ليش انا قبل الزواج كنت .......!!!!! -كلام عذب

عنوان الموضوع : ليش انا قبل الزواج كنت .......!!!!! -كلام عذب
مقدم من طرف منتديات نساء الجزائر

ليش انا قبل الزواج كنت .......!!!!!



•┈••̣̇•̤̣̈̇♌ حـــآمـــد زيد ♌•̤̣̈̇•̣̇•┈•♌**

******
ليش انا قبل الزواج كنت اناديها " الغلا "
وكنت اناديها " الغرام "
و " بعد أُمي وابوي "
و " ضحكتي .. وابتساماتي.. وبلسم جرحي المفتوح وجروحي "

وعقب ما ربي جمعنا .~
واجتمعنا**
وصرنا أُسرة
وصرت انا واياها جميع
نصحى وننام
ونشرب بكاس الغرام
ويوم اناديها تجيني ما تأخر
وتقول " ســم ..!"
و " لبي قلبك يا بعد قلبي انا "

صرت اناديها عقب ذاك الغلا**
" هيه.. وينك يامره ..؟!"**

ليش انا قبل الزواج كنت اكلمها
واسولف
واقضى ساعات وزمان
واحتريها
وحتى لو تأخرت .. او اخلفت ميعادها
ما ازعل عليها

لاإا
ولا حتى اعاتبها شوي
وكنت اشوف عيوبها بعيني جمال
ونقصها بعيوني هو معنى الكمال

ويوم صرنا مع بعضنا**
لو حكت لي كلمتين
او سولفت .. او مازحتني وضحكت
قلت : كافي .. بس .. ما ابي قلة ادب
" واعتقد يكفي كلام وبربرة ..!!"**

يااااه !
بعد ماكان الحكي بشفاهها ينقط عسل
صار بتاليها حكي..؟!
لآآآ
وليته حكي ..
صار اسمه " بربرة .. أو ثرثرة ..!!"**

ليش اراضيها منوّل يوم تزعل
وما آتحمل بس لو لحظة زعل**
وكنت ادللها**
واموت بضحكها
واقول " آسف يا غلاي "
واكتب [ اجمل بيت شعر ] لعينها لين ترضى

وعقب ما ربي جمعنا
من تزاعلني اقول لها
" في بليس .. طقي راسك بالجدار أنتي حي الله بقرة ..!!"

وربي احنا صدق [[ مرضى عشق ]]
واشواق
ومشاعر
وعشقنا من دحدرة في دحدرة

ماعرفنا وش معنى البنت ~
ولا عرفنا قدرها
ولا وفاها بصدرها
وما حكينا عن غلاها
ولا صفاها
ولا هواها
ولا دفاها

بس نتكلم على
ثرثرتها
وبربرتها
وحكيها السامج

ما نخاف الله يعاقبنا وهي
عطر دنيانا وهوانا ~
بدونها تظلم سمانا ... بدرنا في خدها ~
وصبحنا في قدها ~
وشمسنا بكفوفها ~
وربي وردة .. يا عز‘ من شمها ~
وغيمةٍ تمطر حنان .. والحلا في دمها ~
وشكل بسمتها جنان .. والكرز في فمها ~
وخصرها دنيا لحاله .. حظ صدرٍ ضمها ~
وريقها نكهة عسل .. والعطر في كمها ~


وشهي الدنيا اذا مابه بنات ..؟! **

صحراء مافيها ربيع !
وعيون كاسيها الوجل !
و وجيه ما فيها امان !
وطفل يبكي !
وشيخ يشكي !
ودنيا مافيها رفيق !
وصحبة ما فيها وفاء !
وقلوب ما فيها حنان !
وما أحدٍ يرحم احد !

>>>>> ردود الأعضـــــــــــــــــــاء على الموضوع <<<<<
==================================

روووووووووووووووووووووووووووووووعه دوما ياحامد زيد
معني مااحب الشعر ولا اميل له بس اول شاعر تشوقني كلاماته
وصح لسانه

__________________________________________________ __________

https://www.manartsouria.com/up//upl...4ec5012a3d.gif

__________________________________________________ __________

شكرا حبايبي

__________________________________________________ __________

https://uploads.sedty.com/imagehosti...321034086.jpeg

__________________________________________________ __________

مشكوووووووووورة
موضوع رااااااااااااااااااااااااااااااائع
ربي يسعدك..