*الخلطه الصابونيه....مرررررررررررره روعه بياض × بياض* -بشرة صحية

عنوان الموضوع : *الخلطه الصابونيه....مرررررررررررره روعه بياض × بياض* -بشرة صحية
مقدم من طرف منتديات نساء الجزائر

*الخلطه الصابونيه....مرررررررررررره روعه بياض × بياض*



والله بيـــاض على بياض فضيع للجسم ولون واحد وبدقايق

هلا بالغلا كلة خواتي



بنات هالخلطة تعطيكي بياض على بياض ونظافة حلوه ولون الجسم يصير منور وعجيب وبياض بتشوفينه فوري والله العظيم في دقيقتين بس

وطريقتها سهله وخيال

المكونات بحذافيرها غاليتي
1-صابونه الكركم -وحدة فقط
2-صابونه الغار-وحدة فقط
3-صابونه البابايا فروتي ( 4في 1-وحدة فقط)
4-ماي ورد أوماء زهرعلبه كامله
5-ربع ملعقه كبيره كركم جسم
6-ملعقة كبيره ملح خشن
7-1صابونة الجلسرين من نتروجينا اواي نوع من الجلسرين
8-ملعقة وسط نشا
9 - (6 كبسولات فتامين e الزيتية ) ضروريه في الخلطة لبشرة توب لايعلى عليها والله

الطريقة
والحين نبشر صابونه الكركم وصابون الغار وصابونه البابايا
نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون
نبشرهم ونحطهم في صحن بروحهم راح تصير عندك كميه من الصابون المبشور


نخليهم ونروح نأخذ قدر ضيق اشوي ما يكون كبير ونحط فيه ماي ورد كله و4ملاعق كبار مبشور صابونة الجلسرين وبعدين الكركم مال الجسم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه عجينة لينة ومستساقة


أي والله صدق بيذوب وتتكون عندك الخلطة والحين إذا سخنت الخلطة وبدت تتفرقع اشوي حركيها بعد اشوي وإذا حسيتها اندمجت مع بعضها المكونات وصارت على شكل خلطه وشيليها من النار وحطي ملعقة االنشا على طول وهيا حارة على الخلطة وحركيها عدل

وبعدين تكون الخلطة جاااهزه فرغيها بس في علبه نايلون اللي يكون له غطا وراح اوضحلكم بالصور فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله

طريقة استخدامها:
مع كل استحمام استخدميها اخذي كميه في يدك وفركي فيها جسمك كااامل (ومع الوجه حتى الرقبة والجسم بالكامل خليها عليكي من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو

وبعد الحمام بعد ما تنشفين جسمك دهني جسمك في أي كريم مرطب للجسم عشان تزيد النعومه وترطبين الجسم بعد الصابون
خواتي اضافة كبسولات فتامين e لتنيجة لاتصدق لنضارة البشرة واشراقها غاليتي مثل اضافة 6 كبسولات زيتية من هذا الفتامين لنتيجة اجابية لالاتهاونون في هذا الكبسولة مرة مفيدة للنضارة الخارجية تخلط مع الصوابين بتفريقها من محتواها بس انتبهو ضيفو الكبسولة بعد ماتشيلون المقادير من على النار غاليتي لفائدة افضل ..

https://said.xplainer.net/images/smilies/ANSmile05.gifان شاء الله تنال إعجابكم واتمنى منكم الدعاء لي
بإن ربي يسهل علي ولادتي وأقوم بالسلامهhttps://said.xplainer.net/images/smilies/ANSmile05.gif

>>>>> ردود الأعضـــــــــــــــــــاء على الموضوع <<<<<
==================================

مشششششششكوره بجرب الخلطه وان شالله تنجح معي

__________________________________________________ __________

الله يوفقك ويرزقك

حسبنا الله ,, سيؤتينا الله من فضله ,, إنا إلى الله راغبون ,,

__________________________________________________ __________

يسلموا على الردود وإن شاء الله
تعجبكم

__________________________________________________ __________

مشكووووووووووره حبيبتي

__________________________________________________ __________

العفو أختي هدهوده ومشكوره على مرورك