يا جماعة الخير هذه قصة حقيقية -قصة قصيرة
عنوان الموضوع : يا جماعة الخير هذه قصة حقيقية -قصة قصيرة
مقدم من طرف منتديات نساء الجزائر
يا جماعة الخير هذه قصة حقيقية
https://uploads.sedty.com/imagehosting/1_1402432992.gif
السلام عليكم ورحمة الله وبركاته
استغفر الله الذي لااله الا هو الحي القيوم واتوب اليه
https://up2.m5zn.com/photo/2017/3/21...tpe30r.jpg/jpg
يا جماعة الخير هذه قصة حقيقية
في وحده راحت للعمرة وهي تصلي بالحرم اللي بذيك المرة اللي تصلي وتبكي
تصلي وتبكي وتدعي وتبكي
المرأة استغربت منها وقالت أكيد لها سالفة وكان كل مابين فتره يجها ولد شاب يكلمها ويروح ويشوف شنو تبي
المرأة أخذها الفضول وجلست بجانبها وأسالتها ليش تبكين عسا ما شر
فردت وقالت لها والله من العذاب اللي فيني
وليش؟ شنو سالفتك؟؟!!
قالتلها اقولك قصتي وبعدين احكمي
كنت متزوجة من زوج ونعم الأزواج يحبني ويحترمني ويعزني
بس كان فيني عيب إني ما اجيب اعيال وأنا حاولت بس الله ما رزقني فشرت عليه انه يتزوج ثانيه اهو ما رضى بس أنا ظليت احن واحن الين وافق
فدورتله على المرة وخطبتها له وتم الزواج بس بعد ما تزوجها شبت نار الغيرة بقلبي لأنه اخذ يميل لها وماتمينا فتره إلا والمرأه حامل زادت غيرتي المهم جابت له ولد الزوج استانس وفرح وظليت انا افكر بروحي اشلون انا اللي شرت عليه
في يوم جاني زوجي وقالي بسافر مع مرتي الثانيه وبنخلي الولد عندك
ووافقت طبعا لانه ماكو احد يمسك الولد غيري
سافروا وخلو الولد عندي وكان الوقت شتا وكنت شابه الدوه(فحم)
والولد عمره تقريبا بين السنة وجم شهر واهو يلعب ويطامر قدامي
وانا بقلبي نار تشتعل مثل جمر الدوه اشلون ياخذها ويسافر ولا !!ويخلي الولد عندي الخ من ها لكلام وفجاه الا الولد يمد ايده بيلعب بالفحم اللي با لدوة ومن ناري وغيرتي مسكت ايديه وحطيتها أكثر بالفحم اللين ذابت ايده واهني شلتها بعدها ما يحتاج اقولج اشلون صارت ايد الولد
واهني حسيت إن ناري طفت اشوي نمنا ذيك الليلة إلا ويينا خبر وفاة زوجي مع زوجته وهم في طريق العودة بحادث
وظليت ابروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره
واهو اللي يشوف طلباتي وطلبات البيت ومو مقصر معاي بشي
بس أنا كل ما شفت ايده يتقطع قلبي على اللي سويته فيه واهو ينادي بيمه بس لحد الآن ما قلتله إني أنا اللي شوهت ايده
ولازلت اعاني من العذاب وتأنيب الضمير وادعي ربي يغفر لي ذنبي
سبحان الله اشلون حكمة ربج انه صار ها لولد خير لي لولا ها لولد جان أنا حالتي حاله
ويرد اييها الولد واهو خاش ايده ويحب راسها ويسألها ها يمة نروح الحين؟؟؟
وعسى ان تكرهوا شيئا وهو خير لكم
>>>>> ردود الأعضـــــــــــــــــــاء على الموضوع <<<<<
==================================
يعطيك الف عافيه
عورتي قليبي والله
سبحان الله
__________________________________________________ __________
وياك حبيبتي ’ سلامة قلبك ’ تقبلي شكري وتقديري https://said.xplainer.net/images/smilies/rose.gifhttps://said.xplainer.net/images/smilies/rose.gifhttps://said.xplainer.net/images/smilies/rose.gif
__________________________________________________ __________
https://iraqnaa.com/ico/image2/004.gif
__________________________________________________ __________
يعطيك عافيه
عورتي قليبي
__________________________________________________ __________
مـــوضوع آكــثر من رآإآئع ..
بارك الله فيك وزاده من فضله ..
