجـهك وتكلمي على اخوانك زين هذولي اخوانك وعزوتك وسندك بالدنيا .. واي شي يسوونه لانهم خايفين



على مصلحتك وشكري ربك على النعمه اللي انتي فيها انتي احسن



من غيرك بكثير ..



جنا بأستـهزاء : اشكــر ربـي ؟ اشكره على شنو ياحسـره على السجن اللي انا عايشته على العز اللي انا فيه بس للأسف ماني



قادره استمتع فيه .. عبايه ع الكتف ممنوع .. جوال ممنوع ..



بنطلون وبيجامات بالبيت ممنوع ,, انترنت كل البيت عنده بس لحد جنا لا وممنوع .. لاطلعه ولادخله الا للكليه وبس .. والحين



الظاهر حتى المسجل بيصير ممنوع



ام جنا: احترمي نفسك وتكلمي معي بأدب انا امك والا نسيتي هالشي



جنا: هذا انتو اذا ماكان عندكم رد قلتوا تكلمي بأدب ومدري شنو ..



ام جنا: انتي جاحده النعمه اللي انتي فيها المفروض تحمدين ربك وتشكرينه باليوم مليون مره .. ع الاقل انتي تطلعين بشكل



شبه يومي لعند المدرسات الخصوصيات ويعطونك دورس خصوصيه ..



وابوك مخليك على راحتك كل سنه يسوي لك حفله عيد ميلاد بأفخـم فنادق الخبر وتتشرطين بعد وموعاجبك وكل صيف تسافرين



لاحسن مناطق العالم وتقضين طوال الصيف هناك وموعاجبك ..



وحسابك كل شهر بالبنك ينحط لك المبلغ الفلاني وحده غيرك تحمد ربها وتشكره مليون مره باليوم موتتكبر ع النعمه اللي هي



فيــها ..



.. ااااخ ياليتك طلعتي مثل اختك عبير طوال فتره جلوسها بالبيت ماكانت تقول شي لين تزوجت وهي ماشاء الله عليها مو مثلك



جنا: عبير هبله ومقصه وزوجتوها واحد متزوج عشان الفلوس وعشان اسم العايله .. عبير تزوجت عشان تطلع من هالسجن اللي



سجنتوها فيه .. بس انا لا انا جنـا موعبيــر موالمقصه اللي رح



تقول ان شاء الله وحاضر على اي شي .. وهالسفرات اللي تعايريني فيها وجودها مثل قلتها وقسم بالله استحي اطلع من



الفندق بالعبايه اللي عالراس كأني عجوز ومخبيه جمالي عن الناس .. وهالعيد



ميلاد اعيالك مايقصرون وكل سنه يسوون لي سوالف كل ماقرب هاليوم حتى هاليوم مايبوني افرح فيه .. وروحاتي للمدرسه مع



الخدامه والسواق يوديني ويجيبني وتذولني عليها بعد ولااا حاسبين لي الوقت



وياحسرتي على هالحساب اللي تعايريني فيه موقادره اشتري فيه لاجوال ولاملابس زي الناس ولاشي .. ياشيخه خليني ساكته



احسن



ام جنا: هذا كله وساكتـه .. انتي ليش طلعتي كذا ياربي انا شسويت عشان ربي يعاقبني فيك



جنا: والله انا اللي ربي عاقبني فيكم يالعايله المعقده الناس دخلوا الالفيه الثالثه وانتو للحين عقد اووووف منكم اووووف .. والحين



انتي وش عندك جايه تبين تطفين المسجل خلاص طفيته ماله داعي



تسمعيني الموال اليومي لو سمحتي طلعي برى ابي انام وراي قومه بالليل بروح للمدرسـه



ام جنا وفاقده الامل من بنتها: الله يهديك يابنتي (( وتطلع .. وجنا تسكر الباب ورى امها ..))



جنا: اوووف متى الله يفكني من هالبيت وارتاح ..(( وتروح لخزانتها السريه وتختار لها فستان احمر ضيق وقصير للبارتي <طبعا تقول



لاهلها بتروح للمدرسه وتروح للمكان اللي تبيه



وهي متفقه مع السواق والخدامه والمدرسه بالبدايه امها كانت تروح معاها بعدين ملت وصارت تروح لحالها > وتطلع الفستان



واكسكوراته وتحطه على جنب وتطلع لاب توبها السري وتدخل المسن



تدردش مع صديقاتها .. ))


بــالليـــل ..



كانت هنـاء توهـا واصـله للبــارتـي اول مادخلت تفـأجات شافت قصر ماتشوف مثـله الا بالمسـلسـلات والافلام دخلت وهي تحس



انها تدخل عالم جديد عاجبها كثير واول مره تدخله .. كانت متضايقه



بالبدايه لان نور اعتذرت بالدقيقه الاخيره .. بس ماحبت تعتذر لانها متحمسه للبارتي ولانها وعدت نصور بالجيه وعطتها الاوكي ..



دخلت البارتي و وسمعت اغنيه مايكـل جاكـسون thriller



فسخت عبايتها بسرعه وراحت ترقص مع اللي يرقصون الرقصه الموحده واغلبهم بويــات .. وانتهت الاغنيه وحطوا الدي جي اغاني



راب وهيب هوب وتحدي بين البويات وهنا معهم وجلسوا يتحدون



لين انحصر التحدي بينها وبين بويا عبود ورقصوووا كثير لين تعب عبود وفازت هـنا وبالاخير الكل صفق لها ويقول هشوووووم ..



عبود/ مبروك عليك الفوز تستاهلها



هشوم: ههه هارد لك واكييييد استاهلها ولو مااستاهلها مافزت



عبود: ههههههههه لاااا لازم نتحداك مره ثانيه ونشوف



هشوم: اوك اوك متى ماحبيت انا موجود بالراب والهيب هوب محد قدي ( هنا كانت طول عمرها مع اخوها يحبون هالرقص وفعلا



محد يتحداها )

__________________________________________________ __________

تــــابع ...



(ويجي نصور : هلا والله بالربع (ويسلم عليهم



نصور: تعرفتوا على بعض



عبود: اي هذا هشوم توه غالبني بهالهيب هوب



نصور: واووو يعني طلع لنا بطل جديد



عبود: هوب هوب للحين ماصار شي هو تحدي واحد بس



هشوم: ههههههه تحدي واحد وفزت فيه لكن الجايات اكثر



نصور: هههههههه هشوم نجمنا الجديد ( وتمر احد الجرسونات معها كاسات خمر وتناديها نصور وتاخذ كاس لها وللي معها



عبود: ثانكس



هشوم: شنو هذا ؟



نصور: هذي بيره بس بكحول ويدلعونها شامبانيا



هشوم وخافت من هالشي بس مابينت: لا شكرا ماابي



نصور: افااا وراه ؟



هشوم: مو جوي ..



نصور وياخذ الكاس ويشرب وتروح الجرسون



عبود: اجل شنو جوك



( وتجي اغنيه مايكل جاكسون beat it



هشوم : هذا جوي .. ( ويروح يرقص مثل مايكل جاكسون ولا سوت حركه رقصه القمر وكل الكيوتات_ البنات موبويات _ ميييييتييين



عليها حتى المرتبطات ولمى



خلصت الاغنيه بدوا الكيوتات يتملحون وهشوم ماله خلقهم وكان واقف وكل الكيوتات من حولـه .. وعلى دخله جنا شافت هشوم



واقف ويكلم الكيوتات ومن طرف خشمه باين انه ماله خلقهم وهم ماتوا



على ثقله بزياده



بجهه اخرى



عبود: اوووف خويننا حشروه هالكيوتات



نصور: هههههههه تخسبق بروح اخلصه منهم ( ويروح بوسط الكيوتات وياخذ هشوم بكل وقاحه وبدون استئذان وهشوم ماصدق



خبر وراح وراه



وحده من البنات: اوووف راح ولاحتى شبعت منه



الثانيه: يعني انا اللي شبعت منه حتى مادردشت معه زين



الثالثه: ع الاقل انتو سولفتوا انا حتى ماعرفته بنفسي



(وتجي روعه : بناااات اصلا راحت عليكم جات خويته جنا



الاولى/ مين جنا



الثانيه: لاتقولين لي جنا خويه فهد اول



روعه: ايوه بشحمها ولحمها



الثالثه: ويييييع انا احلا منها .. صدق حظها قوي اجل من بعد فهد تاخذ هالخقق وربي حظوظ



روعه تطالعهم بغرور ومشت راحت لجـنا وسلمت عليها : هلا والله وينك تأخرتي



جنا: ماطلعت الا متأخر عشان اخذ راحتي بالتأخير



روعه: هههههه احسن شي .. لايفوتك هشوم قبل شوي يترقص والكيوتات اللي هـنا ماتوا عليه وانتبهي على حلالك لاياخذونه



منك تخيلي حتى الايمو والمرتبطات ماتوووا عليه



جنا: وي وي .. انا لازم اروح له الحين واحكره عشان مايطالع غيري .. شفتيه وينه



روعه: اي اي طلع مع نصور وعبود للحديقه اكيييد يدخنووون



(( وفــعلا بالحـديقه بـأحـدى الزوايا كانت مليانه بويات ويدخنون ..



نصور وتطلع زقاره لهشوم: تفضل



هشوم: لالا



عبود: موجوك بعد ؟



هشوم: لا وانت الصادق صحتي مااقدر عليهم



( وع جيه جنـا )



نصور: هذا جوك جاء لعندك



هشوم ولمى شافتها ابتسمت صحيح مالها خلقها بس تبي تفتك من عبود ونصور : عن اذنكم ( وتروح وتسلم عليها وتتمشى



معها بجـهه بعيده عن البويات والتدخين )



جنا\ متى جيت؟



هشوم: قبلك



جنا: اهم شي .. ادري انك قبلي يعني من زمان





هشوم ويطالع الساعه : بسرعه مر الوقت .. جاي من ساعه تقريبا



جنا: اهــاا ..وشرايك بالبارتي ؟



هشوم: للحين زين



جنا: ماشاء الله عليك يقولون بدعت بالرقص



هشوم: هههههه انا محد يتحداني بالهيب هوب .. ( امشي ندخل لداخل .. ويدخلون الا ع اغنيه تاينتك مره رومااانس .. وتسحب



هنا جنا وترقص معاها رقص رومنس



جنا وهي متسغربه حركته بس بنفس الوقت هالحركه ارضت غرورها عشان الكل يعرف انو هشوم لها وبس وقالت ويدها على



كتف هشوم: اممم الظاهر محد يتحداك حتى بالرومانس



هشوم وهو ماسك خصر جنا: انا اكثر شي احبه الرقص



جنا: اممم شي حــلــو .. وانا اكثر شي احبه هشوومي ..و هشومي لي وبس صح



هشوم اكتفى بأبتسـامه : ...



جنا وهي تطالع يعيونه : ا



هشوم: شفيك



جنـا : امممم ا



هشوم: شنو تبين تقولين شي ؟



جنا وتبوسه بخده وقربت لاذنه وقالت بهمس : احـبـك ..



هشوم بنفس الهمس ع اذنها: حبتـك الـعـافـيـه ..



(والبنات ميييتن من القهر على حركاتهم يفكرون شي ثاني )



وخلصت الاغنيه وراحوا جلسوا عند المشرب



جنا وخذت كاس شامبنيا وقبل ماتشرب خذاه هشوم منها



هشوم: هيييي هييي انا مااسمح لحبيبتي تشرب اوكي



جنا واستانست: يعني انا ...



هشوم تبتسم وهزت راسها بالايجاب: طول ماتسمعين كلامي مارح اشوف ولااهتم بغيرك بس لاتخليني اعصب عليك ..



جنا وتبعد الشامبنيا: خلاص خلاص .. اللي ماتبيه انا ماابيـه ..



هشوم: يازينك وانتي تسمعين كلامي



جنا وتقرب له وتضمه\ رح اسمع كلامك ع طول ( والكل يطالعهم من بعيد ويراقبهم بحسررره .. وتجي نصور)



نصور: تعالوا تعالو -وتروح معاهم للدور العلوي لجهه غرف النوم-



نصور وتفتح لهم غرفه وتعطيهم مفتاح : خذوا راحتكم



جنا وتاخذ المفتاح: ثانكس (وتدخل وتسحب معاها هناء وهناء مثل المصدومه)



بداخل الغرفه خذت هنا من جنا المفتاح وسكرت الباب وجلست ع الصوفا ونادت جنا تجلس جنبها وجنا ماصدقت خبر



هنا: شوفي جنوون .. انا رح اقولك شي وياليت تفهميني



جنا بدلع : اكييييد رح افهمك اذا انا مافهمت مين اجل رح يفهمك ..



هنا: حلـو .. شوفي بصراحه انا اليوم ماابي المسك زين



جنا وانصدمت وخاب املها\ ليييش .. انا موحلوه اليوم ؟



هنا وابتسمت: انا ماافكر بهالطريقه .. انا لمى وافقت انك تكونين حبيبتي ماوافقت عشان هالشي .. وافقت عشان احبك



وافهمك وتفهميني قبل كل شي .. انا ماابي اتسرع او ابدء بشي واحنا للحين



ماعرفنا بعض زين ولاتعلقنا ببعض ولاحبينا بعض بجنون .. خلي كل شي يجي من نفسه خلي الحب يجي قبل اي شي ثاني



جنا وانصدمت من كلامه وبنفس الوقت عجبها اول مره حد يتكلم معها بهالطريقه مره رومانسيه هذا الحب اللي كانت تدوره هذا هو



الانسان اللي طول عمرها تفكر فيه وتتمنى تلاقيه .. واخيرا واخيرا



لقته .. اليوم والحين خاصه من بعد هالكلام اللي سمعته ومن التصرفات اللي شافته من هشوم تمسكت فيه اكثر واكثر ومارح



تتركه بالعكس بخاطرها تحبه وتفمهه مثل ماقال



هشوم: زعلتي من كلامي



جنا بأبتسامه صفراء: لا بالعكس كلامك مايزعل .. كلامك هو كلام الحق



هشوم: اجل يلا نطلع



جنا: يؤيؤ .. واللي برى شنقول لهم



هشوم: ههههه نصوري خليه علي ..



جنا: طيب (ويطلعون ونصور كان بالصالون ..



نصور: شسـالفــه ؟ وشفيكم طلعتوا بدرب



جنا: مانقدر اليوم _وبهمس بأذنه_ عليها الدوره



نصور: ههههههه خيرها بغيرها ..



جنا: بيبي تعال اسلم عليك بروح البيت ..



هشوم: سلامنا موهنا بوصلك لين الباب ( ويطلعون لين برى وتوصلها وترجع وبالحديقه ع وجـهها بنت سكرانه ومعها خدامتها..



البنت: هشووومي



هشوم وهو متقرف منها: خير



البنت: تعال ابيك ابيك بالغرفه رح اونسك اليوم



هشوم: هههههه سوري بس انا ماابيك ( وتطالعها بأحتقار وتمشي وع جيه نصور وعبود ..



نصور: ههههههه وشتبي منك وصايف ؟



هشوم: مدري عنها .. لوعت كبدي



عبود: وصايف هذي مقبره ماترد ميت .. ومابقى حد بالبارتي وبرى البارتي ماجربها



نصور: من جد .. وصايف هذي مابقى بويا بهالبارتي مانامت معاها ..



هشوم: ويييييع مالت عليهاا ولاجايه بعد .. بروحها موقادره توقف وخدامتها متوهقه فيها



عبود ونصور\ ههههههههههه



عبود: هشوم وربي انك فله عطني رقمك عشان نعمق العلاقات الدبلوماسيه فيما بيننا



هشوم وقلبها ناقزها وماتبي تتعرف عليها اكثر بس للأسف هي اضعف من انها تقول لا او تصرف وقالت : سجل عندك _وتعطيها الرقم ))



نصور : شباب خلونا ندخل لداخل نكمل السهره ..





(( وراحـــوا لــداخــل وكـملــوا الســهـره بالرقص والغناء والضحك والسوالف ... وطول الوقت الكيوتات يتصلقون بهشوم خاصه بعد روحه جنا لكن هشوم معطيهم بولبــاس .. وانتــهى البارتي بــسلام .. ))

__________________________________________________ __________


الفصل الرابع:حاله حب

احنا مع بعض معقول المعجز حصل لاتقول ..

يـــوم الســـبــت .. يـــوم جــديـــد على ابــطال روايتـــي .. يحمل معه المزيد من المفـأجـأت والتـطورات ..

بالكليــه ..

كانوا هناء ونور توهم طالعين من المحاضره .. وجالسين مع القروب بمكانهم المعتاد بالساحه الداخليه للكليه .. واحلا شي بمكانهم انو موقعهم جغرافي بوسط الساحي يعني يشوفون كل شارده

ووراده وياويل اللي يجلس مكانهم او يحط اغراضه فيهاا ..

(( وتجي روعه وتروح لهشوم


روعه: هشوم تعال شوي

هشوم ويروح لها : هلا

روعه: وينك من الصبح

هشوم: كنت بالمحاضره وتوني اطلع ..

روعه: طيب تعال معي ( وتوديه بعيد عن الشله وبمكان فيه جنا وبس وتروح وتخليهم)

جنا وكان معها بوكيه ورد احمر مره يجنن عطته هشوم وقالت له : أحبــــك

هشوم وهو متفاجئ سلم عليها وقال : مشكوره

جنا: العفو ..

هشوم: وش المناسبه

جنا: بمناسبه حبي لك ..

هشوم: يعلم الله ياجنا اني مره ارتحت لك ..

جنا (اوووف بس هذا اللي طلع منك بس يلا مولازم ابين له اني زعلانه ) : ...

هشوم: فطرتي ؟

جنا: لا ليش؟

هشوم: اجل خلاص خلينا نروح نفطر انا وانتي

جنا: مع الشله

هشوم: لالا .. خلينا لحالنا بعيد عن الشله شوي لاني مع الشله مااقدر اتكلم معك واخذ راحتي بالكلام وننشغل عن بعض (( ويروحون للكافتيرا وهشوم اشترت لجنا فطور ع حسابها

وتشيل لها الاكل وتوكلها والبنات ميييييتتتن قهر منها انها تتمشى مع هشوم ويدلعها بعد .. فـ الكل الحين شاف شلون نظراتهم لبعض وعرف انهم مخاوين .. ولمى كملوا فطور تمشوا


مع بعض وقضوا مع بعض طول اليوم .. وتعرفوا على بعض اكثر .. واخيرا انتهى الدوام وكل من راح لبيتــه ... ))

اول ماوصلت للبيت كانت تحس بنشوه الانتصار وكانت مشاعرها متضاربه ماسألت نفسها هل هي تحب او لا .. كل همها برستيجها عند البنات وكانت تموت بضحكته ولمى تتذكر ضحكته تروح

لعالم ثاني .. حاولت تمسك نفسها بس ماقدرت اتصلت فيه ومارد عليها ... رمت الجوال من القهر

جنا: اوووف صدق اني غبيه ليش ادق ليش اتسرع اووووف (( ويرن الجوال وتاخذه بسرعه وتشوف المتصل *هشـوم بويـا * وترد وهي منسدحه ع سريرها وتعلب بخصلات شعرها

جنا: الو هلا والله

هشام: اهلين

جنا: هلا شلونك

هشام: زين

جنا: متى وصلت للبيت ؟

هشام وفيه نوم : توني الحين

جنا واستغربت نبره صوته تفكر انه ماله نفس يكلمها: وشفيك؟

هشام: فيني نوم ..

جنا: يعني تبيني اسكر

هشام: حبذا

جنا: من جدك انت

هشام:اي

جنا: ليش تكلمني بهالاسلوب

هشام: مواحنا اليوم قلنا نبي علاقتنا تنبني ع الصراحه

جنا وعصبت: ع الصراحه موالوقاحه

هشام: مشكوره

جنا وتوهقت(وي وشقلت ) : هههه امزح معك

هشام: ...

جنا: زعلت

هشام: ....

جنا: اسفه اسفه ماكنت اقصد بس استغربت ردك

هشام: جنا يمكن تتعبين معي لاني مااحب اجامل واللي بقلبي على لساني

جنا: وانا احب هالشي وتعجبني صراحتك

هشام: صراحتي والا وقاحتي

جنا وتوهقت: شدعوه هشوم كنت امزح

هشام: طيب انا بنام الحين تامريني شي

جنا: لاتزعل مني

هشام/ ماني زعلان ابد عادي

جنا: طيب تمسي ع خير باي (وتسكر ) وتلعب بخصلات شعرها وتقول بخاطرها: اووووف الله يفشلني مره خفيفه بس يلا بالبدايه بذل نفسي واتمسكن لين مااتمكن

اليــوم التــالــي بـالكـليه .. اول مادخلت هنا الصباح شافت جنا بوجـهها تنتظرها

هنا وتمشي بعربجتها المعتاده وتفتح عبايتها وتتطاير مع الهوا وتضبط شعرها السبايكي سلمت على جنا بخدودها ومشت معها لداخل الكليه


جنا: تو مانورت الكولج

هنا: النور نورك ..

جنا وكان معها هديه كبيره وعطتها هشوم

جنا: تفضل

هشوم: وش المناسبه

جنا: بمناسبه حبنـا ..

هشوم: حبنا .. امممم بس للحين ماصار شي

جنا:ولاتزعل بمناسبه انو حبي لك كل يوم يكبر ويكبر

هشوم وابتسم ابتسامه نصر وقال: مشكوره (( ويتمشـون ويروحون لمكان الشـله .. ويسلمون على البنات .. ))

نور وتوها جايه مع روعه وجلست جنب هشوم

نور: واووو لمين هالهديه الحلوه

هشوم: لي من جنا

نور: اوووه شكلها الاخت عاشقه

هشوم: شكلها ..

نور: والله شييي .. الظاهر انها مصره تكون الليدي الخاصه فيك يالبويا

هشوم: ههه اي بويا يرحم والديك انا بويا شكلا فقط .. وموعاجبني اللي يصير

نور: يعني شنو موعاجبتك الهدايا اليوميه

هشوم:هههه لا من قال .. اقصد الكل مسوي لي فيها هشوم وهشوم وانا موعاجبتني هالتسميه بس نجاريهم لاننا جزء منهم

نور: والله انك انتي احسن مني .. انا احس اني كومبارس بالشله وانو الكل يكلمني عشانك ووجودي والعدم واحد

هشوم: يؤيؤيؤ وشدعوى انا وانتي واحد والشله اذا مواانتي فيها ماابيها .. بس انتي لازم تعودين الكل عليك وتتأقلمين معاهم .. انتي مومرتاحه هنا

نور: الا بس قلت لك احس اني مومهمه

هشوم: انتي مهمه وانا عارفه انك مهمه .. وصدقيني لو تقربتي من بنات الشله رح يعزونك ويقدرونك مثلي ..

نور وخفف عنها كلام صديقتها وقالت: معك حق .. اللي مايعرفني مايثمني

هشوم ونور: ههههههه

(( ويجي نصور : هشومي تعال بسرعه

هشوم ويقوم يتمشى معها ..

نصور: فيه موووت هنا تبي تشبكني بعطيها جوها هالاسبوع

هشوم: اسبوع بس ليش؟

نصور: انا موراعي علاقات انا لاشبكت اشبك اسبوع والا اسبوعين واخذ حاجتي وبعدين خلاص

هشوم: افااا وورى ماتسمر معاهم

نصور: هههههه موانا اللي اخاوي انا شبك .. يعني ممكن اني اخاوي مليون وحده بس مااحب حد

هشوم واستغرب تفكيرها : طيب وماتتعلق فيهم

نصور: انا صعبه اتعلق بحد .. وماابي اصلا اهم شي اخذ حاجتي ..

هشوم ومافهمتها: حاجتك ؟

نصور: اي حاجتي وبس

هشوم: وش قصدك؟

نصور: لاتسوي لي فيها غبي انت فاهم كل شي

هشوم: لا بجد خذني ع قد عقلي وشنو تبي تاخذ منهم

نصور: انا مااخذ منهم شي هم اللي يعطوني .. والله ياهشوم ببارتي جسوم كان فيه وحده ميييتته تبي تخاويني وماعطيتها وجـه ولمى ثقلت بالشرب خذتي لغرفه وصار اللي صار

هشوم وخاف: شللي صار

نصور بضحكه خبيثه: ههههههه صار اللي صار .. يعني انتي بويا وعارفه شغلنا يالبويات ووحده عارضه نفسها عليك اكيد رح تاخذ اللي تبيه منها بس شيي ..وعجبتني بيومها

هشوم وخافت: هاااه .. شكلك خربتها

نصور: مو انا بس حتى هي ههههههه

هشوم وسرحت : معقوله اللي قاعد يصير معقوله كل البويات شاذات جنسيا ويتفاخرون بعد ؟! ,, يعني المسأله مو بس كشخه وستايل .. المسأله جد ..

( وتجي وحده وتسلم عليهم خدود وتسلم على نصور بطريقه وقحه وتضمه وتبوسه بوسط الساحـه وقدام البنات والامن يمروون ولاكأن شي صار (( المواقف اليوميه المعتاده اللي تصير قدام

عيني بالجـامـعـه ) وبعد ماسلمت وراحت

نصور: وشرايك فيها ؟

هشوم: زينه

نصور: واكثر من زينـه بعد .. هذي بعطيها فرصتها اسبوع وباخذ حاجتي طبعا واذا اثبت جدارتها بعطيها فرصتها شهر

هشوم: شهر بس

نصور: تحمد ربها .. غيرها ماياخذون فرصهم الا يوم واحد ..

هشوم : هههههاااي .. شكلها رح تثبت جدارتها وباين عليهاا

نصور: ههههههه .. تبي اشبكك مع خويتها

هشوم: لالا .. خليني مع اللي عندي

نصور: اموووت ع المخلصين .. (( ويكملون تمشي ونصور يكلم هناء عن البويات وعالمهم وهناء مسويه فيها تعرف وهي كل شوي تنصدم اكثر واكثر .. لكن هل تقدر تقول لا ؟!


(( بــعــد مرور اسبــوع .. خلال هالاسـبوع تطورت علاقه هشـوم وجنا كثير وجنا كل يوم هديه وهشوم عاجبه الوضـع .. نور تحست علاقتها بالشـله وبخـاصه مع روعـه .. نصور

وهشـوم صايرين مره مقربين لبعض .. ))

يـــوم الاحــد بــالكــليـــه .. كانت جنـا كالعاده توها مداومـه ومعاها الهـديه الخاصه لهـشوم وجالسه بمكان الشله المتعاد بس هشوم طول ولا جاء ,, واستغربت .. وتجي روعه

جنا: روعه شفتي هشوم اليوم ؟

روعه: لا .. ولاحتى نور

جنا : غريبه يعني مادواموا ؟

روعه: مدري يمكن عندهم محاضره الحين

جنا: امشي نروح لكلاسهم ونشوف ..

روعه : يلا (( ويروحون للكلاس ويسألون عنهم وعرفوا انهم مادوامو ))

جنا: غريبه وينـها ذي ؟

روعه: ماقال لك انه مارح يدوام

جنا: لا امس طول الليل سهرانين انا وياه ع التلفون ماقال ولالمح انه مارح يدوام .. اتصلي فيه وشوفي وينه

روعه: وورى ماتتصلين انتي ؟

جنا: امممم ابي اثقل شوي ..

روعه : طيب بتصل (( وتتصل وجواله مقفل )) مقفل

جنا: غريبه مومن عوايده .. طيب شوفي نور

روعه : اوكي .. ( وتتصل نفس الشي )) حتى نور مقفل ..

جنا: شفيهم متفقين ع الغياب ؟

روعه: ماادري عنهم ..

جنا: طيب اجل خلينا نجلس مع القروب بدل وقفتنا هنـا .. (( جـنا كانت طول الوقت تفكر ليش مادوام هشوم اليـوم وليش ماقالها عن غيابــه ))