طلال ونوف .. يقال انها واقعيه حصلت بالرياض -رواية
عنوان الموضوع : طلال ونوف .. يقال انها واقعيه حصلت بالرياض -رواية
مقدم من طرف منتديات نساء الجزائر
طلال ونوف .. يقال انها واقعيه حصلت بالرياض
https://uploads.sedty.com/imagehosting/1_1402432992.gif
______السلام عليكم
__________________________________
عايله (بوفيصل ) ابو فيصل (خالد)اللي كان كبير في السن بس ماشالله نشيط كان يمتلك شركه كبيره واموره الماديه تمام يعني ماعليه ودايم زي كل الكبار همه في الاسهم والملاحق وراها والبيع والشرى وزوجته (الجوهره ) اللي كانت خوش زوجه الاثنين خلفو وراهم
الأول فيصل وهذا اكبر واحد من اخوانه فيصل كان وسيم جدا في قد الكلمه لكنه كان مؤدب وعاقل يحكمه عقله اكثر من قلبه وكان حنون على اخوانه ويساعد اهله بار كثير بأمه اللي يحبها كثير ومو مقصر مع ابوه وكان يحظر للدكتوراه في مجال الطب اللي كان يتمناه من يوم كان صغير فيصل أبيض على حمره وكان طويل وعريض شوي من ناحية الأكتاف وله لحيه خفيفه من تحت بدون عوارض وعيونه وسيعه وشعره اسود وكثيف وناعم
والثاني : فهد هذا فهد صحيح انه وسيم لكن مو قد اخوه كلهم فيهم من الجمال لكن اللي يفرق ان فهد اسمروفيصل أبيض لكن فهد كان عاطفي اكثر من فيصل وكان يكتب شعر كثير وهاادي مرره ماله حس بالبيت وكان في ثالث جامعه يدرس في كلية الطيران واللي يميزه الرومانسيه الزايده وربعه دايم ينتقدونه على رومانسيته لأنهم يعتبرونها ماهي رجوله فهد اسمر ونحيف لكن موطويل مرره واسمر بس لونه برونز مره حلو وشعره ناعم وحاط سكسوكا
والثالث : مشاري في أول جامعه مشاري هذا كان شبيه لأخوه فيصل في الشكل لأنه بنفس اللون ولكن جسمه مرره نحيف وقصير شوي لكنه كان نسخه مصغره من فيصل اخوه وماشالله ماخلى بنات الرياض اللا وعجبهم من ناحية الشكل والتصرفات لأنه كان مرجووووج وخبل وماخذ الدنيا وناسه وماكان يحب الدراسه زي اخوانه لا كان يكرره المدرسه مايحب غير مادة الأنجليزي اللي هي تخصصه ودخل قسم ترجمة ويحب الماده كثير واللي يمزه خفة دمه وسعه صدره ماكان يزعل ولايزعل واللي يجلس معاه لايمكن يكشر او مايضحك
والرابع : نوف في ثالث ثانوي نوف كانت تمتلك قدركبير من الجمال والنعومه حيث كانت جمييله والكل يتمناها لعياله برغم انها بين اولاد اللا انها كانت ناعمه وراقيه مررا ولاتحب تزعل احد وكانت تحب الانترنت هذي هوايتها وداخله قسم ادبي وفي الدراسه مومره لأنها ماكانت تحب الدراسه كثير وكانت مدلله لأنها البنت الوحيده نوف بيضا وشعرها بني فاتح وجسمها صغيير مررا تعطيها اصغر من عمرها وعيونها وسييعه وشعرها طويل الى اخر الظهر وجذاااابه بقد الكلمه
والخامس : مشعل اللي يدرس في ثاني ثانوي مشعل يمووت في الكووره يعشق نادي الهلال واربع وعشرين ساعه قدام القنوات بس اكبر همه اللاعب الفلاني والمبارت الفلانيه لكنه كان انطوائي يفضل الجلسه مع ربعه اكثر من اهله كان قليل مايجلس معاهم
مشعل كان لونه حنطي وفي الجمال ماخذ حقه طويل وشعره زي مرره نااعم
والسادس والاخير : فارس منافس نوف في الدلال بحكم انه الصغير كل شي منفذ له كان في ثالث متوسط ومو ابيض زي نوف وفيصل ومشاري لالا كان اسمر واحد بين اخوانه وامرط (يعيني ماتطلع له لحيه ) بسس كان عنده اسلوب رهيب ويقدر يقنع امه او اخوانه اذا بغو يطلعون لمكان وكان دايم اهو مع نوف في صراعات يجننها واهي تصارخ ومايفكهم اللا فيصل هههههههه
لكنه كان في الملح مايحتاج يعني مملووووووووووووح مررا
اذا شفته يتكلم ماودك يسكت وبارع مررا في التمثيل
ــــــــــــــــــــــــ
الأن في وقت الأجازات والكل من العيال وده يسافر وهذي جمعتهم
ابو فيصل : هاه ياعيال وين ودكم نروح هالاجازه
فيصل : اللي ودك يبه
ابو فيصل : اسمع رايكم اول
فهد : والله يبه الكليه طالبين مننا معسكر في جده لو ترضى
ابو فيصل : وكم بتقعدون هناك
فهد : مدري يمكن شهر بالكثير
ام فيصل : الله !! شهر ووش بتسوون بنفقدك ياولدي
فهد : وانا بعد بشتاق لكم
ابو فيصل : ومتى الرحله
فهد: يمكن بكره بنمشي
ابو فيصل : الله يوفقكم
فارس : يبه واحنا وين بنروح ؟
مشاري : ترا عيال عماني مسافرين كللهم لجده
نوف : حتى البنات ؟
مشعل : لامافيه اللا العيال
فارس : يبه تكفى نبي نروح معاهم
ابو فيصل : ...............
مشعل : ايه يبه تكفى كللها كم من اسبوع وبنمر على الطايف ومكه
فارس قام يحب راس ابوه ومشعل يحب يده
هاه وش قلت ؟
وفي هذا الوقت راح كلن من نوف والوالده ومشاري وفيصل
نوف بغرفتها ومشاري عند التلفزيون وفيصل راح بيقضي شغل له
مشعل : يبه ملينا من الشرقيه خلنا نروح ماصدقنا نطلع معهم
ابو فيصل : انا وموافق بس اسئلو امكم اول
فارس : يعني انت موافق ؟
ابو فيصل : اذا وافقه الوالده بس تعال الحين مين بيروح منكم ؟
مشعل : انا وفارس ومششاري
ابو فيصل : دام ان نصفكم بيروح اسئلو نوف اول
فارس : اووف واحنا سألناك ول سألنا نوف ؟
ابو فيصل : اذا وافقت نوف روحو ,, وبعدين كلكم مسافرين وهي بلحالها
مشعل : وذا ماوافقت مالنا شغل فيها
:::::::::::::::::::::::::::::::::::::::::::::::::: :::::::::
وراحوا مشعل وفارس
مشعل : اقول فارس
فارس : هلا
مشعل : انا بروح لنوف وانت عليك بالوالده
فارس اوكي بس ترا نوف ماينلعب عليها انتبه
مشعل : اقول تعلمني في نوف
فارس : بس حط بالك منها زين
مشعل : طيب اوكي
........................................
>>>>> ردود الأعضـــــــــــــــــــاء على الموضوع <<<<<
==================================
فارس واهو يحب راس امه ويقد جنبها
فارس : صباح الخير
ام فيصل : هلا بفارس
فارس : يمه تحبيني ؟
ام فيصل : لاتقعد تخربط علي انا عارفه ان وراك شي
فارس : ماشالله عليك يمه ماتفوتين شي
ام فيصل هاه اخلص
فارس : هذا مو بس انا اللي اطلب انا ومشاري ومشعل
نبيك توافقين على السفره مع عيال عماني للغربيه
يمه تكفيين
ام فيصل : وابوكم وش قال
فارس ابوي موافق بس نبيك انتي توافقين
ام فيصل : خلوني افكر
فارس : لايممه تكفين وش اقعد اسوي بها الاجازه
ام فيصل : رح العب في النادي
فارس : هههههه حلوه منك يمه ليه وانا عجوز ول بلونه عشان اروح هناك
ام فيصل : والنوادي كلها شباب تصلح لكم انتم
فارس : بس احنا مانبي غير السفر
ام فيصل : ااااااااه منك بس
فارس وهو يبتسم : يعني رضيتي ؟
ام فيصل : ومتى بتروحون ؟
فارس : مدري يمكن بكره او اللي بعده
ام فيصل : خلاص بكيفكم بس هاه موتطولون تراني اشتاق لكم
فارس وهو يحب راس امه واحنا بعد يمه ..
وطلع فرحان بيبشر اخوانه
:::::::::::::::::::::::::::::::::::::::::::::::::: ::::::
نوف : طيب وانا بقعد بلحالي لاانت ولافارس ولا حتى فهد
مشعل : وانا اخوك عاد هو يهون علينا نطول هناك كلها كم من اسبوع
نوف : بس بقعد بلحالي
مشعل : لايمكن يجون بنات عماني عندك من الشرقيه احسن لك
نروح وتاخذون راحتكم
نوف : ايوا الله احسن روحو وفكوني
مشعل : بسس هذا اللي بغينا
وفي الطريق قابل مشعل فارس
فارس : هاه بشر؟
مشعل : لالعبت براسها ووافقت
فارس : حتى امي بس متى بيروحون ؟
مشعل : خلني اتصل على خالد لحظه
مشعل : الوو
خالد : هلا مشعل
مشعل : كيف الحال
خالد : بخير وش عندك داق علي؟
مشعل : متى بتروحون تراني مع مشاري وفارس بنجي
خالد : بكرا طالعين وبنمركم في الرياض وبنجلس كم من ليله عندكم
والصبح نمسك طريق جده
مشعل : حلوو حياكم يللا ترانا معاكم رايحين
خالد : حلو . يللا انا بعلم الباقي
مشعل : اوكي باي
خالد : باي
:::::::::::::::::::::::::::::::::::::::::::::::::: ::
راح مشعل لعند اخوانه عشان يأكد لهم الروحه
مشعل : مشاري وفارس تراهم بكر جايينا وبيباتون عندنا ليله والصبح بيمشون
مشاري : متأكدين الوالده راضيه
فارس : افااااا عليك يعني انا مااعرف اقنعها؟
مشاري: ههههههههه الله يرجك عاد انت داهيه
.................................................. .
نوف : لالايمه يعني هم بيروحونوانا مالي سفره خلاص ؟! سحبتوا علي؟
ام فيصل:طيب وانا وش بيدي خليهم يوسعون صدورهم
نوف : مالي شغل اسافر يعني اسافر مابي الشرقيه مليت منها
ام فيصل: طيب شوفي بنات عمانك يمكن يجون ؟
نوف :ايوا الله جبتيها وانا بعد نسيت اسئلهم
ام فيصل: خلاص اجل اتصلي واسئليهم او اعزميهم عندنا اسبوع ووسعي صدرك
نوف : يلاا انا رايحه
وراحت وهي طايره عند جوالها وتفحط من عند الدرج اللي كان داخل الصاله
ام فيصل وهي تصارخ : نوف بشويش لاتطيحين
نوف: ههههههههههههه ان شالله
:::::::::::::::::::::::::::::::::::::::::::::::
فيصل كان جالس يفكر بغرفته وشوي واخذ الجوال واتصل على واحد من ربعه
فيصل : الوو
ماجد : هلاوالله وغلا بفيصل
فيصل : وشلونك ؟
ماجد :بخير دامك بخير وعاش من سمع صوتك
فيصل : هههههه وش دعوه
ماجد : لامدري من اللي قاطعنا
فيصل : عاد والله انك دايم في بالي بس تعرف الدنيا اشغلتنا
ماجد : أي عطني اعذار هههههههه اهم شي وش بغيت غربيه داق
فيصل: انت فاضي الحين ؟
ماجد : أي وشعندك ؟
فيصل : لابس ابي اطلع وياك لكوفي
ماجد : خلاص بس متى ؟
فيصل : الحين يناسبك ؟
ماجد : أي الحين فاضي
فيصل : خلاص بمرك
................................................
وش بتسوي نوف بدون اخوانها في الاجازه ؟
وفيصل وش عنده مع ماجد ؟
وش بيسوي الشبا ب في سفرتهم ؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,
نوف : الو
الجوهره : هلااااااااااااااا نفوله
نوف : اهلين
الجوهره : كيفك ؟
نوف : تمااام انتي كيف الحال ؟
الجوهره : والله طفشش زي العاده
نوف : شفتي العيال وش بيسون ؟
الجوهره : أي ياحظهم بيسافرون ليتنا مكانهم
نوف : أي قهر
الجوهره :لالاان شالله يعوضوننا ونروح الاجازه الجايه مع بعض
نوف : ايييييييييي مرره كثري منها ..المهم الجوهره ورا ماتجوننا للرياض
الجوهره : مدري عن ابوي يقول يمكن مانجي هالاجازه
نوف : لييييييييه ؟
الجوهره : تعرفين لأن الاولاد كلهم مسافرين فبنجلس هنا بالخبر
نوف : ولااي احد من عماني ؟
الجوهره : محد
نوف : اووف وانا وش اقعد اسوي بلحالي ؟
الجوهره :أي صح انتي يابعد عمري بتقعدين بروحك ...... طيب كل اخوانك رايحين؟ ..... سافري مع أي احد
نوف : كللهم بيروحون
الحوهره : لالامااعتقد فهد بيروح اكبر منهم
نوف : لافهد وراه معسكر بجده وفيصل بيقعد والباقي كللهم رايحين
الجوهره : المشكله ان ابوي رافض الرياض بشده مافي امل يقتنع ول أنا ودي اجيكم كسرتي خاطري .....
نوف : .............
الجوهره : طيب مو تقولين ان فيصل بيقعد
نوف :أي
الجوهره : حلو اخوك ترا بيوسع صدرك خليه يمشيك مننا ول منا اكسري خاطره
نوف : هههههه مالقيتي اللا فيصل صحيح انه من الممكن يوديني بس هالأيام دايم في غرفته ولايطلع اللاشوي وتعرفين الطب
ماخذ وقته
الجوهره : طيب وش السواة انا مارح اسكر اللا الين القى لك حل
نوف : هههههه تسلمين والله بس بشوف بنات خالاتي او صديقاتي يمكن يجوننا
الجوهره : أي وسعي صدرك بالطول والعرض ترا السنه الجايه وراك (((((((ثالث ثانوي )))))
نوف : تكفين لاتذكريني
الجوهره : هههههه الله يعينك بس شوفي كل مافضيتي دقي علي خلاص
نوف : ههههههه ياحلاتك والله
الجوهره : هههههههههه يالله بنروح للكورنيش
نوف : اوووف حظظظظظظظظظظظكم
الجوهره : ههههههههه يللا روحي لفيصل وحاولي
نوف : اوكي بااي
الجوهره : باي حبيبتي
:::::::::::::::::::::::::::::::::::::::::::::::::: :
__________________________________________________ __________
فيصل : الوو
ماجد: هلا
فيصل : يللا وينك لي ساعه اضرب عند بابكم
ماجد : طيب هذا انا جايك
فيصل : اوكي بسرعه
ماجد : طيب
وفي الطريق وهم رايحين لستار بكس كان الطريق هادي مرره ومافيه غير البوم راشد الماجد الأخير على اغنية سلام علهم بعد ماجفونا
ماجد: اقول فيصل
فيصل : ..............
ماجد : الوووووووووووو فصييل
فيصل : هاه أي هلا وش بغيت
ماجد : وينك فيه
فيصل : ابد
ماجد : وشعندك عازمني
فيصل : لابس من زمان عنك وعن سوالفك
ماجد : اها
ماجد كان حاس انه وراه شي بيقوله بس سوى روحه مايدري عن شي
وبعد ماوصلوا للكوفي
وهم قاعدين
فيصل : هاه ماجد وش تبي تطلب
ماجد : قهوه
فيصل اوكي
وراح طلب له كاباتشيو ولخويه قهوه
ويوم جا ومعاه الطلب
حطه على الطاوله
وظلو ساكتين فتره موطويله
فيصل : ماجد ماتحس انك ناقص
ماجد وهو يوخر الكاس لأن القهوه حاره : اححححح ناقص ؟ ليه ؟
فيصل : لابس ماودك تبدا مشروع جديد
ماجد : زي ايش ؟ انا عن نفسي افكر افتح عياده بعد مااخلص
فيصل : لالا ياشيخ خلنا بعيدين عن الدراسه الحين
ماجد : طيب وش تقصد ؟
فيصل : ماتفكر تتزوج مثلي ؟
ماجد :هههههههههه من جدك فيصل وش تتزوج توالناس
فيصل بعصبيه : وش اللي تو الناس ؟24 سنه تقل تو الناس لاموتوالناس
ماجد : طيب ان قلنا انك بتاخذ لك وحده كيف بتعيشها على مكافأه !! الحين هالمكافأه يادووب تغطي البنزين !! هههههه الزواج مسؤوليه .. يافيصل
فيصل : عندي الوالد مايقصر والأسهم
ماجد : لالا مغامره خلك لاتتزوج اللا بعد الجامعه
فيصل : وليييييييه ؟ الا متى وبتجلس في بالي ترا مليت وابي الزواج وبعدين اخاف تروح من يديني
ماجد : طيب خلاص احجزها
فيصل : مدري مااحب احجز مااتطمن اللا بعد الزواج
ماجد : والله دامك كذا خذ الصراحه انت رجال ونشمي ودكتور ومااظن احد بيردك تزوج وخذ اللي ببالك وارتاح بس بعد الدراسه
فيصل : شكلي كذا بس موبعد الدراسه لا
ماجد : ههههههههه بس ماودي اتأثر زيك الحمدلله ماعندي احد في بالي
فيصل : ههههههااااااااااي احسن لك تراه عذااااااااااب
ماجد : اكيد بيصر عذاب
وراحو الاثنين يتمشون بالسياره وفيصل طول الوقت باله سرحاان وماجد بس يطالعه ويضحك لاكنه ساكت ويعذره
::::::::::::::::::::::::::::::::::::::::::: :::::
فارس ومشعل بالغرفه
فارس : مشعل كيف نروح ونوف بلحالها ؟
مشعل : غريبه موكلامك بالعاده ودك تفتك منها
فارس : لاحرام حطيت نفسي بمكانها لاطلعات ولا ربع والبيت هادي ملل
مشعل : ايوا بس عندها بنات خالاتي وفيصل
فارس : أي بس مايغني عننا
مشعل : ماتلاحظ انك شايف نفسك بقووه خلاص طيب اقعد وخلنا نروح
فارس :ههههههههههه لاوش اقعد الله يهداك انا ماصدقت اروح
مشعل : ههههههههههاااااااااااي الله يرجك بس يللا يارجال نام وخلنا نقوم بدري
فارس : هههههههههه
::::::::::::::::::::::
وفي البيت دخل فيصل للصاله شاف البيت هااادي وفاااضي مافيه غير نوف اللي كانت عند التلفزيون وماسكه الريموت ونايمه كان صوت التلفزيون مره عالي برغم ان البيت فااضي والكل رايح ينام في سريره فيصل شاف اخته بنظرات رقه وابتسم وشكل نوف كان مررا برئ لكن تظل حلللوه وبريئه شالها لغرفتها وحطها على السرير ولحفها وسكر الأنوار والباب وراح لغرفته
((وش هاالهم اللي ببالي انا ليتني نسيتها من زمان وهي في بالي اااه من هالحب كيف سيطر على تفكيري ))
..........................................
جا الصباح
قامت على اصوات اخوانها وامها وابوها يتكلمون كملت نومتها ولااهتمت بعد شوي قامت لأنها تذكرت اخوها فهد اللي بيروح اليوم لجده الله يافهد كيف بنفقدك غسلت وجهها وبسرعه راحت ورفعت شعرها ونزلت منه خصلتين وطالع شكلها يجنن .. نزلت وشافت من عند درابزين الدرج منظر امها تبكي وأخوها فهد يضمها ويهديها والعايله كلهم متجمعين
أم فيصل وصوتها كله صياح : فهد لاتطول بنشتاق لك حيل
فهد : افا عليك يمه وانا كيف بيهون علي كلها كم من اسبوع
ام فيصل وكان فهد يمسح دمعتها
خلاص يمه وهو يضمها بقووه الكل استغرب من حركته
ام فيصل مازالت تبكي
فهد : يمه خلاص انا الحين رجال شلون بتبكين
ام فيصل : انت رجال بس في هالوقت اشوفك ولدي الصغير
فهد مازال يضم امه والكل ساكت مو مسموع غير صوت شهقات ام فيصل وظلو فتره الا من هدت ولدها
سلم الولد على ابوه واخوانه ...... ويوم جت نوف بتسلم
نوف وهي تحب راس اخوها : بشتاق لك فهودي
فهد اخذ اخته وشالها وضمها بقوه لكن الكل استغرب هالحركه
بس العايله كانوا يعتبرون نوف كأناها اصغر وحده لأنها دلوعتهم واللي مساعد جسمها اللي كان صغير
فهد : واناا بعد بتوحشيني كثثثثير يانفولتي
نوف :وهي تكلم أخوها من اذنه : عاد لاتنسى نبي هدايا
فهد هد اخته ومات من الضحك : ههههههههه الله يرجك نفوله بس هذا اللي بغيتي ؟؟
نوف وهي مبتسمه : لاطبعا اذا لقيت اشيا ثانيه مانقول لأ
فهد وهو مبتسم ويقرص خد نوف ااااااا ه منك وولااا يهمك غالي والطلب رخيص
العايله مااكانوا يدرون اهم ايش يقصدون بس حركات فهد مع نوف كانت مررا عاجبتهم وكانوا يضحكون وياهم
وطلع فهد واخوه مشاري شايل معاه الشناط وودعه عند المطار
ويوم كانت الأسره كلها متجمعين بالصاله
اللا ويدق جوال مشعل رفع مشعل التلفون وكان رقم خالد ولد عمهم
مشعل : هلا
خالد : هلاوالله
مشعل : وصلتو ؟
خالد : والله واصلين بس ضيعنا في رياضكم هذي كبيره وتضيع شكلنا على طريق الخرج
مشعل : ههههههههههههههه
خالد بعصبيه : ليه الضحك
مشعل بضحك : لالا خلاص الحين بنجيكم وبنوصلكم بيتنا
خالد : طيب بسررعه ترا فطسنا حرر
مشعل : هههاااااااااااي اوكي جايين
خالد : اوكي باي
مشعل : باي
:::::::::::::::::::::::::::::::::::::::::::::::::: ::::
ابو فيصل : مشعل من تكلم
مشعل وهو مو قادر يمسك نفسه من الضحك :هههههه
مشاري : مشعل !! وش صاير من اللي يكلمك
مشعل : هههه هذا خالد يقول انهم واصلين للرياض ومظيعين
فارس : هههههههههههههههه
ام فيصل : اجل روحو جيبوهم
مشاري : اكيييد يللا مشينا
مشعل : بروح وياك
مشاري : بس وينهم الحين
مشعل : يقول انهم على طريق الخرج
فارس : هههههه هذهم اهل الشرقيه مايدبرون بالرياض شي
مشاري : طريق الخرج مره وحده !! هههههه طيب بسرعه يللا
((وراح مشاري ومشعل وفارس لعيال عمانهم ومابقى غير ام فيصل وابو فيصل ونوف وفيصل كان بغرفته ))
نوف وهي تحب راس ابوها
ابو فيصل : وش عندك انتي بعد
نوف : هههههههه لابس بغيت منك طلب
ابو فيصل : اقعدي في حظني وتطلبي
نوف : تسلم بس ابي اطلع مع فيصل
ابو فيصل : بس ؟ اطلعي روحي قولي له وروحي للي تبين
نوف : بس اخااف يعيي
ابو فيصل : اذا مارضي انا راح اقول له
نوف : مشكووور يااحلى ابو بالدنيا
وراح تركض لغرفة اخوها
((ياربييه بس وش الحاله هذي ...... لالا مايصير كذا يافيصل انت تعلق مصيرك بوحده ثانيه .. طيب ولو انخطبت او مابغتني انا ايش راح اسوي ؟.. لالامااخليها تروح علي وماانيب صاير باارد بالشكل هذا انا لازم اروح اعلم امي بالأول .. اااااه يالقهر وذا عيت بشوفها تروح قدام عيوني )) وقطع حبل افكاره فتحت الباب
(نوف دخلت على اخوها وتفاجأت بمنظره اللي كان جالس على المكتب وامامه كتاب وحاط ايده على راسه
نوف : احم .وطقت الباب
فيصل ماكان معها
نوف وهي تقرب لعند اخوها : فصوووووووووول وش فيك ؟
فيصل : هاه نعم ..
نوف : لي ساعه وراك منتب حاس
فيصل : ايه كنت اذاكر ورانا اختبار
نوف باستغراب : فيصل !! .. اشكلك متغير وش فيك ؟ تعبان ؟
فيصل : هاه لالاتعبان ولاشي
نوف : طيب فيصل امممم ودني للفيصليه تراني ملانه هنا
فيصل : الفيصليه !! طيب ورا مايوديك مشاري ومشعل
نوف : لاتعرف انهم بيجيبون عيال عماني وغير كذا اهم بيسافرون بكرا ماحد فاضي اللا انت ...... الله يخليك
فيصل وهو مبتسم : بس الفيصليه ؟
نوف وهي ترد الابتسامه الحلوه : بس الفيصليه وش قلت ؟
فيصل : خلاص بعد المغرب بأخذك لأنني وراي مشاوير اوكي
نوف : وااااااااو مشكور فصووول خلاص بعد العشا اناجاهزه
مشكور يااحلى فيصل بالدنيا
فيصل : والكلام الزين مايجي اللا الحين ؟
نوف : هههههههه لاتحرجني
فيصل ببتسامه : هههههههه خلاص بس هاه تجهزين
نوف : اوكي
__________________________________________________ __________
وطلعت من غرفة فيصل وهي تصفر و تغني وفرحااانه المسكينه ماصدقت تطلع بس ولو كان ضاايق صدرها مررا على فيصل وجهه صاير اصفر وناحف ومو عادته يكون كذا انطوائي بالعاده يجلس في الصاله معنا لالا هو امتغير من كم من يوم بس ما يبي يعلم وانا اكييد بسأله بالسياره مااعتقد كل هذا اختبار
وهي ساهيه بغرفتها واللا بدا صوت الازعااج
اللي تسمعه وهي بالغرفه والازعاج من المدخل
مشاري : كلولولوليييييييييييش هلا ومرحبا
مشعل ياحيا الله من جانا
واصوات تصفير وازعااااااااااااااااج لأخر حد قالت في نفسها
اكيد ان عيال عماني جو
وشوي يفتح الباب بقووه لدرجة انها ارتاعت
نوف : بسم الله
فارس وهو يتنفس بسرعه لأنه جاي يركض : نوف سوي قهوه
نوف : طيب بشوي شوي
فارس : هههههههه بس انتبهي ترا عيال عماني كللللهم موجودين
نوف : ياربيييييييه بدينا ننحبس
فارس : خخخخخخخخ أي بدينا
نوف : فارس كثار
فارس : اممممممم سطعشر واحد على مااظن
نوف : اووووف طيب
وطلع من الغرفه اما نوف راحت للمطبخ
:::::::::::::::::::::::::::::::::::::::::::::::::: ::::::::::::::::
مشاري : لالاوفي محشش ذبح خويه يوم قال : ياحليله اذا قام من النوم بيشوف روحه ميت
والكل قام يضحك على تنكيته واصواتهم كانت عاااليه مررا
ونوف كانت منشغله بالقهوه ويوم خلصت نادت مشعل يجي ياخذها
وكانت ماده الصينيه بس المشكله انو طلال ولد عمها ماكان يعرف انها بالمطبخ
ودخل وكان مررا مستعجل ويوم دخل اللا وتنكب البيالات والفناجيل وتتكبب القهوه على الأرض المشكله انو نوف ماده الصينيه وطلال داخل بسرعه الا ان صقع طلال في نوف
نوف عجزت تستوعب الموقف وقفت بمكانها تطالعه بكل براءه وهو كان مررا متفشل ونوف نفس الشعور اهي تطالعه متفاجاه
اما اهو كانت نظراته لها مختلفه قال في نفسه الله لله على بنت العم اووف ايش هالجمال وهالبرائه موقادر اشيل عيني من هالقمر جسم وشعر ولون وادب وبراااءتها بس تكفي
اما نوف كانت تقول في نفسها ياااربييه وش اسوي الحين ياألله على هالفشيله المشكله شافني بكلش ماايمديني اتغطى شافني
وبعدين انسحبت نوف اللي كانت اهي الباديه وطلعت من الباب الثاني اما طلال موقادر يستوعب ايش اللي صار وشكل نوف مازال قدامه
اللا شوي ويدخل فارس
فارس : طلاااااااااااااااااااااااااااااال
طلال ..................
فارس : طلاااال وصمخ
طلال ................كان بعالم ثاااااااااني يفكر بالملاك اللي شافه
فارس : وهو يضرب طلال من ظهره :: وش تسوي
طلال : هاه فارس !!
فارس : أي فارس
طلال : نعم ؟
فارس : وليه القهوه على الارض ؟ ووين نوف ؟
طلال اهو بس قال نوف مر طيف نوف بباله : نعم نوف !! وش نوف انا جيت ولقيت الصينيه على الطاوله واخذتها وطاحت منني
فارس : طيب ونوف وينها
طلال : وش دراني
فارس : اوكي خلاص انا بروح لها
:::::::::::::::::::::::::::::::::::::::::::::::::: :::::::::::::
نوف كانت بغرفتها ماتدري وش تسوي متوتره ومتفشله وخايفه من اخوانها وكل شوي تتذكر اللي صار عسى مادرى احد من اخواني بس
اللا ويدخل فارس على نوف
فارس : نوف وين القهوه ؟
نوف : .....كانت ساهيه .........
فارس : نوووووووووووف وينهي ؟
نوف ..................
فارس : وش صاير اليوم لاانتي ولاطلال كللكم مصنمين اذا تكلمت
نوف : نعم ؟
فارس : وين القهوه للمره العاشره ؟؟؟؟؟؟
نوف بخوووف : م مااددري
فارس : قبل شوي طلال يقول انها كانت على الطاوله واهو شايلها وطاحت
نوف حست براحه الحمدلله فارس مادرى عن اللي صار
نوف : أي كنت حاطتها
فارس : بس انكبت روحي سوي ثانيه
نوف : لامارح اروح اللي هناك كللهم عيال عماني اخاف احد يشوفني قل للماريا
فارس : طيييييب
وطلع من غرفتها وهو يتنهد : والله حاله
:::::::::::::::::::::::::::::::::::::::::::::::::: :
بينما كان الكل يستمع لنكت ومواقف مشاري واصوات ضحك ممليه المكان
طلال كان يقول في نفسه (اول مررا اشوف ملاك على هيئة بشر ماشالله جماال يفوق الوصف توني اعرف ان عندي بنت عم كذا صورتها دايم في بالي مشكله كيف ابنساها يووووه لالاياطلال استح على وجهك هذي بنت عمك لامايصير اقو كذا وش قاعد انا اقول الحين حلوه اقعد افكرفيها كذا لالامايصلح )
مشاري : طلاااااااااال وينك فيه ووين وصلت تفكر بقضية الشرق الأوسط
الكل كان يضضضضضضضضضحك على كلامه
فارس : ايه ماتشوفونه بالمطبخ خفت عليه على بالي فيه شي طول الوقت يفكر
خالد : طليييييييل وينك فيه وعلمنا وين وصلت
طلال : هاه
احمد : صدق انه مضيييع الدنيا
طلال : وش تقولون ؟
ماتوا من الضحك
مشاري : لاابد سلامتك بس ليتك تشوف شكلك قبل شوي
طلال : ههههههههههه
راشد : لازم تعلمنا في ايش تفكر
طلال : لاس تعبان شوي راسي مصدع
فهد : خذلك بندول
طلال : أي توني ماخذ
والكل كان ينكت وناس يلعبون بلوت واللي عند البلايس تيشن
واللي يتبادلون مقاطع بلوتوث
:::::::::::::::::::::::::::::::::::::::::::::::::: ::
(يالله وانا متىابنسى هالموقف ... بس لحظه انا مدري من اللي صعت فيه مااعرف اشكال عيال عماني كللهم لكن نظراته كانت غرييبه عجزت اقراها مين هذا ؟ لازم اعرف )
طلال كان وسيييم مرررا كان لونه حنطي وشعره كثيف وطويل وعريض شوي ومرسم العوارض جذااب لكنه مؤدب وهادي شوي وثقيل مررا
دق جوال نوف على نغمة (ثلاث ايام ) اللي كانت حاطتها لفيصل اخوها
نوف : هلا
فيصل : هاه نمشي
نوف : اوكي الحين طالعه
وراحت تلبس العبايه وهي طاااايره من الفرح اخيرا بطلع مليت من القعده هنا عالأقل انسى اللي حصل لي مع ولد عمي
ولبست عبايتها وتغطت لأنها بتنزل تحت ويمكن تلقى أي واحد منهم في طريقها وهي رايحه بتضطر تمر على الصاله اللي موجودين فيها كل العيال
(يووه ياربيه وانا لازم امر من عندهم واذكر بس يللا امر لالااخاف اخواني يعصبون او اقول بس يللا وش فيها ماسويت غلط انا لازم امر عليهم)
ويوم كانت رايحه كان طلال جالس على الكنب وهو ملقيها ظهره كان متحممس وهو يسولف مع مشعل والباقي محد يدري عنها الكل منشغل بشي
وراحت نوف تمشي بهدوء وكانت محتشمه ولالابسه كعب ولاشي
وهي نازله بكل هدوء اللا ويدق جوالها وبصوت عالى ومع تاثير الصدى
ثلاث ايام مرن في حياتي غير .........الخ
__________________________________________________ __________
الكل التفت عليها وكأنها تكلمهم
نوف تقول بنفسها وهي متوتره اووووووووف من هالمواقف هذا اللي كنت خايفه منه ياربيه يافيصل مالقيت تتصل اللا الحين
والجميع التفت لدرجة ان اخوانها ارتبكوا كثيير
اهي حاولت تكون طبيعيه ومومتوتره ولامستحيه اما طلال اللي على طول ومن غير أي تفكير التفت عليها وجلس يطالعها بنظرات الاعجاب ويتذكر شكلها ومو مركز عالازعاج اللي كان حوله ابد ولاخايف من مشعل اللي كان بجنبه ولفته طلال واستغرب نظراته لدرجة انه سكت ووقف السالفه اللي كان يقولها
((ياناس ايش الروعه هذي حتى بالعبايه طالعه قممر بس مدري كيف اخوانها يخلونها تطلع كذا لوها اختي كان مااطلعها من البيت عالاقل تخاف من العين ان كانت ماتخاف من الشباب اللي برا ياكيف هالانسانه عاجبتني ...لالاانا وش قاعد اقول استح على وجهك ياطلال هذي بنت عمك تعرف يعني وشلون بنت عمي كيف اتكلم فنفسي عنها كذا ووش معنى طيفها كل شوي يمر علي انا ماعمري جتني هالحاله اللا من هالملاك ))
اما نوف طلعت عند فيصل بعد ماتلون وجهها بألوان الطيف كانت مررا مستحيه وطايح وجهها وودها ماطلبت تطلع أي مكان
وركبت السياره لعند فيصل
بعد ماطلعت وقفت افكار طلال والتفت على مشعل
طلال : ايوا مشعل ايش كننا نقول
مشعل بنظرات واحد مستغرب : الحين تقاطعني وتطالع على ورا وتقول كمل
طلال : هاه لالا بس معليش سامحني يللا كمل وش كننا نقول
مشعل : طلال فسر لي هالنظرات اللي قبل شوي
طلال بخوف : أي نظرات ؟
مشعل : كل الموجودين شافوها وبعدين صددوا اما انت لك ساعه حتى منت عارف ايش انا اقول
طلال : شافو مين ؟؟
مشعل بعصبيه : ميين ميين اللي مرت قبل شوي ماتشوف شكلك
ومن صوت مشعل اللي كان مررا عالى ومن شكل طلال التفتو كللهم
مشاري : فهد طلال وش صاير
محمد : ايه وشفيكم ؟
مشعل وهو يطالع طلال وكأنه يقول مارح افوتها لك :لالاولاشي
مشاري :طيب يللا شباب خلونا نكمل البلوت
وهدت الاوظاع
طلال :مشعل انت وش تقصد ان كنت تقصد نيتي او اني حاط فبالي شي لا انسى انا احترمكم واحترم عمي وبنته لاتشك فيني وانا خويك
مشعل : مدري بس احس وضعنا كذا موعاجبني
طلال : ليه ؟ وأي وضع ؟
مشعل : ان نوف هنا بلحالها واحنا كللنا شباب يعني لو واحد منكم شافها بدون قصد ؟
عاد اهو قال كذا زاد توتر طلال
طلال : لاولاتشيل هم كلها يوم وبكرا بنروح وسع الصدر بس وخلنا نلعب معهم ابهزمك بالبلوت
مشعل :هههههههههههه الله ياخذ ابليسك
طلال : شفت عاد هههههههههههههههه
:::::::::::::::::::::::::::::::::::::::::::::::::: ::::::::::::::
كانوا جالسين بهدوووء ومشغلين البوم عباس ابراهيم على اغنية
خيرك لغيري
نوف تبي تقطع هالهدوء وتبدأ تسأل فيصل قصرت على المسجل
فيصل : وش فيك نوف الأغنيه موعاجبتك؟ تراهي حلوه والله ؟
نوف :لالاالاغنيه مافيها شي بس ابي اسئلك سؤال من فتره موبعيده
افكر فيه ومو قادره القى له حل ومايعرف يجاوبه غيرك ,,,,,, فيصل جاوبني بصرااحه
فيصل بستغراب من كلامها : اسئلي
نوف : توعدني تجاوب بصراحه
فيصل :احاول
نوف : فيييييييييييصل
فيصل :ههههههههه طيب بصراحه بس يللا قولي وش عندك
نوف :علمني ليه متغير ؟؟
فيصل باستغراب : متغير !! ماتغيرت
نوف : ان كنت ماتلاحظ انا ملاحظه وبعدين حالك كذا مضيق صدري مررا لونك وشكلك كلله منقلب مو انت فيصل اللي يسولف ويانا ولاانت اللي معطيناجو حلو بالبيت الحين صاير كنك فهد مررا هادي
فيصل ماوده يكون هذا كلامها :بس انتي تعرفين الجامعه صايرين دايم يضغطون علينا والحين فترة اختبارات
نوف : لييه وانت من دخلت الطب هذي اول مررا تختبر ؟ انا عارفتك زين فيصل علمني وش اللي مغيرك
فيصل : طيب امي ملاحظه ؟؟
نوف :امي تقول انك مريض ومو معلمنا تراها خايفه عليك مررا
فيصل : طيب مافيني شي و.....
قاطعته نوف وقالت :لاتقل مافيك شي مافيه احد يفهمك غيري يافيصل وش فيك ؟ ان ماعلمتني من بتعلم انا اختك الوحيده الحين
فيصل يقول في نفسه ايوا الله انا رايح اعلم ماجد وتارك امي ونوف ............واهم اللي بيقدرون يتصرفون بموضوعي هذا ........غير ان اللي ببالي صديقة نوف
فيصل على طول ومن غير مقدمات: طيب انا ابي اتزوج
نوف بفرح واستغراب :وشو تتزوج!!!!!!!!!!................................... ... ووووووااااااااااااو بصير عمه
الله الله يافصيل ماتوقعتك كذا......... ياحظي عندي اخو يبي يتزوج
فيصل :ههههههههههههههههههههه الله يرجك نفوله وليه الفرح طيب كل الشباب كذا
نوف : يوووه لاتستغرب لازم افرح بس مو تو الناس على الزواج
فيصل :لامو توالناس وانا ان ماتزوجت الحين مارح اتزوج بعدين
نوف :خلاص اجل بعلم امي اوكي ؟
فيصل :لالاخلي امي علي
نوف :بس علمها بدري لأنها مرررا خايفه عليك...... تعال فيصل بس ليه مخبي علينا من اول ؟
فيصل :بس كذا ماكان ودي اعلم احد
نوف : فرحتني الله يبشرك بالخير
فيصل :هههههههههههههههههه كل ذا عشان ابي اتزوج ؟
نوف :اكييييييييييد
نوف وهي تغمز :عاد ماقلت لنا وش مواصفات اللي تبيها
فيصل :لالااللي ابيها في بالي ولاحتى تدورون
نوف باستغراب :في بالك !! يعني مخطط على وحده ؟ ومنهي ؟
فيصل : يووه يانوف من زماان وهي ببالي
نوف :والله !!
فيصل :ههههههههههههه اكيد وش فيك انتي الحين من علمتك وانتي طول الوقت مستغربه ؟
نوف : ماتوقعت كذا ؟
فيصل : يعني وش توقعتي ؟
نوف :ظنيتك مريض ولاانت معلمنا
فيصل : هههههه وانا بس امرض !!ههههه... طيب يللا وصلنا
نوف اخيرا ارتاح ظميرها !! وانزلت مع فيصل للفيصليه
:::::::::::::::::::::::::::::::::::::::::::::::::: ::::::::::::::::
كانوا الأثنين جالسين ورا البيت المكان مظلم مرررا واهم راكبين سيارة Bmw كانت السياره توها جديده ومااستخدمت اللا مره وحده مع الوالد بس والحين الأثنين يفكرون يركبونها
عبدالله : مدري تتوقع انهم مايقولون شي ؟
فارس :الأساس ابوي موراضي لي اسوق .. بس خلاص خلنا نروح بها مشوار قصير بس
عبدالله :مدري فارس خايف
فارس :قلت لك مارح يصير شي .. وش يعني انا اعرف اسوق بس ابوي موراضي لي لأنه مومقتنع انني رجال واعرف
عبدالله :عالأقل مو ال Bm خلنا ناخذ أي سياره ثانيه
فارس |: لا وان شالله تبيني أطلع بخرابيط هذي الكشخه .. يارجال بس خلنا نتوكل ونفحط بها......... وانت متى تجي عندنا في الرياض كل يوم ؟ هذي يمكن اخر مرره هالأجازه
عبدالله : مدري فارس طيب خلنا ننادي مشعل ويانا
فارس : ومشعل اللي بيرضى لي اسوق ول افحط .. اصلا مشعل الحين نايم
عبدالله : طيب مشاري مااتوقع انه ينام الحين
فارس : ليش وانا مااعرف اسوق ؟........اقول انا ابروح اجيب المفتاح وانت اركب
وراح فارس يركض بأسرع ماعنده اما عبدالله
(ياربييه من هالداج على طول يبي يسوق مدري متوتر اخاف يصير شي ول نصدم بالسياره بس اهو يعرف يسوق واحنا نبي نوسع صدورنا .. اقول يللا بس نروح ونجي ولااحد بيدري )
وراح فارس لغرفة امه والأم من عادتها تحط المفاتيح تحت مخدتها عشان ماياخذها فارس لأنه مطيووور واللي بباله بيسويه او تحط المفاتيح عند فهد او فيصل
دخل بكل هدوء ووقف عند التسريحه وبسرعه فتح العلب حقت ابوه يدور المفتاح
((يااربيه هذا وينه الحين لازم القى المفتاح ))
وكان ابو فيصل وأم فيصل نايمين
وتذكر ان امه دايم تحط المفتاح تحت المخده
((يووووووه مشكله .. أنا ماخذه ماخذه ))
ويدخل يده تحت المخده ويسحب المفتاح بطرف اصبعه اللا امه تحركت شوي اهو خلااص بيموت من الخوف
((اوووووف لو قامت الحين وش اقول لها ))
بس حاول يتمالك نفسه ويهدا اللاأن رجعت الأم في غرقانها في النوم
((اووووووف الحمدالله بغيت أروح فيها ))
وطلع من الغرفه وهو طاير من الفرح ..
وهو طالع للحوش من الباب الثاني اللا ويقابله تركي اللي كان كبير بالجامعه وفارس كان يرركض بأسرع ماعنده وتركي كان يطالعه باستغراب عاد فارس ماكان منتبه وطاح عليه لدرجة انه حرك تركي من مكانه
تركي باستغراب : فارس !! وش قاعد تسوي ؟! وليه مانمت للحين ؟
فارس وهو مييت خوف ويخبي المفتاح ورا ظهره بس ابدع في التمثيل :هلا تركي لاوالله ماجاني النوم قلت ابطلع برا شوي
ليه ؟ كلهم نايمين ؟
__________________________________________________ __________
تركي : ايه كللهم نايمين ويللا رح نام ولاتطول سهر بكرا بنروح بعد صلاة الظهر
فارس : أي بس بجلس شوي بررا
تركي : اللا عبد الله وينه ؟؟
فارس : برا معاي
تركي : طيب لاتطولون
فارس: لاايهمك
وراح فارس بأسرع ماعنده للباب
اما تركي ماكان متطمن اكيد ورا هالمطيورين شي تصريفات فارس هذي اكيد وراها شي
راح تركي وانسدح في فراشه وجلس يفكر بفارس اللا من غرق في النوم كانت الساعه 11 والكل نايم والانوار مسكره البيت كان هاااااادي مررا والأثنين بررا البيت
:::::::::::::::::::::::::::::::::::::::::::::::::: :::::::::::::::::::
فيصل ونوف
فيصل : يللا نوف ترا طولنا
نوف : بس شي واحد
فيصل : وين مابقى محل اللا ودخلتيه
نوف : ابدخل للسواني
فيصل : وش تبين فيه ؟
نوف : لابس عندهم ساعه من زماان عاجبتني
فيصل : طيب بس أأخر محل ..... تراني تعبت
نوف: خلاص اخر محل
ودخلو للمحل
اللبناني كان جالس يوريهم الساعات ونوف كانت اهي اللي تختار واهو يطلع فيصل ماكان عاجبه الوضع نظرات اللبناني هذي وقحه وهو لايمكن يجلس متكتف واخته اللي تكلم الرجال .. هذا غير ان الرجال بدا يتمادى
اللبناني : وشو رايك بهاذي ؟ هاي جايا لعنا من الباح لسا جديدي
نوف اخذت الساعه بتشوفها على ايدها
اللبناني : واو شومحلاها على ايدك
نوف : لالا موحلوه .. اقول بس عطني الساعه اللي قبل ابغى امشي الحين
اللبناني : بس هذي احلى كتير على ايديك وتوها جديدي
فيصل : يوووه خلاص نوف
نوف : فيصل وش فيك ؟
فيصل : خلاص انتي اختاري وانا اباطلبها منه لاتكلمينه
نوف : لابس خلاص ابي الأولانيه ونطلع
فيصل : طيب ,... اقول عطنا هذي وخلاص
اللبناني : انتو تامروا امر حبايب البي
ويوم جا اللبناني بيحط الساعه بالكيس ويدخل معها ورقه صغيره وابتسم لنوف ماكان يبي يلفت بالورقه غير نوف
اما فيصل كان منتبه للورقه وابتسامة الرجال
اللبناني وهو يعطي نوف الكيس : يللا بالسلامه
نوف مدت ايدها عشان بتاخذها
فيصل : نوف لاتاخذينها
نوف : وليه ؟
فيصل : ابشوف شي لحظه
وفتح الكيس وطلع الورقه اللي كانت داخل علبة الساعه وجلس يقراها
كان كاتب فيها رقمه وأسمه ((أحمد ))
اما اللبناني كان خاايف مررا ومسوي نفسه مادري عن شي
فيصل كان يطالع العامل بنظرات غضب
فيصل : شف هذي الورقه بتروح للهيئه
اللبناني : لالا ماكان اقصدنا نزعجكم
وكان اللبناني يسحب الورقه أما فيصل ماسكها
فيصل : انت ماحترمت اختي ولااحترمت وجودي جنبها والورقه هذي عند الهيئه تمد الرقم يااالوقح وقدامي عالأقل ان كانك ماخفت منني خاف من ربك
احمد : سامحني والله ماكان بقصدي اعطني الورقه
فيصل : لالاالورقه هذي انساها بتروح للهيئه ... نوف يللا مشينا
واخذ نوف ودخلوا للسياره
اما الرجال كان متوتر وخايف لان الرقم بيروح للهيئه ولأنه ازعج زباينه
:::::::::::::::::::::::::::::::::::::::::::::::::: :::::::::::::::::::::
عبدالله : وينك يارجال طولت
فارس : اوووف مسكني تركي وبغيت أرووح فيها
عبدالله : اهم شي البيت كللهم نايمين ؟
فارس : ايه ايه تطمن
عبدالله : بس لحظه مب اخوك فيصل واختك طالعين اخا ف يرجعون ولايشوفوننا
فارس : مالقيت اللا فيصل .. كأنه بيجي ويدور علينا بيجي تعبان وبروح ينام ونوف اكيد مارح تجي عشانكم موجودين .. يللا بس توكل
عبدالله : بسم الله
وشغول السياره وفتحو الباب مشو وشغلوا أغاني اجنبيه والمكان كان فاااضي
عبدالله : فارس ياشيخ هد شويه تبينا نموت ؟
فارس : وش تموت الله يعافيك ! ياخي وسع صدرك تبيني أمشي ببطيئ وش شايفني فهد اللي دايم يعطينا محاظرات عن السرعه
عبد الله : طيب بس مو كذا هذا موت مو سرعه خفف شوي
فارس : يوووووه كانك بتقعد تعطي نصايح ترا بنهون
عبد الله ماكان متطمن ومو مستغرب من فارس لأن هذي حركاته
:::::::::::::::::::::::::::::::::::::::::::::::::: ::::::::::::::::::
وفي الطريق
نوف : فيصل الحين وش كان كاتب هذاك اللبناني ؟
فيصل : كاتب رقمه وأسمه
نوف : بتوديه للهيئه
فيصل : عاد انا فاظي له بس بقول له كذا
نوف : اها
ووصلوا البيت والجو مظلم والهدوء معمم البيت
فيصل وهو يفتح الباب بالمفتاح : نوف لاتفصخين العبايه لأن يمكن مايكونون نايمين
نوف : طيب
(( اوووف عسى مااشوفه الحين بوجهي ثانيه ))
والحمد الله دخلت الغرفه من غير ماتشوف طلال اللي كان ناايم
وفيصل كان هلكاااااان مررا دخل غرفته وناام
:::::::::::::::::::::::::::::::::::::::::::::::::: :::::::::
وصلوا لشاارع التحليه وبدت هواية فارس الولد المطيوور واللي ماهمه غير وناسته
وجلس يفحط بأقوى ماعنده المسكين ولد صغير ابو 15 سنه حرام يهوى الشي هذا والغريب انو مااحد من اخوانه يحب التفحيط
فارس : شفت كيف ولد عمك
عبدالله : فارس يكفي خلاص لنا نص ساعه خلاص
فارس وهو مبسووط وطاقته الوناسه : يوووه منك تراك طفشتني ماتشوف الشباب كيف يصفقون لنا يارجال افرح
عبدالله : طيب انت الحين تميل بالسياره بشكل جنوني يمكن يودينا في داهيه
وفعلا كان منظر السياره مررا مروع كان يدووور بالسياره ويلف بها والمشكله انها مو أي سياره
وبينما كانوا الأثنين هناك واصوات التشجيع ممليه المكان هذا غيراللي يصورون للبلو توث وعبد الله خاايف ومايدري كيف يتصرف الأثنين صغار وفارس مو راضي يسمع
واللي امامهم كان عمود لمبة الشارع .........كان فارس يفحط بالقرب من ربعه عشان يصفقون له
ويوم بدأ حركته بادوراان المجنون حتى يصقع في العمود بقوووه شديده وكان المكان المضروب تحديدا على كرسي عبد الله انقلبت السياره وتهشمت ومنظرها كان مخييف اللي يشوفه يقول ان اللي داخل راحوا فيها
تجمع الشبابا كللهم على السياره بعضهم يعرفونهم والباقي ......لا البعض مهتم بتصويرها بالبلوتوث وربع فارس يحاولون يفتحون الأبواب
والباقي يتصلون بالأسعاف
:::::::::::::::::::::::::::::::::::::::::::::::::: :::::::::::::::
نوف كانت بغرفتها تكلم بالجوال مع بنت عمها
الجوهره : ووش شريتي بعد ؟؟
نوف : شفتي الساعه اللي اقول لك عنها ؟؟
الجوهره : أي وحده ؟
نوف : اللي اقول لك عاجبتني بالسواني
الجوهره : اها شريتيها ؟
نوف : ايه
الجوهره : يوووه وانا اللي ناويه اخليها لك هديه
نوف : هههههه ياحبي لك لالا الهديه خليها شي ثاني
الجوهر : يووه شكله كبر راسك مررا
نوف : عاد بنت عمك وامون
الجوهره : ههههههههههههههههه طيب زي ايش شي ثاني ؟
نوف : مثلا ساعة رولكس مانقول لأ
الجوهره : بععععععععععد تتشرط
نوف : هههههههههههههه اللا ماعلمتيني وش سويتوا بالكورنيش ؟
الجوهره : فاتك اليوم رقمني 4
نوف : لاتقولين اخذتي الأرقام
الجوهره : أي والحين باتصل
نوف باستغراب : الجوهره وش تتصلين صاحيه ؟؟
الجوهره : أي صاحيه وبكلم حالي حال غيري
نوف : لا خليك احسن منهم ووشو له تكلمين شباب انتي مو الجوهره المحترمه العاقله ...... لو درى ابوك او تركي وش بيسون
الجوهره : ييوه وش عليهم منني
نوف : لالا الجوهره خلاص بلااستهبال وامسحي الأرقام من جوالك
الجوهره : اقول بس لاتعطيني محاظرات امي وخلينا نتصل انا اونتي
نوف : يووووووووه الجوهر ه ازعل عليك كذا لاتكلمين احد
الجوهره : بكيفك دامك ماتبين بااي
نوف : باي بس لاتدقين وتضيعين سمعتك وثقة اهلك الجوهره نصحتك
الجوهره : اوووووووف من هالهيئه بس
نوف : استغفر الله
الجوهره : يللا باااي
نوف : باي
