والله العظيم هاذي قصتي بحذافيرها اقرأوها ماراح تملون منها لانها حقيقه وليست خيال قصة حقيقية

عنوان الموضوع : والله العظيم هاذي قصتي بحذافيرها اقرأوها ماراح تملون منها لانها حقيقه وليست خيال قصة حقيقية
مقدم من طرف منتديات نساء الجزائر

والله العظيم هاذي قصتي بحذافيرها اقرأوها ماراح تملون منها لانها حقيقه وليست خيال


https://uploads.sedty.com/imagehosting/1_1402432992.gif



سلامي على جميع من يقرأ قصتي ...

اليوم بحكي لكم قصه من حياتي لان حياتي كلها قصص وكلها تبدأ ببكاء وتنتهي بفرح شديد اليوم بحكي لكم قصه توبه شخص توبه زوووجي نعم زوجي
تزوجته عن حب مع اني مااعرفه ولا يعرفني بس القدر جمعنا وحبينا بعض وانهبلنا على ماتزوجنا المهم هو طيب وحبوب بس ماكان ملتزم بالصلاه وكان عصبي شوي وكان يحب السفر يعشق السفر وانتم تعرفون وش فيه السفر وليش يسافر ووالله اني كنت موفره له كل شي بس سبحان الله من شب على شيء شاب عليه بس الحمد لله من الله عليه بالهدايه قبل يشيب ..
بعد زواجي بتسع شهور حملت حملي الاول مرت شهور حملي وهو بعيد عني لأن كان عنده كورس برا الرياض وكان يجي للرياض الاربعاء والخميس والجمعه بالليل يروح كان يداوم للعصر وبعد العصر يروح البحرين وطبعا هناك مراقص وووو.... ويجلس للساعه 12 او وحده هناك وبعدها يرجع مكان شغله ويكلمني شوي يطمن اذا ولدت والا باقي ويروح ينام وعلى هالموال لحد ماجا ذاك اليوم اللي كلمني وتطمن علي وعرف اني لسى ماولدت وراح ينام بعد ماقفلت منه على طول جاني الم الولاده طبعا يابنات انا ماكنت اعرف انه يروح للمرقص والا كان يشرب والا والا والا كل شي عرفته بعد توبته المهم رحت للمستشفى قلت للوالده قولو له عشان يجي قالت امي لا مانعلمه الا اذا ولدتي عشان اخذ البشاره ههههههههههه دخلت المستشفى ومن الفجر وماولدت الا الساعه خمس العصر طبعا زوجي وين ؟؟؟؟ فديته يرقص بالمرقص ولاهو داري ان جاله ولد اتصلنا عليه جواله مقفل اهله واهله وانا ندور ولا فيه فايده حتى اصدقائه مانعرف ولا رقم احد فيهم استسلمنا للأمر الواقع قلت لهم ماراح تلاقوه الا من بعد الساعه 12 بالليل قالت الوالده ليش ؟ قلت لانه في البحرين يتمشى قالت خير ان شالله وفعلا اتصل عالبيت لان مارديت عالجوال قفلته بالمستشفى وردت الوالده مانامت جالسه عند التلفون تنتظره يتصل وردت عليه الو قال السلام عليكم قالت وعليكم السلام كيفك ياخاله قالت طيبه انت اهم شي كيفك قال الحمدلله قالت اكيد مبسوط تتمشى ومو داري ان جالك ولد تتمشى وتارك وراك انسانه على وشك ولاده ماحسبت حساب شي افرض ان المستشفى طلب اوراق رسميه منك وش نقول ؟ افرض ان هي تعسرت ولادتها وطلبو توقيعك انت بالذات وش نقول ؟ افرض وافرض وافرض قاطعها قال خالتي بصوت مرتفع خاااااااااااالتييييييييييي جالي ولد ؟ قالت اي والله جالك ولد مثل القمر ان شالله مايطلع مثلك قال لااااااا لا تقولين كذا قالت الا بقول وبقول ازود خساره فيك بنتي وهالولد اللي جا ضيف وصل للدنيا مالقى قدامه الا امه وابوه الله العالم بأيش مشغول قال خالتي مع السلامه وقفل ماانتظر تقول له هي مع السلامه طبعا قفل مو زعلان لا بيموت حسره وندامه على هالموقف ركب السياره وشغل شريط اغاني عشان مايجيه النوم وماشي 200 عشان يوصل للرياض بسرعه >>> هنا تبدأ القصه ويعلم الله اللذي لا اله الا هو انها حقيقه وحصلت وليس فيها زياده او نقصان عشان تعرفون فضل الدعاء لاني كنت داااايم اذا سوا شي مايرضيني مااهاوش ولا ازعل اقول الله يهديك بسسسسس واستجاب الله لي والحمدلله المهم مشى بسرعه وبنص الطريق جاله واحد من ورا عند اذنه اليمين تدرون وش قال له ؟ قال له اول شي خفف السرعه واهتز كل جسمه وبغى يصدم من الخوف والرعبه قال ايش يبي يتأكد ان فيه احد يكلمه وفعلا رد عليه قال خفف السرعه لا وبصوت اعلى وخفف السرعه لـ80 قال له الحين طفي الاغاني وطفى المسجل قال له وش شعورك اذا كبر ولدك وقال بابا وين كنت اول ماولدت ؟وش بتقول له ؟ وش شعورك لو الله اخذ روحك الحين وانت ماصليت فروضك وطول ليلك بالملهى وصوت الغناء مرتفع ومعرض حياه الاخرين معاك للخطر وش بتقول لربك ؟ اتق الله وعد الى رشدك قبل فوات الاوان بسسسس وراح بس وش ترك ؟ ترك بعده انسان تحول الى ملاك من البشر وصل عندي صحيت من صوت واحد يبكي عند راسي لقيته هو ناظرت فيه قلت وش فيك قال ولا شي كيف الولد قلت بخير ليش تبكي ؟ قال ولا شي بروح اشوفه وراح شافه وجاتني السستر تقول مدام بابا يشوف بيبي يبكي كثير ليش انتي من زمان مافيه بيبي ؟ قلت لا انا بس تسعه شهر مافيه حمل بعدين حامل قالت ليش طيب بابا يبكي قلت انا اسأل ليش يبكي كلنا نجهل سبب بكائه ماراح للبيت نام ذاك اليوم عند رجولي معي على سريري وكنت اقول له نام عالكنبه عشان ترتاح يقول لا انا هنا مرتاح خليته وطول الليل اسمعه يبكي بس بصوت خافض بغيت انهبل مسكته قلت الولد فيه شي ؟ قالو لك ان فيه شي ماتبون تعلموني ؟ قال لا والله وبكره بتطلعين انتي وياه قلت طيب امك ابوم اهلك فيهم شي قال لا اتركيني الله يخليك تركته ونمنا صحينا الظهر هو صحاني من صوت القران كان يقرا ويبكي قلت له تكفى وش فيك طلبتك طلبه قال مقهور انك ولدتي وانا بعيد عنك قلت بس ؟ انا مسامحتك بس لاتسوي بنفسك كذا قال تدرين وين كنت ؟ قلت لا بس حاسه انك كنت في البحرين قال اي والله كنت هناك وكنت في المرقص وكنت اشرب وكنت وكنت وكنت ويبكيييييييييييييييييييييييي قال هاه تسامحيني ؟قلت انت ندمان ؟ قال انا بموت من القهر تكفين سامحيني قلت له الله يسامحك والله مو زعلانه عليك كل الناس تخطي وانت تقول انك ندمان قال اوعدك ماعاد تشوفين مني الا كل خير بس كيف اسوي ويرضى الله عني قلت الله غفور رحيم والتوبه تجب ماقبلها وصدقني دام انت ندمت وتبي الهدايه لاكون خير عون لك قاطعنا صوت بكاء ولدي جابوه لي اخذناه وجلسنا نناظر فيه مو مصدقين قال انا كنت اعصي الله هناك وهو يرزقني هنا !! والله اني مااستاهل هالنعمه قلت له قول الحمدلله وحافظ على هالنعمه والله بيزيدك طلعت من المستشفى العصر ورحت لبيت اهلي وانا بالطريق علمني وش صار عليه وسبب بكائه وربي جلست ابكي انا ورحنا لبيت اهلي وكان انسان ثاااااااااني انسان غير تغير فيه كل شي حتى طريقه كلامه صار يصلي ويصوم الاثنين والخميس ودوود حبيب الكل يشهد له بالصلاح والنور يشع من وجهه ربى الدقن وصار امام مسجد يأمر بتالمعروف وينهى عن المنكر بعد سنه رزقنا الله بالولد الثاني وبعد سنه جبت بنت وربي بين كل واحد والثاني سنه بس والحمد لله نعمه من ربي هاذي قصه من قصصي ليست من محض الخيال ولا كان ياما كان بل هي من واقعي نعم والله انها واقه حصلت في 1420 هـ من عشر سنين بس والله كأنها الاسبوع اللي راح لانها ايام لاتنسى وهو بعد كل فتره يتذكر الملك اللي كلمه في السياره وتصدقون ان السياره اللي كلمه فيها مو راضي يبيعها شرينا وحده ثانيه بس هي يقول ابها قدامي مابي ابيعها يقول كل مااشوفها اتذكر ذاك اليوم ويزيد ايماني الله يثبته وكل من يقرا قصتي يدعي ان الله يثبته ويهدي كل ضال وربي انه يوم يتذكر وش كان يسوي يقول الله لايذكر ذيك الايام بخير الله لا يعيدها والله اني كنت بهم وانا احسب نفسي مبسوط الشيطان يزين للأنسان الظلاله حتى يرتكبها اسأل الله الكريم رب العرش العظيم ان يثبته ويخليه لي ولعياله والله ولي التوفيق .............https://said.xplainer.net/images/smi...7-yds6b3uo.gif

>>>>> ردود الأعضـــــــــــــــــــاء على الموضوع <<<<<
==================================

اللهم امين ..... بسم الله ماشاء الله

انك لاتهدي من احببت ولكن الله يهدي من يشاء

الله يهدينا ويرحمنا ويثبتنا اختي هذي عبره لكم

ومو كثير على الله عز وجل ينذر احد بس المهم اننا نعتبر

الله يثبت زوجك على طاعة الله ويهدي اولادك

__________________________________________________ __________

ياااااارب تسلمين حبيبتي .... مشكوره عالمرور

__________________________________________________ __________

فليكرمك الله فيه
ويثبته على الهداية ان شاء الله
آمييييييييييييييييين

__________________________________________________ __________

اللهم يامقلب القلوب والابصار ثبت قلبي على دينك
والله قشعر بدني مشكوره اختي قصه رائعه تستحق التقييم
الله يخليكم لبعض يارب والله يهدي الجميع

__________________________________________________ __________

ماشاء الله وفقكم الله وجعل لكم الذريه ال****************ه
واعانكم على الطاعه وثبات الهم امين
بجد قصتك جميله لكن اكيد لولدينها دور بدعاء
جزاك الله خير