اتحدى اذا ماقريتي القصه وماتغيرتي <<<زوجة ااخي الدلــــووعه -قصة قصيرة

عنوان الموضوع : اتحدى اذا ماقريتي القصه وماتغيرتي <<<زوجة ااخي الدلــــووعه -قصة قصيرة
مقدم من طرف منتديات نساء الجزائر

اتحدى اذا ماقريتي القصه وماتغيرتي <<<زوجة ااخي الدلــــووعه


https://uploads.sedty.com/imagehosting/1_1402432992.gif



:اتحدى اذا ماقريتي القصه وماتغيرتي <<<زوجة ااخي الدلــــووعه

بطلة القصه هي أمل الحلوه
**https://said.xplainer.net/images/smilies/rose.gifhttps://said.xplainer.net/images/smilies/rose.gifhttps://said.xplainer.net/images/smilies/rose.gif
أمل متزوجه وعندها بنتين وولد بيضاء متوسطة الطول **عيناها واسعه وجذابه جداً وابتسامتها تسحر جميله جداً لكنها سمينه طباخه ماهره وتحب الأكل..**
زوجها فيصل وسيم كشخه وكريم جداً ويحب بيته وأولاده ومايطلع كثير**
فيصل: السلام عليكم**
أمل : وعليكم السلام ليش متأخر يعني لازم اسخن الغدا الف مره**
فيصل؛ آسفين .. كلها يومين وترتاحين مني**
أمل: اي والله اباخذ فترة نقاهه وارتاح من طلباتك**
فيصل بنرفزه: حطي الغدا**
امل تلف وجهها وتحط حرتها في الشغاله
على الغدا**
فيصل يأكل بصمت**
وآمل بأعلى درجات الصوت تنادي عزوز وجع ان شاء الله تعال تسمم ،،، دانه اجلسي الله يأخذك**
قام فيصل يرتاح**


في اليوم الثاني**
يالله تجهزوا عشان اوديك لأمك ولاتنسين اغراضي لا ينقص شي..**
أمي مسافره عند خالتي بروح لاخوي خالد**
لا لا خالد احواله تعبانه وماودنا نكلف عليه روحي لمحمد أزين**
امل: لا تكفى قيس وليلى استحي احسهم في عالم ثاني**
فيصل بينه وبين نفسه ماالومه شكله مبسوط الله يهنيه ولا يحرمنا**


في غرفة النوم**
امل ترتب الأغراض وتصيح على الخدامه**
وفيصل على السرير : امل تعالي أبيك شوي..
امل بدون اهتمام ؛: مشغوله الحين ماني فاضيه**
فيصل : دقايق بس**
امل؛ والله انك فاصي قول وش تبي ..**
فيصل بحب : بتوحشيني**
امل : انت رحت عشان اوحشك وتضحك بصوت مزعج
فيصل بنرفزه: أنا انتظرك برا لا تتأخري**
امل تصيح عزوز تعال بسرعه عساك العمى..
**ميري جهزي العيال بسرعه..


وفي السياره**
امل مشغوله طول الطريق برسائل الجوال**
وفيصل يناظرها بتعجب**
فيصل: يالله حبايبي وصلنا كل واحد يعطيني. بوسه**
الأولاد يودعون ابوهم وآمل تأشرله من بعيد باااااي ..


محمد فتح الباب هلا والله بالغاليه**
امل : الله يسلمك**



من بعيد نسرين جايه لابسه برمودا جنز وتي شيرت وردي ومكياج ناعم : وبكل غنج هلا والله ميمي نورتي البيت وتلتفت على الأولاد بدلع هلا حبايبي وحشتوني وتبوسهم واحد واحد..


جلست امل في الصاله **ريحة الفواحه ماليه البيت هدوء وراحه عجيبه في البيت


تسولف هي ومحمد وتدخل عليهم نسرين وتحرك راسها بنعومه يللا مودي العشا جاهز
يللا ميمي الله يحييك نورتي البيت**



امل : الله يسلمك منور بوجودك ..
نسرين بنت نعومه وتحب نفسها كثير متوسطة الجمال والبياض قصيره بشكل عام عايديه**
محمد ملامحه حلوه اسمر وطويل**
يحب زوجته وهي تحبه وعايشين حياه سعيده الكل ملاحظها عندهم ولد ولهم اربع سنين متزوجين بس اللي يشوفهم يقول كأنهم عرسان..**


على العشا
**امل تأكل وتتابع حركات نسرين ونظرات محمد**
نسرين تآكل بهدوء **ومحمد يقطع لها اللحم**
امل في نفسها : حليلك ياحليمه بولند **والله يا اخوي ماتنلام شفت شي ماقد شفته غنج ودلع ..**


وتذكرت نفسها كيف تجلس على الأكل وتتربع وتشمر يدها وتقطع الدجاج بحماس وتأكل بسرعه وضحكت على نفسها وشرقت عالاكل**
كح كح كح**

نسرين بسم الله عليك ياحياتي خذي مويه وتعطيها الكأس شربته امل وهي كاتمه الضحكه..
راحوا ينامون**


جهزت لها نسرين الغرفه وسألتها اذا تحتاج شي ..
امل : تسلمين**
نسرين : اذا احتجتي اي شي لا تستحين ياعمري البيت بيتك سلام**
امل تكلم نفسها: اقول ياحلو لسانك بس ..
ونامت **


في الصباح صحيت أمل وجهزت نفسها وخرجت للصاله سمعت صوت نسرين تكلم محمد..نسرين يللا حبيبي بس هذي اللقمه عشاني
محمد :خلاص ياعمري اكلت بطني يوجعني نسرين : بغنج مثل الأطفال طيب كمل الحليب ترى أزعل علييييك**
محمد: طيب بأشربها**
دخلت أمل : صباح الخير**
محمد : صباح النور منورتنا والله يالغاليه
امل : الله يسعدك**
نسرين كانت لابسه بجامه مشمشي فاتح**
ورافعه شعرها بشكل مرتب**هلا ميمي بسويلك حليب أحط لك نسكافه ولا تحبينه ساده وتغمز بعيونها
**امل بتعجب احبه بنسكافه**وتراقب نسرين وهي تتحرك برقه في المطبخ**
وفي نفسها ( ياعزي عنك يافيصل اسويلك الحليب في الصبح وانا معصبه وشوشتي منفوشه والنفس خايصه بعد)
محمد: يللا انابروح تبغين شي
نسرين : تحك راسها بدلع نبغى خبز ولبن وعصيرات وتغمز بعينها وأشياء حلوه**
محمد: مثل ايش**
نسرين: يعني شوكلاته وشيبس وكل شي حلو**
محمد : يضحك ابشري وترى اليوم بطلعكم جهزوا الحلا والقهوه.**
توصله نسرين لعند الباب**
وفي الظهر رجع محمد من الدوام**
طبعاً نسرين جهزت الغدا ورتبت البيت وقبل وصول محمد بخرت البيت ولبست فستان قصير بني غامق وصندل بني **بشرايط تنربط على الساق ومكياج أورانج خفيف

وجلست تقرأ في كتاب كيف تستمتع بحياتك للدكتور محمد العريفي (لا يفوووتكم)اول مادخل محمد كانت تقرأ في الكتاب ومندمجه لمن دخل محمد وسلم ردت السلام وكملت الصفحه**
جهزت الغدا وكانت سفره مرتبه والصحون شكلها حلو والتبوله مقدمتها على ورق الخس**
وكان محمد يأكل ويناظر نسرين**
امل تسولف مع نفسها معقوله كل يوم كذا ياحري لوتشوفين سفرتي صحن حديد وصحون سلطه تسد النفس لا وماعندها خدامه مثلي ولا يجي فيصل الا واخلاقي واصله حدها)
فجأه فهد ولد نسرين كسر التحفه متعمد**

قامت نسرين ليه دوودي الحين يصير بيتنا موحلو ليش كسرتها حبيبي يلللا قول وعد ياماما ما اكسر شي مره ثانيه**
فهد ؛ وعد ما اكثر ثي**
حبيبي يللا تعال كل**
امل عيونها بتطلع من مكانها( وتكلم نفسها**ياعيني قال حبيبي قال اقول هاتيه عندي وانا امعص أذنه الين يحرم يقرب من شي مره ثانيه)
انتهوا من الغدا وراحت نسرين مع محمد الغرفه**
وفي المغرب خرجوا يتمشون كانت نسرين بكامل حجابها وكانت امل تحس بأن محمد فرحان بهالشي
**جلسوا في الحديقه وكانت نسرين تسولف عن الكتاب اللي كانت تقرأه
وتقول قصص حلوه ومحمد منسجم معها**
وحتى امل دخلت جو معاهم ... شدتها ثقافة نسرين وكيف انها تحاول تحلي الجلسه بأي طريقه..
وتذكرت امل كيف كانت كل طلعه تتشكى من العيال وامه واخواته وكانت تعتبر هالطلعات فضفضة مشاكل...
فجأه نسرين تقول لمحمد حبيبي افتح لي قارورة المويه قويه مره**
امل عيونها بتطلع من مكانها **
وفي نفسهاالمويه قويه يامغص بطني مغصاه اقول ماشفتيني وانا أشيل كنبات البيت والسجاد واطلعها السطح أنا وخدامتي ونغسلها الله من الدلع الماصخ**
وقامت تشوف أولادها وفي الطريق تفكر والله نسرين ماهي حلوه بالحيل مدري اخوي ليش طاير فيها..
ومن بعيد كانت تناظرهم وتشوفهم يسولفون ويضحكون حست بأنهم مثل العرسان وقالت في نفسها نسرين بالها طويل مره وانا حاره وما اتحمل شي هذا طبعي مستحيل يتغير**&&&&****



رجعوا البيت وفي الليل**
أمل جتها رساله من فيصل : وحشتيني ودي أكلمك بس الشباب صاكين علي**
أحبك**
ردت عليه وانت بعد وحشتني متى تجي وتفكني من عيالك جننوني**
فجأه نسرين دقت الباب**
ميمي اذا مافيك نوم تعالي اسهري معي أنا ومودي..
سهرت امل معهم وفجأه تركتهم نسرين**
وآمل متعجبه وين نسرين غريبه تاركه محمد**
والاغرب محمد ماناداها**
ماتحملت راحت المطبخ تاخذ مويه وشافت المجلس منور ماتحملت قربت بحذر سمعت صوت ندي قربت اكثر لقيت نسرين تصلي وتقرأ بصوت عذب ..
أمل : ياحليلها تقوم الليل يا الله ما احلى صوتها فجأه حست بمحمد جاي للمجلس تخبت ورا الباب الفاصل**
كانت نسرين جالسه تستغفر وتسبح دخل محمد وسلم **على راسها وجلس جنبها وقالها**
الله يسعدك اذا شفتك تصلين آخر الليل يزيد حبك**
ضحكت نسرين: لأني ادعيلك ياحلو غصب تحبني**
خرجت امل وراحت غرفتها وهي مشدوده للي حصل ..
بدأت شخصية نسرين تجذب أمل حست بحب لها وما تعجبت من حب أخوها**
في اليوم الثاني**
نسرين لابسه جلابيه لونها رمادي ناعمه وفخمه ومكياج وردي خفيف جداً
جهزت القهوه وحطتها لمحمد واستأذنت من أمل انها بتزور أم يوسف جارتهم امرأه كبيره في السن وتعيش لوحدها في الملحق..
أمل : وش عندها نسرين تزور العجوزه**
محمد باعجاب : نسرين تحب تزورها لانها وحيده وام يوسف تفرح بجيتها ... تصدقين أمول كل اهل الحاره يحبون نسرين هي تحب المواصله خاصه الكبار والناس البسيطين
امل ساكته وتفكر:**
يا الله متى آخر مره زرت خالتي ام فيصل صار لي شهرين ماشفتها وكل ماكلمني فيصل أقوله أنا ما أحب العجايز ما اعرف أسولف معهم لا واذا رحت كأنه قارصتني عقرب عيني على الساعه**
حست امل بإنها صغيره وزاد اعجابها بنسرين..
وفي الليل بعد العشاء**
كان محمد معزوم عند أصحابه ... لاحظت امل انه نسرين ارسلت ولد جيرانهم وجاب لها **تورته صغيره وعصير ..
استأذنت امل وراحت غرفتها لانها حست انه **نسرين مشغوله**
دانه كانت تبكي عطشانه تبكي تبغى مويه**
أمل فتحت الباب بهدوء وخجلانه لانها نسيت تاخذ معها مويه لكنها تسمرت عند الباب منفاجأه من اللي شافته ...
كانت نسرين رايحه الغرفه وشايله معها الكيك والعصير**
كانت لابسه فستان أحمر دانتيل ماسك عالجسم ويصف تفاصيل جسمها وشعرها كيرلي ومرفوع بطريقه عشوائيه وصندل كعب كله فصوص ...
**وريحة الفواحه منتشره بشكل يسحر والأروع شكلها وترتيبها رغم انها مو حلوه كثير لكن شكلها كان مغري جداً...
رجعت أمل وهي معجبه بشكل نسرين ومستغربه وش عندها لابسه ومتكشخه لايكون بس عشان محمد والله متعبه عمرها..
وبعد دخول محمد انتظرت امل شوي لما تحس انهم في غرفتهم عشان تاخذ مويه..
خرجت وكان باب الغرفه مقفل بس لاحظت ان الاضاءه خافته... ضحكت : حليلهم شكلهم داخلين جو ..
وهي خارجه من المطبخ سمعت صوت ضحك نسرين وكانت تتكلم وتضحك بغنج ضحك متواصل حست امل جسمها يعرق بسرعه راحت غرفتها وهي تفكر وش هالجرأه والله كأنها من بنات الهوى الله لايبلانا بس..
حاولت تنام بس ماقدرت كانت تفكر في اللي حصل**
وفجأه تذكرت فيصل لمن قالها مره ودي تكسرين هالخجل أنا زوجك ترى بيجي يوم وانحرف**
تذكرت كيف اذا كانوا في الفراش هو يتكلم ويتكلم وهي مثل الجدار لدرجة انه يسألها دايماً شكلك نمتي.. كانت هالكلمه ترفع ضغطها..**
ماجاها نوم من كثر التفكير كأنها بدأت تحس بالنقص..**
قطع تفكيرها صوت الجوال**
نسرين**
اذا كنتي صاحيه تعالي اسهري معنا**
خرجت وجلست معهم كان محمد فرحان ويضحك وينكت بطريقه عجيبه كان باين عليه انه مبسوط**
تذكرت منظر فيصل اول ماينتهي من الفراش ينام وهو معطيها ظهره وكانه يقولها انه ماحس بالسعاده لا لا اصلاً هو قالها اكثر من مره ودي تبسطيني الليله وانا كنت أظن أني اذا سلمته نفسي أني سويت إنجاز ...
كانت تفكر كيف قدرت نسرين تصير كذا كيف تعلمت ياربي ودي اسألها بس أخاف تضحك علي ...**
محمد : ياهوووه إحنا هنا**
نسرين: أكيد تفكر بفيصل
امل : بحرج لا عادي مافيني شي**
كملوا السهره وبعدين راحت أمل لغرفتها وقفت شوي قدام المرايه تناظر لنفسها أنا حلوه بس**
سكتت وماقدرت تتكلم طالعت في جسمها المليان كرشتها متر لقدام وشعرها مايستشور الا في المناسبات وقارنت بين نفسها وبين نسرين حست بخيبة وقالت مافي مجال للمقارنه ...
اصلاً عمري ماحسيت أني حاجه حلوه بالنسبه لفيصل وتذكرت كم مره لمن يشوفها تصارخ على الأولاد **يقولها**
خلاص يابو الشباب هدي أعصابك ...
ونزلت دمعتها وهي تتذكر لمن حاول يخطب قبل سنه ولولا امه رفضت وحلفت عليه كان تزوج عليها ...**
بكت بحراره وحاولت تهرب للنوم....

**
شعور مؤلم ان تشعر المرأه انها أنثى بالاسم فقط...

اليوم هو آخر يوم لأمل في بيت اخوها محمد**
لان أمها رجعت بيتها**
امل تتمنى تطول عند نسرين ودها تتعلم اكثر
على الغدا**
نسرين: مودي العصر أبغى أزور جارتنا اللي **في العماره اللي جنبنا ام خالد تعرفهم مسكينه مسويه عمليه**
محمد: لا**
نسرين : ليه حبيبي زارتني لمن ولدت وجابت هديه ودوم تسأل عني**
محمد: زوجها مايصلي معنا وله حركات مريبه**
نسرين: ياعمري وش ذنبها هي بنت حلال وانا ماراح اروح لوحدي الجارات معي**
محمد ؛ خير ان شاء الله**
في العصر صحي محمد ومالقي نسرين سأل أمل...
محمد : ام عبد العزيز وين نسرين**
امل: راحت لجارتها**
محمد:ومين سمحلها تروح**
امل: بصوت عالي **عجييييييب انت قلت روحي
محمد : أنا قلت خير ان شاءالله وماقلت روحي
امل : اقول ياحبكم للمشاكل يالرجال خلاص موضوع وانتهى بلا عبط**
محمد متنرفز: أعطاها نظره سكتتها**

جت نسرين وتفاجأت من شكل محمد
نسرين : مساء الخير**
محمد: اهلا وسهلا حيا الله الشيخه لا حسيب ولا رقيب**
نسرين : خير مودي عسى ماشر**
محمد: انتي من سمحلك تروحين انتي ماتستحين على وجهك مالك رجال يحكمك**
أنا طرطور في البيت**
نسرين : أنا**
محمد : ولا كلمه لا اسمع صوتك
الشرهه ماهي عليك علي أنا اللي تاركك على هواك من اليوم ورايح مافي طلعات مفهوم**
نسرين : ابشر مايصير خاطرك الا طيب**
محمد يخرج لا تنتظروني على العشا
امل: والله انك خبله كيف تخلينه يطول لسانه عليك والله ماعندك سالفه والله لو فيصل يقولي كذا كان ارميه من الشباك
نسرين: بضحك لاااااا حرام الرجال لمن يعصب مايفكر زين وكله نص ساعه ويجي ندمان وحزين على انه زعلك حتى لو ماتكلم في داخله يكون نادم**
امل **تحرك بوزها ماعجبها الكلام وتقول في نفسها ياحليييييييلك ....
في اليل رجع محمد وهم في الصاله يشربون شاي**
محمد السلام عليكم**
الكل وعليكم السلام**
محمد: تعشيتوا**
امل : الحمد لله**
محمد يطالع في نسرين شبعتوا بابتسامه**
نسرين : تبتسم الحمد لله**
وصار محمد ينكت ويضحك ويحاول يضحك نسرين**
وآمل بتتجنن وتقول في نفسها ياليتك تعطيني **قلبك الوسيع ولسانك الحلو ............
**
انتهت المده وآمل تجهز اغراضها ومحمد ينتظرها
**نسرين تودعها مع السلامه ياحبيبتي والله باشتاقلك**
امل الله يسلمك وفي نفسها اقول ياحلوك بس ياحظ اخوي فيك....**

دخلت امل بيت أمها وبعد السلام والأحضان**
تعشوا ونومت أولادها...
وحست انها مخنوقه ودها تسولف **جلست تسولف هي وأمها**
الام : عساك استانستي عند نسرين**
امل ؛ اي والله يمه الله يستر عليها ماقصرت**
الام: اي والله يابنيتي عساني ما احسدها لسانها حلو وكريمه ونفسها زينه وراعية صلاه وأخوك مايسمع فيها..
امل: في نفسها ااااه لو شفتي الشي الثاني وش تقولين دلع وغنج واناقه...
وسكتوا يتابعون برنامج**
أمل : يمه بسألك وتجاوبيني بصراحه من افضل أنا ولا نسرين**
ضحكت الام وبكل صراحه : انتي جمال ظاهر ونسرين جمال باطن **أظن فيصل مامصبره عليك الا حلاة وجهك والا باقي علومك شينه لسانك يلوط اذانك الله يهداك وانا امك تخرعين قبيله....
امل بحزن ... ودي اتغير يمه واصير مثل هالحريم السنعات بس ما اقدر...
الام بعصبيه:وليه ماتقدرين يعني هم حريم وانتي لا**
الحرمه الصاحيه تأكل رجالها بالطيب والدلع والاستقبال الزين ...خليك على حالك لين تشوفين الحرمه الثانيه الظاهر انتي مايصحيك الا حرة الطبينه**https://said.xplainer.net/images/smi...7-7gwplast.gif
امل: يمه فاولي خير وش هذا**
الام : والله يابنتي أبغى لك الزين وأخاف يتزوج فيصل وأموت أنا وياك من القهر..
امل : افففف يمه لهالدرجه أنا خايه يمه والله بيتي وعيالي وانا دايم نظيفين والأكل من احسن شي وش يبغى اكثر...
الام: هذاك اول وانا امك الحين رجالكم مايبون كذا**
امل استحت من أمها وفهمت قصدها
الام: والله يابنيتي اللي يشوفك يقول ام ثلاثين **
جسمك مليان ووجهك باهت ولا انتي مثل حريم هاليومين اشغلتي نفسك بالبيت والأكل والنظافه ترى هذا مايهم الرجال كثير الله يصلحك وانا امك.. بروح انام**
كانت كلمات أمها موجعه وقاسيه وحسستها بانها ولا شي ...https://said.xplainer.net/images/smi...7-vzp7onvp.gif
وجلست تفكر وتفكر في كل الأخطاء وتذكرت كلام فيصل في آخر مكالمه
لوتشوفين المزايين كيف يطاردوني**
ردت عليه من زينك يمكن مفجوعين منك هههههههه
رد عليها طيب بجيب معي وحده واخليك تسألينها وش رأيها فيني....https://said.xplainer.net/images/smi...7-7gwplast.gif
اااااااه ياويلي أنا غبيه أنا اغبى حرمه في الدنيا وبكيت بقهر ياويلك يافيصل لو تتزوج والله لأموت وبكيت بحراره ونامت...https://said.xplainer.net/images/smi...7-vzp7onvp.gif
صحيت من النوم وكانت طول اليوم سرحانه الأفكار تأخذها يمين ويسار
وجلست تقرأ في المنتديات ولأول مره تدخل على مواضيع تهتم بالزوج والتغييير بعد ماكانت تقرأ في الطبخ والسوالف التافهه....
وجلست تتذكر نسرين كانت تهتم بلبسها كثييير وتدلع نفسها حتى كاسة الحليب ملونه بقلوب وشكلها غير**
سجادتها مميزه ومعطره ومعاها سبحه ماتفارق يدها وكمان لونها حلو**
مهتمه بثقافتها تقرأ في الكتب وتجلس على النت وتشارك في المنتديات ... والاهم متعلقه بالله في الصلاه وتقرأ ورد يومي وتحاول تحفظ شي من القرآن....
وبدأت أمل تخطط للتغيير&&&
باقي على وصول فيصل شهرين بأبدأ في الريجيم وامشي ساعه في الحوش كل يوم**
وبحاول اكون جريئه في الفراش وبعود نفسي أتكلم بصوت واطي وبدلع بشتري ملابس جديده واقص شعري**
افففف ياربي يمديني اسوي كل هذا ...
**كيد يمديني أنا حلوه وماناقصني شي**
وبدأت في الريجيم وكانت حازمه مع نفسها**
وكانت تفرح لما تشوف وزنها ينزل**
والاحلى ان أمها كانت تشجعها وبدأت تستخدم خلطات للوجه والبشره**
وبعد شهر وثلاث اسابيع وصلت لوزن حلو وان كانت تتمنى تنزل اكثر**
بانت ملامحها اكثر وبدأت تحب شكلها ونفسها
طلبت من نسرين تروح معها السوق وطبعاً نسرين كانت مبدعه في ملابس البيت**
اشترت بناطيل جنز باشكال حلوه وبرموده
وتي شيرتات بألوان مغريه وفساتين قصيره**
واكسسوارات خفيفه للبيت تخلصت من ذوقها القديم في قمصان النوم **واشترت قمصان جريئه جداً كانت خايفه ماتلبسها بس النار اللي في قلبها خلتها تشتري....**https://said.xplainer.net/images/smi...7-9ndhrgbt.gif
كانت تقضي وهي مبسوطه مررره لنفسها فعلاً بدأت تحب نفسها**
شعرها طويل مره وماحبت تقصره بس قصته مدرج بطوله وصبغته اشقر رمادي وطلع شكلها خراااافيhttps://said.xplainer.net/images/smi...7-yds6b3uo.gif
أول ماشافتها أمها اتفاجأت من شكلها وماحست الا وهي تقول كلللللللللوش**https://said.xplainer.net/images/smi...7-9ndhrgbt.gif
ضحكت امل وقالت لامها والله حسيت أني عروس يمه**
الام : ايوه كذا وين هالزين من زمان
باقي يومين على وصول فيصل**
امل تلبس الملابس وترقص في الغرفه لوحدها**
وتحاول تقلد حركات نسرين**
لبست برمودا جنز وبدي فوشي وتمشي وتحرك مؤخرتها بدلع وتنزل ترفع المنديل من الأرض وتميل نفسها بقوه وتقوم بدلع وتضحك على نفسها**
توقف قدام المرايه وتقول كلمة ماابغى وتطلع شفايفها على برا وتضحك**
تغمز بعينها للمرايه وتصيح ياحلو انت**
تكلم نفسها في المرايه وتلعب بخصلات شعرها : اخخخ والله أهبل**
وكانت كل يوم تسوي حركات قدام المرايه وتضحك بفرحه لتغيرها وتتذكر حركاتها زمان**
اليوم بيوصل فيصل الساعه ثمانيه.....
**
راحت هي والخدامه من الصبح رتبوا البيت ونفضوه غيرت المفرش بلون احمر ووزعت شموع بأشكال حلوه ونثرت ورد طبيعي على السرير حست فعلاً انها عروس اشترت فواحه وحطتها عند مدخل غرفة النوم..**
وطلبت عشا من برا**
وراحت تجهز نفسها.....:]:
تكملة الجزء با لصفحه الثالثه

https://said.xplainer.net/images/smilies/rose.gifhttps://said.xplainer.net/images/smilies/rose.gifhttps://said.xplainer.net/images/smilies/rose.gifhttps://said.xplainer.net/images/smilies/rose.gif

>>>>> ردود الأعضـــــــــــــــــــاء على الموضوع <<<<<
==================================

قصة حلوة
بانتظار الجزء الثاني

__________________________________________________ __________

بصرااحه قصه رائعه الله يعطيك العافيه بس بصراحه قهرتيني ليش ما كملتيهاكنت اقرها بحماس يالله انتظر الجزء الثاني
على احر من الجمر https://said.xplainer.net/images/smilies/rose.gif

__________________________________________________ __________

قصه ابداع
بانتظار الجزء لثاني

__________________________________________________ __________

يووووووووووه ليه ماكلمتيها

بجد قصه مرررره حلوه..

بـ إنتظــآرك ياحلوه..}

__________________________________________________ __________

لااااااا....اريد اعرف النهاية....حلووو....انسجمت مع القصة...لا يكون تزوج...عليها...اف يا https://said.xplainer.net/images/smi...8-7gwplast.gif

اتعلمت...من هذه القصة...اكسر...الخجل...الخجل https://said.xplainer.net/images/smi...8-9ndhrgbt.gifhttps://said.xplainer.net/images/smi...8-9ndhrgbt.gifفيني...واجد..كروووب...انا تعبت من نفسي...اخاف احمل ويخترب جسميhttps://said.xplainer.net/images/smi...8-vzp7onvp.gif...بحاول اتدلع...واكسر الخجل..اللي فيني...ياربي...هذه القصة...خوفتني...شوية...متى بتكملين...القصة...https://said.xplainer.net/images/smilies/ANSmile05.gifhttps://said.xplainer.net/images/smilies/rose.gif

تسلمي..على القصة..