ياآآآآبووي ليتك حي وتشووف حالي..؟! خاطر جميلة
عنوان الموضوع : ياآآآآبووي ليتك حي وتشووف حالي..؟! خاطر جميلة
مقدم من طرف منتديات نساء الجزائر
ياآآآآبووي ليتك حي وتشووف حالي..؟!
يابوي ليتك حيّ وتشوف حالي !
تشوف وش هو صار من بعد فرقاك؟
صار الوطن بعدك من الناس خالي
صار .. [ الوطن غربه ] بعد ما فقدناك
يابوي أنا بعدّك سهير الليالي
مقهور من دنيّاي منّا .. ومنّاك !
حدتني الدنيا وأنا راس مالي
إني .. عزيز النفس .. مثلك وشرواك
مافيه شيٍ في حياتي صفالي
حتى . الورود . إن جيتها صآرت أشواك
أطيح وآحمولي عليّه إثقالي
وأتخيلك مديت لي كف .. يمناك
بعدّك .. ولآ مره ترى إرتاح بالي
أصفّق على كفي ندم وآتحراك
ومن ضيقتي يا كّم أصّدق خيالي
وأقوم أدوّر عنّك وآقول بـ .. ألقاك
أضيع بالعالم وهمي سؤالي ؟
هو أنت ؟ وينك ؟ ليه ماعاد شفناك ؟
أدري لو إنك حي يا أعز غالي
يمديك .. تفزع قبل .. ماجيك وانخاك !
ويلآه .. ياحالي وماهو جرالي
ويلآه .. ياقلبٍ تعذب في طرياك
ويلآه .. يابويّه من أول وتالي
لا والله .. أول .. كان .. ينجيني إدعاك
واليوم من بعدك وش اللي بقالي ؟
غير إني أدعي ربي يغفر خطاياك
يالله حطّه وسط منزآل عالي
في جنة الفردوس يارب الأفلاك
واغفر ذنوبه ياعزيز الجلآلي
واشرح لي صدرٍ ضاق من جّور دنياك
●•
الله يرحمك يا تاج رآسي ..
لا تنسوونه من دعوااتكم له بالرحمه
>>>>> ردود الأعضـــــــــــــــــــاء على الموضوع <<<<<
==================================
الله يرحمه ويغفرله ويوسع عليه في قبره وجميع موتى المسلمين ويجمعنا بهم بالفردوس الاعلى
__________________________________________________ __________
آآآآآآآآآآآآآآآآآآآآآمين ياقلبي
__________________________________________________ __________
وينكم بناااات ليش مافيه تفاعل
__________________________________________________ __________
الله يرحم امواات المسلمين والمسلمات
اميين يارب
__________________________________________________ __________
الله يرحمه ويصبرك ..
