عنوان الموضوع : فلسطين احبك خاطر جميلة
مقدم من طرف منتديات نساء الجزائر
فلسطين احبك
كنا انا وجدي طالعين على الدكان
نشتري لستي من اللحام لحمة خرفان
ولازم نرجع على البيت قبل الادان
جدي مر من جنب الرمان
مسك حبه وشمها
وقال اااااااخ على هديك الايام
قلتله مالك ياجدي انت تعبان
قلي هدا الجرح من زمان
من لما كنت صغير بعمرك
كان ابوي يأخدني على البستان
كنا نقطف تين ورمان
ناخدهم ونطلع على صخرة سعيدان
نجلس وناكل ليحين موعد ا...لاذان
اخ ياجدي لو تعرف كيف كانت روعة المكان
اخ لو شميت ريحت التراب في المكان
كانت عيون جدي بدمع
وانا الافكار في دماغي بتولع
سألت جدي :
وين هذاك البستان
وليش احنا عايشين بالاجار
وما بتشتي الدنيا غير
بتعبي باب الدار
كنت وافق بكل جديه
وعيوني ما فيها حنيه
وصرت قدام جدي ضحيه
وصار لازم يدافع عن القضيه
تنهد جدي وقال
ضاع منا يا استاذ
في ليله من الليالي السود
ما بتذكر منها غير الجنود
وصوت البارود
اللي يومها سكر الحدود
امي صارت تصرخ
وتحضن اختي ودمع
وترفع ايديها لسما وتقول
يارب ما لنا سواك
يارب احمي حماك
يارب ارضي واولادي
يارب عرضي وامجادي
عليك توكلت وحدك
ومالي حدى بعدك يارب سترك
دخل ابوي وقال
على الملجىء يالله بسرعه
وحنا طالعين من باب الدار
طلعوا علينا الاوغاد
ومسكوا ابوي وجروا
وبنص الساحه حطوا
مسكوا ارجال الحاره كلهم
واح واحد صفوهم
زي طابور المدرسه خلوهم
وبرصاصه وحده صابوهم
واستشهد ابوي والرجال
وصار دمهم بأرض الساحه شلال
وصوت نسوان الحاره بالعالي
وامي واختي زي المجانين
وين نروح وين نيجي مش عارفين
طلع الصبح واجى علينا مندوبين
وبالبدله والجرفته لابسين
قالولنا بدنا نأخدكم مكان
بس الوضع مؤقت ....ها مش اي كلام
تحت الخيمه صفينا
بدون ميه ولا اكل حافين مشينا
ومرت سنه بعد سنه
واحنا تحت الخيمه عايشين
وبعد الله على كروت التموين عايشين
وعلى السكر والرز متهاوشين
بدينا نبني بيوت
وبمحي الاميه نفوت
صار منا الدكتور قبل الوزير
وصار النا مناطق بكل البلاد
سمونا اللاجئين
وبحق العوده مطالبين
واليوم على الاقصى ناوين
يهدوا ويبنوا الهيكل بعديه
ما هو يا ابني
المسلمين مش فاضين
بنور ومهند مشغولين
ولميس طلعت مع مين
ولا تنسى لما الشعوب قامت
وحرب اهليه صارت
12مليون وراء الكره لاحقين
ونحنا ما لنا الا نقول
يارب مالنا سواك
يارب احمي حماك
يارب انصرنا على من عاداك
للامانه منقول...https://said.xplainer.net/images/smilies/rose.gif
https://www.bsmlh.net/vb/image.php?u...ine=1259851250
>>>>> ردود الأعضـــــــــــــــــــاء على الموضوع <<<<<
==================================
https://www7.0zz0.com/2010/03/08/06/950810561.gif
https://www7.0zz0.com/2010/03/08/06/581247944.gif
__________________________________________________ __________
المشاركة الأصلية كتبت بواسطة اغلى الاماني https://said.xplainer.net/sedty/buttons/viewpost.gif
https://www7.0zz0.com/2010/03/08/06/950810561.gif
https://www7.0zz0.com/2010/03/08/06/581247944.gif
بارك الله فيكي
__________________________________________________ __________
تسلم إيدك عالابداع
وبارك الله فيكي حبيبتي رباب
__________________________________________________ __________
روعه سلمت يداك
__________________________________________________ __________
https://gardeniarose.jeeran.com/t1.gif
