زيت نوع منه رائع للبشرة والشعر ونوع منه سام احذرى -للعناية بالبشرة
عنوان الموضوع : زيت نوع منه رائع للبشرة والشعر ونوع منه سام احذرى -للعناية بالبشرة
مقدم من طرف منتديات نساء الجزائر
زيت نوع منه رائع للبشرة والشعر ونوع منه سام احذرى
زيت نوع منه رائع للبشرة والشعر ونوع منه سام احذرى
صباح الخير على احلى بنات وستات
هدخل فى الموضوع على طول وباختصار شديد عشان وقتكو الثمين وعشان الكسل انا عارفاكو
كلنا احترنا فى زيت اللوز الحلو والمر مين للشعر ومين للبشرة
انا طول عمرى كنت فاكرة انه الحلو للبشرة والمر للشعر
وبالصدفه البحته اكتشفت انه كل دا وهم!!
ركزى شويه بئة عشان الموضوع فيه افاده ليكى وفيه تحذير
اولا زيت اللوز الحلو
زيت اللوز الحلو هو اللى بيستخلص من اللوز اللى كلنا بناكله
- وهو زيت بيصنف ك fixed oil
يعنى ايه fixed oil : زيت مش بيتبخر سهل الامتصاص وبيستخدم عادة فى المساج وبيسموه زيت حامل لاننا دايما بنحمل عليه زيوت عطريه زى اللافندر او الورد
- بيحتوى على ايه : بروتينات ومعادن وفيتامين D/E وحمض الlinoleic acid
- استخداماته: للشعر والبشرة ايوة هو دا الوهم اللى مكناش فاهمينه زيت اللوز الحلو للبشرة والشعر
يكفيكى عدة نقاط لتدليك فروة الراس فيجعل شعرك لامع وناعم وصحى ويمنع تساقطه
وكمان هو الزيت الوحيد اللى تقدرى تستخدميه كدهان من غير ما يكتم شعرك ويخليه يتنفس عادى
للجسم فهو من اروع الزيوت للمساج لانه فيه ميزة انه الجسم بيمتصه تماما لكن ببطىء يعنى تكونى لحقتى تكملى المساج بتاعك قبل ما جسمك يمتصه
كمان هو من افضل الزيوت للبشرة الحساسه
الطريقه: 4/3 زجاجه زيت لوز حلو و4/1 زجاجة الزيت العطرى اللى هنحمله عليه افضلهم زيت اللافندر طبعا وتنقعى فى الزجاجة ورق نعناع مجفف
واستمتعى بالانتعاش والجسم الناعم والريحه الجميله
ثانيا زيت اللوز المر
يستخلص من اللوز بس مش اللى بناكله دا شكله مختلف بيكون اتخن واقصر وهو من شجرة تانيه خالص
- بيصنف كessential oil
يعنى ايه: يعنى بيستخدم كزيت عطرى وبيتبخر عشان كدا بيتم تحميله على الfixed oil
- بيحتوى على ايه: بيحتوى على انزيم الemulsin الذى فى وجود الماء يتفاعل مع مادة الamygdalin الموجوده بداخله وينتج مادة اسمها الcyanide
يعنى بالبلدى جواه ماده بتتحول لمادة سامه فى وجود الماء مش سامه يعنى شوية ترجيع ووجع بطن لاء دى مادة قاتله مفهاش هزار ومش بس لو اكلتيه دا ممكن يجيلك تسمم منه حتى بالاستنشاق
- يمكن الميزة الوحيدة اللى فيه انه معقم عشان كدا فى ناس بتضيف بعض قطرات من زيت اللوز المر فى البانيو هيقتل البكتيريا دا غير انه مهدىء للاعصاب
بس انا رأيى بلاش منه خالص لا قدر الله تشربى من المايه غصب عنك او تستنشقيه
يعنى اللى تستخدمه تستخدمه بحذر و مش محتاجه اقولك انه ممنوع منعا باتا للاطفال والحامل وكبار السن
على فكرة الاتنين سعرهم واحد تقريبا
زيت اللوز الحلو بيكون مصفر لكن المر بيكون شفاف
*******************************
كدا انا خلصت لو عجبك الموضوع قيميه
>>>>> ردود الأعضـــــــــــــــــــاء على الموضوع <<<<<
==================================
اللهم أعيذ ما في رحمي بكلماتك التامة ومن كل شيطان وهامة ومن كل عين لامه اللهم أسألك أن تحفظه وتجعله معافى كامل الخلقة دون زيادة أو نقصان اللهم حسن خَلقه وخُلقه وسهل حمله ومخرجه واجعله قرة عين لي ولوالده واجعله من عبادك الصالحين اللهم انى استودعك جنينى الذى فى رحمى فرده الى عند مولده مرداً سالماً معافى من كل شر وكل مرض وكل اذى. واجعل له جمال سيدنا يوسف واخلاق سيدنا محمد صلى الله عليه وسلم فإنه لاتضيع ودائعك ولاخاب ولاندم من استودعك.
__________________________________________________ __________
متنسوش التقيييييييييييييييييييييييييييييييييييييييييييييي ييييم ياحلويييييييييييييييييييين
__________________________________________________ __________
اللهم أعيذ ما في رحمي بكلماتك التامة ومن كل شيطان وهامة ومن كل عين لامه اللهم أسألك أن تحفظه وتجعله معافى كامل الخلقة دون زيادة أو نقصان اللهم حسن خَلقه وخُلقه وسهل حمله ومخرجه واجعله قرة عين لي ولوالده واجعله من عبادك الصالحين اللهم انى استودعك جنينى الذى فى رحمى فرده الى عند مولده مرداً سالماً معافى من كل شر وكل مرض وكل اذى. واجعل له جمال سيدنا يوسف واخلاق سيدنا محمد صلى الله عليه وسلم فإنه لاتضيع ودائعك ولاخاب ولاندم من استودعك.ادعولى بظهر الغيب
__________________________________________________ __________
انا تعبت ف الموضوع دة جداااااااااااااااااااااا ارجووووووووو التقيييييييييييييييييييييييييم
__________________________________________________ __________
يعطيك الف عافية ياقمر ع الموضوع القيم والمفيد
ننتظر جديدك
