الجزء الأول: -=!!.. مواطن بالإيجار ..!!=- قصة حقيقية
عنوان الموضوع : الجزء الأول: -=!!.. مواطن بالإيجار ..!!=- قصة حقيقية
مقدم من طرف منتديات نساء الجزائر
الجزء الأول: -=!!.. مواطن بالإيجار ..!!=-
https://uploads.sedty.com/imagehosting/1_1402432992.gif
هذي القصة بحذافيرها قصة خيالية من واقع مجتمعنا ...فاللي يشوف اسمه موجود في القصة أبيه يستجحي على وجهه ويستر على نفسه ... وعن الفضايح يا معشر الإنس ...
الشخصيات الرئيسية في القصة:
1. بو زايد : مواطن يعمل في أحدى الدوائر الحكومية ... متزوج وعنده ولد
2. راشد: مواطن ..... أعزب لا يعمل ومن عائلة غنية ===> عائل على أهله ^_*
3. بو طلال: رجل أعمال مشهور ... وصاحب شركات كبيرة
4. حنان: بنت عمرها 22 ... صايعة ضايعة وللأسف مواطنة.
5. عباس: إيراني يسكن في دولة الإمارات ... يعاني كثيرا ..... ولكن عنده واسطات كثيرة
وهناك أيضا شخصيات فرعية راح يتم ذكرها من خلال السياق .......
======================================
بداية قصتنا في إحدى الدوائر الحكومية:
المراجع: مشكور أخويه وما قصرت ..... عله في ميزان حسناتك .
بو زايد: العفو أخويه ... هذا واجبنا .... أووووووووف .................. هلكنا والله حشى من أول الصبح ألين آخر الدوام وأنا يالس على هالكرسي ...... ريوق ما أتريق ===> اضطهاد هذا ....... وين حقوق المواطن اللي يتكلمون عنها !!!
سالم الموظف: بو زايد اشبلاك ؟!!! تراااااااك صدعتنا، كل يوم تعيد نفس الاسطوانة حقوق مواطن وحقوق مواطن ... أقول كل هوا واسكت تراني ما اقدر اركز في الكلمات المتقاطعة
بو زايد : ناس تشتغل ونتذل وناس ما تسوي شيء غير هالتوقيع ..... ويا ريته توقيع مثل الناس إلا خربشه قلم وكل توقيع يختلف عن الثاني ......
سالم الموظف: بو زايد ..... محد قالك تعيش فقير ياما قلنالك الطريق السوي والمستقيم اللي تمشيه ولــىّ زمانه ...... لف ودور ونافق المدراء وبتصير رئيس قسم شراتي ===> عِزّات عمرت البلاد ..هههههههه
راجو: هيه أرباب بو زايد ... هذا كلام مال سالم واجد زين ... أنا يسير عند مدير واجد وانته من زمان ما يسير هناك ... لزم انته سوي شغل مني مناك عشان انته يجي كبير وبعدين معاش مال انته يجي كتير ........
بو زايد: ما عليه يصير خير، والله لو عندي ادلة بس جان من زمان طيرتكم انتوا الإثنينه .. ههههههههههههههههه
سالم الموظف: بو زايد انا بروح البيت زين .... يلا مع السلامة ...
بو زايد يشوف ساعه: حشى توها الساعه 1:30 وين يبى هذا !!!!
ام منصور: بو زايد الله يخليك تقدر تشوف لي هالمعاملة ؟؟ أنا أشك إنها غير مكتملة ...
المراجع بعصبية: كيف مش مكتملة ؟؟؟ جيه ناقصنها ريول وإلا يدين ؟؟ وإلا ناقصنها فلوس !!!
بو زايد: هد أعصابك يا الشيخ .... إن شاء الله ما بلاها أي شيء خلني اشوفها بس ...
بو زايد: أخوي ، معاملتك ناقصة توقيع الريال اللي طبعها لك وناقصه توقيع رئيس القسم .....
المراجع: الله يخليك يا عزيزي مشها لي ..... والله من الصبح وانا عند البنات في الارشيف علشان بس يدورون على ملفي ويقولون ما ندري وينه .... ورحت انا ودورته في المكاتب وما لقيناه ........ ساعه كاملة علشان احصل على ملفي وفي الاخير لقيناه عند البنات ...... لاااااااااااااااا وبعد فوق كل هذا تقولي والله ملفك كان جدامي وما شفته ... وظهرت من عندها وتميت صاف بالدور عند مكتب الطباعين علشان الاخ يطبعها لي ولما جاء دوري قال بسير اصلي .... صلينا وخلصنا ولما بغى يكتبها الكومبيوترات اختربت والحين طبعها بعد ما يلست عنده نص ساعه الله يخليك مشها لي دخيل والديك .... ===> بصراحة مشهد يبكي.
بو زايد: انا مالي شغل عندك الاخت ام منصور جان تقدر تمشيها لك ما عندي مانع .....
ام منصور: من عيوني يا الشيخ ... بس تراها ما بتخلص اليوم .!!!!
المراجع : لييييييييش ؟؟؟؟؟
ام منصور: لأنه رئيس قسم القلم مش موجود حاليا طالع اجازة ساعية وما راح يداوم الين باجر ومدير الدائرة يظهر الساعه 1 والحين الساعه قربت على 2 ......
المراجع: حسبي الله ونعم الوكيل ...... كل هذا علشان اظهر شهادة لمن يهمه الامر ........... حشى لو طالب بيت شعبي جان حصلت ..===> خرج المراجع.
بو زايد: الله يعينه بصراحه ما ادري شو اقول عندنا القوانين تعقد الواحد .....
ام منصور: ابي افهم انا الواحد علشان يستخرج شهادة لمن يهمه الامر لازم اييب الملف ويكتب بياناتها واحد من الموظفين وبعدين يوقع عليها ويعطيها الطبااااااع علشان يطبعها بالكومبيوتر وبعدين يوقع عليها ويرجعها لمسؤوول شؤون الموظفين وبعدين عند المسؤوول الإداري يوقع عليها وبعديم مدير الدائرة او النائب ..... وفي الاخير يروح يختمها من القلم وياخذ نسخة منها ويعطيها للموظف اللي كتب البيانات ؟؟؟؟؟؟؟؟؟؟ شو هااااي التعقيدات ؟
بو زايد: 6 واقيع ومراجعات علشان بس يستخرج شهادة لمن يهمه الامر !!!! ===> محد يلوم إخوانا إذا اتصلوا في جابر عبيد واشتكوا .......
راجو: ارباب أنا في روح الحين ... دوام مال أنا خلاص انته يريد ماي انته سير جيب انا في روح ...... باي
بو زايد: حشى ما طلبت منك شيء ابدا ... روح جلعة ابليس تشلك ونستريح
ام منصور: مع السلامة .........
هذا تقريبا كان يومنا في الدوائر الحكومية ومعاناة موظفيها ... خلونا انشوف شو راح يصير في البيت ..
======================================
ام زايد: هلا هلا بو عيالي الغالي ....... الحمدلله على سلامتك يا قلبي انته ...
بو زايد: هلا بأم زايد ... غريبة اليوم مستقبلتني بويه بشوش ... أنا أحيد يوم ادخل البيت أشم ريحة الطبخ شالة البيت .... وكلمة قلبي ما اسمعها منج إلا بالحسرة ............. !!! شو السالفة ؟؟
ام زايد: ماشيء يديد يا عمري بس ابي اتغدى برع .....
بو زايد: نتغدى برع ؟؟ نوووووووو ....... ماشيء فلوس عندي ....
ام زايد: جيه توه إلا 17 من الشهر وين الفلوس !!!!!!
بو زايد: انزين شو يعني 17 ؟ يعني والله وذاك المعاش اللي احصله يعني ؟؟؟ صدقة مب معاش حشى ..... قالوا زيادة فرحنا فيها ......... قامت الجمعيات والبقالات وغلت الاسعار وسعر البترووووول ارتفع وااايد ...... صرنا نروح البريمي علشان نصب بترول ونرجع .... والحين سكروا الحدود وخلوها بالبطاقات والجوازات علشان ما نروح نصب بترول ............ لا وحطوا اونهم لنا بترول Plus صب فيه كم مرة وقابليني إذا طاعت تشتغل السيارة بعدين ^^___^^
ام زايد: انا ما قلت لك تعطيني محاضرة .... ابا غدى برع وإلا ما شيء غدا !!
بو زايد: باللي ما يحفظج لا انتي ولا اهلج ... عادي بنام خفيف ما اريد اكل شيء .... بسوي ريجيم ===> دخل ينام.
======================================
اعذريني يا الهدايا ... لو هملتك في الزوايا ... ماني متحمل اشوفك ... واللي جابك مو معايا ... ===> التلفون يرن
بوطلال: آلووو ... هلا والله !!! اشحالج يا قلبي ؟؟ وشخبارج ؟؟ أشتقت لج موووت يا بعد اهلي كلهم ...
حنان: هلا والله يا عمري ... شو هالكلام الحلو والله ما اروم عليه ==> يا ويل حالي .........
بوطلال: افا عليج جيه انا ما قلت إلا الصدق بس ===> بل هذا وانته متزوج حرمتين !!!
حنان: بس ما تخاف إنه حرمتينك يدرون إنك تكلمني !!
بوطلال: بالطقاق للي يطقهن ... اشعلي منهن دام القلب عندي ....... لو تبين اطلقهن أنا مستعد يا عمري انتي
حنان : لا لا حراام تطلقهن أنا قلبي رقيق وما يتحمل ... وانا بعد ما أحب اخرب على حد عيشته ===> عيل الدبة انتي ليش تكلمين ريال متزوج ؟؟؟
بوطلال: افا عليج يا قلبي بالعكس انتي الغلا والحلا كله ..
ام طلال حرمة بوطلال قربت تدخل الغرفة .....
بوطلال: اقول يا عمري بكلمج بعيدين .. باي .... ===> سكر التلفون في ويه حنان ^_* زين يسوي فيها
ام طلال: راشد وينك انته ؟؟ انا يالسة ادور عليك من الصبح ؟؟
بوطلال: هلا والله بأم عيالي وحبيبتي الغالية يا احلى زوجة عندي في الوجود ===> يلعن ابو النفاق
ام طلال: عن الكلام اللي ما يودي ولا اييب لو انا صدق احلى زوجة جان ما تزوجت علي ام السعف والليف ((المقصود الزوجة الثانية))
بوطلال: تعرفين انتي يا عمري ليش انا ماخذنها ؟؟
ام طلال: هيه ادري صدعتني كلا مرة تقول انك خذيتها علشان بس تقوي صلتك مع ابوها لأنه يمتلك شركة منافسة لك ===> صار الزواج علشان الفلوس والمصالح وتبون بعد حالنا يصير اوكيه !!!!
ام طلال: ما علينا في حد في المجلس يباك اظن انهم طلابين (اللي يطرون ويطلبون الفلوس)...
بوطلال: شو افلوسه بعد ؟؟ انا قبل كم يوم وزعت زكاة اموال دفعت مليون درهم علشان الزكاة ===> ملاحظة: زكاة اموال هالريال تتجاوز الخمسة ملايين .....
ام طلال: بكيفك انا بروح بيت امي ... بسير مع اعيالي زين تراه عشاك اهناك ابويه ياي من الحج ولازم تزوره ....
بوطلال: زين يصير خير انا عندي اجتماع وعشاء عمل مع مدير المشروع بخلص معاه وإذا لقيت وقت بييكم .
بوطلال: طلال ..... روح عند الرياييل اللي في المجلس وقولهم بابا محد سافر العمرة ......
طلال: إن شاء الله ابويه .... تامر أمر على عيني وراسي .
======================================
راشد اتصل في ربيعته الحلوة والأمورة اللي هي حنان .... وواعدها في المول علشان يروحون السينما ........ طبعا حنان تعرف بوطلال علشان افلوسه ، ومتعرفه على الغالي وحبيب قلبها راشد علشان افلوسه وعلشان اشياء ثانية نعرفها مع السياق التالي .... اللي مب قلبه قوي ويستحي لا يكمل ويقرأ المكتوب .....
راشد: ألووو ... هلا قلبي وينج ؟؟ أنا جدام ستار بوكس انتي وين !!
حنان: هلا قلبي ... أنا اهنيه داخل الكوفي تعال بقولج شيء يا عمري ...
راشد بعد ما دخل الكوفي وشاف حنان: يااااااااااي يا ربي أنا ... شوهالجمال هذا فدييييييتج أنا فديت روحج ... والله لو الخيال والمستحى جان حضنتج جدام الكل وما عليّ من حد ===> ما يحتاج تحضنها يكفي تمشي عدالها
حنان: فديتك يا قلبي .... تراني استحي لا اتقول جيه ...
راشد: ينادي على الجرسون .......
حنان: حبي رشودي ... ممكن يعني أطلب طلب !
راشد: فديت عمرج آمري وتدللي أنا كلي لج .. اللي تامرين عليه انا حاضر ..
حنان : فديتك والله ... نحن الحين صار لنا متعرفين على بعض شهر ... ولا مرة دخلتني السينما ابي ادل السينما بليز حبي ===> يا ربي على الطلب
راشد: من عنوني ما طلبتي شيء ابدا ... تبيني اشلج بعد للسينما ما عندي مانع .. فديتج انا اليوم ما برجع بيتنا بيلس وياااااج ألين الفجر ..
حنان: وين بنروح يعني ؟ ألين الفجر ..!!!
راشد: المكان اللي تبينه .. حتى لو تبين انروح العزبة أو البدع او اي حتى لو نروح الفندق انتي تطلبين وأنا أنفذ ===> حشى شهر وجيه اتسوي انته الله يعين لو سنة
حنان: شو بنسوي في البدع ؟ بنتعشى ؟
راشد: فالج طيب يا قلبي بعشيج عشى لا صار ولا استوى على نار هادية ===> فوكس وصل : عشووووووق احذف المقطع ما اتفقنا جيه ... عشووق: اوكيه فوكسي خلاص بنطوف المشهد حشى رادار صاير انته ... (( حنان انتي عدي النجوم وأنا برسم على الرمل )) ===> سلامي على اللي فهم
حنان: اشريك انروح السينما وبعدين انروح الفندق أبي اروح البار بخاطري اشوفه عمري ما دخلته ما بنشرب شيء غير الماي ===> ماي هاه ؟ من قلة الماي اللي في السوق تروحين البار ... مكارة
راشد: من عنوني ... نروح السينما اول ..
======================================
راجعين لكم مع الجزء الثاني من قصة -=!!.. مواطن بالإيجار ..!!=- إن كان للعمر بقية ...
تحيتي
أختكم أمونة الشويخ
>>>>> ردود الأعضـــــــــــــــــــاء على الموضوع <<<<<
==================================
https://smiles.al-wed.com/smiles/60/36.gif..
https://smiles.al-wed.com/smiles/60/37.gif
__________________________________________________ __________
مشكوووووووووووووووووووووووورة اختي على المرور الرائع اللي نور صفحتي بعطره الفواح والمعطر بالفل والياسمين والله يعطيك الف الف الف الف صحة وعافية والله لا يحرمنا منك ولا من جديدك ان شاااااااااااااااااء الله وسلمت اناملك الذهبية وجزاك الله خير الجزاء وجنة الفردوس ان شااااااااااااااااااااء الله......................
تحيتي
أختكم أمونة الشويخ
__________________________________________________ __________
__________________________________________________ __________
__________________________________________________ __________
