خسرت شبابها لسبب مارح تتوقعو......استفيدو و ادعولها قصة حقيقية

عنوان الموضوع : خسرت شبابها لسبب مارح تتوقعو......استفيدو و ادعولها قصة حقيقية
مقدم من طرف منتديات نساء الجزائر

خسرت شبابها لسبب مارح تتوقعو......استفيدو و ادعولها


https://uploads.sedty.com/imagehosting/1_1402432992.gif



السلام عليكم أخواتي و حبيباتي اليوم حبيت احكيلكم قصة رفيقتي لينا مشان تستفيدو و تفيدو كل البنات انا رح حاول اختصر كتير مشان ما تملو مع انو قصة لينا بتستحق السرد بالتفاصيل لينا هيي زميلتي بالعمل صبية متل الوردة كلها نشاط و حيوية و الضحكة ما بتفارق وجها لحد ما يوم حكت معي زميلتي التانية و قالتلي لينا بالمشفى ووضعها خطير كتير تفاجات لانو ابنفس اليوم كنا سوا و كانت عم تضحك و تحكي و تقنعنا نتغدى سوا سالتها شو سبب دخولها المشفى؟ قال بعد ما تركنا بعض لنرجع عالبيت طلعت عدرج بيتهم وفجاة وقعت و وقف قلبها و تنفسها ولهلا ما بيعرفو شي كلنا انفجعنا باللي صار و لينا صارت ميتة سريريا يعني عايشة عالاجهزة وولا دكتور عرف ليش ما خلو تحليل ولا فحص حتى شكو انو حدا مغتصبها و صاير معها صدمة عصبية بس فحصوها و طلعت بكر و كل يوم يقولو لاهلها شي و يا حرام اهلها تلفو وكل الدكاترة اجمعت على شي واحد انو مافي امل بس اهلها ما فقدو الامل و بعد شهر بالعناية المشددة اجت الصدمة اكتشفو انو اللي صار بلينا هو من دواء التنحيف اجتمعت عوامل مع بعض انها عم تاخد دواء التنحيف وما عم تشرب مي منيح و الدنيا شوب و هيي بالدورة الله يعزكم لما طلعت الدرج جسمها ما تحمل و انهار والله عم اكتب و دموعي عوجهي لانو لينا عاشت الحمدلله بس اذا بتشوفو لينا هلا ما بتصدقو انها لينا لينا صارت من ذوي الاحتياجات الخاصة ما بتمشي و لا بتقدر تحرك ايديها ولا رجليها و لا تاكل منيح ولا تحكي ولا شي لانو الاكسجين وقف عن دماغها وقت طويل عمل اضرار كبيرة والله اذا شفتوها ما بتصدقو انها كانت انسانة طبيعية لانو جسمها كلو ضمر بسبب عدم الحركة و المشكلة الاكبر انو مخها شغال يعني لما صحيت كانت ذاكرتها بعدها بنفس اليوم اللي صارت معها الحادثة قبل تلت شهور يعني هلا هيي محبوسة بجسمها مع انو اهلها مو مقصرين علاجات و علاج فيزيائي بس مافي امل تتحسن اكتر من هيك لما منروح نزورها منكون ماسكين حالنا ما نبكي قدام امها الله يعينها مو ناقصها و لينا بتتزكرنا وحدة وحدة بس ما بتقدر تعبر بشي بس بتهز براسها لما نسالها
حبيت يا بنات اشارك قصة لينا معكم والله يشهد اني ما بالغت ولا بحرف باللي حكيتو بالعكس حاولت ابسط الموضوع عليكم لانو الحكي مو متل الشوف اول شي ارجوكم تدعو لها و لاهلها وتاني شي الله يوفقكم اتركو ادوية التنحيف و سد الشهية لانها بتعمل مضاعفات خطيرة خليكم عالرجيمات الطبيعية اذا احتاج الامر والله لينا لو عرفت انو رح يصير معها هيك كان فضلت يضل وزنها زايد على انو تفقد شبابها و حياتها الحياة مو كلها مظاهر احمدو رب العالمين على الصحة التامة ولا تكونو ضحايا الرشاقة لينا خسرت كل شي مشان تخسر كم كيلو غرام لا تغلطو زيها انشرو هالقصة لكل رفقاتكم خصوصي اللي بياخدو هاي الحبوب ربي حميكم جميعا نشالله كون افدتكم

>>>>> ردود الأعضـــــــــــــــــــاء على الموضوع <<<<<
==================================

الله يشفيها ويرفع عنها ان شاء الله يعطيكي العافيه

__________________________________________________ __________

لاحول ولاقوةالابالله العلي العظيم
اسأل الله العظيم رب العرش الكريم ان يشفيها ويرفع عنها-انه ولي ذلك والقادرعليه سبحانه الغني الحميد.

__________________________________________________ __________

والله صدمه كبيره
كل هذا من دواء الرجيم
احذرووووووو يا بنات
الله يشفي لينا يا رب

__________________________________________________ __________

سبحان الله
الله يشفيها

__________________________________________________ __________

لا حول ولا قوة الا بالله اللهم انا نسالك العفو والعافية الله ايكون في عون اهل لينا والله يشفيها ويرجعلها شبابها وحيويتها انشاء الله تسلمي اختي على طرحك لحالة لينا مشان تكون عبرة لكل فتاة