مع الدكتورة حلى جميع مشاكلك بشرتك وجسمك وشعرك -للعناية بالبشرة
عنوان الموضوع : مع الدكتورة حلى جميع مشاكلك بشرتك وجسمك وشعرك -للعناية بالبشرة
مقدم من طرف منتديات نساء الجزائر
مع الدكتورة حلى جميع مشاكلك بشرتك وجسمك وشعرك
السلام عليكم ورحمه الله
ازيكم ياحبايب قلبى
لانى مش ملاحقه بجد ارد عالرسايل هنا ف المنتدى بخصوص مشاكل البشرة والجسم
فقلت الافضل انى اخلى الموضوع ده اسئله واجابااااات بس كل الاسئله اللى جاتلى هكتبها هنا واجاباتى عليها
بالترتيب طبعا بدون اسم العضوه عشان الخصوصيه
وهعملهم بالترتيب بشره وشعر وجسم
نبدأ على بركه الله
اولا مشاكل البشره
س/
بدّي وصفة لتبييض الأسنان ؟؟؟؟؟
ج/هتجيبى معلقتين كربوناتو - معلقتين ملح - معلقتين جنزبيل بودره - معلقه زيت نعناع
واخلطيهم وحطى كل يوم شويه عالفرشاه وادكى اسنانك كويس وشوفى اللؤللؤ لو استمريتى عليها روووووعه
س/ انتى املى الوحيد
فى الدنيا
عاوزة حل فعال واكيد للهالات السودة
ج/شوفى ياجميل علاج الهالات السوداء النهاااااااااائى هو متعب شويه بس نتايجه رهيبه
هتجيبى زيت لوز حلو وليس المر لانه سام وتخلطيه مع زيت جنين القمح
وتدهنى بيه كل يوم تحت العين فى اتجاه دائرى من بره لجوه وتنامى
ويوميا تعملى كمادات شاى دافيه على عنيكى وهى مغمضه او شرايح بطاطس لمده ربع ساعه
وتاخدى كل يوم كبسولعه فيتامين e بنسميه عندنا هرمون الانوثه وهتدعيلى
س/ اذا سمحتي عندي مشكلة ان انفي فيه نقط سودا صغيرة زي مايكون شعر صغير تحت الجلد
ج/
اسمها بثور سوداء ياجميل
اخلطى خل تفاح مع ملح وزيت زيتون وادعكى بيه الانف يوميا فى شهر هتروح باذن الله
س/انااااااااااا
معلش بعد اذنك عايزه حل للاسمرار اللى حولين الفم
ج/ الاسمرار اللى حول الفم
معلقه دقيق ومعلقه ليمون ومعلقه زيت لوز حلو اووووووووو جنين القمح
وتعمليهم عجينه وتفرديهم على المنطقه وتسيبيهم نص ساعه وتعمليها يوميا
س/ بشرتي دهنية وبتطلع حبوب فيديني بالله عليكي
ج/ بالنسبه لبشرتك ياروحى
بياض بيضه - معلقه ليمون - م زبادى
اى ماسك من دول هتحطيه على وشك 30 ساعه مش اكتر وهيكون مرتين فى الاسبوع والنتيجه هايله
س/انا بقى عاوزة حل للحبوب اللي بتظهر في الوجة بس بتبقى بلون البشرة يعني تحسي ان البشرة مش مستوية كده
شكرا يا قمر
ج/ فهمت قصدك
اعملى الماسك ده مرتين بس فى الاسبوع وقوليلى النتيجه
معلقه ليمون-معلقه جلسرين-معلقه لبن-معلقه عسل ابيض-معلقه نشا
س/ عندي اثار حب الشباب في ضهري وكتفي
لو سمحتي عاوزه حل بسرعه عشان فرحي بقيله شهرين
ج/ لعلاج البقع البنيه الناتجه من اثر الحبوب
- 3 ملاعق لوز مطحون.او ارز مطحون - 3 ملاعق زيت لوز- 2 ملعقة عسل
- 2 ملعقة ليمون
هنخلط المكونات وهنحطها على البشره وادعكيها بايدك عشان تشيلى الخلايا الميته من البشره وركزى على اماكن الحبوب وسيبيها نص ساعه وبعدين اغسليه بالميه الدافيه تحفففففففففففه
س/لما بقلع الطرحه الجزء المتغطى بلطرحه ابيض و الى متعرض للشمس مسمر يا رت تلاقيلى حل
ج/ بالنسبه لتوحيد لون الوجه
فتعملى الماسك ده يوم بعد يوم
بعد ماتشربى القهوه هتاخدى البن اللى اتفضل تحت وهتدهنى بيه وشك وتسيبيه لما ينشف وبعد كده تغسليه مره فى مره هتلاقى بشرتك فتحت ونعمت بس عشان تضيعى ريحه البن ادكي وشك بليمونه
س/تفتيح تفتيح تفتيح انجديني جسمي قلب ع الوان رقبتي غير وشي غير كوعي غير ركبتي انا بئيت كوكتيل خطيييييييييييييير ههههههههههههه
ج/اولا لازم تغسلى المنطقه كويس وتطهريها بالديتول وتنشفيها كويس اوى بعد كده هتجيبى نص ليمونه وعليها كربوناتو وتفركى المنطقه كويس اوى وبعدين تحطى الخلطه دى زيت زيتون مع بودره تلك مع مايه ورد بنسب متساويه وسيبيهم ساعه كامله وبعدين خشى خدى شاور والنتيجه بتبان كمان اسبوعين جربوها هتعجبكم
س/
لوسمحتي يعني انا جيت مالمصيف و بشرتي بتولع من كتر السواد
و لغايه دلوقتي بقشر بس في دراعي نفسي ارجع للوني الطبيعي في وشي اهم حاجه و دراعي و رجلي .. حاسه اني مش هرجع للوني بتاع زمان عشان كمان انا مسمره كده كدا مالجامعه و الشمس في العادي .. ربنا يكرمك يا قمر
ج/ طيب شوفى ياجميل
اول حاجه هتجيبى ليفه مغربيه او خشنه شويه وتفركى بيها عالناشف بالراحه
بعد كده تحطى الخلطه دى عالاماكن المسمره مااااااااعدا وشك
زيت زيتون - سكر - بن - ملح حليب وده متوفر ورخيص اوى وتعملى سنفره كويس وتغسلى جسمك
مره فى مره لونك هيرجع زى الاول انشاء الله متقلقيش
وبشرتك تحطيلها الماسك ده
4 معالق دقيق ابيض - معلقتين عسل ابيض - 3 معالق لبن
نخلط كل ده ونحطه ماسك للبشره نص ساعه ومتنسيش الرقبه الماسك ده بيفتح جدا
س/
انا بشرتى كانت فى الاول دهنيه وملمسها ناعم
لكن دلوقتى بقى ملمسها خشن وجافه
وانا كنت فى الاول لون بشرتى بيضه ودلوقتى مع خشونه البشره حاسه انى اسمريت
ممكن تقوليلى اعمل ايه علشان ترجع زى الاول
ج/ شوفى ياحبيبتى الماسك ده مجرباه بنفسى والله بس لازم تداومى عليه
بودره التلك مع مايه الورد ولبن وعسل ابيض وياريت تكون بودره بيبى جونسون واعملى منهم عجينه وحطيهم زى ماسك مرتين فى الاسبوع لمده نص ساعه واى ماسك تفتيح تانى احسنلك متسمعيهوووووووش
س/ الله يكرمك يارب ويبارك فيكي ويسعدك سعادة ما بعدها شقاء أبدا يارب
أنا عروسة وفرحي بعد 7 شهور تقريبا
عندي
- بشرة وجهي / باهتة وتحسيها ما فيها نضارة .
ج/ ربنا يتمملك على خير ياحبيبتى
البشره :
4 معالق دقيق ابيض - معلقتين عسل ابيض - 3 معالق لبن
نخلط كل ده ونحطه ماسك للبشره نص ساعه ومتنسوش الرقبه الماسك ده بيطرى الجلد وتمنع التجاعيد وبيفتح كمان وبيخلى الوجه نضر جداااااا
س/ الكلف من الولاده فى اماكن من الوجه وشكرا لكى على مجهودك وكل سنه وانتى طيبه
ج/ وانتى طيبه ياحبيبتى
علاج الكلف
معلقتين عصير خيار ونص معلقه خل تفاح ومعلقه عسل ابيض ومعلقتين ميه بصل
تحطيهم على وشك ساعه وتعمليه مرتين اسبوعيا
وياريت تعملى الكريم ده وتحطيه فى التلاجه وتدهنى منه قبل النوم
المكونات:4 معالق كبيره من منقوع النعناع - 3 م كبيره زيت جوز الهند- 2 م كبيره زيت زيتون - 1 م كبيره زيت لوز حلو - معلقه عسل نحل
الطريقه:نحضر الاول منقوع النعناع هنحط 4 اعواد نعناع فى فنجان مايه مغليه لمده ساعتين ونصفيه بعدين نحط الزيوت مع العسل عالنار لحد ما تدوب وبعدين نضيف منقوع النعناع على الخليط ونقلب كوووووويس وعالتلاجه
س/
السلام عليكم كل سنه وانتى طيبه
انا بشكرك اووى على مجهودك ده
وانا مشكلتى اللى عملالى حاله نفسيه هيا الحبوب مع انها مش كتيره ولا عميقه اوى بس بتتجمع عندى فى مكان واحد ف دقنى من تحت او ف قورتى كده من بين العين ومن فوق وبتبقى حمرا وملتهبه وفيه ف ظهرى وصدرى من قدام وانا رحت لكذا دكتور لما بقى عندى صيدليه ادوية وكريمات بس مفيش فايده واللى مزعلنى اوى ان بشرتى كانت صافيه ورايقه وحلوه من قبل سنتين كده وللعلم انا بشرتى دهنيه شويه بس مش كتير
وعندى سؤال انتى قولتى فى فى رد او 2 هنا من ضمن الوصفات للحبوب كان فيه زيت زيتون او لوز بس ازاى والزيوت بتزود الحبوب
ج/ وانتى طيبه ياحبيبتى الشكر لله ياقمر
انا بس عاوزه اسالك سؤال كان عندك حب شباب ولا لا
بتعانى من زياده وزن
بتاكلى شيكولاته وسبايسى كتير ولا لا
الحبوب دى ظهرت نتيجه كريم غلط او ماسك غلط
جاوبينى عشان اقدر افيدك
لكن تصحيحا للمعلومع ياجميل ليست كل الزيوت محفزه للحبوب
فى زيوت مهدأه ومنشفه للجروح والحبوب وهى(الزيتون -اللوز الحلو-جنين القمح-البقدونس-البصل )
س/حل لمسام الوش
واثر الحبوب الوصفه اللي حضرتك كاتبها بتاع اللوز او الارز فيها زيت عادي احط زيت والبشره دهنيه
ج/لمسام الوجه
معلقه كبيره دقيق قمح او دقيق ذره - شويه مايه دافيه
هندهن الاول الوش بطبقه زيت زيتون وبعدين نحط الماسك 20 دقيقه ونشطفه بيقفل المسام لحد كبير والله
وحطى زيتعادى فى الوصفه متقلقيش
س/انا انا انا
ممكن وصفه لصفاء البشره لما باجى اغسل وشى بحس بنغابيش كده
حاجات زى حبوب او تعاوير
ربنا يكرمك يارب.
ج/ وصفه لصفاء البشره
قناع الاميرات( وقناعى المفضل )
4 معالق دقيق ابيض - معلقتين عسل ابيض - 3 معالق لبن
نخلط كل ده ونحطه ماسك للبشره نص ساعه ومتنسوش الرقبه الماسك ده بيطرى الجلد وتمنع التجاعيد وبيفتح كمان
س/ انا وشى رفيع فيه حل ولا مفيش
والتقيم ممتاااااااز بجد موضوع راااائع
ج/ فيه طبعااااااااا
قرصين خميره جافه يوميا على غير ريق لمده شهر
+
هنجيب نص معلقه زيت زيتون وربع معلقه جنزبيل بودره وهنخلطهم ونحطهم على بشرتنا 3 مرات فى الاسبوع لمده نص ساعه كل مره والنتيجه بتبان بعد شهر
س/ _وشي دايما اصفر شاحب فى حل ربنا يكرمممممممممك
ج/
4 معالق دقيق ابيض - معلقتين عسل ابيض - 3 معالق لبن
نخلط كل ده ونحطه ماسك للبشره نص ساعه ومتنسوش الرقبه الماسك ده بيطرى الجلد وتمنع التجاعيد وبيفتح كمان
س/صابون فيت بار حلوه؟
لاى بشره يعنى؟
ج/ كويس ياقمر بس دوف الطبى افضل منه كتير
س/ بس بقى انا عايزة صن بلوك يكون ارخص من اللى قولتيلى عليه ممكن معلش تعبتك كتير وكمان حاجة تفتيح للبشرة
ج/ ممكن تستعملى لانكوم او لونا كويسين ياحبيبتى
ووصفه التفتيح
بودره التلك مع مايه الورد واللبن والعسل الابيض وياريت تكون بودره بيبى جونسون واعملى منهم عجينه وحطيهم زى ماسك مرتين فى الاسبوع لمده نص ساعه
س/انا لو سمحت انا خمرية لسه فى ثانوى عايزة بس حاجة مفيدة لبشرتى لانى اول ماحطيت فيرند لافلى حبب وشى بس لحقت الحمد لله ومحطتهوش عايزة خل لبشرتى
ج/ طبعاااااااااا لازم يعمل كده لانه منتج ردىء وانا دايما بحذر منه
ياريت تعملى الكريم ده عندك فى البيت وتحطى منه ياقمر
المكونات:1 م كبيره زيت لوز حلو - 1 م كبيره زيت سمسم -1 م كبيره زيت جوز هند - 4 معالق عصير ليمون - 2 م كبيره بودره تلك
الطريقه : هنسخن الزيوت مع عصير الليمون على نار هادئه ونقلب الخليط لحد ما يبرد
ونضيف عليه بودره التلك ونخلط كووووويس اوى لمده دقيقتين
الكريم ده مغذى جدا للبشره ولازم نحطه على وش نضيف تماما وتسيبيه على وشك اطول فتره ممكنه عشان يعمل مفعوله السحرررررررررررى
س/ بسأل على حاجتين
اولا : الميزوثيرابى و حله فى مشكله نحافة الوجه لأنى كنت عاملة دايت ووجهى خس جدااااا
و هل لازم كل فترة اعمله
و تكلفته تقريباا كم
ثانيا : علاج الهالات السوداء بالليزر هل مجدية فعلا و برده التكلفة و الاثار الجانبية
و شكرا جزيلا
ج/ واللى يقولك على حاجه افضل من الميزوثيرابى
انا بس عاوزاكى تحكمى عقلك ميزوثيرابى يعنى حقن يعنى احط حقنه فى وشى وانفخه تمااااااااااااام
طيب ماهو كأنى بنفخ بلونه وبظاقل تأثير الهوا ده هيروح وهيحصللى تجاعيد فى وشى
يبقى الحل انى الجأ للطبيعه
قرصين خميره جافه على الريق او قبل الفطار بساعه ومتخافيش عمرها ماهتتخنك
هتخلى وشك نضر جدا وتمنع التجاعيد والهالات
بالنسبه للهالاات فدى كذا حد مجربها وشكروا فىالنتيجه والله
زيت جنين القمح مع زيت اللوز الحلو وتدهنى كل يوم قبل النوم وتعملى يوميا
كمادات شرايح بطاطس او شاى دافى اوكى ياقمر
س/ السلام عليكم ازيك ياقمر عامله ايه
انا عايزه وصفه لتفتيح البشره وياريت بمنتجات اشتريها من الصيدليه مش وصفات طبيعيه لاني بزهق منها
ممكن لو تقللنا برنامج يومي نمشي عليه لتنضيف البشره كل يوم يعني نغسل الوش بصبونه ايه وتزاي نقفل المسام ونضف البشره وشكرا ياقمر
ج/ سؤال مهم وشامل بصراحه ركزى معايا ياقمر
الغرض من الوصفات الطبيعيه عدم الاضرار بالبشره انا عارفه ان نتايج المستحضرات
اسرع لكنها ضرر اما الوصفات الطبيعيه ان منفعتش فمش هتضر فهمتينى
عامه فى كريم كويس ممكن تستعملى يااما شيرلى او اكتيف اكس
اما كبرنامج عنايه للبشره فهو من الطبيعى ان البشره تتغسل كل يوم بصابونه طبيه زى دوف
بعدها التونك
ويتعمل ماسك مرتين فى الاسبوع لنضاره البشره من الوصفات الطبيعيه
قبل الميك اب بتجيبى قطنه وتحطى عليها مايه ورد من التلاجه وتمشيها على بشرتك
عشان تقفل المسام فبشرتك متشربش الميك اب فنقلل الضرر
ننضف البشره كويس جدااااااا من الميك اب وبالراحه لان العنف ممكمن يسبب تجاعيد وهالات
س/جزاك الله خير على مجهودك كنت عايزة اعرف نوع بودرة للوجة مش مضرة انا بشرتى مختلطة وكمان نوع واقى للشمس يكون oil free وهل ينفع احط واقى الشمس الاول وفوقة البودر
ج/ وجزاكى مثله ياحبيبتى
بالنسبه لنوع بودره كويس فانا دايما برشح ماكس فاكتور الاصليه و احذرى التقليد لانه مضره جدااااا
الصن بلوك بقى فى ماركات كتير كويسه شرط تكون حمايه 50
وللبشره الدهنيه emulsionو ifluid من ماركات غاليه زى لوريال - لوك
وعادى ممكن تحطى الصن بلوك وتحطى الميك اب عادى
بكده انا خلصت بفضل الله معظم الاسئله اللى جاتلى على البشره
وطبعا لو فى اى اسئله تانى اتفضلوا وانا تحت امركم
والمشاركه الجايه اسئله واجابات الجسم
يارب يقدرنى وافيدكم ولو بدرجه بسيطه
احبكم جميعا فى الله
>>>>> ردود الأعضـــــــــــــــــــاء على الموضوع <<<<<
==================================
ثانيا اسئله واجابات خاصه بالجسم
..س/ الشعر لما بيجى يطلع بيطلع تحت الجلد سواء عملته بسويت او واكس .. الحاجة الوحيدة اللى مش بتطلعه كدة الموس .. وانا مش عايزة استخدمه
الرابعة .. معلش طولت عليكى
ج/ الوصفه لعلاج الشعر اللى تحت الجلد
بالنسبه للموضوع ده فانا هديكم كام وصفه تخلى الشعر يطلع لفوق وتقدره تشيلوه سواء بالسويت او البراون
هتجيبى ملح وترشيه على اى منطقه وتجيبى صابونه بالجلسرين او زيت الزيتون وتحطيها فوق الملح وتدلكى
كويس اوى هتلاقى الشعر طلع لفوق وتقدرى تشيليه ويفضل انك تعمليها قبل السويت بيوم
الوصفه التانيه ممكن تجيبى سكراب او شامبو وترغى بيه كويس المنطقه وبعدين تجيبى الحجر الخفاف
وتدلكى كويس فى اتجاه دائرى بس بالراحه هتلاقى الشعر بدا يطلع لفوق برضه وتقدرى تشيليه بسهوله
وممكن بالتقشير الشعر الصغير يطلع تجيبى معلقتين بن عليهم شويه مايه ومعلقه سكر او ملح وتعملى سنفره
كويس والطريقه دى برضه كويسه اختاروا بقى اللى تحبوه
س/ انا مشعره اووووووووووووووى ساعدينى
ج/ اولا الترمس ودى انا جربتها السنه اللى فاتت وحاليا ممكن اقول مفيش شعر بجد والله
هتجيبى الترمس وتنقعيه فى مايه دافيه طول الليل وبعدين الصبح تصفيه وتحطى ميته فى التلاجه وكل يوم بعد ماتاخدى الشاور تدهنى بيه جسمك لمده شهر واتحداكى لو هتلاقى الشعر زى ماهو هيخف خااااالص
س/ عاوزة حاجة لتوحيد لون الجسم
وبارك الله فيكى
ج/ توحيد لون الجسم فعليكى بالليفه المغربيه دايما
وكل شاور تعملى السنفره دى (سكر بنى مع زيت زيتون ) خطيييييييره
س/ الله يكون فى عونك كانو فى دكاتره عملو مواضيع كدا وطفشو من كتر الاسئله هههههههههههههه
بس بردو انا مستنيه اجابه سؤالى عاوزه ابيض المنطقه الحساسه واخليها قشطه منوره
لانى تعبت فيها اووووووووى
وربنا يقويكى ياقمر
ج/ شكلى هحصلهم ههههههههه
شوفى ياقمر
اولا لازم تغسلى المنطقه كويس وتطهريها بالديتول وتنشفيها كويس اوى بعد كده هتجيبى نص ليمونه وعليها سكر او ملح وتفركى المنطقه كويس اوى وبعدين تحطى الخلطه دى زيت زيتون مع بودره تلك مع مايه ورد بنسب متساويه وسيبيهم ساعه كامله وبعدين خشى خدى شاور والنتيجه بتبان كمان اسبوعين جربوها هتعجبكم
س/ السلام عليكم يا قمر
رمضان كريم
انا عندى مشكلت ضوافرى انى كنت باكل فيها ههههههههه او مازلت بس بحاول امنع الحاجة دية
المهم اما بسبها بتطول وكل حاجة بس فى سواد فى الصابع حوالين الضافر من تحت وكمان عند مفاصل صوابع
اعمل فيهم اية
وسؤال اخير هل صابونة ناترى هتحل قدر كبير من مشاكل البشرة الدهنية وشكرا يا عسل
ج/ وعليكم السلام ياقمر
صوابعك هتعملى الحكايه دى كل يوم
اولا هتدعكيها بالحجر الخفااااااااف ولا غنى عنه
ثانيا هتحطيلها فازلين وليمون وجلسرين وتسيبيهم ساعه وتغسليها يومياااااااا
صابونه ناترى نتايجها كويسه بس بطيئه
اعملى الماسك ده افضل 3 مرات فىالاسبوع
بياض بيضه - معلقه ليمون
س/ السلام عليكم
و كل سنة و انتي طيبة
انا عندي اكتر من سؤال
ياريت تردي علي فاقرب وقت
انا بغصل وجهي بصابونة دوف و في مين قالوللي صابونة نيفيا احلى ايه راي حضرتك؟؟
و انا سمعت هنا عن وصفة اني اخلط ماء مع نشا و بغسل بيهم وشي كل صباح هل دا يتوافق مع البشرة الدهنية؟؟؟
و انا جايبة زيت الثوم عشان تكثيف الشعر فياريت تقوليلي اعملو ازاي؟؟
و عندي سواد فإيدي ياريت تقوليلي على وصفة حلوة و سهلة
و انا عندي كمية من حبة البركة مطحونة فياريت تقوليلي اقدر استغلها ف إيه؟؟
بارك الله فيك و جزاكي الله كل خير يارب
ج/ وانتى طيبه ياحبيبتى
دوف ممتاااااااااااازه وافضل
وصفه النشا فعلا مظبوطه ياحبيبتى بس زودى معلقه كبيره ميه ورد
زيت الثوم هايل بس يتخلط مع زيت خروع وجوز هند ويستخدم كدهان عادى يوم بعد يوم
سواد اليد : سكر مع ليمون وجلسرين وتفركى ايدك كويس وتسيبيها نص ساعه وتغسليها يوميا
اما حبه البركه فكليها افضل مع عسل ابيض هههههههههههه
س/ الله يكرمك يارب ويبارك فيكي ويسعدك سعادة ما بعدها شقاء أبدا يارب
أنا عروسة وفرحي بعد 7 شهور تقريبا
عندي عدة مشاكل :
- بشرة وجهي / باهتة وتحسيها ما فيها نضارة .
- جسمي / عندي غمقان تحت الابط و المناطق الحساسة وبين الأفخاذ .
بعاني من سمار غامق في الاكواع والركب .
- شعري ناعم وطوله لربع ظهري نفسي من هنا للفرح يتقل ويوصل اخر ظهري (( ممكن )) .
- دكتورة أنا بحب اهتم في نفسي .. استعملت حاجات كتير للمناطق الغامقة وبحس ما فيش فايدة
في الفترة الاخيرة حاسة ان الاكواع والركب غمقت كتيييييييير
الجو عندنا جاف جدااا هل هدا سبب من الأسباب ..
ج/ ربنا يتمملك على خير ياحبيبتى
اولا البشره :
4 معالق دقيق ابيض - معلقتين عسل ابيض - 3 معالق لبن
نخلط كل ده ونحطه ماسك للبشره نص ساعه ومتنسوش الرقبه الماسك ده بيطرى الجلد وتمنع التجاعيد وبيفتح كمان وبيخلى الوجه نضر جداااااا
الاماكن الغامقه : اجابتها فى الموضوع انا عدلته ياحبيبتى شوفى المشاركات اللى حطتها
سواد الكوع والركب :
هتخلطى ليمون مع زيت لوز مرررر وجلسرين
مرتين فى اليوم وشهر واحد مش هتلاقى سواد خااااالص
تطويل الشعر بقى الوصفه دى هتخليه يطول جداااااااا بمعدل 4 سم فى الشهر
معلقه كبيره من (زيت زيتون -زيت جوز الهند - زيت الخروع - مايه بصل - زيت سمك (بيتباع فى الصيدليات وهو فيتامين أ والشريط مش غالى تقريبا بجنيه بس
كل ده هيخلط ونخطها عالشعر يوميا لمده ساعه بتطول جداااا
س/ انا مامتى عندها ترهل فى الفخاد ممكن تقوليلى على وصفة لشدها
ج/ حاااااااااضر ياقمر
بصوا بقى يبقى كداب اللى يقولكوا حطوا كريم ايه ووصفه ايه من غير رياضه وخصوصا فى الترهل الكبيييييير هتقولولى وليه الرياضه
هقولكوا مش الترهل ده عباره عن جلد زياده فى الجسم نتج عن نقصان وزن طب مش عشان الجلد الزايد ده يتشد ويختفى مش لازم يتبخر
وعشان يتبخر لازم اداء عضلى وحرق سعرات وعشان ده يحصل لازم الرياضه ثم الرياضه ثم الرياضه ومعلش عارفه انكوا هتتعبوا شويه بس اعتقد نتعب شويه احسن من المنظر اللى بنشوفه وبيخلى نفسيتنا زى الزفت
فلالالالالالالازم يوميا ساعه رياضه مشى الوحيد اللى بيعالج الترهلات بس ايه المشى الجااااااد يعنى لو مشيتى فى الشارع وقابلتك واحده صحبتك ووقفتى وسلمتى عليها يبقى ترجعى ياحلوه زى الشطوره كده وتعيدى الساعه من اولها اتفقنا
فى بقى حاجات بتساعد فى شد الجسم وبتخفف الترهلات جنب الريااااااضه :
الشبه ودى من اهم واول الحاجات اللى بتشد الجسم
معلقه شبه معلقه نشا معلقه زيت زيتون شويه مايه
هنخلطهم ونحطهم على المكان المترهل لحد ماتنشف وبعدين نغسلها
وهنجيب التلج اللى قلتلكوا تعملوه ازاى بس نقول تااااااااااانى
هتجيبى الفورمه بتاع مربعات التلج وتجيبى كوبايه مايه ورد ونص كوبايه خل تفاح ونخلطهم ونصبهم فى قوالب التلج وندخلهم
الفريزر وبعد مانعكل الوصفه دى ونغسلها هناخد مكعب منهم ونمشيه على الجلد لحد التلج مايسيح ويوميا تعملى الحكايه دى وان شاء الله النتيجه هتعجبكوا
وممكن تضاعفى كميه الوصفه دى وتحطيها فى التلاجه وتستخدميها كل يوم عشان متزهقيش يعنى
س/ رمووووووووشى بتقع بطريقه رهيبه ساعدينى يادكتوره بالله عليكى
ج/ هنجيب كوبايه ونحط فيها 5 معالق كبيره مايه ورد ساقعه ونغمض عنينا ونحطها فى الميه دى لمده 3 دقايق لكل
عين بعد كده تجيبى علبه ماسكرا فاضيه وتحطى فيها زيت لوز حلو على زيت زيتون على زيت خروع
وتدهنى دهنه خفيفه على الرموش كل يوم قبل النوم وان شاء الله مش هتقع تانى وهتطول وهتتكثف
س/ انا وشى مليان اوى لدرجه بشعه بصراحه فى حاجه ممكن تخسسه شويه ارجوكى ياقمر ربنا يسعدك
ج/ كلنا بنحب الخدود المليانه بس الحقيقه كترها بيكون وحش لانها بتخفى الملامح ففى وصفه بتخسس الوش شويه ودى للى وشهم مليييييييان اوى اتفقنا
هنجيب نص معلقه زيت زيتون وربع معلقه زيت قرنفل وربع معلقه جنزبيل بودره وهنخلطهم ونحطهم على بشرتنا 3 مرات فى الاسبوع لمده نص ساعه كل مره والنتيجه بتبان بعد شهر
س/ شعر حواجبى بيقع وخفيفه اوى فى اى حاجه تتقلهم وربنا يجازيكى خير ياحبيبتى
ج/ عشان نتقل شعر الحواجب ونطول الرموش هندهنهم بزيت الخروع او اللوز الحلو احلى كمان واحذرى من استعمال اللوز المر لانه زيت سام وجرام واحد منه كافى اوى انه يقتل انسان
س/ معلش يعنى انا تحت الابط اسود اوى ومضايقنى جداا الله يكرمك تساعدينى
ج/ هندعك كل يوم بعد الشاور بنص ليمونه كويس اوى وبعدين نحط الخلطه دى بودره تلك ومايه ورد وسيبيهم نص ساعه وشوفى النتيجه بعد شهر والله تحفففففه
س/ انا عندى ترهلات فظيعه لانى خسيت اوى وبسرعه ياترى ليها حل يادكتوره
ج/ اللى عندها بانيو هتملاه وتحط فيه فنجان نشا وفنجان شبه مطحونه وعصير ليمونتين وهتقعد فيه نص ساعه مرتين فى الاسبوع
واللى معندهاش هتخلط نفس المكونات دى وتحطها عالمكان المترهل كل يوم لمد شهر والله نتيجتا روعه فى الحالتين
س/ انا بقى الخطوط الحمراء مبهدله جسمى كله وجوزى بيقرف منى الله يكرمك تشوفيلى حللللل
وصفه لازاله الخطوط الحمراء والبيضاء
ج/ طبعا معظمكم سمع عن الوصفه دى بس محدش جربها والحقيقه هى الوصفه الاولى ويمكن الوحيده اللى بتقضى على الخطوط وهى :
ربع كيلو لسان البحر وانا اشتريته قبل كده عباره عن اصداف طويله من الجير لونها ابيض والربع كان ب 10 جنيه وهتجيبى لتر خل تفاح
هتطحنى الاول لسان البحر وبعدين تنخليه عشان عاوزينه ناعم وهتضيفى عليه خل التفاح ولازم يكون البرطمان زجاج وكبير لان الخليط هيفور هتسيبيه مقفول لمده 10 ايام هتلاقى لونه بقى ابيض وريحته مش حلوه معلش استحملى
س/ رجلى يادكتوووووره كلها تشققات وكعبى خشن خااااااالص
ج/ صابونه لوكس مبشوره - علبه فازلين - علبه فكس صغيره - علبه معجون اسنان
هتخلطيهم مع بعض وتدهنى بيهم كل يوم كعب رجلك قبل النوم وتلبسى شراب لالالالازم وشوفى الفرق وادعيلى
__________________________________________________ __________
ثالثا اسئله واجابات الشعر
س/ أعانى من سقوط الشعر .. هل الزنك فيه مشكله لو اخدته ؟؟؟
واخده فترة اد ايه .. وشكرا
ج/ الزنك بنديه بس مش فى كل الحالات
الافضللك تاخدى يوميا كبسوله فيتامين e قبل النوم
وعلى الريق تاخدى قرصين خميره جافه من الصيدليه
س/ جزاكي الله خيرا و مبارك عليكي الشهر
ممكن اسالك شعري كان طويل و استغبيت و قصيته و بعد ما قصيته بقي يقع جامد و مقصف من اوله و مدايقني اوي التقصيف
و استغبيت اكتر و قصيته لنفسي مدرج وحاسه اني بهدلته قوليلي اظبط التقصيف ده ازاي و التساقط و لو عايزه اظبطه اسيبه يطول ولا اقصه تاني كاريه عشان يطول بطول واحد
ج/ مبارك علينا جميعا ياقمر بس كتر قص الشعر اكيد هيسبب وقوع وتقصف
سيبى شعرك 4 شهور ياخد دورته الطبيعيه وبعدين تروحى تقصي الاطراف فقط
واعملى الوصفه دى
هتجيبى كوبايه حلبه مطحونه وعليها ربع كوب قرنفل مطحون بودره ونص كوب جنزبيل بودره
وتعجنيهم بزيت الزيتون زى الحنه كده وبعدين تدلكى الفروه كويس اوى وتغطى شعرك بكيسه وتسيبيه 24
ساااااعه متكروتيش لازم يوم كامل وبعدين تغسليه واعمليها 3 مرات فى الاسبوع وانا مش هتكلم عالنتيجه هتدعييييييييييييييييلى
س/ ايوا انااااااااا عندى 20 سنه و شعرى خفيف اوى و بيقع من قدام و فيه شعر ابيض ظهر لى اعمل ايه
ج/ وصفه لاخفاء الشعر الابيض :4 معالق تبغ - 10 معاق كبيره مايه مغليه
هننقع التبغ 30 دقيقه وبعدين هنصفيه ونحطه فى زجاجه
وندهن بيه الشعر الابيض كل يوم لحد مايدينا اللون المطلوب
مرسي ليكي يا قمر وربنا يوفقك ..
انا مشكلتي إني انا كان شعري تقيل جدا لدرجة إني مكنتش بقدر ألمه بكف ايدي .. وعملت ريجيم من سنتين لوحدي ، ونزلت 20 كيلو تقريباً
وشعري نزل مع وزني وبقى ثلاثة أرباع شعري اللي فات ..
نفسي لو شعري يرجع تقيل
انا بنام بحلم بشعري
وجربت الحنة مع السدر والزبادي وزيت الزيتون لمدة شهر بس ، وشفت تحسن بسيييط جدا ورجع تاني دلوقتي يتساقط
يعني بيوقع من جذوره كده حاجه تحزن والله ونفسيتي في الحضيض خصوصاً إني انا لسه بنوته مراهقة وعندي بس 17 سنة ..
وعمالة اعيط كل ما اشوفه في المشط ولا في ايدي لو حبيت ألمسه كده ببساطة ><
ج / اكيد عملتى ريجيم كيميائى وده اللى احنا بنحذر منه عامه ياجميل تابعى الوصفه دى باستمرار والنتيجه هترضيكى جدا ان شاء الله
8 معالق زيت خروع - 8 فصوص ثوم كبيره
هنقشر الثوم ونهرسه كويس اوى وبعدين نحطه عالزيت بعد ماندفيه ونسيبه يتنقع يومين كاملين زبعد كده نصفى الزيت ونستعمله قبل الشاور بساعه هناخد شويه زيت ندلك بيها الجذور كويس ونلفه بفوطه دافيه لمده ساعه وبعد كده نغسله بالشامبو وهنعمله مره كل اسبوع بس تمام
وتعملى الشامبو ده فى البيت وتستعمليه
3 معالق مريميه ناشفه - لتر ونص مايه مغليه - 6 معالق كبيره صابون مبشور - بيضتين
الطريقه : نحط المريميه فى المايه المغليه ونقلبها ونسيبها لمده ساعتين وبعدين نصفى الميه ونحطلها الصابون المبشور ونحط الخليط على نار هاديه ونقلب لحد ما الصابون يدوب وبعدين هنضيف البيض ونقلب برضه بعد كده هنسيبه يرتاح يوم كامل وقبل مانستعمله هنرجه كويس الاول الشامبو ده بيزيل الدهون اللى بتبقى متعلقه فى الشعر وهنستعمله مره اسبوعيا طبعا انتى مش هتعملى شامبو زى اللى بره بس عالاقل مفيش مواد كيماويه مضره تضر شعرك كلها حاجات طبيعيه ومفيده ومغذيه للشعر وهيمنع سقوطه وهيغذيه جداااااااااااا
س/موضوعك راأأأأئع اوى
عايزة اعرف عصير البصل لية فايدة فى انبات الشعر ؟؟؟
ج/اكيييييييييييييد طبعا من الزيوت المحفزه لانتاج البصيله
س/ الحقينى أرجوكى شعرى ناعم قوى بس خفيف جدآ وبتدى يقع ويتأصف وبيقع كتير وبطوله يعنى مش فترة آناجيل ولا حاجة وميرسى المنتدى كله هيبقى عندك دلوقتى ربنا يكون فى عونك
ج/ طب اعملى الوصفه دى وادعيلى ياقمرى
هتجيبى كوبايه حلبه مطحونه وعليها ربع كوب قرنفل مطحون بودره ونص كوب جنزبيل بودره
وتعجنيهم بزيت الزيتون زى الحنه كده وبعدين تدلكى الفروه كويس اوى وتغطى شعرك بكيسه وتسيبيه 24
ساااااعه متكروتيش لازم يوم كامل وبعدين تغسليه واعمليها 3 مرات فى الاسبوع
س/انا مشكلتي اني شعري وحش جدا
ونفسي اصحي من النوم الاقي شعري
مش منكوش
ياريت تفيدينا
وربنا يجازيكي خير
ج/ ويجزاكى مثله ياقمر
اولا تستعملى شامبو بزيت جوز الهند
وتعملى الحمام ده مرتين فى اسبوع
هنحط من المقادير دى كميات متساويه زبادى - عسل - زيت زيتون - مايونيز (اختيارى )
هنخلطهم كويس ونحطهم عالشعر لمده ساعه مرتين فى الاسبوع والله فظييييعه بتخلى الشعر ناعم جدا مع المداومه
انا عايزة حل للشعر الهايش اجبلو كريم اية
واستعمل شامبو وبلسم وحمام كريم نوعو ايييييييية
ج/ هتعملى حمام الكريم ده ياحبيبتى فوق الممتااااااااز
معلقتين زيت سمسم - معلقه صغيره عسل ابيض -بيضه واحده
الطريقه :هنخلط المكونات وندلك الفروه بيهم شويه ونلفه بفوطه دافيه نص ساعه ونغسله بالشامبو كويس
وابعدى عن الكريمات خاااااااللص خليكى فى الزيوت
واستعملى الشامبوهات اللى فيها بيض مع الزيوت ياقمر
س/شعرى بيهيش وبيتقصف مش عارفه استخدم معاه ايه ده حتى الفرد بحس انو مش بيبان فيه ممكن تقوليلى اتعامل معاه ازاى
ولكى جزيل الشكر
ج/ النسبه لشعرك :
معلقتين زيت سمسم - معلقه صغيره عسل ابيض -بيضه واحده
الطريقه :هنخلط المكونات وندلك الفروه بيهم شويه ونلفه بفوطه دافيه نص ساعه ونغسله بالشامبو كويس
س/ ربنا يجزيكى كل خير
بصى يا يستى
انا شعرى هايش وخفيف ومقصف وبيوقع ولونة اغمق من كتر الزيوت
من الاخر شعر معيز
اية اللى حل احلق على الصفر
ج/ هتعملى الوصفه دى ياقمر
بيضه واحده -معلقه زيت خروع -معلقه زيت ذره -معلقه جلسرين -معلقه خل تفاح -كبسوله فيتامين أ او زيت السمك
الطريقه :هنخلط كله مع بعضه وبالنسبه للكبسوله هتجيبى اى ابره وهتخرميها وهتنزلى منها الزيت هى بتبقى نقطه ودى اللى احنا محتاجينها بس اتفقنا وبرضه هندلك كويس ونغطى الشعر ربع ساعه ونغسله بالشامبو بعد كده
على فكره المستحضر ده بينعم جدا الشعر وبيزود كثافته اوى وبيمنع التقصف
س/ تسلمى ياقمر بجد ربنا يكرمك ع تعبك ده
وكل سنه وانتى طيبه ياجميل ربنا يجعلو ف ميزان حسناتك اللهم امين يااااااااااااااارب
سؤالى بقى اناشعرى جاااااااف جدا هو ناعم الحمدلله وكل حاجه بس مشكلته انو جاف يعنى بعد مابغسلو بيبقى كويس مسافه ماينشف بيبقى جاف وبيهيش
طبعا مش معنى كدا ان معنديش مشاكل تانيه لا طبعا بس انا قريت الموضوع صفحه صفحه وكومينت كومينت وده فادنى كتير لان انتى جاوبتى ع معظم اسألتى بجد تسلمى ياقمر
ج/ طيب ياستى هقولك على شامبو تعمليه فى البيت وتستعمليه
قشره ليمونتين -لتر ونص مايه مغليه 6 معالق صابون مبشور وياريت يكون نوع كويس زى لوكس او كامى -معلقتين عصير ليمون -معلقتين كبار خل تفاح او ابيض
الطريقه بقى هنقطع القشر لقطع صغيره او نبشره ونحطه فى المايه المغليه ونقلبه ونسيبه لمده ساعتين وبعدين نصفى الميه ونحطله الصابون المبشور ونحط الخليط على نار هاديه ونقلب لحد ما الصابون يدوب وبعدين هنضيف العصير ونقلب برضه بعد كده هنسيبه يرتاح يوم كامل وقبل مانستعمله هنرجه كويس الاول الشامبو ده بيزيل الدهون اللى بتبقى متعلقه فى الشعر وهنستعمله مره اسبوعيا طبعا انتى مش هتعملى شامبو زى اللى بره بس عالاقل مفيش مواد كيماويه مضره تضر شعرك كلها حاجات طبيعيه ومفيده ومغذيه للشعر
وياريت لو تعملى حمام الكريم ده مرتين اسبوعيا
معلقتين عسل - معلقتين زبادى - بيضه كامله
ومتنسيش تدعيلى ياقمره ههههههههههه
س/ قبل عمل المكواه للشعر احط كريم ولا لاء لانى شعرى بحس انه هايش بعد الكوى
وجزاكى الله خيرا
وربنا يعينك على الاجابه على الاسئله الكتير اللى جاتلك
ج/ قبل الاستشوار او المكواه لازم يكون شعرك مغسول كويس اوى
ومتنشف كويس اوووووووى وخالى تماما من الكريمات او الزيوت
عشان ميقصفش ويقع بعد ماتعمليه حطى براحتك والزيوت افضل من الكريم بالفعل
س/عيزة نوع سيرم كويس لان شعرى بيهيش اوى وناشف
حتى بعد السيشوار بيهيش بسورعة
ج/ طب جربى حمام الكريم ده وادعيلى
بيضه واحده -معلقه زيت خروع -معلقه زيت ذره -معلقه جلسرين -معلقه خل تفاح -كبسوله فيتامين أ او زيت السمك
الطريقه :هنخلط كله مع بعضه وبالنسبه للكبسوله هتجيبى اى ابره وهتخرميها وهتنزلى منها الزيت هى بتبقى نقطه ودى اللى احنا محتاجينها بس اتفقنا وبرضه هندلك كويس ونغطى الشعر ربع ساعه ونغسله بالشامبو بعد كده
على فكره المستحضر ده بينعم جدا الشعر
س/ .. ميرسى .. ميرسي
بالنسبة للسؤال بتاع شعرى .. عشان الوضوء _بمسح على شعرى من قدام _ شعرى ناشف .. عايزة حاجة تخليه طرى ومش يتأثر بالمية بتاعة الوضوء
ج/ اوووووكى فهمتك
هتجيبى معلقه عسل ومعلقه زبادى او مايونيز وصفار بيضه
وتحطيهم على شعرك كله كمان مش شرط قدام بس هيخلى شعرك انعم والمع
وتسيبيهم ساعتين وطبعا تلفيهم بفوطه دافيه وتغسليه اعميه مرتين اسبوعيا
س/ انا شعرى خشن اوى وكان طويل بس قصيتة عند كوافيرة
لما بيتقص بيقع ولا ايه
وحاجة تانية معلش
احسن شا مبو او بلسم او كريم او زيت اى حاجة يعنى لتنعيم الشعر واسفة تانى
ج/ بالعكس القص بيمنع التقصف
والوصفه دى هتنعم شعرك جداااااااا
بلسم للمعان الشعر ونعومته
معلقتين زيت زيتون - معلقه خل تقاح - صفار بيضه
الطريقه :هنخلط ده كله مع بعض وناخد منه وندلك الشعر ونلفه نص ساعه نغسله بالشامبو جمييييييل اوى والله
ميرسى اوى بس ممكن تقوليلى على وصفة لتطويل الشعر وتكون نتيجتها سريعة معلش تعبتك معاية
ج/ هتجيبى الفلفل الللاخضر او الاحمر بس يكون حااااااااااار جدااااااااااااا تقريبا نص كيلو
وتقطعيه قطع صغيره وتحطيه فى برطمان كبير وتصبى عليه حوالى 3 لتر مايه وتسبيهم
يتنقعوا اسبوع كاااااامل وبعد كده تصفيه وتاخدى من الميه يتاعته وتدهنى شعرك كويس وركزى على الفروه وتسيبيه وتغسليه بعد 4 ساعات
معلش هى هتحرق شويه صغيرين بس النتايج فعلاااااااااا رووووووعه بجد شعرك هيطول وفى مده قصيره
وفى وصفه تانيه اهى ياحبيبتى
هتجيبى كوبايه حلبه مطحونه وعليها ربع كوب قرنفل مطحون بودره ونص كوب جنزبيل بودره
وتعجنيهم بزيت الزيتون زى الحنه كده وبعدين تدلكى الفروه كويس اوى وتغطى شعرك بكيسه وتسيبيه 24
ساااااعه متكروتيش لازم يوم كامل وبعدين تغسليه واعمليها 3 مرات فى الاسبوع
س/ عايزه حل برضو لتكثيف الشعر
ج/ تكثيف الشعر
هتجيبى الزيوت دى بالظبط متستبدليش
(زيت خروع - زيت جرجير - زيت توم - زيت جوز هند)
وتحطيهم بنسب متساويه وتعبيهم فى ازازه وكل يوم تدهنى شعرك كويس وركزى عالفروه
وتسرحى كويس ولالالالالالازم تضفرى شعرك حتى لو قصير اتفقنا خطوه مهمه جداااااااااااا
س/ كريم لفرد الشعر ارجووووووووووووووكى
ج/
اما كريم لفرد الشعر فطبعاااااا مش هقولك لانى مش عاوزه اضرك خليكىفى الزيوت دى بالذاااااااات بتفرد اوى
جوز الهند والسمسم والزيتون وادهنى شعرك يوم بعد يوم تحفففففففه
بكده اكون بحمد الله خلصت معظم الاسئله اللى جاتلى عن الشعر.والى يعجبها موضوعى تدعيلى الدعاء دة
اللهم صل وسلم وبارك علي اشرف الخلق سيدنا محمد صلي الله عليه وسلم وعلي
اله وصحبه اجمعين اللهم اااااااااااااااااامين
اللهم يسرلي وعجل لي زواجي عاجلا غير اجلا ياااااااااااااارب وارزق خطيبي من حيث لا يحتسب يااااااااارب واجمعنا علي خير ياااااااااااارب
يااااااااااااااارب يسرلي زواجي انا وكل البنات ياااااااارب
قولواا امييييييييييين
اللهم اكتب لى فى أيامى القريبة القادمة فرحة تغير بها مجرى حياتى للأبد
ياااااااااارب يا رحمن يا رحيم
__________________________________________________ __________
والى يعجبها موضوعى تدعيلى الدعاء دة
اللهم صل وسلم وبارك علي اشرف الخلق سيدنا محمد صلي الله عليه وسلم وعلي
اله وصحبه اجمعين اللهم اااااااااااااااااامين
اللهم يسرلي وعجل لي زواجي عاجلا غير اجلا ياااااااااااااارب وارزق خطيبي من حيث لا يحتسب يااااااااارب واجمعنا علي خير ياااااااااااارب
يااااااااااااااارب يسرلي زواجي انا وكل البنات ياااااااارب
قولواا امييييييييييين
اللهم اكتب لى فى أيامى القريبة القادمة فرحة تغير بها مجرى حياتى للأبد
ياااااااااارب يا رحمن يا رحيم
__________________________________________________ __________
( اللهم أنت ربي لا إله إلا أنت
خلقتني وأنا عبدك وأنا على عهدك ووعدك ما استطعت
أعوذ بك من شر ما صنعت أبوء لك بنعمتك علي وأبوء لك بذنبي فاغفر لي فإنه لا يغفر الذنوب الا انت)
__________________________________________________ __________
لا الة الا اللة محمدا رسول اللة
