حياتكـ أنتـ لونيها بالطاعهـ..
عنوان الموضوع : حياتكـ أنتـ لونيها بالطاعهـ..
مقدم من طرف منتديات نساء الجزائر
حياتكـ أنتـ لونيها بالطاعهـ..
ايام كثيره مضت من حياتنا لكن بدون فايده
نحس الوقت يمشي بسرعه بدون مانحس فيه
الروتين اليومي نفس الشي
امس نفس اليوم وبكره نفس امس وعلى هالحاله
بس لو ملأنا حياتنا بشي يفيدنا شي يخلي حسناتنا تزيد
شي يخلي نفسيتنا تزين ويخلينا دايم فرحانين
صدقوني بنصير اسعد ناس في العالم
مثلا وانت داخله النت حملي لك برنامج اذكار
يطلع لك كل دقيقه مثلا
راح ماتغفلين عن
الذكر وبتكونين مبسووووووووطة
ساعدي المحتاجين
اكفلي يتيم
لو ماتقدري ماليا
تشاركي انتي ومعارفك
اوصديقاتك
وبكذا يكون الأجر اعم وأكثر
وراح تكسبين اجر اكثر منهم تدرين ليه؟؟
لأنك حثيتيهم على هالشي
حافظي على صلاتك حاولي تخشعين قدر الامكان
وابعدي عنك الهواجيس وانتي تصلين
واستشعري انك امام الله
داومي على الذكر دائما وعشان ماتنسى
علقي على باب غرفتك مجموعه اذكار
في الممر في الصاله
في اي مكان في البيت
عشان ماتنسين
واللي حولك بعد ماينسون
واظبي على أذكار الصباح والمساء
فيها راحه نفسيه عجيبه
تبسمي في وجيه الناس فعلى كل ابتسامه تكسبي صدقه
وتفرحي قلوبهم وتخلينهم يحبونك اكثر واكثر
ابعدي عنك الحسد والحقد والغيره
وخلي قلبك ابيض نظيف
ترى الدنيا والله ماتسوى اننا نتزاعل ونغتاب بعض فيها
احرصي على انك تقراي القرآن يوميا
حتى ولو نص وجه خلي قرآنك
جنب السرير قبل ماتنامين
اقرأي لك شوي
حاسبي نفسك
انا اليوم اغتبت؟ جرحت احد ؟ سبيت احد؟
انا اليوم ماجلست مع امي كثير؟ انا اليوم مااستغليت يومي بشي يفيدني؟
حاسبي نفسك قبل لاتنامين
وانتظري بكره يجي عشان تصححين اخطائك
ويكون يومك احلى من الامس
اكثري من الدعاء لأن الدعاء مخ العباده
لاتقطعي الصله بينك وبين ربك
تضرعي له ألجئي له
توكلي عليه
هو اللي يفرج همك ويستجيب دعاك
ويحقق امانيك
ولاتستعجلي في الاجابه
لأن ربي يحب عبده اللحوح في الدعاء
ولاتنسى تدعي لأخوانك المسلمين
من متى ماشفتي قرايبك
من العيد
ترى باقي كم شهر وتكمل السنه ..!!
زوري قرايبك
اطمئني عليهم
اضحكي وسولفي معهم
وقتك
استغليه في شي ينفعك
مثلا اذا كنتوا تجتمعون انتي وقرايبك
شهريا في استراحه دوريه
سووا مسابقه لحفظ القرآن
تنافسوا فيما بينكم
وتدريجيا ان شاء الله
بتحفظونه
كاااااامل
نفعنا الله واياكم
ووفقنا لما يحب ويرضى..
اللهم أغفر لنا ولوالدينا وأجعل أعمالنا وما قدمناه خالصا لوجهك الكريم
أختكم :قنــــــاديل الأمـــــــــــل
>>>>> ردود الأعضـــــــــــــــــــاء على الموضوع <<<<<
==================================
وفقك الله لما يحب ويرضى من القول والعمل
__________________________________________________ __________
الله يعطيج العافية
__________________________________________________ __________
وياكــــــــــــــــــــــــــمـ
آمــــــــــــــــــــيـــــــــــــــــــــــــن. .
نورتو موضوعي ..
__________________________________________________ __________
مشكورة غلاتي
عالطرح الجيد والمميز .. جزاك الله خيراً
وجعله في ميزان حسناتــــــك
وأنتظر منكِ كل جديـــــــد
وتقبلي مني كل إحترام وتقديــــر
__________________________________________________ __________
يسلموووووووووووو على المرور ..
لاخلا ولاعدم أن شاء الله..
