*×?° يمـــه مريولي توسخ ×?°* -خواطر

عنوان الموضوع : *×?° يمـــه مريولي توسخ ×?°* -خواطر
مقدم من طرف منتديات نساء الجزائر

*×?° يمـــه مريولي توسخ ×?°*



https://majdona.com/upload/uploads/dd02549183.jpg




****

يـــمـــه ..

تكفين اسمعيني ...

يمـه بسألك شي ..

جاوبيني ..

هو صحيح اللي مات

داخل القبر يصير حي ...؟؟؟


يــمـــه ...

أسمع أنــا صوتك ..

كل يوم اسمعه ..

واذا حاكيتك هاوشوني ..

قالوا انسي ..

روحي يالله العبي .... !!


يمه تعالي ارجعي ...

والله خلاص بسمع كلامك ..

ما اخرب العابي ..

وان قلتي يالله ..

روحي نامي ..

أروح حتى ماتزعلي


يمه تكفين ارجعي ..

اليوم حطت لي المديره ..

نجمه من فوق جبهتي ..

يمه سمعتها تقول..

مسكينه هالبنت صارت يتيمه ..

قالت لها ابله منيره ..

مسكينه توها صغيره ..

وش كانوا يقصدون ..؟

يمكن عشاني صرت عاقله ..

ولا عشاني دايم اسرح



يمه مريولي توسخ ..

ماكان قصدي اوسخه ...

بس تذكرت انك تقولي ..

بعد شهرين..

بشتري لك لبس ثاني ..

يمـه تعالي اشتري ...


يمـه عرفتي مها ..؟

صديقتي اللي معي ..

زاعلتني ..

تقول ماصرت انا اضحّـكها

راحت تدور غيري

عشان تلقى احد يونسهـا



يــمــه

يالله خلاص لاتمزحي

يالله قومي

تعالي معي للبيت ارجعي



يمه يمممه

نسيت شي ..

بقولك ترى بيتنا صار فاضي ..

ماحد يجينا ..

وكل اللي فيه انا واخواني ..

ليه وين اقاربنا ..؟؟

وين خالتي ..

اللي كانت تجينا ...


يمممه قوومي يالله تعالي ..

تكفين يالله تعالي ..

ماودي ارجع لحالي

والله خايفه ..

ترى امس جيتك ..

مارديتي ..

حسبتك نــايمه ..


أو اقولك ..

خلاص خلاص ..

انا بجيك بكرى ..

اذا راحوا من هنا الناس ..

تكفين يمه بكرى اصحي ..

تكفين يمه بكرى ارجعي ..

>>>>> ردود الأعضـــــــــــــــــــاء على الموضوع <<<<<
==================================




خـَاطرة مؤثرة .. سَلم فكركِ، وقلمكِ يَاا عصفورة




__________________________________________________ __________

والله شي يوجع القلب ......كلام صادق و معبر عن كثير من احوال الناس

__________________________________________________ __________

كلمات مؤثرة جدا

سلمت يمينك عصفورة

يعطيك العافية

__________________________________________________ __________

عصفورتنا الجميله
فعلا ابدعتى
واتقنتى التعبير
تسلمى

__________________________________________________ __________

يعطيك العافيه
وتسلم امهات الجميع
حقيق انها مؤثره